PM Modi visits J&K for the first time since abrogation of Article 370 in 2019

ଯାଜପୁରରୁ ଜବତ ୫ କୋଟି ଟଙ୍କା ବବିଙ୍କର ? ମାଆଙ୍କୁ ଜିତାଇବାକୁ କଳା ଟଙ୍କା ବାଣ୍ଟୁଥିଲେ କି ବବି ? ଧରାପଡିବା ପରେ ଦୋଷ ମାନିବାକୁ ଲକ୍ଷାଧିକ ଟଙ୍କା ଦିଆଯାଇଥିବା ନେଇ ସଙ୍ଗୀନ ଅଭିଯୋଗ । ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ । ଯାଜପୁରରୁ ଲଗାତାର ୩ ଥର ବିଧାୟକ ହେବା ପରେ ବି ଏଥର ପାଣ୍ଡିଆନ ତାଙ୍କୁ ଯାଜପୁର ଆସନ ଦେଲେ ନାହିଁ । ବରଂ ସମ୍ବଲପୁରକୁ ପଠାଇଦେଲେ ଯେଉଁଠି ସେ ହାରିବା ଥୟ । ଏକଥା ଦଳ, ବବି ଓ ପାଣ୍ଡିଆନ ସମସ୍ତେ ଜାଣିଛନ୍ତି । ହେଲେ ବି ସମ୍ବଲପୁରରେ ଲୋକସଭା ପ୍ରାର୍ଥୀ କରିଛନ୍ତି ।  କଥା ହେଲା ସମ୍ବଲପୁରରୁ ସେ ହାରୁଥିବାରୁ ତେଣୁ କୋରେଇ ଜିତିବାକୁ ବବି ଖଟାଉଛନ୍ତି ସବୁ ଶକ୍ତି । କଳେ ବଳେ କୌଶଳେ ନିର୍ବାଚନ ବୈତରଣୀ ପାର ହେବାକୁ ସେ ଟଙ୍କା ବାଣ୍ଟି ଭୋଟ୍‌ କିଣିବା ପରି ହୀନ ଚକ୍ରାନ୍ତ କରିବାକୁ ବି ପଛାଇନାହାନ୍ତି । ଏ କଥା ଆମେ ନୁହେଁ ବରଂ ଅଭିଯୋଗ କରିଛନ୍ତି ବିରୋଧୀ ।

ମୋଟ୍‌ ଉପରେ ଦୁଇ ଦିନ ତଳେ ଯାଜପୁରର ଜଣେ ଠିକାଦାରଙ୍କ କାରରୁ ରାଜଧାନୀରେ ଜବତ ହୋଇଥିଲା ୫ କୋଟି ଟଙ୍କା । ଭୁବନେଶ୍ଵର ଷ୍ଟେଟ୍ ବ୍ୟାଙ୍କ ମେନ୍ ବ୍ରାଞ୍ଚରେ ଏହି ସବୁ ଟଙ୍କା ବି ଗଣାଗଲା । ବିଜେପି କହିଛି ଟଙ୍କା ଜବତ ହୋଇଥିବା କାରର ମାଲିକ ଠିକାଦାର ନିହାର ମହାନନ୍ଦ ବବି ଦାସଙ୍କ ଖାସ୍ ଅନୁଗତ । ଯାଜପୁର ଜିଲ୍ଲାରେ ହଜାର ହଜାର କୋଟି ଟଙ୍କାର ପାହାଡ଼ କେଳେଙ୍କାରୀରେ ରହିଛି ଏହି ଠିକାଦାରଙ୍କ ହାତ । ଆଉ ସେ ଟଙ୍କା ସବୁ ଯାଉଥିଲା କୋରେଇକୁ । ଯଦି ଏହା ସତ ହୋଇଥାଏ ତାହାଲେ ସାଙ୍ଘାତିକ । 

କେବଳ କୋରେଇ ନୁହେଁ ସାରା ଓଡ଼ିଶାରେ ବିଜେଡିକୁ ଘାରିଛି ପରାଜୟ ଭୟ। କଳ ବଳ ସବୁ ପ୍ରୟୋଗ କରି ବି ଭୋଟରଙ୍କୁ ମନାଇବାରେ ବିଫଳ ବିଜୁ ଜନତା ଦଳ । ଏବେ ଶାସକ ଦଳ ପାଇଁ ଶେଷ ଅସ୍ତ୍ର ପାଲଟିଛି ଟଙ୍କା। ସାରା ରାଜ୍ୟରୁ ସାମ୍ନାକୁ ଆସୁଛି ବିଜେଡି ଟଙ୍କା ବଣ୍ଟା କେଳେଙ୍କାରୀର ଚିତ୍ର। ଶାସକ ଦଳ ଖୁଲମଖୁଲ୍ଲା ଟଙ୍କା ବାଣ୍ଟୁଛି ସେମାନଙ୍କର କୋଟି କୋଟି ଟଙ୍କା ଧରାପଡୁଛି। 
 

ଓଡ଼ିଶାରେ ଏବେ ଚାଲିଛି ତାମିଲ ଶାସନ । ବିଜେଡି ଏବେ ତାଙ୍କ କଥାରେ ପରିଚାଳିତ । ପୂର୍ବରୁ ଏମିତି କିଛି କଥା ଚର୍ଚ୍ଚା ହେଉଥିଲା । ହେଲେ ସେ ଚର୍ଚ୍ଚାର ଅବସାନ କାଲି ଖୋଦ ନବୀନ ବାବୁ କରିଛନ୍ତି । ଏବେ ରାଜ୍ୟରେ ସରଗରମ ରାଜ୍ୟରାଜନୀତି । ଘଡ଼ିକେ ଘୋଡା ଛୁଟୁଛି । ଏହାରି ଭିତରେ ନେତାଏ ରୋଡ୍‌ ସୋ' ବି କରୁଛନ୍ତି । ବିଗତ ଦିନରେ ପ୍ରଧାନମନ୍ତ୍ରୀ ମୋଦି ବି ଭୁବନେଶ୍ଵରରେ ରୋଡ ସୋ' କରିଥିଲେ । ଆଉ ଖୋଦ ପିଏମଙ୍କ ସହ ଭୁବନେଶ୍ଵର ସାଂସଦ ପ୍ରାର୍ଥୀନୀ ଅପରାଜିତା ଷଡଙ୍ଗୀ, ବିଜେପି ରାଜ୍ୟ ସଭାପତି ମନମୋହନ ସାମଲ ଥିଲେ । ହେଲେ ନବୀନଙ୍କ ରାଲିରେ ସେମିତି କିଛି ଦେଖିବାକୁ ମିଳିନଥିଲା ।

ପ୍ରତ୍ୟକ୍ଷ ଭାବରେ ନିର୍ବାଚନ ଲଢୁନାହାନ୍ତି । ହେଲେ କ୍ଷମତା ଛାଡିବାକୁ ସେ ନାରାଜ ଅଛନ୍ତି । ସେଇଥି ଲାଗି ତ ନବୀନଙ୍କ ପାଖେ ପାଖେ ରହି ମନ୍ଦ ବୁଦ୍ଧି ଦେଇ ଓଡ଼ିଆ ନେତାଙ୍କୁ ଦୂରେଇ ରଖି ନିଜର ୫-ଟି ତାମିଲ ଅଫିସରଙ୍କୁ ଧରି ଏଇଠୁ ସମ୍ପତ୍ତି ନେଇ ତାମିଲନାଡୁରେ ଏକାଠି କରୁଛନ୍ତି । ତେଣୁ କାଳେ କୌଣସି ଓଡ଼ିଆ ନେତା ନବୀନଙ୍କ ପାଖ ଲୋକ ହେଲେ ତାଙ୍କ ପ୍ରତି ବିପତ୍ତି ମାଡ଼ି ଆସିବ । ତେଣୁ ନବୀନଙ୍କ ସହ କୌଣସି ଓଡ଼ିଆ ନେତାଙ୍କୁ ସେ ଭେଟେଇ ଦେଉନଥିଲେ । କିନ୍ତୁ ନିର୍ବାଚନ ରାଲିରେ ବି ବିନା ପ୍ରାର୍ଥୀଙ୍କ ସହ ନବୀନ ଯେମିତି ରୋଡ୍‌ ସୋ' କଲେ ସେଥିରୁ ଗୋଟିଏ କଥା ସ୍ପଷ୍ଟ ନବୀନ କେବଳ ବିଜେଡିର ଷ୍ଟାମ୍ପ, ପ୍ରକୃତରେ ଶାସନ ଏବେ ତାମିଲ ବାବୁଙ୍କ ହାତେର ।
 

ବିଜେଡିର ଗୋଷ୍ଠୀ କନ୍ଦଳ ଓ ନେତୃତ୍ଵ ସଂକଟ ହିଁ ସେ ଦଳକୁ ହରାଇ ଦେବ । କାରଣ ଏବେ ଦଳରେ କେବଳ ଜଣିଏ ନେତା ଦେଖାଯାଉଛନ୍ତି । ସବୁଆଡ଼େ ଯାଇ ପ୍ରଚାର କରୁଛନ୍ତି...ଇଏ ସେଇୟା କଲେନି, ସିଏ ଏଇୟା କଲେନି ବୋଲି କହୁଛନ୍ତି । ହେଲେ ନିଜେ ସେ କଣ କରୁଛନ୍ତି ? ଯାହା ପ୍ରତିଶ୍ରୁତି ଦେଇଥିଲେ ତାହା ପୂରଣ ହୋଇଛି କି ନାହିଁ ସେନେଇ ଆଦୌ ମୁହଁ ଖୋଲୁନାହାନ୍ତି । କେତେବେଳେ ଯଦି କହୁଛନ୍ତି, ତାହାଲେ କେବଳ ମିଛ...ମିଛ ଆଉ ମିଛ । ସିଏ ତ ଯାହା କହୁଥିଲେ କହୁଥିଲେ ହେଲେ ଭରା ସଭାରେ ବବି ଯେମିତି ନବୀନଙ୍କୁ ବେଜିତ କରିଦେଲେ, ମିଛୁଆ  ସଜାଇ ଦେଲେ । ତାହାକୁ ନେଇ ଏବେ ତୀବ୍ର ଅସନ୍ତୋଷ ଦେଖାଗଲାଣି ।

ଗୁରୁତ୍ଵପୂର୍ଣ୍ଣ କଥା ହେଲା, ବିଜେଡିକୁ ଏବେ ଘାଇଲା କରୁଛନ୍ତି ବିଜେପି ନେତା । ରତ୍ନଭଣ୍ଡାର ଚାବି ହଜିବା ପ୍ରସଙ୍ଗ ହେଉ କି ଶ୍ରୀମନ୍ଦିର ଚାରିଦ୍ଵାର ଖୋଲିବା ପ୍ରସଙ୍ଗ ହେଉ କି ରଥଯାତ୍ରା ବନ୍ଦ କରିବା ପ୍ରସଙ୍ଗ ହେଉ । ବିଜେଡିକୁ ପ୍ରଶ୍ନବାଣରେ ଘାଇଲା କରୁଛନ୍ତି ବିଜେପି ନେତା । ଆଉ ସତ ସବୁ ପଦାରେ ପଡୁଥିବାରୁ ଏବେ କଣ କରିବେ ? କେମିତି ମୁକାବିଲା କରିବେ ସେନେଇ ବୁଦ୍ଧିବାଟ ପାଉନାହାନ୍ତି ବିଜେଡି ନେତା । ଯେଉଁଥି ଲାଗି ମଂଚରେ ଏମିତି ବାଉଳା ହେଉଛନ୍ତି ନେତା ବୋଲି ଲେକେ କହିଲେଣି ।