India rejects China renaming places in Arunachal Pradesh

NCPA ଗ୍ରାଉଣ୍ଡ ବାହାରେ ରତନ ଟାଟାଙ୍କ କୁକୁର ଗୋଆ । ନିଜ ମାଲିକଙ୍କ ଶେଷ ଯାତ୍ରାରେ ସାମିଲ ହୋଇଛି, ଆଖିରୁ ଲୁହ ଝରାଉଛି

ରତନ ଟାଟାଙ୍କ ଅନ୍ତିମ ଦର୍ଶନ ପାଇଁ ବହୁ ବିଶିଷ୍ଟ ବ୍ୟକ୍ତିଙ୍କ ସମାଗମ । ମୁମ୍ବାଇ NCPA ଗ୍ରାଉଣ୍ଡରେ ଶେଷ ଦର୍ଶନ କଲେ ଗୃହ ମନ୍ତ୍ରୀ ଅମିତ ଶାହ, ଶେଷ ଦର୍ଶନ ସହ ରତନ ଟାଟାଙ୍କୁ ଶ୍ରଦ୍ଧାଞ୍ଜଳି ଜଣାଇଲେ ଅମିତ ଶାହ

ରତନ ଟାଟାଙ୍କ ପରଲୋକ । ଶୋକ ପ୍ରକାଶ କଲେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।  ‘ପରୋପକାର ପାଇଁ ଚିରସ୍ମରଣୀୟ ହୋଇ ରହିବେ’ । ଲକ୍ଷାଧିକ ଲୋକଙ୍କ ପାଇଁ ପ୍ରେରଣା ହୋଇ ରହିବେ’

ଯାଜପୁର ସଭ୍ୟ ସଂଗ୍ରହ କାର୍ଯ୍ୟକ୍ରମରେ ଅମର ଶତପଥୀଙ୍କ ଅନୁପସ୍ଥିତି ପ୍ରସଙ୍ଗ । ବିଭିନ୍ନ ଚର୍ଚ୍ଚା, ଆଲୋଚନା ପରେ ପ୍ରତିକ୍ରିୟା ରଖିଲେ ଅମର ଶତପଥୀ

କେନ୍ଦ୍ର ପରେ ରାଜ୍ୟ ବଢ଼ାଇବ ଗରିବଙ୍କୁ ମାଗଣା ଚାଉଳ ଅବଧି । ମାଗଣା ଚାଉଳ ଅବଧି ବୃଦ୍ଧି କରାଯିବ କହିଲେ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । ରାଜ୍ୟର ନିଜସ୍ବ ଯୋଜନାରେ ଚାଉଳ ଯୋଗାଣ ଅବଧି ବୃଦ୍ଧି କରାଯିବ । ‘କେନ୍ଦ୍ର ୨୦୨୮ ଯାଏଁ ଚାଉଳ ଅବଧି ବୃଦ୍ଧି କରିଥିବାରୁ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ’

ସାଲିଆ ସାହିରେ ପୁଣି ଅବକାରୀ ବିଭାଗର ରେଡ୍, ଶହ ଶହ ଲିଟର ଦେଶୀ ମଦ ଜବତ

କାଲିଠୁ ୩ଦିନ ପୂଜା ମଣ୍ଡପ ବୁଲିବେ ମୁଖ୍ୟମନ୍ତ୍ରୀ । ବିଭିନ୍ନ ପୂଜା ମଣ୍ଡପ ବୁଲି ଦେଖିବେ CM ମୋହନ ମାଝୀ, ଭୁବନେଶ୍ବର, କଟକ ଓ କେନ୍ଦୁଝର ମଣ୍ଡପ ବୁଲିବେ

୨ ଦିନିଆ ଲାଓସ ଗସ୍ତରେ ପ୍ରଧାନମନ୍ତ୍ରୀ । ଆସିଆନ ସମ୍ମିଳନୀରେ ଯୋଗ ଦେବାକୁ ୨ଦିନିଆ ଲାଓସ ଗସ୍ତରେ ଗଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି 

ଆଜି ମହାମାୟାଙ୍କ ମହାସପ୍ତମୀ ପୂଜା । ପୀଠରେ ଚାଲିଛି ଅଷ୍ଟମୀ ପୂଜା, ପାର୍ବଣ ପାଇଁ ଟ୍ଵିନସିଟିରେ ପ୍ରବଳ ଭିଡ । ସେପଟେ ବିରଜା ରଥଯାତ୍ରାର ଆଜି ଅଷ୍ଟମ ଦିନ
 

ହରିୟାଣା ନିର୍ବାଚନରେ ବିଜେପିକୁ ଭୋଟର ସ୍ପଷ୍ଟ ବହୁମତ ଦେଇଛନ୍ତି । ସେଇଥି ଲାଗି ତ ବିରୋଧୀଙ୍କୁ ଚକ୍କମା ଦେଇ କ୍ଲିନସ୍ଵିପ୍‌ କରିଛି ଭାରତୀୟ ଜନତା ପାର୍ଟି । ମଙ୍ଗଳବାର ରେଜଲ୍ଟ ବାହାରିବା ପରେ ବିଜେପି ଖାତାକୁ ୪୮ଟି ଆସନ ଯାଇଥିବା ବେଳେ କଂଗ୍ରେସ ଖାତାକୁ ଯାଇଛି ମାତ୍ର ୩୭ ଆସନ । କଥା ହେଲା ପୂର୍ବରୁ ବିଜେପି ଯେତିକି ଆସନ ପାଇଥିଲା ତାହାଠାରୁ ବି ଏଥର ଅଧିକ ଆସନ ପାଇଛି । ସେହିପରି ଇଣ୍ଡିଆନ ନ୍ୟାସନାଲ ଲୋକଦଳ ୨ଟି ଏବଂ ସ୍ୱାଧୀନ ପ୍ରାର୍ଥୀ ୩ଟି ଆସନରେ ବିଜୟୀ ହୋଇଛନ୍ତି ।

କଥା ହେଲା ଅତ୍ୟଧିକ ଅହଂକାର ଓ ଆତ୍ମବିଶ୍ଵାସ ରହିଲେ ସ୍ଥିତି କଣ ହୁଏ ତାହା ହରିୟାଣା ଘଟଣାରୁ ସ୍ପଷ୍ଟ ହୋଇଛି । ସେପଟେ, ଉଦ୍ଧବ ସେନାର ମୁଖପତ୍ର ‘ସାମନା’ର ସମ୍ପାଦକୀୟରେ ମହାରାଷ୍ଟ୍ରର କଂଗ୍ରେସ ନେତାଙ୍କୁ ହରିୟାଣାରେ କଂଗ୍ରେସର ପରାଜୟରୁ ଶିକ୍ଷା ନେବାକୁ ଚେତାବନୀ ଦିଆଯାଇଛି । କୁହାଯାଇଛି, କଂଗ୍ରେସ ଦଳର ପ୍ରବଳ ଗୋଷ୍ଠୀ କନ୍ଦଳ ପାଇଁ ପରାଜୟ ହେଉଛି ଦଳ । ଏହାସହ ଆଞ୍ଚଳିକ ଦଳରୁ ହେଜ୍ଞାନ କରିବା କଂଗ୍ରେସ ଉପରେ ଭାରି ପଡ଼ିଛି । ସେପଟେ, ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କଂଗ୍ରେସ ନିର୍ବାଚନ ରଣନୀତି ଉପରେ ପ୍ରଶ୍ନ ଉଠାଇଛନ୍ତି । କହିଛନ୍ତ, ବିଧାନସଭା ନିର୍ବାଚନ ଫଳାଫଳରୁ ସବୁଠାରୁ ବଡ ଶିକ୍ଷା ହେଉଛି, କେହି କେବେ ବି ଅତ୍ୟଧିକ ଆତ୍ମବିଶ୍ୱାସ ରଖିବା ଉଚିତ ନୁହେଁ । ହରିୟାଣାରେ ମେଣ୍ଟ କରିବା ପାଇଁ ଆପ୍ କଂଗ୍ରେସ ସହ ନିର୍ବାଚନ ପୂର୍ବରୁ ଆଲୋଚନା କରିଥିଲା । ଆସନ ବଣ୍ଟନକୁ ନେଇ ମତଭେଦ ଯୋଗୁଁ ଆଲୋଚନା ବିଫଳ ହୋଇଥିଲା । ତେଣୁ ଏକାକୀ ନିର୍ବାଚନ ଲଢିଥିଲେ ଉଭୟ ଦଳ  । 

କେମିତି କ୍ଷମତା ଦଖଲ କରିବ କଂଗ୍ରେସ ସେନେଇ ସ୍ଵପ୍ନ ଦେଖୁଛି । ହେଲେ କ୍ଷମତା ପାଇବାର କୌଶଳ ଆଦୌ ଜଣାନାହିଁ । ସେଇଥି ଲାଗି ତ ବାରମ୍ବାର ପରାଜୟର ସ୍ଵାଦ ଚାଖୁଛି ହାତ ଦଳ । ସେପଟେ ଉତ୍ତରପ୍ରଦେଶ ଓ ଦିଲ୍ଲୀରେ କଂଗ୍ରେସର ହାତ ଛାଡ଼ିଛନ୍ତି ମେଣ୍ଟ ସହଯୋଗୀ । ଉତ୍ତରପ୍ରଦେଶରେ ଚଳିତ ବର୍ଷ ୧୦ଟି ଆସନରେ ଉପନିର୍ବାଚନ ହେବାକୁ ଯାଉଛି । ଏହି ୧୦ଟି ଆସନରୁ ୬ଟି ଆସନରେ ସମାଜବାଦୀ ପାର୍ଟି ପ୍ରାର୍ଥୀ ଘୋଷଣା କରିଛି । କଂଗ୍ରେସ ସହ କୌଣସି ଆଲୋଚନା ନକରି ସପା ସୁପ୍ରିମୋ ଅଖିଳେଶ ଯାଦବ ୬ଟି ଆସନରେ ପ୍ରାର୍ଥୀ ଘୋଷଣା‌ କରିଛନ୍ତି ।  ଦିଲ୍ଲୀରେ ମଧ୍ୟ ଆପ୍‌ କଂଗ୍ରେସ ସହ  ବିଧାନସଭା ନିର୍ବାଚନ ପାଇଁ ମେଣ୍ଟ କରିବ ନାହିଁ ବୋଲି ସ୍ପଷ୍ଟ କରିଛି । ଆପ୍‌ ମୁଖ୍ୟ ମୁଖପାତ୍ର ପ୍ରିୟଙ୍କା କକ୍କର କହିଛନ୍ତି, କଂଗ୍ରେସ ହରିୟାଣାରେ ଆପ୍‌ ଓ ସମାଜବାଦୀ ପାର୍ଟିକୁ ସାମିଲ କରିନଥିଲା ଏବଂ ଆମେ ଦିଲ୍ଲୀରେ କଂଗ୍ରେସ ସହ ମେଣ୍ଟ କରିବୁ ନାହିଁ । ଯାହାକୁ ନେଇ କଂଗ୍ରେସର ଶୀର୍ଷ ନେତୃତ୍ଵଙ୍କ ଟେନସନ ଡବଲ ହୋଇଛି ।
 

ସେପ୍ଟମ୍ବର ୨୧ । ହମାସ ମୁଖ୍ୟ ୟାହା ସିନୱାର ନିହତ ହୋଇଛି ବୋଲି ଇସ୍ରାଏଲ ସେନା ପକ୍ଷରୁ କୁହାଯାଇଥିଲା । ଶୀର୍ଷ କମାଣ୍ଡର ନିପାତ ଏକ ବଡ଼ ସଫଳତା ବୋଲି କହିଥିଲା ଇସ୍ରାଏଲ । ଏପରିକି ସେନାର ମିସନ ଗାଜାକୁ ଅଧିକ ସହଜ କରିଥିଲା ସିନୱାରର ମୃତ୍ୟୁ । ହେଲେ ମାତ୍ର ୨୦ ଦିନ ପରେ ସିନୱାର ବଞ୍ଚିଛି ବୋଲି ଇସ୍ରାଏଲ ବିବୃତି ଦେଇଥିବାରୁ ଚର୍ଚ୍ଚା ଜୋର । କୁହାଯାଉଛି କି ଯଦି ସେବେ ମରିଥିଲା ସିନୱାର ତେବେ ଏବେ କେମିତି ବଞ୍ଚିଲା ? ସେବେ ସତରେ ନିପାତ ହୋଇଥିଲା ନା ଇସ୍ରାଏଲକୁ ଭୁଲ ଖବର ମିଳିଥିଲା ?

ଇସ୍ରାଏଲର ଭୟଙ୍କର ଆକ୍ରମଣ ପରେ ବଞ୍ଚିଯାଇଥିବା ସିନୱାରର ମୁଖ୍ୟ କତାର ସହ ଯୋଗାଯୋଗ କରିଛି । ଖାଲି ଯୋଗାଯୋଗ କରିଛି ତାହା ନୁହେଁ ବରଂ ଉଦ୍ଧାର ପାଇଁ କୁଆଡ଼େ ସହାୟତା ବି ଲୋଡିଛି । ଏକ ଗୁପ୍ତ ଠିକଣାରୁ ସିନୱାର କତାର ସହ ଯୋଗାଯୋଗ କରିଥିବା ସୂଚନା ପାଇଛି ଇସ୍ରାଏଲ । ଯାହାର ସୁରାଗ ଲାଗିଛି ଇସ୍ରାଏଲ ହାତରେ । ହେଲେ କତାର ଏହି ଅଭିଯୋଗକୁ ଖଣ୍ଡନ କରିଛି ।

ମୋଟ୍‌ ଉପରେ, ଅକ୍ଟୋବର ୭, ୨୦୨୩ରେ ଇସ୍ରାଏଲ ଉପରେ ହମାସ ଆକ୍ରମଣ କରିଥିଲା । ଏହି ଆକ୍ରମଣ ପଛରେ ମାଷ୍ଟରମାଇଣ୍ଡ ଥିଲା ସିନୱାର । ଯେହେତୁ ଆକ୍ରମଣରେ ଅନେକ ଇସ୍ରାଏଲ ନାଗରିକଙ୍କ ଜୀବନ ଯାଇଥିଲା । ତେଣୁ ମାଷ୍ଟର ମାଇଣ୍ଡକୁ ନିପାତ କରିବାକୁ ଇସ୍ରାଏଲ ପଣ କରିଥିଲା । ସେବେଠାରୁ ହିଁ ମୌକା ଖୋଜୁଥିଲା ଇସ୍ରାଏଲ । ଏହାରି ଭିତରେ ଜୁଲାଇ ୩୧ରେ ହାନିୟା ମରିବା ପରେ ସିନୱାର ହମାସର ମୁଖ୍ୟ ହୋଇଥିଲା । 
 

ସିନୱାରର ହିଷ୍ଟ୍ରି

ୟାହା ସିନୱାର । ଦୁର୍ଦ୍ଦାନ୍ତ ଆତଙ୍କୀ । କେମିତି ବିଶ୍ଵରେ ଆତଙ୍କୀ ବଢାଯିବ ସେନେଇ ରଣନୀତି କରେ ସିନୱାର । ଜାଣି ଆଶ୍ଚର୍ଯ୍ୟ ହେବେ କି ୨୨ ବର୍ଷ ଜେଲରେ ବି ରହିଛି ସେ । ଖାଲି ଏତିକି ନୁହେଁ ବରଂ ୨୦୧୧ରେ ହମାସରେ ଏଣ୍ଟ୍ରି ମାରେ ସିନୱାର ।  ବିଭତ୍ସ ହତ୍ୟା କରିବାରେ ଧୁରନ୍ଧର । ଶତ୍ରୁଙ୍କୁ ଜୀବନ୍ତ କବର ଦେଇ ପ୍ରତିଶୋଧ ନିଏ । ୨୦୧୪ରେ ମଧ୍ୟ ତା'ର ମୃତ୍ୟ ଖବର ଗୁଜବ ସାବ୍ୟସ୍ତ ହୋଇଥିଲା । ସେଇଥି ଲାଗି ତ ୨୦୧୫ରେ ଆମେରିକା ଅର୍ନ୍ତଜାତୀୟ ଆତଙ୍କବାଦୀ ଘୋଷଣା କରିଥିଲା ସିନୱାରକୁ । ଅନ୍ତର୍ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ ସିନୱାର ଯଦି ବଞ୍ଚିଥିବ ତେବେ ପୁଣି ଥରେ ଇସ୍ରାଏଲ ଉପରେ ସେ ଆକ୍ରମଣ କରିପାରେ । ତେଣୁ ଇସ୍ରାଏଲ ବି ଏବେ ସତର୍କ ରହିଛି ।