ଦିଦିଙ୍କ ଅହଙ୍କାର ଏତେ ବଢି ଯାଇଛି ଯେ, ସେ ସମସ୍ତଙ୍କୁ ଛୋଟ ନଜରରେ ଦେଖୁଛନ୍ତି: ନରେନ୍ଦ୍ର ମୋଦି

by Rakesh Kumar Barik

ନୂଆଦିଲ୍ଳୀ: ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ପ୍ରଚାର ଜାରି ରହିଛି। ପ୍ରଧାନମନ୍ତ୍ରୀ ଆଜି ପ୍ରଥମେ ଆସାନସୋଲରେ ସାଧାରଣ ସଭାକୁ ସମ୍ବୋଧିତ କରିଛନ୍ତି । ଏହା ପରେ ମୋଦି ଗଙ୍ଗରାମପୁରରେ ଅନୁଷ୍ଠିତ ରାଲିରେ ସମ୍ବୋଧିତ କରିବେ।

ଆସାନସୋଲରେ ପ୍ରଧାନମନ୍ତ୍ରୀ ମମତା ବାନାର୍ଜୀଙ୍କ ଉପରେ ଖୁବ ବର୍ଷିଛନ୍ତି। ସେ କହିଛନ୍ତି ରାଜ୍ୟର ମୁଖ୍ୟମନ୍ତ୍ରୀ ମାନଙ୍କ ସହ ହେଉଥିବା ଅନେକ ଗୁଡିଏ ବୈଠକରେ ମମତା ଦିଦି ସାମିଲ ହେଉନାହାନ୍ତି। ତାଙ୍କର ଅହଂକାର ଏତେ ବଢ଼ି ଯାଇଛି ଯେ ସେ ସମସ୍ତଙ୍କୁ ତାଙ୍କ ଆଗରେ ବହୁତ ଛୋଟ ବୋଲି ଭାବୁଛନ୍ତି।

ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, କରୋନା ଉପରେ ଗତ ଦୁଇଟି ବୈଠକରେ ବାକି ମୁଖ୍ୟମନ୍ତ୍ରୀ ଆସିଥିଲେ, କିନ୍ତୁ ଦିଦି ଆସି ନଥିଲେ। ବାକି ମୁଖ୍ୟମନ୍ତ୍ରୀମାନେ NITI ଆୟୋଗର ପରିଚାଳନା ପରିଷଦ ବୈଠକରେ ସାମିଲ ହେଲେ କିନ୍ତୁ ଦିଦି ନୁହେଁ। ମା ଗଙ୍ଗା ସଫେଇ ପାଇଁ ପୁରା ଦେଶରେ ଏତେ ବଡ଼ ଅଭିଯାନ ହେଲା କିନ୍ତୁ ଦିଦି ଏହାର ସମ୍ବୋଧିତ ବୈଠକରେ ସାମିଲ ହେଲେ ନାହିଁ।

ଚାରି ରାଉଣ୍ଡ ଭୋଟରେ ଟିଏମସି ଖଣ୍ଡବିଖଣ୍ଡିତ ହୋଇଛି। ଅବଶିଷ୍ଟ ଚାରି ରାଉଣ୍ଡ ମତଦାନରେ ଦିଦି ଭାଇମାନଙ୍କର ପତ୍ତା ସଫା ହେବ। ପଞ୍ଚମ ପର୍ଯ୍ୟାୟ ଭୋଟିଂରେ ଲୋକମାନେ ଭାରି ସଂଖ୍ୟାରେ ପଦ୍ମ ଫୁଲରେ ଭୋଟ ଦେଉଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଆପଣଙ୍କର ଗୋଟିଏ ଭୋଟ କେବଳ ମମତାଙ୍କୁ ଗାଦିଚ୍ୟୁତ କରିବ ନାହିଁ ଏଠାରେ ଚାଲିଥିବା ମାଫିଆ ରାଜ୍ ର ମଧ୍ୟ ଅବସାନ ଘଟିବ।

ଏହି ସମୟରେ ପିଏମ ମୋଦୀ କହିଛନ୍ତି ଯେ ଆପଣଙ୍କ ସହ ମୋର ଅଭିଯୋଗ ଅଛି। ଲୋକସଭା ନିର୍ବାଚନ ସମୟରେ ମୁଁ ଦୁଇଥର ଏଠାକୁ ଆସିଥିଲି। ଯେତେବେଳେ ମୁଁ ପ୍ରଥମେ ଆସିଥିଲି ସେତେବେଳେ ଏତେ ଭିଡ଼ ହୋଇନଥିଲା କିନ୍ତୁ ଏବେ ପ୍ରତିଥର ଅପେକ୍ଷା ଭିଡ଼ ବୃଦ୍ଧି ହେବାରେ ଲାଗିଛି।

ଅଡିଓ ଟେପ୍ ମାମଲାରେ ପିଏମ ମୋଦୀ ମମତା ବାନାର୍ଜୀଙ୍କୁ ଘେରିଛନ୍ତି। ସେ କହିଛନ୍ତି ଯେ, ଗତକାଲି କୋଚ ବିହାରାରେ ଘଟିଥିବା ଘଟଣା ଉପରେ ଆପଣ ନିଶ୍ଚୟ ଏକ ଅଡିଓ ଟେପ୍ ଶୁଣିଥିବେ। ସେଥିରେ କିପରି ଲୋକମାନେ ନିଜର କଥା ରଖୁଛନ୍ତି ଦିଦି କିପରି ତଳ ସ୍ତରର ରାଜନୀତି କରୁଛନ୍ତି।