ଅର୍ଗସ ବ୍ୟୁରୋ : ୧୬ ନମ୍ବର ଜାତୀୟ ରାଜପଥ ସଂପ୍ରସାରଣ କାର୍ଯ୍ୟ ଚାଲୁଥିବା ବେଳେ ବିଭିନ୍ନ ସ୍ଥାନରେ ଖାଲଖମା ଭରି ରହିଛି। ସେଥିପାଇଁ ଅଧିକାଂଶ ସମୟରେ ଛୋଟ ବଡ ଦୂର୍ଘଟଣାମାନ ଘଟୁଛି। ଖଲ୍ଲିକୋଟ ଥାନା ଅନ୍ତର୍ଗତ କେଶପୁର ପେଟ୍ରୋଲ ପମ୍ପ ନିକଟରେ ଦୁଇ ଜଣ ଯୁବକ ଗୋଟିଏ ବାଇକରେ ଆସୁଥିବା ବେଳେ ତାଙ୍କ ବାଇକଟି ଖାଲରେ ପଡିଯାଇଥିଲା। ଫଳରେ ଉଭୟ ଯୁବକ ଗୁରୁତର ଭାବେ ଆହତ ହୋଇଛନ୍ତି।
ସ୍ଥାନୀୟ ଲୋକମାନେ ଅଗ୍ନିଶମ ବାହିନୀକୁ ଖବର ଦେବା ପରେ ଅଗ୍ନିଶମ ବାହିନୀ କର୍ମଚାରୀ ମାନେ ଉଭୟଙ୍କୁ ନିକଟସ୍ଥ ଖଲ୍ଲିକୋଟ ଗୋଷ୍ଠୀ ସ୍ବାମୀ କେନ୍ଦ୍ରକୁ ଚିକିତ୍ସା ପାଇଁ ପହଞ୍ଚାଇଥିଲେ। ଉଭୟଙ୍କ ଅବସ୍ଥା ଗୁରୁତର ଥିବାରୁ ବ୍ରହ୍ମପୁର ପଠାଯାଇଥିବା ସୂଚନା ମିଳିଛି। ଉଭୟ ଯୁବକ ମାନେ ହେଲେ ଓଡ଼ିଆ ଆଲପୁର ପଞ୍ଚାୟତର ଉଫୁଲି ଆଲପୁର ଗ୍ରାମର ତ୍ରିଲୋଚନ ପ୍ରଧାନ ଓ ଅଭିମନ୍ୟୁ ପ୍ରଧାନ।
ଓଡିଶା ଖବର ଆହୁରି ପଢ଼ନ୍ତୁ ।
ଭୁବନେଶ୍ୱର/ନୂଆଦିଲ୍ଲୀ: ସଂସଦରେ ଟଙ୍କା ନେଇ ପ୍ରଶ୍ନ ପଚାରିବା ଭଳି ସଂଗୀନ ମାମଲା। ଟିଏମସି ସାଂସଦ ମହୁଆ ମୈତ୍ରଙ୍କୁ ସଂସଦରୁ ବହିଷ୍କୃତ ହେଲେ। ତାଙ୍କ ସହ ସମ୍ପୃକ୍ତି ନେଇ ଏ ମାମଲାରେ ବିଜେଡି ସାଂସଦ ପିନାକୀ ମିଶ୍ରଙ୍କ ବିରୋଧରେ ମଧ୍ୟ ରହିଛି ସାଂଘାତିକ ଅଭିଯୋଗ। ଏବେ ପିନାକୀଙ୍କ ସମ୍ପୃକ୍ତି ସହ ମନି ଟ୍ରେଲର ତଦନ୍ତ ଏବଂ ମୁଖ୍ୟମନ୍ତ୍ରୀଙ୍କ ସ୍ପଷ୍ଟୀକରଣ ଦାବି କରିଛି ବିଜେପି। ପ୍ରଧାନମନ୍ତ୍ରୀଙ୍କୁ ବଦନାମ କରିବାକୁ ଷଡ଼ଯନ୍ତ୍ର କରିଥିଲେ। ଟଙ୍କା ନେଇ ସଂସଦରେ ପ୍ରଶ୍ନ ପଚାରିଲେ। ଆଉ ଦୋଷୀ ପ୍ରମାଣିତ ହେବା ପରେ ସଭ୍ୟପଦ ହରାଇଲେ। ପ୍ରଶ୍ନ ପାଇଁ ଟଙ୍କା ମାମଲାରେ ଟିଏମସିର ଫାୟାର ବ୍ରାଣ୍ଡ ନେତ୍ରୀ ମହୁଆ ମୈତ୍ର ସଂସଦରୁ ବହିଷ୍କୃତ ହେବା ପରେ ଏବେ ବଢ଼ିବାରେ ଲାଗିଛି ବିଜେଡି ସାଂସଦ ପିନାକୀ ମିଶ୍ରଙ୍କ ଅଡୁଆ।
ଟିଏମସି ସାଂସଦ ଟଙ୍କା ନେବା ମାମଲାରେ ଉଦ୍ୟୋଗପତି ଦର୍ଶନ ହିରାନନ୍ଦାନି ଓ ଆଇନଜୀବୀ ଜୟ ଅନନ୍ତ ଦେହାଦ୍ରାଇ ସିବିଆଇ କୋର୍ଟ ଓ ସଂସଦର ଏଥିକ୍ସ କମିଟିକୁ ଦେଇଥିବା ଦୁଇଟି ଭିନ୍ନ ସତ୍ୟପାଠରେ ମହୁଆଙ୍କ ସହ ଓଡ଼ିଆ ସାଂସଦ ପିନାକୀ ମିଶ୍ରଙ୍କ ସମ୍ପର୍କ ବାବଦରେ ସ୍ପଷ୍ଟ ଭାବେ ଉଲ୍ଲେଖ କରିଛନ୍ତି। ପିନାକୀଙ୍କ ଜରିଆରେ ୨ କୋଟି ଟଙ୍କାର ହାୱଲା ଚ୍ୟାନେଲ୍ କାରବାର ହୋଇଥିବା ଅଭିଯୋଗ ରହିଛି । ଏହାକୁ ନେଇ ପୁଣି ସାଂସଦ ପିନାକୀ ମିଶ୍ର ଓ ତାଙ୍କ ଦଳକୁ ଟାର୍ଗେଟ୍ କରିଛି ବିଜେପି। ମନି ଟ୍ରେଲ ଓ ପିନାକୀଙ୍କ ସମ୍ପୃକ୍ତିର ତଦନ୍ତ ସହ ଏ ମାମଲାରେ ମୁଖ୍ୟମନ୍ତ୍ରୀଙ୍କ ସ୍ପଷ୍ଟୀକରଣ ଦାବି କରିଛି। ମହୁଆ ମୈତ୍ରଙ୍କ ସହ ସମ୍ପୃକ୍ତି ଅଭିଯୋଗର ସତ୍ୟତା ନେଇ ଏଯାଏଁ ସ୍ପଷ୍ଟ ଉତ୍ତର ରଖିନାହାନ୍ତି ପିନାକୀ । ଓଲଟା ପ୍ରେସ୍ ରିଲିଜ ଜାରି କରି ଅଭିଯୋଗ ଆଣୁଥିବା ଲୋକଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନର ଧମକ ଦେଇଥିଲେ । ସେପଟେ ଏଯାଏଁ ଚୁପ୍ ରହିଥିବା ବିଜୁ ଜନତା ଦଳର ମୁଖପାତ୍ର ଏବେ ପିନାକୀଙ୍କ ବିରୋଧରେ ଥିବା ଅଭିଯୋଗକୁ ଖଣ୍ଡନ କରିଛନ୍ତି। 24 ବର୍ଷ ହେଲା ଦୁର୍ନୀତିକୁ ପ୍ରୋତ୍ସାହନ ଦିଏ ନାହିଁ ବୋଲି ପ୍ରଚାର କରିଆସୁଛି ବିଜେଡି । ପିନାକୀଙ୍କ ବିରୋଧରେ ଆସିଥିବା ସଂଗୀନ ଅଭିଯୋଗ ନେଇ ଏଯାଏଁ କାହିଁକି ଚୁପ୍ ରହିଛନ୍ତି ବିଜୁ ଜନତା ଦଳର ମୁଖିଆ ?
ଅଧିକ ପଢନ୍ତୁ ଭାରତ ଖବର
ଭୁବନେଶ୍ୱର: ଖୋଲୁଛି ମଦ ସାମ୍ରାଜ୍ୟର ଗୁମର। ମଦ କମ୍ପାନୀ ମାଲିକଙ୍କ ସହ ମାଳ ମାଳ ବିଜେଡି ନେତା ଓ ମନ୍ତ୍ରୀଙ୍କ ସମ୍ପର୍କର ଖୁଲାସା ହେଉଛି। ଦୀପକ ସାହୁଙ୍କ କମ୍ପାନୀର ଗାଡ଼ି ବ୍ୟବହାର କରୁଥିଲେ ମନ୍ତ୍ରୀ ଟୁକୁନି ସାହୁ। ସେପଟେ ଆଇଟି ରେଡରେ ଜବତ ମଦ ବେପାରୀଙ୍କ ଲାଲ୍ ଡାଏରୀକୁ ନେଇ ବଢୁଛି ଚର୍ଚ୍ଚା। ଚତୁର୍ଥ ଦିନରେ ବି ମାରାଥନ୍ ରେଡ୍। ସୁନ୍ଦରଗଡ, ବଲାଙ୍ଗିର, ଟିଟିଗଡ, ସମ୍ବଲପୁର। ଯେତେ ଖୋଳିଲେ ସେତେ ମିଳୁଛି, ବଢ଼ି ଚାଲିଛି ମଦ ସମ୍ରାଟଙ୍କ ଟଙ୍କାର ପାହାଡ଼ । ୨୫ଟି ମେସିନରେ ଟଙ୍କା ଗଣୁଛନ୍ତି ୫୦ ଜଣ SBI କର୍ମଚାରୀ । ତିନି ଟଙ୍କାରେ ଗଣାରେ ସ୍ଥିତି ଏମିତି ହେଲା ଯେ ମେସିନ୍ ବି ଫେଲ୍ ମାରିଲା । ସେଥିପାଇଁ ହାଇଦ୍ରାବାଦରୁ ଆସିଛନ୍ତି ଟେକ୍ନିସିଆନ୍। ଗତକାଲି ସୁଦପଡ଼ାର ମଦଭାଟି ମ୍ୟାନେଜର ବଣ୍ଟି ସାହୁଙ୍କ ଘରୁ ମିଳିଥିଲା ୨୦ଟି ବ୍ୟାଗ। ଯେଉଁଥିରେ ରହିଛି ୫୦ କୋଟି ଟଙ୍କା ।
ଟିଟିଲାଗଡରୁ୧୧କୋଟି ମିଳିଥିବା ବଳେ ବଲାଙ୍ଗିରରେ ୫୦କୋଟି ଗଣତି ସରିଛି । ବଲାଙ୍ଗିର ସୁଦପଡାର ଦେଶୀ ମଦଭାଟି , ବଣ୍ଟିସାହୁର ଭଡାଘର ସମେତ ଟିଟିଲାଗଡର ସଞ୍ଜୟ ସାହୁ ଓ ଦୀପକ ସାହୁଙ୍କ ଦେଶୀ ମଦଭାଟିରେ ଏବେ ବି ଆୟକର ବିଭାଗର ରେଡ୍ ଚାଲିଛି। ସେହିପରି ସୁନ୍ଦରଗଡର ମଦ ବେପାରୀ ରାଜକିଶୋର ଜୟୱାଲଙ୍କ ରାଣୀବଗିଚା ସ୍ଥିତ ଘର ଏବଂ ଅଫିସରେ ଚାଲିଛି ରେଡ୍। ସମ୍ବଲପୁରରେ ବଡବଜାରର ଦେଶୀ ମଦଭାଟି ଅଫିସରେ ଚାଲିଛି ରେଡ୍। ଏବେସୁଦ୍ଧା ବିଭିନ୍ନ ସ୍ଥାନରୁ ପ୍ରାୟ ୩୦୦ କୋଟିରୁ ଅଧିକ ଟଙ୍କା ମିଳିଥିବା ସୂନଚା। ଶହ ଶହ କୋଟିର ମଦ ଘୋଟାଲାରେ ବିଜେଡି ଲିଙ୍କ୍ ଅଭିଯୋଗ। ମଦ ବେପାରୀ ଦୀପକ ସାହୁ ଓ ମନ୍ତ୍ରୀ ଟୁକୁନି ସାହୁଙ୍କ ମଧ୍ୟରେ ଅର୍ଥନୈତିକ କାରବାର ଆସିଲା ବଡ଼ ଅଭିଯୋଗ। ଦୀପକଙ୍କ କଂପାନି ଗାଡ଼ି ମନ୍ତ୍ରୀ ଟୁକୁନି ସାହୁ ବ୍ୟବହାର କରୁଥିଲା ଚର୍ଚ୍ଚା।
ଅଭିଯୋଗ, ଟୁକୁନିଙ୍କ ସ୍ବର୍ଗତ ସ୍ବାମୀଙ୍କୁ ମିଳିଥିଲା ଏ ଉପହାର। ବଡ ପ୍ରଶ୍ନ, ଉପହାର ପଛର କାରଣ କଣ ? ବିଜେଡିର ଆଉ କେଉଁ ନେତା କେଉଁ ଉପହାର ନେଇଛନ୍ତି କି ? ଶହ ଶହ କୋଟିର ମଦ ଘୋଟାଲାରେ ମନ୍ତ୍ରୀ ନିରଞ୍ଜନ ପୂଜାରୀ, ରାଜେନ୍ଦ୍ର ଢୋଲକିଆଙ୍କ ସମ୍ପୃକ୍ତି ଅଭିଯୋଗ। ସେହିପରି ପ୍ରଦୀପ ଅମାତ , ବିଜେଡ଼ି ନେତା ଯୋଗେଶ ସିଂଙ୍କ ଭଳି ନେତା ସଂପୃକ୍ତି ଅଭିଯୋଗ ଆଣିଛି ବିଜେପି।
ସମ୍ବେଦନଶୀଳ ପ୍ରସଙ୍ଗରେ ମୁହଁ ଏଡାଇ ଚାଲିଯାଇଛନ୍ତି ଅବକାରୀ ମନ୍ତ୍ରୀ ଅଶ୍ବିନୀ ପାତ୍ର । ପୂର୍ବତନ ଆୟକର ଅଧିକାରୀଙ୍କ ମତରେ ଯଦି ଜବତ ଟଙ୍କାର ଉତ୍ସ ବିଷୟରେ ସନ୍ତୋଷ ଜନକ ଉତ୍ତର ନମିଳେ ତେବେ ଜବତ ଟଙ୍କାର 78 ପ୍ରତିଶତ ଟ୍ୟାକ୍ସ ଦେବାକୁ ପଡିବ। ଏବଂ 78 ପ୍ରତିଶତ ଉପରେ ପୁଣି 300 ପ୍ରତିଶତ ପେନାଲଟି ମଧ୍ୟ ଦେବାକୁ ପଡିବ।
ଶହ ଶହ କୋଟିର ମଦ ଘୋଟାଲାରେ ମିଳିଥିବା ଲାଲ୍ ଡାଏରୀ ଉପରେ ସମସ୍ତଙ୍କର ନଜର। ଲାଲ ଡାଏରୀ ଖୋଲିବ କି ମଦ ସାମ୍ରାଜ୍ୟର କଳା ଗୁମର ? ଲାଲ ଡାଏରୀରେ ଲୁଚିଛି କି ବଡ ସତ ? କୋଟି କୋଟି ଟଙ୍କାର ହିସାବ ନିକାସ ରହିଛି କି ଲାଲ ଡାଏରୀରେ ? ବିଜେଡି ଦଳର କେଉଁ ନେତାଙ୍କ ପାଖକୁ ଯାଇଛି କେତେ ଟଙ୍କା ? ନୌକରସାହାଙ୍କ ସୁରକ୍ଷାରେ ଚାଲିଥିଲା କି ଧୀରଜ ସାହୁଙ୍କ ମଦ ସାମ୍ରାଜ୍ୟ ?
ଅଧିକ ପଢନ୍ତୁ ଓଡ଼ିଶା ଖବର
