ରାଜ୍ୟରେ ପିଆଜ ସରଂକ୍ଷଣ ଭିତ୍ତିଭୂମିର ଅଭାବ ଦର ବୃଦ୍ଧି ପାଇଁ ଦାୟୀ !

ଭୁବନେଶ୍ୱର: ପିଆଜକୁ ନେଇ ଶାସକ ବିରୋଧୀ ହେଲେ ମୁହାଁମୁହିଁ । ବର୍ଦ୍ଧିତ ପିଆଜ ପ୍ରାଇସକୁ ନେଇ ରାଜନୈତିକ ଆରୋପ ପ୍ରତ୍ୟାରୋପ ବଢିବାରେ ଲାଗିଛି । ରାଜ୍ୟରେ ଗତ କିଛି ଦିନ ହେବ ପିଆଜର ଅହେତୁକ ଦର ବୃଦ୍ଧି ଜନ ଅସନ୍ତୋଷ ସୃଷ୍ଟି କରିଥିବା ବେଳେ ଏହାର ନିରାକରଣ ଖୋଜି ପାଉନାହାନ୍ତି ସରକାର । ସାଧାରଣତଃ ସବୁ ସମୟରେ ଓଡ଼ିଶା ପିଆଜ ପାଇଁ କର୍ଣ୍ଣାଟକ, ନାସିକ ଓ ପଶ୍ଚିମବଙ୍ଗ ଉପରେ ନିର୍ଭରଶୀଳ ହୋଇ ଆସୁଥିବାରୁ ଏ ସ୍ଥିତି ଆହୁରି ସଙ୍ଗୀନ ହୋଇଛି  । ରାଜ୍ୟରେ ଚାହିଦା ମୁତାବକ ପିଆଜ ଉତ୍ପାଦନ ନ ହେବା ଓ ଆବଶ୍ୟକୀୟ ଶୀତଳ ଭଣ୍ଡାରର ଅଭାବ ପିଆଜ ଦର ବୃଦ୍ଧିର ଅନ୍ୟ କାରଣ ବୋଲି କୁହାଯାଉଛି । ଯାହାକୁ ନେଇ ଆଜି ସରକାରଙ୍କ ଉପରେ ବର୍ଷିଛନ୍ତି ବିରୋଧୀ  । ସେପଟେ ଏହାର ଜବାବ ରଖି ଶାସକ ଦଳ ବିଧାୟକ ପିଆଜର ଦର ବୃଦ୍ଧି ପାଇଁ କେନ୍ଦ୍ର ଉପରେ ପାଲଟା ଦୋଷ ଲଦିଛନ୍ତି  । ଅନ୍ୟପଟେ କିନ୍ତୁ ପିଆଜ ଦର ବୃଦ୍ଧି ଯୋଗୁଁ ଜନତାଙ୍କୁ ହେଉଥିବା ଅସୁବିଧାକୁ ଏଡାଇବା ପାଇଁ ଦିଲ୍ଲୀ ସରକାର ଆଗକୁ ଆସିବା ସହ ପିଆଜ କମ ଦରରେ ଯୋଗାଇ ଦେଇଛନ୍ତି  ।