ନୂଆଦିଲ୍ଲୀ : ମଝି ସମୁନ୍ଦ୍ରରେ ଜାହାଜରେ ଚାଲିଥିବା ଡ୍ରଗ୍ସ ପାର୍ଟି ମାମଲାରେ ଗିରଫ ହୋଇଛନ୍ତି ଅଭିନେତା ଶାହରୁଖ୍ ଖାନଙ୍କ ପୁଅ ଆର୍ଯ୍ୟନ୍ ଖାନ୍ । ଏନସିବି ତାଙ୍କୁ ଗିରଫ କରି ପଚରାଉଚୁରା କରୁଛି । ପଚରାଉଚୁରା ବେଳେ, ଭାଙ୍ଗି ପଡିଛନ୍ତି ଆର୍ଯ୍ୟନ୍ । ଆଖିରୁ ତାଙ୍କର ବୋହି ଚାଲିଛି ଧାର ଧାର ଲୁହ ।
ଏନସିବି ସୂତ୍ର ଅନୁଯାୟୀ, ଶାହରୁଖ୍ ଖାନ ତାଙ୍କ ପୁଅ ଆର୍ଯ୍ୟନ୍ ଖାନଙ୍କ ସହ ଫୋନରେ କଥା ହୋଇଛନ୍ତି । ଆର୍ଯ୍ୟନଙ୍କ ଗିରଫଦାରୀ ପରେ, ଆଇନଗତ ପ୍ରକ୍ରିୟାରେ ଏନସିବି ତାଙ୍କର ଲ୍ୟାଣ୍ଡଲାଇନ ଫୋନରୁ ଆର୍ଯ୍ୟନଙ୍କୁ ତାଙ୍କ ବାପାଙ୍କ ସହ ମାତ୍ର ୨ ମିନିଟ କଥା ହେବାକୁ ଦେଇଥିଲେ । ଏହାପରେ ପୁଣି ତାଙ୍କର ପଚରାଉଚୁରା ଜାରି ରହିଛି ।
ତେବେ ଏନସିବିର ପଚରାଉଚୁରା ପରେ ଜଣା ପଡିଛି ଯେ, ଆର୍ଯ୍ୟନ ପାଖାପାଖି ୪ ବର୍ଷ ଧରି ଡ୍ରଗ୍ସ ସେବନ କରୁଛନ୍ତି । କେବଳ ଭାରତ ନୁହେଁ , ଭାରତ ବାହାରେ ମଧ୍ୟ ସେ ଡ୍ରଗ୍ସ ସେବନ କରିଛନ୍ତି । ଆର୍ଯ୍ୟନ୍ ସହ ଧରାପଡିଥିବା ତାଙ୍କ ବନ୍ଧୁ, ଅରବାଜ୍ ପ୍ରାୟ ୧୫ ବର୍ଷ ଧରି ସାଙ୍ଗ ହୋଇଥିଲେ ।
ଅର୍ଗସ ବ୍ୟୁରୋ : ନୟାଗଡ଼ ଜିଲ୍ଲା ଚାନ୍ଦପୁର ଥାନା ଅଧୀନସ୍ଥ ଓସ୍ତପଡା ଗ୍ରାମ କାଜୁ ଜଙ୍ଗଲରେ ଚାଲିଥିଲା ଜୁଆ ଆଡ୍ଡା । ବିଶେଷ ସୂତ୍ରରୁ ଖବର ପାଇ ଚାନ୍ଦପୁର ପୋଲିସ ଚଢ଼ାଉ କରି ୩ ଜଣ ଜୁଆଡିଙ୍କୁ ଗିରଫ କରିବା ସହିତ ଜୁଆ ଖେଳରେ ବ୍ୟବହୃତ ସାମଗ୍ରୀ ଜବତ କରିଛି । ଘୁଡୁଘୁଡ଼ିଆ ପାଲି- ଗୋଟି, ୬ ଟି ମୋଟର ସାଇକେଲ, ୩ ଟି ମୋବାଇଲ ଏବଂ ନଗଦ ୩୫ ହଜାର ୬୭୦ ଟଙ୍କା ଜବତ କରିଛି ଚାନ୍ଦପୁର ପୋଲିସ ।
ଅଧିକ ପଢନ୍ତୁ ଓଡ଼ିଶା ଖବର
ଗିରଫ ଅଭିଯୁକ୍ତ ମାନେ ହେଲେ ଖୋର୍ଦ୍ଧା ଅଞ୍ଚଳର ପଲାହାଟ ଗ୍ରାମର ଉଚ୍ଚବ ପ୍ରଧାନ, ଭୁଷଣ୍ଡପୁର ଗ୍ରାମ ଉରୁମୁଖି ସାହିର ବ୍ରଜ ବେହେରା ଓ ନୟାଗଡ଼ ଜିଲ୍ଲା ଚାନ୍ଦପୁର ଥାନା ଅଧିନସ୍ଥ କନ୍ଧନୟାଗଡ଼ ଗ୍ରାମର ଗଣେଶ ବେହେରା । ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି ବୋଲି ଚାନ୍ଦପୁର ଥାନା ଅଧିକାରୀ ଜଗଦୀଶ କର ସୂଚନା ଦେଇଛନ୍ତି
ଅର୍ଗସ ବ୍ୟୁରୋ : ମାହାଙ୍ଗା ଡବଲ ମର୍ଡର ମାମଲାରେ କୋର୍ଟଙ୍କ ନିର୍ଦେଶରେ ଦଫା ୩୦୨ ଲାଗିବା ପରେ ହତାସ ହୋଇପଡ଼ିଛନ୍ତି ପ୍ରତାପ ଜେନା । କୋର୍ଟଙ୍କ ନିର୍ଦ୍ଦେଶ ପଛରେ ରାଜନୈତିକ ଚକ୍ରାନ୍ତ ଥିବା କହିଛନ୍ତି ବିଜେଡିର ପାୱାରଫୁଲ ପ୍ରତାପ । ସେ ନିର୍ଦ୍ଦୋଶ ତାଙ୍କୁ ଚକ୍ରାନ୍ତ କରି ଫସାଯାଇଥିବା ସଫେଇ ଦେଇଛନ୍ତି ପ୍ରତାପ ଜେନା ।
ଅଧିକ ପଢନ୍ତୁ : ବିଜେଡି ବିଧାୟକ ପ୍ରତାପ ଜେନାଙ୍କ ବିରୋଧରେ ବଡ଼ ପ୍ରମାଣ
ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ନାଁରେ ଲାଗିଛି 302, 120 ବି ଓ 506 । ଦଫା ୩୦୨ ଲାଗିବା ପରେ ଗିରଫ ନେଇ ପ୍ରତାପଙ୍କ ମନରେ ପଶିଛି କି ଛନକା ? ସେଥିପାଇଁ ହତାସ ହୋଇ ଦେଇଛନ୍ତି କି ଏପରି ବୟାନ ?
