ଭୁବନେଶ୍ୱର: କମିବ ତେଲ ଦର । ପେଟ୍ରୋଲ ଓ ଡିଜେଲ୍ ଦର ଆସନ୍ତା କିଛି ଦିନରେ କମିପାରେ। ୧୦ ଟଙ୍କା ପର୍ଯ୍ୟନ୍ତ ଦର କମିପାରେ ବୋଲି ଚର୍ଚ୍ଚା ହେଉଛି। ସୂଚନା ଅନୁସାରେ ଏହି ପ୍ରସଙ୍ଗରେ ତୈଳ କମ୍ପାନୀ ଗୁଡିକ ସହ କେନ୍ଦ୍ର ସରକାର କଥାବାର୍ତ୍ତା ଜାରି ରଖିଛନ୍ତି। ତେବେ ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ମଧ୍ୟ ଶସ୍ତା ହୋଇଛି। ସେଥିପାଇଁ ତୈଳ ଦର କମିବା ସମ୍ଭାବନା ସୃଷ୍ଟି ହୋଇଛି।
ମେ ୨୦୨୨ ମସିହା ପରଠୁ ତୈଳ ଦରରେ କୌଣସି ପରିବର୍ତ୍ତନ ହୋଇନାହିଁ । ପୂର୍ବରୁ ତୈଳ କମ୍ପାନୀ ଗୁଡିକ ପେଟ୍ରୋଲରେ ଲିଟର ପ୍ରତି ୧୭ ଟଙ୍କା ଏବଂ ଡିଜେଲ୍ ଲିଟର ପ୍ରତି କ୍ଷତି ସହୁଥିଲେ । କିନ୍ତୁ ଅଶୋଧିତ ତୈଳ ଦର ଶସ୍ତା ହେବା ପରେ ତୈଳ କମ୍ପାନୀ ଗୁଡିକ ପେଟ୍ରୋଲରେ ଲିଟର ପ୍ରତି ୮-୧୦ ଟଙ୍କା ଏବଂ ଡିଜେଲ୍ ଲିଟର ପ୍ରତି ୩ରୁ ୪ଟଙ୍କା ଲାଭ କରୁଛନ୍ତି ।
ଅର୍ଗସ ବ୍ୟୁରୋ : ଏଣିକି ସରକାରୀ କର୍ମଚାରୀଙ୍କ ମୃତ୍ୟୁ ହେଲେ ବାପାର ଚାକିରି ପାଇବ ଝିଅ । ବିବାହିତ ଝିଅ ତଥା ନିର୍ଭରଶୀଳ ବିବାହିତା ଏବଂ ସାବତ ଝିଅଙ୍କୁ ନିଯୁକ୍ତି ପାଇଁ କ୍ୟାବିନେଟରେ ନିଷ୍ପତ୍ତି । ଥଇଥାନ ଯୋଜନାରେ ଝିଅଙ୍କୁ ମିଳିବ ଚାକିରି । ୩ଟି ପ୍ରସ୍ତବାକୁ କ୍ୟାବିନେଟ୍ ରେ ବାଜିଛି ମୋହର । ସରିଲା ରାଜ୍ୟ କ୍ୟାବିନେଟ୍ ର ଗୁରୁତ୍ବପୂର୍ଣ୍ଣ ବୈଠକ । ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବସିଥିଲା ବୈଠକ । ଗୋପାଳପୁର ବନ୍ଦଦରର ଉନ୍ନତି ନିମନ୍ତେ ବଡ ପଦକ୍ଷେପ ।
ଅଧିକ ପଢନ୍ତୁ ଓଡିଶା ଖବର
ଅଗ୍ନିବୀରଙ୍କ ପାଇଁ ରାଜ୍ୟରେ ରହିବ ୧୦ ପ୍ରତିଶତ ସଂରକ୍ଷଣ । ରାଜ୍ୟ ୟୁନିଫର୍ମ ସର୍ଭିସରେ ୧୦ ପ୍ରତିଶତ ସଂରକ୍ଷଣ । ସେହିପରି ସରକାରୀ କର୍ମଚାରୀଙ୍କ ମୃତ୍ୟୁ ପରେ ଅବିବାହିତ ଓ ସାବତ ଝିଅଙ୍କୁ ମିଳିବ ଚାକିରି ।
ଅର୍ଗସ ବ୍ୟୁରୋ: କୋଲକତା ଦୁଷ୍କର୍ମ ଓ ହତ୍ୟା ମାମଲା। କୋଲକତାରେ ଇଡିର ଖୋଳତାଡ। ଅଭିଯୁକ୍ତ ସନ୍ଦୀପ ଘୋଷଙ୍କ ପୈତୃକ ଘରେ ଇଡିର ରେଡ। ପଶ୍ଚିମବଙ୍ଗର ପାଖାପାଖି ୬ଟି ସ୍ଥାନରେ ଚଢାଉ ଜାରି ରଖିଛି ଇଡି। ସେପଟେ ନ୍ୟାୟ ଦାବିରେ ଡାକ୍ତର ମାନଙ୍କ ଆନ୍ଦୋଳନ ଜାରି ରହିଛି। ୧ ମାସରୁ ଅଧିକ ଦିନ ହେବ ନ୍ୟାୟ ଅପେକ୍ଷାରେ ମୃତକଙ୍କ ପରିବାର ଲୋକେ। ହେଲେ ଦିନ ପରେ ଦିନ ଗଡୁଥିଲେ ବି ନ୍ୟାୟ ମିଳିପାରୁନାହିଁ। କିନ୍ତୁ ନୂଆ ନୂଆ ତଥ୍ୟ ସାମ୍ନାକୁ ଆସୁଛି।
ବନ୍ଦ ହେଲାନି ଆନ୍ଦୋଳନ । ଥମିଲାନି ପ୍ରତିବାଦ । ସୁପ୍ରିମକୋର୍ଟର ଡେଡଲାଇନ ଟାଇମ୍ ୫ ଟାରେ ଶେଷ ହେବା ପରେ ବି କୋଲକାତାରେ ଜାରୀ ରହିଥିଲା ଆନ୍ଦୋଳନ । ଆନ୍ଦୋଳନକାରୀ ଡାକ୍ତର ମାନଙ୍କ ଉପରେ ହୋଇପାରେ କାର୍ଯ୍ୟାନୁଷ୍ଠାନ । ସୁପ୍ରିମ କୋର୍ଟରେ ଶୁଣାଣି ପରେ ଡାକ୍ତର ମାନଙ୍କୁ କାମକୁ ଫେରିବାକୁ ନିର୍ଦେଶ ଦେଇଥିଲେ ଚିଫ୍ ଜଷ୍ଟିସ୍ ଡି ୱାଇ ଚନ୍ଦ୍ରଚୂଡ । କିନ୍ତୁ ସୁପ୍ରିମ କୋର୍ଟ ବିଚାରପତିଙ୍କ ନିର୍ଦେଶକୁ ମାନି ନଥିଲେ ଆନ୍ଦୋଳନକାରୀ ଛାତ୍ର ଛାତ୍ରୀ ।
ଅଧିକ ପଢ଼ନ୍ତୁ : କୋଲକାତା ଦୁଷ୍କର୍ମ ; ଡେଡଲାଇନ୍ ଶେଷ ପରେ ବି କାର୍ଯ୍ୟରେ ଯୋଗ ଦେଲେନି ଡାକ୍ତର
