ଅନ୍ତିମ ଶାହି ସ୍ନାନରେ ବୁଡ ପକାଇଲେ ଶ୍ରଦ୍ଧାଳୁ, ୨କୋଟି ଭକ୍ତଙ୍କ ସମାଗମ

ବସନ୍ତ ପଞ୍ଚମୀ ଅବସରରେ ଆଜି କୁମ୍ଭମେଳାରେ ଅନ୍ତିମ ଶାହୀ ବୁଡ ପକାଇଛନ୍ତି ଶ୍ରଦ୍ଧାଳୁ । କୁମ୍ଭମେଳାରେ ବୁଡ ପକାଇବା ପାଇଁ ବହୁ ଦୂରଦୂରାନ୍ତରୁ ଭକ୍ତମାନେ ଏଠାରେ ଭିଡ ଲଗାଇଛନ୍ତି । ବସନ୍ତ ପଞ୍ଚମୀ ଅବସରରେ ବିଳମ୍ବିତ ରାତିରୁ ବୁଡ ପକାଇଛନ୍ତି ଶ୍ରଦ୍ଧାଳୁ । ଏଥିପାଇଁ ପ୍ରଶାସନ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଛି । ଆଜି ପ୍ରାୟ 2 କୋଟିର ଅଧିକ ଶ୍ରଦ୍ଧାଳୁ ବୁଡ ପକାଇବେ ବୋଲି ଅନୁମାନ କରାଯାଉଛି ।

ପ୍ରବଳ ଭିଡକୁ ଦୃଷ୍ଟିରେ ରଖି ପ୍ରୟାଗରାଜକୁ ଯୋଗାଯୋଗ କରୁଥିବା ସମସ୍ତ ରାସ୍ତାକୁ ଗାଡିମୋଟର ଚଳାଚଳ ନିଷେଧ କରାଯାଇଛି । ସେହିପରି ସୁରକ୍ଷା ପାଇଁ ଏନଏସଜି ଓ ଏଟିଏସ କମୋଣ୍ଡୋମାନେ ମୁତୟନ ହୋଇଛନ୍ତି ।

ମୌନୀ ଅମାବାସ୍ୟା ପର୍ବ ଭଳି ବସନ୍ତ ପଂଚମୀରେ ମଧ୍ୟ ୮ କିଲୋମିଟର ଅଂଚଳରେ ୪୦ ଘାଟ ଖୋଲାଯାଇଛି । ଲୋକଙ୍କୁ ପରାମର୍ଶ ଦେବା ପାଇଁ ବିଭିନ୍ନ ସ୍ଥାନରେ ସୂଚନା କେନ୍ଦ୍ର ବ୍ୟବସ୍ଥା କରାଯାଇଛି । ସୂଚନାଯୋଗ୍ୟ ମକର ସଂକ୍ରାନ୍ତି ଏବଂ ମୌନୀ ଅମାବାସ୍ୟା ପରେ ବସନ୍ତ ପଂଚମୀ ତୃତୀୟ ଏବଂ ଶେଷ ସାହୀ ସ୍ନାନ ଅଟେ ।