ସପୁରୀ ମାଛ ତରକାରୀ

ସପୁରୀ ମାଛ ତରକାରୀ

by Bismita Dash

ଆବଶ୍ୟକ ସାମଗ୍ରୀ-

ମାଛ, କଂଚା ସପୁରୀ, ଲୁଣ, ଚିନି, ହଳଦୀ ପାଉଡର, ଲଙ୍କା ପାଉଡର, ଧନିଆ ପାଉଡର, ଟମାଟୋ, କଂଚା ଲଙ୍କା, ପିଆଜ, ରସୁଣ, ଧନିଆ ପତ୍ର , ତେଲ, ଜିରା, ଗରମ ମସଲା ।

ପ୍ରସ୍ତୁତି ପ୍ରଣାଳୀ-

ପ୍ରଥମେ ମାଛକୁ ଧୋଇ ସେଥିରେ ତେଲ, ଲୁଣ, ହଳଦୀ ପାଉଡର ପକାଇ ଗୋଳାଇ ରଖିବେ । ଏହାପରେ ଗ୍ୟାସରେ କଡେଇ ବସେଇ ତେଲ ପକାଇବେ । ତେଲ ଗରମ ହେବାପରେ ସେଥିରେ ମାଛକୁ ପକାଇ ଫ୍ରାଏ କରି ରଖିବେ । ଏହାପରେ ପୁଣି ଥରେ ଗ୍ୟାସରେ କଡେଇ ବସେଇ ତେଲ ପକାଇବେ । ତେଲ ଗରମ ହେବାପରେ ସେଥିରେ, ଜିରା, କଂଚା ଲଙ୍କା, ରସୁଣ ଛେଚା ପକାଇ ଫ୍ରାଏ କରିବେ । ଏହାପରେ ସେଥିରେ କଟା ପିଆଜ ପକାଇ ଫ୍ରାଏ କରିବେ । ପିଆଜ ଫ୍ରାଏ ହୋଇ ଆସିଲେ , ସେଥିରେ କଟା ଟମାଟୋ ପକାଇ ମିକ୍ସ କରିବେ । ଟମାଟୋ ମେଲ୍ଟ ହୋଇ ଆସିଲେ ସେଥିରେ, କଂଚା ସପୁରୀକୁ ଛୋଟ ଛୋଟ କାଟି ପକାଇବେ । ଏହାପରେ ସେଥିରେ ଅଳ୍ପ ଚିନି, ଆବଶ୍ୟକ ଅନୁଯାୟୀ ଲୁଣ ପକାଇ ସପୁରୀକୁ ସିଝିବାକୁ ଛାଡିବେ । ସପୁରୀ ସିଝି ଆସିଲେ ସେଥିରେ, ଲଙ୍କା ପାଉଡର, ହଳଦୀ ପାଉଡର, ଧନିଆ ପାଉଡର, ଗରମ ମସଲା ପକାଇ ମିକ୍ସ କରିବେ । ଏହାପରେ ସେଥିରେ ଭାଜି ରଖିଥିବା ମାଛ ପକାଇ ଗୋଳାଇବେ । ତାପରେ ସେଥିରେ ଆବଶ୍ୟକ ଅନୁଯାୟୀ ପାଣି ଢାଳି ଭଲଭାବେ ଫୁଟିବାକୁ ଛାଡିବେ । ତାପରେ ଗ୍ୟାସ ବନ୍ଦ କରି, ତା ଉପରେ କିଛି କଟା ଧନିଆ ପତ୍ର ପକାଇବେ । ପ୍ରସ୍ତୁତ ହୋଇଗଲା ସପୁରୀ ମାଛ ତରକାରୀ । ଏବେ ଏହାର ମଜା ନେଇ ପାରିବେ ।

ବଢ଼ିବାରେ ଲାଗିଛି ହୀରାକୁଦ ଜଳଭଣ୍ଡାରର ଜଳସ୍ତର

by Banajyotshna Ray

ଅର୍ଗସ ବ୍ୟୁରୋ: ବଢ଼ିବାରେ ଲାଗିଛି ହୀରାକୁଦ ଜଳଭଣ୍ଡାରର ଜଳସ୍ଥର । ଖୋଲିଲା ହୀରାକୁଦ ଡ୍ୟାମ୍‌ର ଆଉ ୩ଟି ଗେଟ୍‌ । ମୋଟ ୧୦ଟି ଗେଟ୍‌ ଦେଇ ଚାଲିଛି ଜଳ ନିଷ୍କାସନ । ବାମ ପାର୍ଶ୍ବରେ ୭ ଓ ଡାହାଣ ପାର୍ଶ୍ବରେ ୩ ଗେଟ୍ ଦେଇ ଜଳ ନିଷ୍କାସିତ କରାଯାଉଛି । ବର୍ତ୍ତମାନ ହୀରାକୁଦ ଜଳଭଣ୍ଡାରର ଜଳସ୍ଥର ୬୨୯.୬୫ ଫୁଟ ରହିଛି। ପ୍ରତିସେକେଣ୍ଡରେ ୧ ଲକ୍ଷ ୧୬ ହଜାର ୦୮୮ କ୍ୟୁସେକ ଜଳ ପ୍ରବେଶ କରୁଥିବା ବେଳେ ୧ ଲକ୍ଷ ୫୪ ହଜାର ୨୦୭ କ୍ୟୁସେକ ଜଳ ନିଷ୍କାସନ ହେଉଛି। ଆଗକୁ ଜଳସ୍ଥର ବଢିଲେ ଆଉ ଗେଟ ଖୋଲାଯିବା ବୋଲି କୁହାଯାଇଛି ।

ଅଧିକ ପଢ଼ନ୍ତୁ ଓଡିଶା ଖବର:

ନରକଙ୍କାଳ ଠାବ କଲା ପୋଲିସ

by Manini Pattanayak

Police found a male skeleton in the Nilgiri Tuta of Nirgundi village Barbakhra area of Bishmaktak police station.

ରାୟଗଡା: ବିଷମକଟକ ଥାନା ନିରଗୁଣ୍ଡି ଗ୍ରାମ ବାରବଖରା ଅଞ୍ଚଳର ନିଳଗିରି ତୁଟାରେ ଏକ ନର କଙ୍କାଳ ଠାବ କରିଛି ପୋଲିସ l ଏହି ନରକଙ୍କାଳ ନିରଗୁଣ୍ଡି ଗ୍ରାମର ସ୍ବାମ ମାଣ୍ଡିକାର ବୋଲି ପରିବାର ପକ୍ଷରୁ ଜଣାପଡିଛି l ତେବେ ସ୍ବାମ ମାଣ୍ଡିକା ବହୁଦିନ ହେବ ମାନସିକ ଅବସ୍ଥାରେ ଗାଁ ଗାଁ ବୁଲି ରହୁଥିଲା

l ଦିର୍ଘଦିନ ଧରି ନିଜଗ୍ରାମକୁ ଆଉ ଫେରିନଥିବାରୁ ପରିବାର ଲୋକେ ବହୁତ ଖୋଜାଖୋଜି କରିବାପରେ ଗତକାଲି ସନ୍ଧ୍ୟା ସମୟରେ ନିଳଗିରି ତୁଟାରେ ଏକ ନରକଙ୍କାଳ ଦେଖି ସ୍ବାମ ମାଣ୍ଡିକାର ବୋଲି ଜାଣିବାକୁ ପାଇ ଏହାର ଉପଯୁକ୍ତ ତଦନ୍ତ କରିବାପାଇଁ ବିଷମକଟକ ଥାନାରେ ଲିଖିତ ଅଭିଯୋଗ କରିଥିଲେ l ଆଜି ଘେଟଣାସ୍ଥଳରେ ପୋଲିସ ପହଞ୍ଚି ନର କଙ୍କାଳକୁ ଦେଖିବାପରେ ସାଇଣ୍ଟଫିକ୍ ଟିମ୍ କୁ ଖବର ଦେଇ ଘଟଣା ସ୍ଥଳରେ ଅଧିକ ତଦନ୍ତ ଜାରି ରଖିଛି l ତେବେ ଯୁବକଙ୍କ ମୃତ୍ୟୁକୁ ନେଇ ଅଞ୍ଚଳରେ ନାନା ସନ୍ଧେହ ଜାରି ରହିଛି l
ଅଧିକ ପଢନ୍ତୁ ଓଡ଼ିଶା ଖବର

ତୃଣମୂଳସ୍ତରର ଲୋକମାନେ ଏକାଠି ହେବା ଏକ ଗୌରବର ବିଷୟ: ମୋଦି

by Banajyotshna Ray

PM Modi launches 'Sankalp Saptaah' in Delhi

ଅର୍ଗସ ବ୍ୟୁରୋ: ଆଜି ପ୍ରଧାନମନ୍ତ୍ରୀ ମୋଦି ଦିଲ୍ଲୀର ଭାରତ ମଣ୍ଡପମ୍ ଠାରେ ସଂକଳ୍ପ ସପ୍ତାହର ଶୁଭାରମ୍ଭ କରିଛନ୍ତି। ଏହି କାର୍ଯକ୍ରମରେ ଦେଶର ବିଭିନ୍ନ ରାଜ୍ୟ ର ଅନେକ ଜିଲ୍ଳାର ସ୍ଥାନୀୟ କଳାକାର ଏବଂ ସାମାଜିକ କାର୍ଯ୍ୟରେ ଜଡିତ ବ୍ୟକ୍ତି ଏକତ୍ରିତ ହୋଇଥିଲେ। ଯେଉଁ ସ୍ଥାନରେ ବିଶ୍ୱସ୍ତରୀୟ କାର୍ଯ୍ୟକ୍ରମର ଆୟୋଜନ କରାଯାଉଛି ଏବଂ ବିଶ୍ୱ ନେତା ମାନେ ଯୋଗ ଦେଉଛନ୍ତି।

ସେହି ସ୍ଥାନରେ ତୃଣମୂଳ ସ୍ତରର ଲୋକମାନେ ଏକାଠି ହେବା ଏକ ଗୈାରବର ବିଷୟ ବୋଲି କହିଛନ୍ତି ପ୍ରଧାନମନ୍ତ୍ରୀ। ଦେଶର ଏହି ସ୍ତରର ଲୋକମାନଙ୍କର ଦେଶ ଗଠନ ଦିଗରେ ଭାଗିଦାରୀକୁ ସୁଦୃଢ କରିବା କେନ୍ଦ୍ର ସରକାରଙ୍କ ଲକ୍ଷ୍ୟ ରହିଛି ବୋଲି କହିଛନ୍ତି ପ୍ରଧାନମନ୍ତ୍ରୀ। ସଂକଳ୍ପ ସପ୍ତାହ ରେ ଭାରତ ମଣ୍ଡପମରେ ବଡ ପ୍ରଦର୍ଶନୀର ଆୟୋଜନ କରାଯାଇଥିଲା।

ଅଧିକ ପଢ଼ନ୍ତୁ ଦେଶ ଖବର:

Download Argus News App

ସପୁରୀ ମାଛ ତରକାରୀ

Download Mobile App