ଚେନ୍ନାଇର ମରିନା ବିଚରେ ଏୟାର ସୋ ହୋଇଥିଲା । ଏଥିରେ ସାମିଲ ହୋଇଥିଲ ଲଢୁଆ ଯୁଦ୍ଧବିମାନ ସୁଖୋଇ-30 ସହ ସାରଙ୍ଗ ହେଲିକପ୍ଟର। ଆସନ୍ତାକାଲି ୯୨ତମ ଏୟାର ଫୋର୍ସ ଡେ ଅବ୍ୟବହିତ ପୂର୍ବରୁ ଏହି ଏୟାର ସୋ ଆୟୋଜିତ ହୋଇଛି। ଏଥିରେ ସାମିଲ ହୋଇଥିଲେ ବାୟୁସେନା ମୁଖ୍ୟ ଏୟାର ଚିଫ୍ ମାର୍ଶଲ ଏପି ସିଂହ, ତାମିଲନାଡୁ ମୁଖ୍ୟମନ୍ତ୍ରୀ ଏମ.କେ. ଷ୍ଟାଲିନ । ମରିନା ବିଚରେ ଏୟାର ସୋ ଦେଖିବା ପାଇଁ ଲକ୍ଷ ଲକ୍ଷ ଲୋକଙ୍କ ଭିଡ଼ ଜମିଥିଲା। ପ୍ରାୟ ୧୬ ଲକ୍ଷ ଲୋକଙ୍କୁ ଏକାଠି କରି ଲିମକା ବୁକ୍ ଅଫ ରେକର୍ଡରେ ସାମିଲ ହେବାକୁ ଲକ୍ଷ୍ୟ ରଖାଯାଇଥିଲା । ଏୟାର ସୋ ଦିନ ୧୧ଟାରେ ଅପରାହ୍ଣ ୧ଟା ଯାଏଁ ଆୟୋଜନ ହୋଇଥିଲେ ବି, ଲୋକମାନେ ସକାଳ ୮ଟାରୁ ଭିଡ଼ ଜମାଇଥିଲେ ।
ଆହୁରି ପଢନ୍ତୁ ଭାରତ ଖବର...
