ବିକାଶ ପ୍ରସଙ୍ଗ ନେଇ ରାଜ୍ୟ ସରକାରଙ୍କୁ ସିଧା ହମ୍‌ଲା କଲେ ମୋଦି

ଜୟପୁର: ଜୟପୁରରେ ମୋଦି ଲହରୀ । ନିର୍ବାଚନୀ ମନ୍ତ୍ର ଫୁଙ୍କି ଜୟପୁରରୁ ବିଜୟ ସଂକଳ୍ପ ସମାବେଶର ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ତେବେ ଏଥର ରାଜ୍ୟ ସରକାରଙ୍କୁ ସିଧା ଟାର୍ଗେଟ କରିଛନ୍ତି ମୋଦି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ସ୍ୱତନ୍ତ୍ର ବିମାନ ଯୋଗେ ଜୟପୁରରେ ଆସି ପହଞ୍ଚିଥିଲେ । ତାଙ୍କୁ ସ୍ୱାଗତ କରିବା ପାଇଁ ବିମାନବନ୍ଦରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଜୁଏଲ ଓରାମ, ବରିଷ୍ଠ ବିଜେପି ନେତା ବିଜୟ ମହାପାତ୍ର, ବୈଜୟନ୍ତ ପଣ୍ଡା, ରାଜ୍ୟ ସଭାପତି ବସନ୍ତ ପଣ୍ଡା ପ୍ରମୁଖ ଉପସ୍ଥିତ ଥିଲେ ।

ପ୍ରଧାନମନ୍ତ୍ରୀ ମୋଦି ଆଜି ଜୟପୁରରେ ପହଞ୍ଚି ବାଙ୍କବିଜା ପଡିଆରେ ସାଧାରଣ ଜନତାଙ୍କୁ ଉଦବୋଧନ ଦେଇଥିଲେ । ଚିରାଚରିତ ଢଙ୍ଗରେ ମୋଦି ତାଙ୍କର ଅଭିଭାଷଣ ଆରମ୍ଭ କରିଥିଲେ । ପ୍ରଥମେ ଓଡିଆରେ ଆପଣମାନେ କେମିତି ଅଛନ୍ତି ପ୍ରଶ୍ନ କରିଥିଲେ । ଏହାପରେ ଜୟ ଜଗନ୍ନାଥ କହିବା ସହ ସହିଦ ଲକ୍ଷ୍ମଣ ନାୟକଙ୍କ ଫଟୋରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ପଦ୍ମଶ୍ରୀ ତଥା ସମାଜସେବୀ କମଳା ଦେବୀ ମୋଦିଙ୍କୁ ସ୍ୱାଗତ କରିଥିଲେ ।

ଏହାପରେ ମୋଦି କହିଥିଲେ ଯେ, ୨୦୧୪ରେ ଯେତେବେେଳେ ଓଡିଶା ଆସିଥିଲେ ନିଷ୍ଠା ସହ ଆପଣଙ୍କ ସେବା କରିବି ବୋଲି କହିଥିଲି । ଆପଣଙ୍କ ପ୍ରଧାନସେବକ ଭଳି ଏକ ଚେଷ୍ଟା ରହିଛି କି କୌଣସୀ ନାଗରିକଙ୍କର କିଛି ଅଭାବ ରହିବନି । ଜନତା ଯେଭଳି ଭାବେ ମୋତେ ସମର୍ଥନ କରିଛନ୍ତି, ଦିଗ ଦେଖାଇଛନ୍ତି, ବିରୋଧୀଙ୍କ ମୁକାବିଲା କରିଛନ୍ତି ଏଥିପାଇଁ ଆପଣଙ୍କ ନିକଟରେ କୃତଜ୍ଞ । ଓଡିଶାର ଭାଇଭଉଣୀ ମଧ୍ୟ ଏହାକୁ ସମର୍ଥନ କରିଛନ୍ତି । ମୋର ସବୁଠାରୁ ପ୍ରଥମ କାମ ହେଉଛି ଓଡିଶାବାସୀଙ୍କ ଧନ୍ୟବାଦ କରିବା । ୮ଲକ୍ଷ ଗରିବଙ୍କୁ ଓଡିଶାରେ ଘର ମିଳିଛି । ଉଜ୍ଜ୍ୱଳା ଯୋଜନାରେ ୪୦ ଲକ୍ଷ ଘରେ ଗ୍ୟାସ ପହଁଚିଛି । ୩୦୦୦ ଗ୍ରାମରେ ଅନ୍ଧାର ହଟିଛି, ଆପଣଙ୍କ ଜୀବନରେ ସମୃଦ୍ଧି ହେଇଛି । ୨୪ଲକ୍ଷ ଘରରେ ବିଜୁଳି ମାଗଣାରେ ପହଁଚିଛି । ଏଥିପାଇଁ ଓଡିଶାବାସୀଙ୍କ ପ୍ରେରଣା ରହିଛି । ଯଦି ବିଜେପି ସରକାରର ୫ ବର୍ଷର ସଫଳତାର କେହି ହକଦାର ରହେ ତେବେ ସେ ହେଉଛନ୍ତି ଭାରତୀୟ ଜବତା, ମତଦାତା, ଓଡିଶାବାସୀ ମଧ୍ୟ ଅଟନ୍ତି ।

ମୋଦି ଆହୁରି କହିଛନ୍ତି ଯେ, ସମସ୍ତେ ବିକାଶର ରାସ୍ତାରେ ଅଛନ୍ତି । ପିଲାଙ୍କୁ ପାଠ ପଢାଇଛନ୍ତି, ଯୁବକଙ୍କୁ ରୋଜଗାର, ବୃଦ୍ଧଙ୍କୁ ପେନସନ ମିଳିଛି । ଏଥିପାଇଁ ପ୍ରୟାସ ହୋଇଛି । ଗତ ୫ବର୍ଷରେ ବନ ଉତ୍ପାଦରେ ସମର୍ଥକ ମୁଲ୍ୟ ତିନିଥର ବୃଦ୍ଧି ପାଇଛି । ପୂର୍ବରୁ ମାତ୍ର ୧୦ଟି ବନଜାତ ଉପରେ ଏମଏସପି ମିଳୁଥିଲା ।  ଏବେ ଏହା ଶହେରେ ପହଁଚିଛି । ଓଡିଶାର ବିକାଶ ପାଇଁ ରାସ୍ତା, ରେଳ, ଗ୍ୟାସ ସମସ୍ତ ଉଦ୍ୟୋଗ ସହ ଜଡିତ କାମ ହୋଇଛି । ପରେଳବାଇରେ ଏଠାରେ ଅଦ୍ଭୁତପୂର୍ବ କାମ ହୋଇଛି, ରାୟଗଡାରେ ରେଳ ଡିଭିଜନ ହୋଇଛି, ନବରଙ୍ଗପୁର- ମାଲକାନଗିରି ରେଳଲାଇନରେ ବିସ୍ତାର ହୋଇଛି । ଟଙ୍କାର କିଛି ଅଭାବ ନାହିଁ । ମହିଳା, ଯୁବକଙ୍କୁ ରୋଜଗାର ମିଳିଛି । ମୁଦ୍ରା ଯୋଜନାରେ ସଶକ୍ତ କରାଯାଇଛି । ଓଡିଶା ମାଟିରୁ ଦେଶର ବୈଜ୍ଞାନିକଙ୍କୁ ସଫଳତା ମିଳିଛି । ଯେତେବେଳେ ବିରୋଧୀ ସେନା, ବୈଜ୍ଞାନିକଙ୍କୁ ନିଚା ଦେଖାଉଛନ୍ତି ଜନତା ସେମାନଙ୍କ ମୁହଁ ବନ୍ଦ କରିଛନ୍ତି । ପୂର୍ବରୁ ଓଡିଶା ଏପରି ଏକ ଐତିହାସିକ ଉପଲବ୍ଧିର ସାକ୍ଷୀ ରହିଛି ଯେ ସାରା ବିଶ୍ୱକୁ ଭାରତର ସାମର୍ଥ୍ୟ ସହ ପରିଚିତ କରିଛି । ଅନ୍ତରୀକ୍ଷରେ ଭାରତ ସଫଳ ହୋଇଛି । ଏହା ଭାରତର ଆତ୍ମବିଶ୍ୱାସ । ସାରା ଦେଶ ଏଥି ପାଇଁ ଗର୍ବ କରୁଛି । ଅନେକ ଲୋକଙ୍କୁ ଭାରତର ଏହି ଉପଲବ୍ଧି ଛୋଟ ନଜର ଆଶୁଛି । ୬୦ ଦଶକରୁ ଗରିବଙ୍କ ସହ ବେଇମାନ କରୁଥିବା ଲୋକ ଏତେ ଡରିଯାଇଛନ୍ତି କି ଦେଶର ବୈଜ୍ଞାନିକ, ସେନାଙ୍କ ସାମର୍ଥ୍ୟକୁ ନିନ୍ଦା କରୁଛନ୍ତି । ଏମାନଙ୍କୁ ଦଣ୍ଡ ମିଳିବା ଦରକାର । ଭାରତ ଆତଙ୍କବାଦୀଙ୍କ ଉପରେ ଆକ୍ରମଣ କଲେ ବିରୋଧୀ ଏହାର ପ୍ରମାଣ ମାଗୁଛନ୍ତି । ଗୋଟିଏ ମାସ ହୋଇଗଲା ପାକିସ୍ତାନ ଶବ ଗଣୁଛି କିନ୍ତୁ ବିରୋଧୀ ପ୍ରମାଣ ମାଗୁଛନ୍ତି । ଭୋଟ ଦେବା ପାଇଁ ଗଲାବେଳେ ଆତଙ୍କବାଦୀଙ୍କୁ ଆକ୍ରମଣ କରିଥିବା ସରକାର ଦରକାର ନା ସେମାନଙ୍କୁ ଡରୁଥିବା ସରକାର, ନିଷ୍ପତି ନେଉଥିବା ସରକାର ଦରକାର ବୋଲି ମୋଦୀ ଜନତାଙ୍କୁ ପ୍ରଶ୍ନ କରିଛନ୍ତି ।

ସେ ଆହୁରି କହିଛନ୍ତି କି, ଓଡିଶା ଏବଂ ଭାରତକୁ ମଜବୁତ କରୁଥିବା ସରକାର ଦରକାର । ୧୦ ପାଦ ଚାଲିବା ପାଇଁ ୧୦ ମିନିଟ ଲାଗୁଥିବା ସରକାର ଦରକାର ନାହିଁ । ବିଜେଡି ବିକାଶ ପାଇଁ ସମୟ ନେଇଛି । ଭରସା ଭାଙ୍ଗିଛି । ଏଥିପାଇଁ ଦଣ୍ଡ ମିଳିବା ଦରକାର । ଏହି ସୁଯୋଗ ହାତଛଡା କରିବା ଅନୁଚିତ । ରାଜ୍ୟ ସରକାର ହଟିବା ଦରକାର । ଯେଉଁ  ସରକାର ନକ୍ସଲ ହିଂସା ନିୟନ୍ତ୍ରଣ କରିପାରୁ ନାହାନ୍ତି ତାଙ୍କୁ ଦଣ୍ଡ ମିଳୁ । ୨୦୧୯ ନିର୍ବାଚନ ସାଂସଦ ଏବଂ ବିଧାୟକ ନିର୍ବାଚନ ନୁହେଁ, ଏହା କେନ୍ଦ୍ର ଏବଂ ରାଜ୍ୟରେ ବିକାଶର ଡବଲ ଇଂଜିନ ଲଗାଉଥିବା ନିର୍ବାଚନ । ଏହା ୫ ବର୍ଷରେ ମଜବୁତ ଓଡିଶା ଗଠନରେ ସହାୟକ ହେବା  ଓଡିଶା ଯୁବକ,କୃଷକ, ମହିଳା ଆଗକୁ ବଢିଲେ ରାଜ୍ୟରେ ମଜବୁତ ସରକାର ହେବ । ପୂର୍ବ ଭାରତ ମଜବୁତ ହେବ । ଚିଟଫଣ୍ଡ ଘୋଟାଲା କରିଥିବା, ଗରିବଙ୍କୁ ଲୁଟିଥିବା ଓଡିଶାକୁ ମଜବୁତ କରିପାରିବେ ନାହିଁ, ରାଜ୍ୟର ଭଲ କରିପାରିବେ ନାହିଁ, ।  ଖଣି ମାଫିଆଙ୍କୁ ମୁହଁ ଦେଉଥିବା ଲୋକ ରାଜ୍ୟକୁ କେବେବି ମଜବୁତ କରିପାରିବେ ନାହିଁ । ଯେଉଁ ରାଜ୍ୟରେ ମହିଳା ଅସୁରକ୍ଷିତ ନ୍ୟାୟ ଦେବାରେ ବିଫଳ ହୋଇଥିବା ଲୋକ ଓଡିଶାକୁ ସୁରକ୍ଷିତ କରିପାରିବେ ନାହିଁ । ଏହାର ଜବାବ ମିଳିବା ଦରକାର । ଭୋଟରେ ବିଜେପିକୁ ଭୋଟ ଦିଅନ୍ତୁ । ବିଜେପି ହିଁ ରାଜ୍ୟର ବିକାଶ କରିପାରିବ । ଏହା ଆପଣଙ୍କ ଚୌକିଦାର କରିବ । ଥରଟେ ସୁଯୋଗ ଦେଇ ଦେଖାନ୍ତୁ  । ଯେତେବେଳେ ଆମେ ଏବଂ ଆପଣ ମିଶି ସଜାଗ ରହିବୁ ସମସ୍ତ ଭ୍ରଷ୍ଟାଚାରୀ ଡରିବେ । ଏହି କାମ ପାଇଁ ମୋଦି ଆପଣଙ୍କ ସହ ରହିଛନ୍ତି ।

ରାଜ୍ୟ ପ୍ରାକୃତିକ ସମ୍ପଦରେ ଭରପୁର । ଏହା ଗୁଜୁରାତରେ ଥିଲେ ଗୁଜୁରାତ ଆହୁରି ବିକାଶ ହୋଇଥାନ୍ତା । ଏଠାରେ ଘନ ଜଙ୍ଗଲ, ହ୍ରଦ, ସମୁଦ୍ର ସମସ୍ତ ସୁଯୋଗ ଅଛି । ଯୁବକଙ୍କୁ ରୋଜଗାର ପାଇଁ ଅନେକ ସୁଯୋଗ ରହିଛି  ।କିନ୍ତୁ ଏଠାକାର ଲୋକ ଗରିବ । ଏହା କଂଗ୍ରେସ ଏବଂ ବିଜେଡି ସରକାର କାରଣରୁ ହୋଇଛି । ଗତ ୬୦ ବର୍ଷ ହେଲା କଂଗ୍ରେସ ଓଡିଶାକୁ ଗରିବ କରି ରଖିଛି । ଗରିବ ଏବଂ ଆଦିବାସୀଙ୍କ ନାମରେ ଯୋଜନା ହେଉଛି କିନ୍ତୁ ସୁଫଳ ମିଳୁନାହିଁ । ନବୀନଙ୍କ ଗ୍ରାମରେ ସୁବିଧା ନାହିଁ । ଏହା ଓଡିଶାବାସୀ ଭଲ ଭାବେ ଜାଣନ୍ତି । ଓଡିଶା ବିକାଶରେ ପଛରେ ପଡିଛି । କୋରାପୁଟରେ ଏପରି ଘଟଣା ଦେଶ ଦେଖିଛି କି ମୃତ୍ୟୁ ପରେ ମଧ୍ୟ ଲୋକ ଅପମାନିତ ହୋଇଛନ୍ତି । ସାରା ଦେଶରେ ଟିକାକରଣ ହେଉଛି ହେଲେ ଓଡିଶାରେ ହେଉନାହିଁ । କାରଣ ଏଠାରେ କେନ୍ଦ୍ର ସହ କାନ୍ଧ ମିଳାଇ ଚାଲିପାରୁଥିବା ବିଜେପି ସରକାର ନାହିଁ । ଆୟୁଷ୍ମାନ ଯୋଜନାକୁ ରାଜ୍ୟ ସରକାର ଲାଗୁ କଲେ ନାହିଁ । ୧୭ ଲକ୍ଷ ଗରିବ ରୋଗୀ ଏହାର ଲାଭ ପାଇଛନ୍ତି । ନବୀନ ଏଥିରେ ସାମିଲ ହେଉନାହାନ୍ତି । କୃଷକଙ୍କ ସହ ମଧ୍ୟ ରାଜ୍ୟ ସରକାର ଧୋକା କରିଛନ୍ତି । ପିଏମକିଷାନ ନିଧୀ ପାଇଁ ତାଲିକା ଦେଉନାହାନ୍ତି । ଦେଶର କୃଷକଙ୍କୁ ଲାଭ ମିଳୁଛି କିନ୍ତୁ ରାଜ୍ୟ ସରକାର ରାଜନୀତି କରି ଏହାକୁ ରୋକୁଛନ୍ତି । କେବଳ ଏତିକି ନୁହେଁ କାଳିଆ ଯୋଜନାରେ ମିଛ ହିତାଧିକାରୀଙ୍କୁ ସୁଯୋଗ ମିଳୁଛି । ଆଦିବାସୀ ଅଂଚଳର ପାଇଁ ନୂଆ ବ୍ୟବସ୍ଥା ଆରମ୍ଭ ହୋଇଥିଲା । ମିନେରାଲ ଫଣ୍ଡକୁ ଏଠାରେ ବିକାଶ ପାଇଁ ଲଗାହୋଇଥାନ୍ତି । ରାଜ୍ୟକୁ ୬୫୦୦ କୋଟି ମିଳିଥିଲା । କିନ୍ତୁ ଏଠାକାର ସରକାର ଗରିବ ଆଦିବାସୀଙ୍କ ପାଇଁ କେବଳ ୧୦୦୦ କୋଟି ଖର୍ଚ୍ଚ କରିଛନ୍ତି । ଏହି ସରକାର ରାଜ୍ୟରୁ ଯିବା ଦରକାରା  । ହାରିବ ଦରକାର । ଓଡିଶାରେ ପରିବର୍ତନ ହେବା ଦରକାର । ଏନଡିଏ ସରକାରରେ ବିହାର, ୟୁପିରେ ଅନେକ ବିକାଶମୂଳକ କାର୍ଯ୍ୟ ହେଉଛି, ବିଜେପି ସରକାର ଥିଲେ ଏଠାରେ ମଧ୍ୟ ହୋଇଥାନ୍ତା । ଚଳିତ ଥର ଏହା ସମ୍ଭବ ହେବ  । ଏଠାକାର ସରକାର ଜନତାଙ୍କୁ ପକେଟରେ ରଖିଥିବା ଭାବୁଛନ୍ତି । ସେମାନଙ୍କୁ ଝଟକା ଦେବା ଦରକାରା  । ବିଜେପିର ଡବଲ ଇଞ୍ଜିନ ଓଡିଶାକୁ ଆଗକୁ ନେବ । ଏହାସହ ମୋଦି ଜୟ ଜଗନ୍ନାଥ କହି ଭାଷଣ ଶେଷ କରିଥିଲେ  ।