ଭୁବନେଶ୍ବର : ଡାକ୍ତରଙ୍କ ଚିକିତ୍ସା ଅବହେଳାରୁ ପ୍ରସବ ପରେ ଆଖିବୁଜିଲେ ମହିଳା । ଝିଅକୁ ମାରିଦେଇଥିବା ଅଭିଯୋଗ ରେ ରାତିରେ ଚିକିତ୍ସାରେ ଥିବା ଡାକ୍ତର ଓ ନର୍ସଙ୍କ ନାରେ ଥାନାରେ ମାମଲା ଦେଲେ ପରିବାର ଲୋକେ । ଗତକାଲି ଅନ୍ଧାରୁଆ ର ସୌମ୍ୟ ରଞ୍ଜନ ନାୟକ ସ୍ତ୍ରୀ ସୁଦ୍ଧା ନାୟକ ଦୁଇଟି ଯାଆଁଳା ଶିଶୁ ପୁତ୍ର ଜନ୍ମ ଦେଇଥିଲେ । ୧୫ ତାରିଖରେ ପେଟରେ ଯନ୍ତ୍ରଣା ହେବାରୁ ପରିବାର ଲୋକ ତାଙ୍କୁ କ୍ୟାପିଟାଲ ହସ୍ପିଟାଲ ଆଣିଥିଲେ । ରକ୍ତ ଅଭାବ ଥିବାରୁ ପ୍ରଥମେ ଚିକିତ୍ସା କରିଥିଲେ ଡାକ୍ତର । କାଲି ସକାଳେ ମହିଳା ପୁତ୍ର ସନ୍ତାନ ଜନ୍ମ ଦେଇଥିଲେ । ଜନ୍ମ ପରେ ନବଜାତଙ୍କ ଅଧିକ ଚିକିତ୍ସା ପାଇଁ ଶିଶୁ ବିଭାଗ କୁ ପଠେଇ ଥିଲେ ଡ଼କ୍ଟର।
ଅଧିକ ପଢନ୍ତୁ ଓଡିଶା ଖବର
ପରେ ସୁଦ୍ଧାଙ୍କୁ ଜେନେରାଲ ୱାର୍ଡ ପଠେଇ ଦେଇଥିଲେ । ରାତିରେ ସୁଦ୍ଧାଙ୍କୁ ପ୍ରବଳ କାଶ ଓ ପେଟରେ ଯନ୍ତ୍ରଣା ହେଇଥିଲା ।ତାଙ୍କ ମା ବାରମ୍ବାର ରାତି ଡ୍ୟୁଟିରେ ଥିବା ନର୍ସଙ୍କୁ ଜଣେଇ ଥିଲେ । କିନ୍ତୁ ଡାକ୍ତର ନଥିବା କଥା କହିଥିଲେ ନର୍ସ। ଅଧିକ ଦେହ ଖରାପ୍ ହେବାରୁ ଆଜି ସକାଳେ ସୁଦ୍ଧାଙ୍କୁ ଆଇସିୟୁରେ ଭର୍ତ୍ତି କରଯାଇଥିଲା। ସେଠାରେ ଚିକିତ୍ସାଧିନ ଅବସ୍ଥାରେ ମୁତ୍ୟୁଁ ହେଇଥିଲା । ପରିବାର ଲୋକ ଚିକିତ୍ସା ରେ ଅବହେଳା ପାଇଁ ଝିଅ ଜୀବନ ଯାଇଥିବା କ୍ୟାପିଟାଲ ଥାନାରେ ଅଭିଯୋଗ କରିଛନ୍ତି । ଅଭିଯୋଗ ଆଧାର ତଦନ୍ତ କରୁଛି କ୍ୟାପିଟାଲ ଥାନା ପୋଲିସ ।
ଅର୍ଗସ ବ୍ୟୁରୋ: ଇଏ ରାଜ୍ୟର ଅର୍ଥମନ୍ତ୍ରୀ ନିରଞ୍ଜନ ପୂଜାରୀ। ସୁବର୍ଣ୍ଣପୁର ଜିଲ୍ଲାରୁ ଗତ 25 ବର୍ଷ ଧରି ବିଧାନସଭାକୁ ପ୍ରତିନିଧିତ୍ବ କରିଆସୁଛନ୍ତି। ତିନି ତିନି ଥର ନବୀନ ସରକାରରେ ମନ୍ତ୍ରୀ ବନିଛନ୍ତି। 25 ବର୍ଷରେ ନିଜ ଅଞ୍ଚଳରେ ଗୋଟିଏ ହେଲେ ନୂଆ ଶିଳ୍ପତ ପ୍ରତିଷ୍ଠା କରିପାରିଲେନି। ବରଂ ଜିଲ୍ଲାର ଯେଉଁ ଏକମାତ୍ର ଶିଳ୍ପ ସୋନପୁର ସୂତାକଳ ହଜାର ହଜାର ଲୋକଙ୍କୁ ରୋଜଗାର ଦେଉଥିଲା ତାହା ଏହି ମହାଶୟଙ୍କ ଅମଳରେ ବନ୍ଦ ହୋଇଗଲା। ଶହ ଶହ ଶ୍ରମିକ ରୋଜଗାର ହରାଇଲେ। ହଜାର ହଜାର ଚାଷୀ କପା ବିକ୍ରୀ କରି ନପାରି ଅଭାବୀବିକ୍ରୀର ଶିକାର ହେଲେ। କପା ଚାଷୀଙ୍କର ଏହି ସମସ୍ୟା ନେଇ ମନ୍ତ୍ରୀ ମହାଶୟଙ୍କୁ ପଚାରିବାରୁ ଦେଖନ୍ତୁ କିପରି ମୁହଁବୁଲାଇ ପଲାଉଛନ୍ତି।
ଗତ 25 ତାରିଖରେ ସୋନପୁରକୁ ନିର୍ବାଚନ ପ୍ରଚାରରେ ଆସିଥିବା କେନ୍ଦ୍ରଗୃହମନ୍ତ୍ରୀ ଅମିତ ଶାହ ଟେକ୍ସଟାଇଲ ମିଲ ପ୍ରସଙ୍ଗରେ ବିଜେଡି ସରକାରଙ୍କୁ ଘେରିଥିଲେ। ଆଉ ପ୍ରତିଶ୍ରୁତି ଦେଇଥିଲେ ବିଜେପି ଓଡ଼ିଶାରେ ସରକାର ଗଢିଲେ ସୋନପୁରରେ ପ୍ରତିଷ୍ଠାହେବ ଟେକ୍ସଟାଇଲ୍ ମିଲ। ଏହାପରେ ସ୍ଥାନୀୟ ଲୋକଙ୍କ ମଧ୍ୟରେ ନୂଆ ଆଶା ସଂଚାର ହୋଇଛି।
କେବଳ ସୁବର୍ଣ୍ଣପୁର ନୁହେଁ ପଡ଼ୋଶୀ ବଲାଙ୍ଗୀର ଜିଲ୍ଲାର ପାଟଣାଗଡ଼ ଓ କଣ୍ଟାବାଞ୍ଜି ଅଞ୍ଚଳରେ ମଧ୍ୟ ବ୍ୟାପକ କପା ଚାଷ ହେଉଛି। ଏହି ଅଞ୍ଚଳରେ ଉତ୍ପାଦିତ କପାର ଚାହିଦା ବିଶ୍ୱସ୍ତରୀୟ। ସେଥିପାଇଁ ସ୍ଥାନୀୟ ଲୋକେ ଏହାକୁ ଧଳା ସୁନା ବୋଲି କୁହନ୍ତି। ରାଜ୍ୟ ସରକାରଙ୍କ ତଥ୍ୟ ଅନୁଯାୟୀ ସୁବର୍ଣ୍ଣପୁର ଜିଲ୍ଲାରେ 2023 -2024 ବର୍ଷରେ 62 ହଜାର 300 ହେକ୍ଟର ଜମିରେ କପା ଚାଷ ପାଇଁ ଟାର୍ଗେଟ ଥିବା ବେଳେ 71 ହଜାର ହେକ୍ଟରରେ ଚାଷ ହୋଇଥିଲା। ଅମଳ ହୋଇଥିଲା 8 ଲକ୍ଷ 15 ହଜାର କୁଇଣ୍ଟାଲ କପା। ତେବେ ଏହାର ପରିମାଣ ବେସରକାରୀ ଭାବେ ଢେର ଅଧିକ। କିନ୍ତୁ ଜିଲ୍ଲାରେ କୌଣସି ଶିଳ୍ପ ନଥିବାରୁ ଚାଷୀ ହେଉଛି ଅଭାବୀ ବିକ୍ରିର ଶିକାର। ସୋନପୁରରେ ଟେକ୍ସଟାଇଲ ଶିଳ୍ପର ଆବଶ୍ୟକତା ଥିବା ବେଳେ ରାଜ୍ୟ ସରକାର ଅନ୍ୟ ଜିଲ୍ଲାରେ ଶିଳ୍ପ ପ୍ରତିଷ୍ଠା କରୁଛନ୍ତି। ଏନେଇ ଗତ ଜାନୁଆରୀ 3 ତାରିଖ ଲୋୟାର ସୁକତେଲ ପ୍ରକଳ୍ପ ଉଦଘାଟନ ସମାରୋହରେ ବିଜେପି ବିଧାୟକ ମୁକେଶ ମହାଲିଙ୍ଗ ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ପ୍ରଶ୍ନ ଉଠାଇଥିଲେ।
ସୋନପୁର ବିଧାନସଭା ଆସୁଛି ବଲାଙ୍ଗିର ଲୋକସଭା କ୍ଷେତ୍ର ମଧ୍ୟରେ। ଆଉ ସେହି ବଲାଙ୍ଗିର ଲୋକସଭା କ୍ଷେତ୍ର ଅନ୍ତର୍ଗତ ଆଉ ଏକ ବିଧାନସଭା ଆସନ କଣ୍ଟାବାଞ୍ଜିରୁ ଏଥ ନିର୍ବାଚନ ଲଢିବେ ମୁଖ୍ୟମନ୍ତ୍ରୀ। କପା ଚାଷୀଙ୍କ ସମସ୍ୟା ସମାଧାନରେ ବିଫଳ 25 ବର୍ଷର ସରକାରକୁ ଜବାବ ଦେବକୁ ପ୍ରସ୍ତୁତ ଏହି ଅଞ୍ଚଳର କପାଚାଷୀ।
ଦାଦନ ପ୍ରବଣ ବଲାଙ୍ଗିର ଲୋକସଭା କ୍ଷେତ୍ରର ଲକ୍ଷ ଲକ୍ଷ ଲୋକ ସୁରଟର ଟେକ୍ସଟାଇଲ ମିଲରେ କାମ କରୁଛନ୍ତି। ସେମାନଙ୍କ ପରିଶ୍ରମ ବଳରେ ସମୃଦ୍ଧ ସୁରଟର ବୟନ ଶିଳ୍ପ। ଅର୍ଥତ ଅପାରଗ ଓଡ଼ିଶା ସରକାର 25 ବର୍ଷ କ୍ଷମତାରେ ରହିବା ସତ୍ତ୍ବେ ନିଜ ମାନବ ସମ୍ବଳକୁ ବ୍ୟବହାର କରି ରୋଜଗାର ଭିତ୍ତିକ ଶିଳ୍ପ ପ୍ରତିଷ୍ଠାରେ ବିଫଳ ହୋଇଛନ୍ତି। ଏବେ ସୋନପୁରରେ ଟେକ୍ସଟାଇଲ ମିଲ ସ୍ଥାପନ ନେଇ ଗୃହମନ୍ତ୍ରୀ ଶାହାଙ୍କ ପ୍ରତିଶ୍ରୁତି ପରେ ଏହି ଅଞ୍ଚଳର ଲୋକଙ୍କ ମନରେ ଜାଗିଛି ନୂଆ ଆଶା। ଆଉ 25 ବର୍ଷର ପ୍ରତାରଣାର ଜବାବ ଦେବାକ ସେମାନେ ମନସ୍ଥ କରିସାରିଛନ୍ତି।
ଅଧିକ ପଢ଼ନ୍ତୁ ଓଡିଶା ଖବର:
ନୂଆଦିଲ୍ଲୀ/ଭୁବନେଶ୍ୱର: ଆଉ ପାଞ୍ଚ ଦିନ ପରେ ଓଡ଼ିଶା ଆସୁଛନ୍ତି ପ୍ରଧାନମନ୍ତ୍ରୀ। ମେ 6 ତାରିଖରେ ଦକ୍ଷିଣ ଓଡ଼ିଶାରେ ମୋଦି କରିବେ ପ୍ରଚାର। ବ୍ରହ୍ମପୁର ଓ ନବରଙ୍ଗପୁରରେ ଜନସମାବେଶକୁ କରିବେ ସମ୍ବୋଧନ। ମଇଦାନକୁ ଆସିବା ପୂର୍ବରୁ ମୋଦି ସେଟ୍ କରିସାରିଛନ୍ତି ଏଜେଣ୍ଡା। ଓଡ଼ିଆ ଅସ୍ମିତା ପ୍ରସଙ୍ଗରେ ହେବ ଆଟାକ୍ । ବିଜେଡି ଉପରେ କରିବେ ଜୋରଦାର ଆକ୍ରମଣ। ଅମାପ ସମ୍ପଦ ସତ୍ତ୍ବେ ଓଡ଼ିଶା କାହିଁକି ହୋଇ ରହିଛି ଗରିବଙ୍କ ରାଜ୍ୟ, ସେ ନେଇ ଚିନ୍ତା ପ୍ରକଟ କରିଛନ୍ତି ପ୍ରଧାନମନ୍ତ୍ରୀ । ଏଥର କେବଳ 4 ଶହ ପାର ନୁହେଁ, ଓଡ଼ିଶାରେ ସତ୍ତା ପରିବର୍ତ୍ତନର ଆହ୍ବାନ ଦେବେ ପିଏମ୍ ମୋଦି।
24 ମହାଲଢେଇ ପାଇଁ ଏଜେଣ୍ଡା ସେଟ୍ କରିବା ପରେ ପ୍ରଚାର ପାଇଁ ଓଡ଼ିଶା ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଆସନ୍ତା 6 ତାରିଖରେ ବ୍ରହ୍ମପୁରରେ ଦିନ ୧୦ରେ ଜନସଭାକୁ କରିବେ ସମ୍ବୋଧନ। ପରେ ୧୨ଟା ୩୦ରେ ନବରଙ୍ଗପୁରରେ ସାଧାରଣ ସଭାରେ ଯୋଗ ଦେବେ ପ୍ରଧାନମନ୍ତ୍ରୀ । କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଓ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ଗସ୍ତ ପରେ ଆସୁଛନ୍ତି PM ମୋଦି । ମୋଦିଙ୍କ ଓଡ଼ିଶା ଗସ୍ତ ନେଇ ସୂଚନା ଦେଇଛନ୍ତି ରାଜ୍ୟ ବିଜେପି ଉପସଭାପତି ଗୋଲକ ମହାପାତ୍ର । ପୂର୍ବରୁ ଜାତୀୟ ଗଣମାଧ୍ୟମରେ ସାକ୍ଷାତକାର ବେଳେ ଓଡ଼ିଶା ଲଢେଇ ନେଇ ଏଜେଣ୍ଡା ସ୍ପଷ୍ଟ କରିଥିଲେ ମୋଦି । ଓଡ଼ିଶାର ଭାଷା, ସ୍ବାଭିମାନ, ଗୌରବ ନେଇ ପ୍ରଧାନମନ୍ତ୍ରୀ ଦେଇଥିଲେ ବଡ଼ ବୟାନ। କହିଥିଲେ ସଂକଟରେ ଓଡ଼ିଶାର ଅସ୍ମିତା, ବିପଦରେ ଓଡ଼ିଆ ଭାଷା । ତା ସହିତ ଓଡ଼ିଶାର ଓଡ଼ିଶାର ଦୁଃସ୍ଥିତି ନେଇ ପିଏମ ଚିନ୍ତା ପ୍କକଟ କରିଥିଲେ। ପୂର୍ବରୁ ନପୁର ସଭାରେ ନବୀନ ସରକାରକୁ ଓପାଡି ଫିଙ୍ଗିବାକୁ ଆହ୍ବାନ କରିଥିଲେ ଶାହା।
ବ୍ରହ୍ମପୁର ଆସନ ହେଉଛି ନବୀନ ଓ ପାଣ୍ଡିଆନଙ୍କ ପାଇଁ ସମ୍ମାନର ପ୍ରଶ୍ନ। ଏ ଆସନରୁ ବିଜେପି ପ୍ରାର୍ଥୀ କରିଛି ପ୍ରଦୀପ ପାଣିଗ୍ରାହୀଙ୍କୁ । ପ୍ରଦୀପ ପାଣିଗ୍ରାହୀ ଥିଲେ ମୁଖ୍ୟମନ୍ତ୍ରୀଙ୍କ ପ୍ରତିନିଧି । ଜନବିରୋଧୀ କହି ତାଙ୍କୁ ବିଜେଡି ବହିଷ୍କାର କଲା । ହେଲେ ଭୈରବ କେ ପାଣ୍ଡିଆନଙ୍କୁ କାର୍ତ୍ତିକ କାର୍ତ୍ତିକ ସମ୍ବୋଧନ କରିବାରୁ ପ୍ରଦୀପଙ୍କୁ ଦଳରୁ ବାହାର କରାଯାଇଥିବା ଚର୍ଚ୍ଚା ହୁଏ । ଏବେ ନବୀନଙ୍କ ପାଇଁ ଯେତିକି ନୁହେଁ ତାଠାରୁ ବେଶୀ ପାଣ୍ଡିଆନଙ୍କ ପାଇଁ ବ୍ରହ୍ମପୁର ବେଶୀ ଗୁରୁତ୍ବପୂର୍ଣ୍ଣ। ବ୍ରହ୍ମପୁରରୁ ହିଁ ମୋଦି ଫୁଙ୍କିବେ ବିଜୟର ମନ୍ତ୍ର।
2019 ନିର୍ବାଚନରେ ବିଜେଡିକୁ କଡା ଟକ୍କର ଦେଇଥିଲା ବିଜେପି। ଲୋକସଭାରେ ବିଜେଡି 12 ଆସନ ଜିତିଥିବା ବେଳେ ବିଜେପି ଜିତିଥିଲା 8 ଆସନ। ତେବେ ଭୋଟ ବ୍ୟବଧାନ ଥିଲା ମାତ୍ର 10 ଲକ୍ଷ। ବିଜେଡି 42 ପ୍ରତିଶତ ଭୋଟ ପାଇଥିବା ବେଳେ ବିଜେପି ପାଇଥିଲା 38 ପ୍ରତିଶତ ଭୋଟ, କଂଗ୍ରେସ ହାତକୁ ଯାଇଥିଲା 13.4 ପ୍ରତିଶତ ଭୋଟ । 2024ରେ କଂଗ୍ରେସର ଭୋଟ ପ୍ରତିଶତ କମିପାରେ, ଯାହାର ଫାଇଦା ନେଇପାରେ ବିଜେପି। ଗୋଟେ ପଟେ ମୋଦି ସୁନାମୀ, ଆଉ ସେପଟେ ନବୀନଙ୍କ କମୁଥିବା ଲୋକପ୍ରିୟତା, ତା ଭିତରେ ଦଳର ଅନ୍ତକନ୍ଦଳ, ଯାହା ବିଜେଡିର ଚିନ୍ତା ବଢାଇଛି । ନବୀନଙ୍କ ସରକାର ଓ ଦଳ ଉପରୁ ନିୟନ୍ତ୍ରଣ ଖସୁଥିୁବା ବେଳେ ରିମୋଟ୍ ପାଣ୍ଡିଆନଙ୍କ ହାତରେ।
ଅଧିକ ପଢନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: ପ୍ରଚାରରେ ସିମିତ ବସୁଧା ଯୋଜନା। ହୋଡିଂ ଓ କାନ୍ଥରେ ସିମିତ ବସୁଧା ଯୋଜନା। ଦରଡିପାଳ ଗ୍ରମରେ ଅଚଳ ହୋଇ ପଡ଼ିଥିବା ବସୁଧା ଯୋଜନା ପ୍ରକଳ୍ପର ଦୃଶ୍ୟ। ଘଷିପୁରାର ପୁର୍ବତନ ମନ୍ତ୍ରୀ ବଦ୍ରି ନାରାୟଣ ପାତ୍ର ୨୦୧୩ ମସିହାରେ ମୂଖ୍ୟ ଅତିଥି ଭାବେ ଯୋଗଦେଇ ଏହାକୁ ଉଦ୍ଘାଟନ କରିଥିଲେ। ମତ୍ର ପ୍ରକଳ୍ପ କାର୍ଯ୍ୟକାରୀ ହେବାର ୬ଦିନ ପରେ ପାଇପ୍ ଫଟି ଅଚଳ ହୋଇଗଲା ପ୍ରକଳ୍ପ। ସେବେଠାରୁ ନଈ କୂଳରେ ଚୂଆ କରି ସେହି ପାଣିକୁ ପାନୀୟ ଜଳ ରୂପେ ବ୍ୟବହାର କରୁଛନ୍ତି ଗ୍ରାମବାସୀ।
ନିମ୍ନମାନର କାମ ହୋଇଥିବାରୁ ମାତ୍ର ୬ଦିନରେ ପାଇପ୍ ଫାଟିଗଲା । ସେବେଠୁ ଅଚଳ ହୋଇ ପଡ଼ିରହିଲା ପ୍ରକଳ୍ପ। ଏନେଇ ଅନେକ ଅଭିଯୋଗ ହୋଇଥିଲେ ମଧ୍ୟ କିଛି ଲାଭ ନ ମିଳିବାରୁ ବାଧ୍ୟ ହୋଇ ନଈରେ ଚୁଆ ଖୋଳି, ସେହି ପାଣିକୁ ପାନୀୟ ଜଳ ରୂପ ବ୍ୟବହାର କରୁଛନ୍ତି ଅଞ୍ଚଳବାସୀ। ଏପଟେ ଅଚଳ ପ୍ରକଳ୍ପକୁ 5t ରଙ୍ଗରେ ରଙ୍ଗେଇ ଠିକାଦାର ଅର୍ଥ ଆତ୍ମସାଦ କରିଥିବା ଅଭିଯୋଗ ହୋଇଛି।
କେବଳ ଦରଡିପାଳ ଗ୍ରାମରେ ନୁହେଁ ବରଂ ରାଜ୍ୟର ଅନେକ ସ୍ଥାନରେ ଏଭଳି ବସୁଧା ଯୋଜନାର ପ୍ରକଳ୍ପ ଅଚଳ ଅବସ୍ଥାରେ ଥିବା ଦେଖିବା ପାଇଁ ମିଳୁଛି। କେଉଁଠି ବସୁଧା ଯୋଜନା ପହଞ୍ଚି ପାରିନି ତ କେଉଁଠି ପ୍ରକଳ୍ପ ହୋଇଛି ମାତ୍ର ପାଣି ଯୋଗେଇ ହେଉନି। ଏମିତରେ ବସୁଧା ଯୋଜନାର କାର୍ଯ୍ୟକାରିତା ଉପରେ ପ୍ରଶ୍ନବାଚୀ ଶୃଷ୍ଟି ହୋଇଛି।
ଅଧିକ ପଢ଼ନ୍ତୁ ଓଡିଶା ଖବର:
