ଭୁବନେଶ୍ୱର: ଆଜିଠୁ ପୁଣି ତାତିବ ବିଧାନସଭା । ପୁଣି ଗୃହରେ ବହିବ ନବ ହତ୍ୟା ଝଡ଼ । ରାଜ୍ୟ ସରକାରଙ୍କୁ ଶାଣିତ ଆକ୍ରମଣ ପାଇଁ ବିରୋଧୀ ପ୍ରସ୍ତୁତ କରିଛନ୍ତି ଷ୍ଟ୍ରାଟେଜି। ଅନ୍ୟପଟେ ପ୍ରସଙ୍ଗ ଏଡ଼ାଇବାର ବାଟ ଖୋଜୁଛି ବିଜେଡି । ଏହି ଅଧିବେଶନରେ ସରକାରଙ୍କୁ ଘେରିବାକୁ ବଡ ଷ୍ଟ୍ରାଟେଜି ପ୍ରସ୍ତୁତ କରିଛନ୍ତି ବିରୋଧୀ । ନବ ଦାସଙ୍କ ହତ୍ୟାକୁ ୪୪ ଦିନ ପୂରିଥିବା ବେଳେ ଏଯାଏ ହତ୍ୟାର କାରଣ ସ୍ପଷ୍ଟ ହୋଇନାହିଁ । ଯାହାକୁ ନେଇ ବଜେଟ ଅଧିବେଶନ ଆରମ୍ଭରୁ ଗୃହରେ ଲାଗି ରହିଛି ଅଚଳାବସ୍ଥା ।
ଅଧିକ ପଢନ୍ତୁ : ନବ ଝଡ଼ରେ ବିଧାନସଭା ଅଚଳ
ଦୁଇଟି ପର୍ଯ୍ୟାୟ ଅଧିବେଶନରେ ବିରୋଧିଙ୍କ ନବ ହତ୍ୟା ପ୍ରସଙ୍ଗ ସରକାରଙ୍କ ଅକଲଗୁଡୁମ କରିଦେଇଥିଲା। ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବିରେ ଅଟଳ ବିରୋଧୀଙ୍କ ହଙ୍ଗାମା ଯୋଗୁଁ ବାରମ୍ବାର ଗୃହ ମୁଲତବୀ ସହ ଅଚଳାବସ୍ଥା ଜାରି ରହିଥିଲା । ମୁଖ୍ୟମନ୍ତ୍ରୀଙ୍କ ଇସ୍ତଫା ସହ CBI ଓ SIT ତଦନ୍ତ ଦାବିରେ ବଡି ବସିଥିଲେ ବିରୋଧୀ ବିଜେପି ଓ କଂଗ୍ରେସ । ଏଥର ବିରୋଧୀଙ୍କୁ କେମିତି ମୁକାବିଲା କରୁଛି ଶାସକ ଦଳ ବିଜେଡି ତାହା ଉପରେ ନଜର ରହିଛି।
