ଚର୍ଚ୍ଚାରେ ପ୍ରିୟଙ୍କାଙ୍କ ୪ ଲକ୍ଷ ଟଙ୍କାର ଡ୍ରେସ୍

by Bismita Dash

ନୂଆଦିଲ୍ଲୀ : ଦେଶରୁ ବିଦେଶ ଯାଏଁ ସବୁଠି ପରିଚିତ ଅଭିନେତ୍ରୀ ପ୍ରିୟଙ୍କା ଚୋପ୍ରା । ସେ ସବୁବେଳେ ତାଙ୍କ ଅଭିନୟ, ଲୁକ୍ ଓ ତାଙ୍କ ଆଉଟଫିଟକୁ ନେଇ ବେଶ ଚର୍ଚ୍ଚାରେ ରୁହନ୍ତି । ନିକଟରେ ପ୍ରିୟଙ୍କା ଚୋପ୍ରା ଏକ ହଳଦିଆ ରଙ୍ଗର ଡ୍ରେସ୍ ପିନ୍ଧି ଫଟୋ ସେୟାର କରିଛନ୍ତି । ଏହି ଫଟୋ ସହିତ ପ୍ରିୟଙ୍କା କ୍ୟାପସନରେ ଲେଖିଛନ୍ତି ଯେ, ‘ଇନ୍ ଦିନୋ ସୁରଜ୍ କି କିରଣ କୁଛ୍ ଅଲଗ୍ ହି ଅସର୍ ଦିଖା ରହି ହେ’ ।

ପ୍ରିୟଙ୍କା ଏହି ହଳଦିଆ ରଙ୍ଗର ଡ୍ରେସରେ ବହୁତ୍ ସୁନ୍ଦର ଦେଖା ଯାଉଛନ୍ତି । ତାଙ୍କର ଏହି ଫଟୋକୁ ଦର୍ଶକ ମଧ୍ୟ ବେଶ ପସନ୍ଦ କରୁଛନ୍ତି । କେବଳ ଏତିକି ନୁହେଁ , ଏବେ ଏହି ଡ୍ରେସ୍‌କୁ ନେଇ ବେଶ ଚର୍ଚ୍ଚା ଲାଗି ରହିଛି । Emilio Pucci's RTW (Ready-To-Wear) Resort 2021 କଲେକ୍ସନର ଏହି ଡ୍ରେସ୍ ପିନ୍ଧି ପ୍ରିୟଙ୍କା ଚୋପ୍ରା ଲଣ୍ଡନ ସ୍ଥିତ ଘରେ ଏହି ଫଟୋ କ୍ଲିକ୍ କରାଇଛନ୍ତି । ସବୁଠାରୁ ଆଶ୍ଚର୍ଯ୍ୟକର କଥା ହେଲା ଏହି ଡ୍ରେସର ମୂଲ୍ୟ ରହିଛି ୪,୪୬,୩୪୬ ଟଙ୍କା ।

ଘର ଭାଙ୍ଗି ସମ୍ପତ୍ତି ଲୁଟିନେଲେ ଭଣ୍ଡ ବାବା ଓ ମାତା

by Smruti Parija

fake-baba-and-mata-looted-in-a-house-at-bhubaneswar

ଭୁବନେଶ୍ୱର: ଭଣ୍ଡ ତ୍ରିକାଳ ଦର୍ଷୀ ବାବା ଓ ମାତାଙ୍କ କଳା କାରନାମା । ଘର ଭାଙ୍ଗିଲେ ସମ୍ପତ୍ତି ଲୁଟିନେଲେ । ମହିଳାଙ୍କ ଅଭିଯୋଗ ପରେ କାର୍ଯ୍ୟାନୁଷ୍ଠାନ ନେଲା ପୋଲିସ । ପୂର୍ବରୁ ସ୍ୱାମୀକୁ ଗିରଫ କରିଥିଲା ଏବେ ସ୍ତ୍ରୀକୁ ଗିରଫ କରି କୋର୍ଟ ଚାଲାଣ କଲା ପୋଲିସ ।

ଅଭିଯୋଗ ଅନୁସାରେ ଘରର ସମସ୍ୟା ଦୂର ପାଇଁ ନିଜକୁ ମାତା ବୋଲାଉଥିବା ରିନି ନାମକ ଜଣେ ମହିଳାଙ୍କୁ ଭେଟିଥିଲେ ଅଭିଯୋଗକାରୀ । ବିଭିନ୍ନ କଥା କହି ଅଭିଯୋଗକାରୀ ମହିଳାଙ୍କ ମନରେ ବିଶ୍ୱାସ ଜନ୍ମାଇଥିଲେ ମାତା ରିନି । ଏପରିକି ପୂଜା କଲେ ସମସ୍ୟାର ସମାଧାନ ହେବ ତାହାର ବାଟ ବତାଇ 5 ଲକ୍ଷ ଟଙ୍କା ନେଇ ଯାଇଥିଲେ ।

ପରେ ମହିଳାଙ୍କୁ କିଛି ସୁଫଳ ନମିଳିବାରୁ ଠକେଇ ନେଇ ବଡଗଡ ଥାନାରେ ଅଭିଯୋଗ କରିଥିଲେ । ପୋଲିସ ରିନି ସାହୁଙ୍କୁ ଗିରଫ କରି କୋର୍ଟ ଚାଲାଣ କରିଛି । ଏବେ ଖୋଜା ଚାଲିଛି ପବନରେ ହୁକୁମ ଦେଉଥିବା ବାବା କେଉଁଠି ।

ଆହୁରି ପଢନ୍ତୁ ଅପରାଧ ଖବର...

ବାଇକ ସହିତ ନିଆଁରେ ଜଳିଗଲା ଦୁଇ ବଖରା ଘର

by Swayangprajna Mishra

ଭଦ୍ରକ : ଚାନ୍ଦବାଲି ବ୍ଲକ ଜଳଧରପୁର ଗ୍ରାମରେ ନିଆଁ ଲାଗି ଏକ ବାଇକ,ଦୁଇ ବଖରା ଘର ସହିତ ଲକ୍ଷାଧିକ ଟଙ୍କାର ଆସବାପତ୍ର ପୋଡି ଯାଇଥିବା ଦେଖିବାକୁ ମିଳିଛି। ତେବେ ସୂଚନା ଅନୁଯାୟୀ ଗତକାଲି ସନ୍ଧ୍ୟା ସମୟରେ ଜଳଧରପୁର ଗ୍ରାମର ଜଗନ୍ନାଥ ନାୟକଙ୍କ ଘରେ ଇଲେଟ୍ରିକ ସଟ୍ ସର୍କିଟ୍ କାରଣରୁ ନିଆଁ ଲାଗିଯାଇଥିଲା । ପରେ ନିଆଁ ଅଧିକ ବ୍ୟାପିବା କାରଣରୁ ଘରେ ଥିବା ଏକ ଗ୍ଲାମର ବାଇକରେ ମଧ୍ୟ ନିଆଁ ଲାଗିଯାଇଥିଲ ।

ଅଧିକ ପଢନ୍ତୁ : ୨ ଗୁରୁତରଙ୍କୁ କଟକ ଏସସିବିକୁ ସ୍ଥାନାନ୍ତର,୩ ଆହତ

ଯାହା ଫଳରେ ବାଇକ ଟାଙ୍କି ଫାଟିବାରୁ ନିଆଁଟି ସଙ୍ଗେ ସଙ୍ଗେ ଚାରିଆଡକୁ ବ୍ୟାପିଯାଇଥିଲା । ଯାହା ଫଳରେ ଘରେ ଥିବା ସୁନା ଅଳଙ୍କାର ଓ ଟଙ୍କା ପଇସା ସହିତ ଅତି ଆବଶ୍ୟକ କାଗଜପତ୍ର ପୋଡି ପାଉଁଶ ହୋଇଯାଇଥିବା ଅଭିଯୋଗ ହୋଇଛି। ତେବେ ଖବର ପାଇ ଚାନ୍ଦବାଲି ଦମକଳ ବିଭାଗ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିବା ଜଣାପଡ଼ିଛି।

ସାଧା ଟେବୁଲରେ ଆମିଷ ଖାଇବାକୁ ଜିଦ୍, ଛାତ୍ରଙ୍କୁ 10 ହଜାର ଜରିମାନା

by Smruti Parija

Separate veg, non-veg plates split IIT Bombay-student-fined-ten-thausand-rupees

ଅର୍ଗସ ବ୍ୟୁରୋ: ଭାରତୀୟ ପ୍ରାଦ୍ୟୋଗିକ ସଂସ୍ଥାନ (ଆଇଆଇଟି) ବମ୍ବେ କର୍ତ୍ତୃପକ୍ଷଙ୍କ ଏକ ଅଭିନବ କାର୍ଯ୍ୟାନୁଷ୍ଠାନ ଏବେ ଚର୍ଚ୍ଚାକୁ ଆସିଛି । ଏହାର ଖାଦ୍ୟ ନୀତି ପରିବର୍ତ୍ତନ ପାଇଁ ଦାବି କରୁଥିବା ଛାତ୍ରଙ୍କ ଉପରେ କର୍ତ୍ତୃପକ୍ଷ 10 ହଜାର ଟଙ୍କା ଜରିମାନା ଲଗାଇଛନ୍ତି । ଆଇଆଇଟି ବମ୍ବେ ଛାତ୍ରାବାସ ମେସ୍ ରେ ନିରାମିଷ ଖାଇବା ପାଇଁ ଭିନ୍ନ ଟେବୁଲ ରହିଛି । ଏହି ଟେବୁଲରେ ଆମିଷ ଖାଇବାକୁ ଜିଦ୍ ରେ ବିକ୍ଷୋଭ ପ୍ରଦର୍ଶନ କରିଥିବା ଛାତ୍ରଙ୍କୁ ଜୋରିମାନା କରାଯାଇଛି ।

ସୂଚନାନୁଯାୟୀ, ଗତ ସପ୍ତାହରେ ମେସ୍ ପରିଚାଳକ ଛାତ୍ରାବାସ 12, 13, 14ର ମେସ୍ ରେ 6ଟି ଟେବୁଲ କେବଳ ସାକାହାରୀଙ୍କ ପାଇଁ ସଂରକ୍ଷିତ ରଖିଥିଲେ । ଏହି ନିଷ୍ପତ୍ତି ପ୍ରତିବାଦରେ କିଛି ଛାତ୍ର ନିରବ ଶୋଭାଯାତ୍ରା କରିଥିଲେ । ସେମାନେ ଏଭଳି ଟେବୁଲ ବିଭାଜନକୁ ବିରୋଧ କରିବା ସହ ସମ୍ପୃକ୍ତ ଟେବୁଲ୍ ରେ ସାଦା ସହିତ ଆମିଷ ଖାଇବାକୁ ଦାବି କରିଥିଲେ ।

ଏହାର ତଦନ୍ତ ବେଳେ କିଛି ଛାତ୍ର ଛାତ୍ରାବାସ ପରିବେଶ ନଷ୍ଟ କରୁଥିବା ଜଣାପଡିଥିଲା । ଏଭଳି ମାମଲାରେ ଚିହ୍ନଟ ଜଣେ ଛାତ୍ରଙ୍କୁ ମେସ୍ କାଉନସିଲ୍ 10 ହଜାର ଟହ୍କା ଜୋରିମାନା କରିଥିବାବେଳେ ଅ୍ୟ ଦୁଇ ଜଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ । ଛାତ୍ରବାସ ଓ ମେସ୍ ର ନିୟମ ମାନି ଚଳିବାକୁ ଛାତ୍ରଛାତ୍ରୀଙ୍କୁ ତାଗିଦ କରାଯାଇଥିବା ପରିଚାଳକ କହିଛନ୍ତି ।