'No Chance,' Says BCCI Source on Team India's Participation for Asia Cup 2023 in Pakistan

ଏସିଆ ବିଶ୍ୱ କପରେ ଭାଗନେବନି ଭାରତୀୟ ଦଳ

by Banajyotshna Ray

'No Chance,' Says BCCI Source on Team India's Participation for Asia Cup 2023 in Pakistan

ଅର୍ଗସ ବ୍ୟୁରୋ: ପାକିସ୍ତାନରେ କ୍ରିକେଟ୍ ପ୍ରତିଯୋଗିତା ଆୟୋଜନ କରିବା ନେଇ ସୁରକ୍ଷା ପ୍ରସଙ୍ଗ ଉପରେ ରହିଛି ପ୍ରଶ୍ନବାଚୀ । ପାକିସ୍ତାନରେ ଆୟୋଜିତ ହେବାକୁଥିବା ଏସିଆ ବିଶ୍ୱ କପରେ ଭାଗନେବନି ଭାରତୀୟ ଦଳ । ଏହିପରି ଚରମ ନିଷ୍ପତ୍ତି ନେଇଛି ବିସିସିଆଇ । ପାକିସ୍ତାନ କ୍ରିକେଟ୍ ବୋର୍ଡ ଅଧକ୍ଷ ନଜମ ସେଠୀଙ୍କ ପକ୍ଷରୁ ଡକାଯାଇଥିବା ଏସୀୟ କ୍ରିକେଟ ପରିଷଦ ବୈଠକରେ ଯୋଗଦେବା ପୂର୍ବରୁ ନିଜ ଆଭିମୁଖ ସ୍ପଷ୍ଟ କରିଛନ୍ତି ବିସିସିଆଇ ସଂପାଦକ ଜୟ ଶାହା । ଏହି ଏସିସି ବୈଠକରେ ଏସିଆ କପ ଆୟୋଜନ ଅଧିକାର ଭାଗ ନିର୍ଣ୍ଣୟ ହେବ ।

ତେବେ ସେପ୍ଟେମ୍ବରରେ ପାକିସ୍ତାନରେ ଏସିଆ କପ ଆୟୋଜନର ତିଳେ ହେଲେ ସମ୍ଭାବନା ନାହିଁ । ବଂର ପାକିସ୍ତାନ ଏସିଆ କପ୍ ର ଆୟୋଜକ ରହିପାରେ କିନ୍ତୁ ପ୍ରତିଯୋଗିତା ୟୁଏଇକୁ ସ୍ଥାନାନ୍ତର ହେବ । ଏହା ନହେଲେ ଶ୍ରୀଲଙ୍କାକୁ ଆୟୋଜନ ଅଧିକାରର ବିକଳ୍ପ ବି ରହିଛି । ଅନ୍ୟ ପଟେ ଭାରତ ସରକାରଙ୍କ ଠାରୁ ପାକିସ୍ତାନ ଯାତ୍ରା ପାଇଁ ମିଳିନି ଗ୍ରିନ ସିଙ୍ଗନାଲ । ତେଣୁ ପାକିସ୍ତାନରେ ଏସିଆ ବିଶ୍ଵକପ ହେବାର ସମ୍ଭାବନା ନାହିଁ । ଉଭୟ ଦେଶ ଭିତରେ କୂଟନୈତିକ ସଂପର୍କ ଭଲ ନଥିବାରୁ ଭାରତୀୟ ଦଳ ପାକିସ୍ତାନ ଗସ୍ତ କରିବା ଅସମ୍ଭବ । ପୁଣି ପେଶୱାରରେ ବୋମା ବିସ୍ପରଣ ଘଟଣା ପାକିସ୍ତାନରେ କ୍ରିକେଟ୍ ପ୍ରତିଯୋଗିତା ଆୟୋଜନ କରିବା ନେଇ ପ୍ରଶ୍ନବାଚୀ ସୃଷ୍ଟି କରିଛି ।