ସସ୍ମିତ ପାତ୍ରଙ୍କ ମନ୍ତବ୍ୟକୁ କଡା ନିନ୍ଦା କଲେ ଲେଖାଶ୍ରୀ

ସେ କହିଛନ୍ତି ଯେ, ଶନିବାର ଭୁବନେଶ୍ବରରେ ଆୟୋଜିତ ସାମ୍ବାଦିକ ସମ୍ମିଳନୀରେ ରାଜ୍ୟ ସରକାରଙ୍କ ବିଫଳତା କଥା ପ୍ରଭାରୀ କହିଥିଲେ। ଏହାର ଜବାବରେ କିନ୍ତୁ ବିଜେଡି ତାଙ୍କୁ ମିଛୁଆ ବୋଲି କହିଛି । ଏହା ପ୍ରମାଣିତ କରୁଛି ବିଜେଡି ପାଖରେ ସାମାନ୍ୟ ସୌଜନ୍ୟତା ନାହିଁ । ଏହା ପ୍ରମାଣିତ କରୁଛି ବିଜେଡି ନେତା ମାନେ ମିଛ କହୁଛନ୍ତି । ପ୍ରଧାନମନ୍ତ୍ରୀ ଆବାସ ଯୋଜନାରେ ପ୍ରଭାରୀ ତଥ୍ୟ ରଖିଥିଲେ ତାହା ସରକାରୀ ଡାଟା । ତେବେ ଏହା ମିଛ ହେଲା କେମିତି । ଆୟୁଷ୍ମନ ଯୋଜନା କାହିଁକି ଲାଗୁ କରି ନାହାନ୍ତି ରାଜ୍ୟ ସରକାର। ଲୋକେ ଏବେବି ପାଣି ପାଇବାରୁ ବଞ୍ଚିତ ନୁହଁନ୍ତି କି ? ମହିଳା ନିର୍ଯ୍ୟାତନା ଓ ଶିଶୁ ନିଖୋଜ ଘଟଣା କଣ ମିଛ କି ବୋଲି ପ୍ରଶ୍ନ କରିଛନ୍ତି ଲେଖାଶ୍ରୀ । ବିଜେଡି  ନେତା ମାନେ ବିଧାନସଭା ଗୃହରେ ଓ ବାହାରେ ମିଛ କହୁଛନ୍ତି । ତେଣୁ ବ୍ୟକ୍ତିଗତ ଆରୋପ , ଶସ୍ତା ଶବ୍ଦ ବିଜେଡି ନେତା ବ୍ୟବହାର କରୁଛନ୍ତି ବୋଲି ସେ କହିଛନ୍ତି।