ଇନ୍ଦୋର: କଂଗ୍ରେସ ନେତା ଦିଗ୍ବିଜୟ ସିଂହ ପ୍ରତିଥର ଭଳି ଏଥର ମଧ୍ୟ ବିବାଦୀୟ ବୟାନ ଦେଇ ଚର୍ଚ୍ଚାକୁ ଆସିଛନ୍ତି । ସାରା ଦେଶ ଭାରତୀୟ ବାୟୁସେନାର ଏୟାର ଷ୍ଟ୍ରାଇକ୍କୁ ନେଇ ଗର୍ବ କରୁଥିବା ବେଳେ ଏବଂ ଅଭିନନ୍ଦନ ପାକିସ୍ତାନରୁ ସୁରକ୍ଷିତ ଭାରତ ଫେରିଆସିଥିବା ନେଇ ଉତ୍ସବ ମନାଉଥିବା ବେଳେ ଦିଗ୍ବିଜୟ କିନ୍ତୁ ରାଜନୀତି କରିବାକୁ ଭୁଲି ନାହାନ୍ତି । ସେ ବାୟୁସେନାର ଏୟାର ଷ୍ଟ୍ରାଇକ୍ ନେଇ ପ୍ରମାଣ ମାଗିଛନ୍ତି ।
ଦିଗ୍ବିଜୟଙ୍କ ଅନୁସାରେ ଯେପରି ଆମେରିକା ଓସାମା ଅପରେଶନର ଠୋସ୍ ପ୍ରମାଣ ଦେଇଥିଲା, ସେହି ପରି ଭାରତ ସରକାରଙ୍କୁ ମଧ୍ୟ ପାକ୍ ସୀମାରେ ବାୟୁସେନାର ଏୟାର ଷ୍ଟ୍ରାଇକ୍ର ପ୍ରମାଣ ଦେବା ଉଚିତ । ସୂଚନା ଯେ, ଫେବୃଆରୀ 26ରେ ବାୟୁସେନାର ମିରାଜ୍-2000 ବିମାନ ପାକିସ୍ତାନୀ ସୀମା ପାର କରି ଆତଙ୍କୀ ଆଡ୍ଡାକୁ ଧ୍ୱଂସ କରିଥିଲା । ରିପୋର୍ଟ ଅନୁସାରେ ଏୟାର ଷ୍ଟ୍ରାଇକ୍ରେ 350 ଆତଙ୍କବାଦୀଙ୍କ ମୃତ୍ୟୁ ହୋଇଛି । ଏନେଇ ଫେବୃଆରୀ 27ରେ ପାକିସ୍ତାନ ପକ୍ଷରୁ ମଧ୍ୟ ଭାରତକୁ ପ୍ରତି ଆକ୍ରମଣ କରାଯାଇଥିଲା । ଫଳରେ ଭାରତୀୟ ମିଗ୍ 21 ବିମାନ ପାକ୍ର ଏଫ୍ 16 ବିମାନକୁ ହରାଇ ଧ୍ୱଂସ କରିଦେଇଥିଲା ।
ଏନେଇ କଂଗ୍ରେସ ନେତା ଦିଗ୍ବିଜୟ ସିଂହ କହିଛନ୍ତି ଯେ, “ପାକିସ୍ତାନର ଆତଙ୍କୀ ଆଡ୍ଡାରେ ଭାରତୀୟ ବାୟୁସେନାର ଆକ୍ରମଣ ନେଇ ମୁଁ ପ୍ରଶ୍ନ ଉଠାଉନି । ତେବେ ମୁକ୍ତରେ କରାଯାଇଥିବା କୌଣସି କାର୍ଯ୍ୟାନୁଷ୍ଠାର ଫଟୋଚିତ୍ର ସେଟେଲାଇଟ୍ ଟେକ୍ନୋଲୋଜୀ ଜରିଆରେ ମିଳିପାରିବ । ଏଣୁ ମୋଦି ସରକାରଙ୍କୁ ଏହାର ପ୍ରମାଣ ଦେବା ଉଚିତ । ”
ସେହିପରି ଓ୍ୱିଙ୍ଗ୍ କମାଣ୍ଡର ଅଭିନନ୍ଦନ ବର୍ତ୍ତମାନଙ୍କୁ ଭାରତକୁ ଫେରାଇଥିବାରୁ ଦିଗ୍ବିଜୟ ପାକ୍ ସରକାରଙ୍କୁ ଧନ୍ୟବାଦ୍ ଜଣାଇଛନ୍ତି । ସେ କହିଛନ୍ତି ଯେ, ପାକ୍ ପ୍ରଧାନମନ୍ତ୍ରୀ ଇମ୍ରାନ ଖାନ୍ ଅଭିନନ୍ଦନଙ୍କୁ ମୁକ୍ତ କରି ସେ ଜଣେ ଭଲ ପଡୋଶୀ ବୋଲି ପ୍ରମାଣ କରିଛନ୍ତି । ବର୍ତ୍ତମାନ ସେ ଆତଙ୍କୀ ହାଫିଜ୍ ସଈଦ୍ ଏବଂ ମସୁଦ୍ ଅଜହରକୁ ଭାରତକୁ ହସ୍ତାନ୍ତର କରି ନିଜ ବାହାଦୁରୀର ପରିଚୟ ଦେବା ଆବଶ୍ୟକ ।
ଅର୍ଗସ ବ୍ୟୁରୋ: କାଳବୈଶାଖୀର ୩ଦିନ ପରେ ବି ମଧ୍ୟ ଆଜି ପର୍ଯ୍ୟନ୍ତ ଆସୁନି ବିଜୁଳି ମିଳୁନି ପିଇବା ପାଣି ।ହନ୍ତ ସନ୍ତ ହଉଛନ୍ତି ଲୋକେ। ସୂଚନା ମୁତାବକ ଗତ 6 ତାରିଖ ଅପରାହ୍ନ ସମୟରେ ଜଳେଶ୍ୱର ରେ କାଳ ବୈଶାଖୀ ପ୍ରଭାବରେ ଜୋରରେ ପବନ ବର୍ଷା ହୋଇଥିଲା । ଯାହାଫଳରେ ବିଦ୍ୟୁତ କାଟ ହୋଇଥିଲା
କିନ୍ତୁ ଜଳେଶ୍ୱର ପୌରାଞ୍ଚଳ ଅଧୀନ 8 ନମ୍ବର ୱାର୍ଡ ରେ ଆଜି ପ୍ରଯ୍ୟନ୍ତ ବିଜୁଳି ଆସିଲା ନାହିଁ। ଯାହା ଫଳରେ ପାନୀୟ ଜଳ ର ଅସୁବିଧା ଉପୁଜିଥିବା ବେଳେ ଗରମରେ ହନ୍ତସନ୍ତ ହଉଛନ୍ତି ଲୋକେ । ବାରମ୍ବାର ଅଭିଯୋଗ ସତ୍ୟ ମଧ୍ୟ ବିଦ୍ୟୁତ ବିଭାଗ କୌଣସି କର୍ଣ୍ଣପାତ କରୁନଥିବା ଅଭିଯୋଗ କରିଛନ୍ତି ଲୋକେ ।
ଅଧିକ ପଢ଼ନ୍ତୁ ଓଡ଼ିଶା ଖବର
ଭୁବନେଶ୍ୱର: ଟ୍ବିନ ସିଟିରେ କାଳବୈଶାଖୀ ବର୍ଷା । ଭୁବନେଶ୍ବର, କଟକ ଓ ଜଗତସିଂହପୁରରେ ପ୍ରବଳ ବର୍ଷା ସାଙ୍ଗକୁ ଘୂର୍ଣ୍ଣିଝଡ଼ । ବିଭିନ୍ନ ସ୍ଥାନରେ ପବନ ସହ ଖଣ୍ଡିଆ ଭୂତ ଦେଖାଯାଇଛି । ରାଜଧାନୀ ଭୁବନେଶ୍ବରରେ ଘଡ଼ଘଡ଼ି ବିଜୁଳି ସହ ପ୍ରବଳ ବର୍ଷା ହେଉଥିବା ଦେଖିବାକୁ ମିଳିଛି । ବର୍ଷା ପରେ ରାଜଧାନୀବାସୀ ପ୍ରବଳ ଗ୍ରୀଷ୍ମ ପ୍ରବାହରୁ ସାମାନ୍ୟ ଆଶ୍ୱସ୍ତି ପାଇଛନ୍ତି ।
ଆହୁରି ପଢନ୍ତୁ ଓଡିଶା ଖବର...
ନୂଆଦିଲ୍ଲୀ: ଅଞ୍ଜଳୀଙ୍କ ହାତରେ ବିକ୍ରମଙ୍କ ନାମର ମେହେନ୍ଦୀ ଥିଲା। ଉଭୟଙ୍କ ବିବାହକୁ ମାତ୍ର ୧୭ ଦିନ ହେଇଥିଲା । ପରିବାରରେ ହର୍ଷଉଲ୍ଲାସର ମାହୋଲ ଥିଲା। ଠିକ୍ ଏହି ସମୟରେ ଅଞ୍ଜଳୀ ଏବଂ ବିକ୍ରମଙ୍କ ରୁମ୍ରୁ ଶୁଭିଲା ଚିତ୍କାର। ଏ ଭୟଙ୍କର ରଡି ଥିଲା ଅଞ୍ଜଳିଙ୍କର । ଚତ୍କାର ଶୁଣି ପରିବାର ଲୋକେ ଦୌଡିଲେ ନୂଆ ବିବାହିତ ଦମ୍ପତ୍ତିଙ୍କ ରୁମ୍ ଆଡେ। ସେଠି ପହଞ୍ଚି ପରବାର ଯାହା ଦେଖିଲେ ତାହା ଥିଲା ଏକ ଅସମ୍ଭବ ଘଟଣା। ବିକ୍ରମଙ୍କ ହାତ ରକ୍ତ ଯୁଡ଼ୁବୁଡୁ , ତଳେ ପଡିଛନ୍ତି ସ୍ତ୍ରୀ ଅଞ୍ଜଳି। ଯାହାଙ୍କ ନାମର ମେହେନ୍ଦୀ ଲାଗିଥିଲା ଅଞ୍ଜଳୀଙ୍କ ହାତରେ, ସେଇ ହାତ ଅଞ୍ଜଳୀଙ୍କ ହତ୍ୟାକାରୀ ସାଜିଛି।
ଏମିତି କଣ ହେଲା କେଜାଣି ଅମାନୁଶିକ ଭାବେ ୧୦ ଥର ଛୁରିରେ ଭୁଷି ହତ୍ୟାକଲା ସ୍ତ୍ରୀକୁ। ବିବାହର ମାତ୍ର ୧୭ ଦିନ ଆଉ ସ୍ୱାମୀର ଛୁରୀ ଚୋଟ ଥିଲା ୧୦ । ଏପରି ଛାତି ଥରା ଘଟଣା ଘଟିଛି ମଧ୍ୟପ୍ରଦେଶର ଇନ୍ଦୋର ଜିଲ୍ଲାରେ। ୨୧ ମେ ୨୦୨୩ରେ ଅଞ୍ଜଳୀଙ୍କ ହାତ ଧରିଥିଲେ ବିକ୍ରମ। ସାତ ଜନ୍ମ ପାଇଁ ସାଥି ହୋଇ ବାଟ ଚାଲିବାକୁ ଶପଥ କରିଥିଲା ବିକ୍ରମ। କିନ୍ତୁ ୧୭ ଟା ଦିନ ନ ହେଉଣୁ ସ୍ତ୍ରୀକୁ ହତ୍ୟା କରି ସଇତାନ ସାଜିଲା ବିକ୍ରମ। ସୁରକ୍ଷା କବଚ ହୋଇଥିଲା ସ୍ୱାମୀ। କିନ୍ତୁ ସାଜିଲା ପିସାଚ। ଅଞ୍ଜଳୀ ଏବେ ଆରପାରିରେ, ହତ୍ୟାକାରୀ ସ୍ୱାମୀ ଏକ ଘରୋଇ ହସ୍ପିଟାଲରେ ଚିକିତ୍ସିତ ଅବସ୍ଥାରେ ।
ଅଧିକ ପଢନ୍ତୁ ଭାରତ ଖବର
