ଅନନ୍ତନାଗରେ 3 ଆତଙ୍କୀ ନିପାତ

by Rasmita Pradhan

ଅର୍ଗସ ବ୍ୟୁରୋ : ଜାମ୍ମୁ କାଶ୍ମୀରର ଅନନ୍ତନାଗରେ ସୁରକ୍ଷାବାହିନୀ ଗୁଳିରେ 3 ଜଣ ଆତଙ୍କବାଦୀ ନିପାତ ହୋଇଛନ୍ତି। ସେମାନଙ୍କ ନିକଟରୁ ଏକେ-47 ରାଇଫଲ ଏବଂ 2ଟି ପିସ୍ତଲ ଜବତ ହୋଇଛି। ତେବେ ଉକ୍ତ ଅଞ୍ଚଳରେ ଏବେ ସୁରକ୍ଷାବାହିନୀ ପକ୍ଷରୁ ସର୍ଚ୍ଚ ଅପରେଶନ ଜାରି ରହିଛି।

ସୂଚନାନୁଯାୟୀ, ଅନନ୍ତନାଗର ଖୁଲଚୋହର ଅଞ୍ଚଳରେ କିଛି ଆତଙ୍କବାଦୀ ଲୁଚିଥିବା ଗୁଇନ୍ଦା ବିଭାଗ ପକ୍ଷରୁ ଖବର ମିଳିଥିଲା। ଏହାପରେ ରବିବାର ରାତ୍ର ୧୧ଟାରେ ସୁରକ୍ଷାକର୍ମୀ ଏଠାରେ ଘେରାବନ୍ଦୀ ଆରମ୍ଭ କରିଥିଲେ। ଆତଙ୍କବାଦୀଙ୍କୁ ଆତ୍ମସମର୍ପଣ ପାଇଁ ସତର୍କ ସୂଚନା ଜାରି କରାଯାଇଥିଲା। ତେବେ ସେମାନେ ପ୍ରଥମେ ସୁରକ୍ଷାକର୍ମୀଙ୍କ ଉପରକୁ ଗୁଳିଚାଳନା କରିଥିଲେ। ଏହା ଜବାବରେ ସୁରକ୍ଷାକର୍ମୀଙ୍କ ପକ୍ଷରୁ ସୋମବାର ଭୋର୍‌ ୪ଟା ସମୟରେ ପାଲଟା ଆକ୍ରମଣ ଆରମ୍ଭ ହୋଇଥିଲା। ଆତଙ୍କବାଦୀଙ୍କଠାରୁ ଏକେ-୪୭ ଏବଂ ୨ ପିସ୍ତଲ ଜବତ ହୋଇଥିବା କଶ୍ମୀର ଜୋନ୍‌ ପୋଲିସ କହିଛି।

ଆମ ପରିବାର ନଷ୍ଟ କରିଦେଲେ ରାଜ୍ୟ ସରକାର

by Manini Pattanayak

Request the state government to close the liquor shops as soon as possible or else we will block the roads and set them on fire.

କେନ୍ଦ୍ରାପଡା: ମଦ ଦୋକାନ କରୁଛି ଅସ୍ଥିର। ଆମ ପିଲାମାନେ ସ୍କୁଲ ନ ଯାଇ ମଦ ବୋତଲ ଗୋଟାଉଛନ୍ତି। ଦରକାର ପଡିଲେ ଛୋଟ ପିଲା ଆଗକୁ ମଦ ମଧ୍ୟ ପିଇବାକୁ ପଛାଇବେନି। ଯେଉଁମାନେ ଚୋରା ମଦ ଦୋକାନ ଖୋଲିଛନ୍ତି ସେମାନେ ବଡ ହେଉଛନ୍ତି । ଆମ ପିଲା ଆଉ ପରିବାର ହଇରାଣ ହେଇ ରାସ୍ତାର ଭିକାରୀ ହେଉଛନ୍ତି। ଯାହା ଦିପଇସା ରୋଜଗାର କରୁଛନ୍ତି ଆମ ପୁରୁଷ ସବୁ ମଦ ପିଇ ଉଡାଇ ଦେଉଛନ୍ତି। ୩୦୦ ଟଙ୍କର ରୋଜଗାର କରି ଆଣିଲେ ୨୦୦ ଟଙ୍କା ନେଇ ମଦ କାଉଣ୍ଟରରେ ପହଞ୍ଚିଯାଉଛନ୍ତି। ଗୋାଟିଏ ପଟେ ଟଙ୍କିକିଆ ଚାଉଳ ଦେଇ ଅନ୍ୟପଟେ ମଦ ଦୋକାନ ଖୋଲି ଲୁଟୁଛନ୍ତି ସରକାର। ରାଜ୍ୟ ସରକାରଙ୍କୁ ଅନୁରୋଧ ଶିଘ୍ର ମଦ ଦୋକାନ ବନ୍ଦ କରନ୍ତୁ ନେଚତ ଆମେ ରାସ୍ତାଘାଟ ଅବରୋଧ କରି ନିଆଁ ଜାଳିବୁ । ଏଭଳି ଚେତାବନୀ ଦେଇଛନ୍ତି ଝାନ୍ସୀ ମହିଳା ସ୍ୱୟଂ ସହାୟିକା ଗୋଷ୍ଠୀର ଏକାଧିକ ମହିଳା। ମଦ ପ୍ରୋତ୍ସାହନ ନୀତିପାଇଁ ରାଜ୍ୟସରକାରଙ୍କ ଉପରେ ତାତିଛନ୍ତି ଏମାନେ।

ଟଙ୍କିକିଆ ଚାଉଳ ଦେଇ,ଏପଟେ ମଦ ଦୋକାନ ଖୋଲି ଆମ ପରିବାର ନଷ୍ଟ କରିଦେଲେ ରାଜ୍ୟ ସରକାର | ପ୍ରତିବର୍ଷ ଜୁନ ମାସ 26 ତାରିଖରେ ସଚେତନତା ରଥ ବୁଲେଇ ନିଶା ନିବାରଣ ର ନାରା ଦେଉଛନ୍ତି ରାଜ୍ୟସରକାର | କିନ୍ତୁ ଏପଟେ ରାଜସ୍ବ ପାଇଁ ମଦ କୁ ପ୍ରୋତ୍ସାହନ ଦେବାରେ ବ୍ୟସ୍ତ | ଯାହା ପାଇଁ ଉଜୁଡି ଯାଉଛି ଅନେକ ପରିବାର | ଝିଅ ବୋହୁ ମାନେ ମନ୍ଦିର ବି ଯିବା ବାଟରେ ମଦୁଆ ମାନଙ୍କ ର ନାନା ଅତ୍ୟାଚାର ବି ସହିବାକୁ ପଡୁଛି | ଯେଉଁଥିପାଇଁ କେନ୍ଦ୍ରାପଡା ଜିଲ୍ଲା ଆଳି ବ୍ଲକର ଚରପଡା ର ଏକାଧିକ ମହିଳା ଜିଲ୍ଲାପାଳଙ୍କୁ ଭେଟି ମଦ ଦୋକାନ ବନ୍ଦ କରିବାକୁ ଦାବି କରିଛନ୍ତି | ଯଦି ମଦ ଦୋକାନ ରାଜ୍ୟ ସରକାର ବନ୍ଦ ନ କରନ୍ତି ଆଗାମୀ ଦିନରେ ପରିସ୍ଥିତି ଆହୁରି ସାଙ୍ଘାତିକ ହେବ ବୋଲି କହିଛନ୍ତି ଝାନ୍ସୀ ମହିଳା ସ୍ୱୟଂ ସହାୟିକା ଗୋଷ୍ଠୀର ମହିଳା ।
ଅଧିକ ଦେଖନ୍ତୁ :

ଏସୀୟ କ୍ରୀଡାରେ ଭାରତକୁ ନବମ ସ୍ୱର୍ଣ୍ଣ

by Manini Pattanayak

Another gold for India in the Asian Games, India has won 35 medals at the 19th Asian Games in Hangzhou

ନୂଆଦିଲ୍ଲୀ: ଏସୀୟ କ୍ରୀଡାରେ ଭାରତର ପଦକ ହାସଲ ଜାରି ରହିଛି। ଶନିବାର ଭାରତକୁ ମିଳିଛି ନବମ ସ୍ୱର୍ଣ୍ଣ। ଟେନିସ ମିକ୍ସଡ ଡବଲ୍ସରେ ଭାରତକୁ ସ୍ୱର୍ଣ୍ଣ ମିଳିଛି। ବୋପନ୍ନା-ଋତୁଜା ଯୋଡି ଜିତିଲେ ପଦକ। ଭାରତର ପଦକ ସଂଖ୍ୟା ୩୫କୁ ବୃଦ୍ଧି ହୋଇଛି। ୯ଟି ସ୍ୱର୍ଣ୍ଣ ସହ ୧୩ଟି ଲେଖାଏଁ ରୌପ୍ୟ ଓ ବ୍ରୋଞ୍ଜ ପଦକ ଭାରତ ହାସଲ କରିଛି।

ଟେନିସ ମିକ୍ସଡ୍ ଡବଲ୍ସରେ ରୋହନ ବୋପନ୍ନା ଓ ଋତୁଜା ଭୋସଲେ ସ୍ୱର୍ଣ୍ଣ ପଦକ ଜିତିଛନ୍ତି । ପ୍ରଥମରୁ ୬-୨ ସେଟ୍‌ରେ ହାରିବା ପରେ ଭାରତୀୟ ଯୋଡି ପୁନଶ୍ଚ ଫେରିବା ପରେ ବେଶ୍ ଦମଦାର ପ୍ରଦର୍ଶନ କରିଥିଲେ । ଏହି ଯୋଡି ସୁପର ଟାଇ ବ୍ରେକ ୧୦-୪ ରେ ଜିତିଛନ୍ତି ।

ଅଧିକ ପଢନ୍ତୁ କ୍ରୀଡା ଖବର

କମୀରା ଗାଁରେ ଝାଡାବାନ୍ତି ଆତଙ୍କ

by Ritu Das

ଅର୍ଗସ ବ୍ୟୁରୋ: ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ କମିରା ଅଞ୍ଚଳରେ ବ୍ୟାପିଛି ଝାଡ଼ାବାନ୍ତି। ପ୍ରାୟ 30 ରୁ ଉର୍ଦ୍ଧ୍ବ ବ୍ୟକ୍ତି ଝାଡ଼ାବାନ୍ତିରେ ଆକ୍ରାନ୍ତ ହୋଇଥିବାବେଳେ ସେଥି ମଧ୍ୟରୁ 16 ଜଣ ସୁସ୍ଥ ହୋଇଥିବା ସୂଚନା ମିଳିଛି । ତେବେ ପ୍ରାୟ ଦେଢ ମାସରେ ୩ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି ।

ଗାଁକୁ ପାଇପ ଯୋଗେ ଯୋଗାଣ ହେଉଥିବା ପାଇପ୍ ଲାଇନ୍ ଫାଟି ଯିବା ସତ୍ତ୍ବେ ସେହି ଫଟା ପାଇପ୍ ଦେଇ ଜଳ ଯୋଗାଣ ହେଇଥିଲା। ଫଳରେ ସେଥିରେ ଯୋଗାଣ ହେଉଥିବା ଦୂଷିତ ପାଣିପିଇ ଝାଡାବାନ୍ତିରେ ଆକ୍ରାନ୍ତ ହୋଇଥିବା ଗ୍ରାମବାସୀ ଅଭିଯୋଗ କରିଛନ୍ତି। ଅପରପକ୍ଷରେ ଗାଁରେ ଏକ ମେଡିକାଲ ଟିମ ପହଞ୍ଚି ଝାଡ଼ାବାନ୍ତି ଆକ୍ରାନ୍ତଙ୍କୁ ଚିକିତ୍ସା କରିବା ସହିତ ଗ୍ରାମବାସୀଙ୍କୁ ସଚେତନ କରୁଛି । ଏବେ ମଧ୍ୟ 14 ଜଣ ଆକ୍ରାନ୍ତ ଚିକିତ୍ସାଧୀନ ଅବସ୍ଥାରେ ଅଛନ୍ତି ବୋଲି ଜଣା ପଡ଼ିଛି ।

ଅଧିକ ପଢ଼ନ୍ତୁ ଓଡ଼ିଶା ଖବର

Download Argus News App

ଅନନ୍ତନାଗରେ 3 ଆତଙ୍କୀ ନିପାତ

Download Mobile App