ମନେ ପକାନ୍ତୁ ଗତ ଅକ୍ଟୋବର ମାସରେ ହରିୟାନାର ଫରିଦାବାଦ୍ରେ ଘଟିଥିବା ନିକିତା ତୋମାର ହତ୍ୟାକାଣ୍ଡ ଘଟଣା । ପ୍ରେମ ପାଇଁ ନା କହିବାରୁ ବିଚ୍ ରାସ୍ତାରେ ନିକିତାକୁ ହତ୍ୟା କରିଥିଲା ଭିନ୍ନ ସମ୍ପ୍ରଦାୟର ଜଣେ ଯୁବକ । କେବଳ ନିକିତା ତୋମାର ନୁହେଁ ଦେଶର ବିଭିନ୍ନ ରାଜ୍ୟରେ ପ୍ରେମ ଆଉ ବିବାହ ନାଁରେ ନିରୀହ ଝିଅଙ୍କୁ ଫସେଇ ଧାର୍ମିକ ବିଭେଦ ସୃଷ୍ଟି କରୁଛନ୍ତି ଭିନ୍ନ ସମ୍ପ୍ରଦାୟର ଅସାମାଜିକ ଯୁବକ ।
ଉଦ୍ଦେଶ୍ୟ ପୁରଣ ନହେଲେ ଦୁଷ୍କର୍ମ କରିବା ସହିତ ଜୀବନ ନେବାକୁ ଭୁଲୁନାହାଁନ୍ତି । ଲଭ୍ ଜିହାଦ୍ ଉଜାଡ଼ି ଦେଉଛି ପାରିବାରିକ ଶାନ୍ତି, ବିଗାଡ଼ୁଛି ସାମାଜିକ ସନ୍ତୁଳନ, ଦେଶରେ ସୃଷ୍ଟି କରୁଛି ସାମ୍ପ୍ରଦାୟିକ ଭେଦଭାବ ।
କ୍ରମାଗତ ବଢ଼ି ଚାଲୁଥିବା ଏପରି ଘଟଣା ବିରୋଧରେ ଅନେକ ଦିନ ଧରି ସ୍ୱର ଉତୋଳନ ହୋଇ ଆସୁଥିବା ବେଳେ ନିକଟରେ ଆହ୍ଲାବାଦ ହାଇକୋର୍ଟଙ୍କ ରାୟ ବାଟ ଫିଟେଇଛି ସ୍ୱତନ୍ତ୍ର ଆଇନ୍ ତିଆରି ପାଇଁ । ବିବାହ ଉଦ୍ଦେଶ୍ୟରେ ଧର୍ମ ପରିବର୍ତ୍ତନ ଅବୈଧ ବୋଲି କହିଛନ୍ତି ମାନ୍ୟବର କୋର୍ଟ ।
ରାୟ ଆଧାରରେ କିଛିଦିନ ତଳେ ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଏକ ସଭାରେ ଘୋଷଣା କରିଥିଲେ ତାଙ୍କ ରାଜ୍ୟ ଖୁବ୍ଶିଘ୍ର ଆଣିବାକୁ ଯାଉଛି ଲଭ୍ ଜିହାଦ୍ ବିରୋଧି ଆଇନ୍ । ପରେ ପରେ ହରିୟାଣା, ମଧ୍ୟପ୍ରଦେଶ ଏବଂ କର୍ଣ୍ଣାଟକ ଭଳି ବିଜେପି ଶାସିତ ରାଜ୍ୟଗୁଡ଼ିକ ବି ସମାନ ଧରଣର ଆଇନ ଆଣିବା ବାବଦରେ କରିଥିଲେ ଘୋଷଣା । ଏପରିକି କେନ୍ଦ୍ର ସରକାର ମଧ୍ୟ ଏ ସମ୍ପର୍କରେ ଏକ ଆଇନ୍ ପ୍ରଣୟନ କରିବା ପାଇଁ ଦାବି ଏବେ ଜୋର ଧରିଛି ।
ଅନ୍ୟ ରାଜ୍ୟଗୁଡ଼ିକ ଯୋଜନା ପ୍ରସ୍ତୁତ କରୁଥିବା ବେଳେ ଏବେ ଆଇନ୍ ଆଣିବାରେ ଆଗରେ ରହିଛି ଉତରପ୍ରଦେଶ । ରାଜ୍ୟର ଗୃହ ବିଭାଗ ଏ ସମ୍ପର୍କରେ ଏକ ପ୍ରସ୍ତାବ ପଠାଇଛି ଆଇନ୍ ବିଭାଗକୁ । ଖୁବ୍ ଶିଘ୍ର ବିଲ୍ ପ୍ରସ୍ତୁତ ହୋଇ ଆଇନ୍ରେ ପରିଣତ ହେବାକୁ ଯାଉଛି । ସୂଚନା ଅନୁସାରେ ଲଭ୍ ଜିହାଦରେ ସମ୍ପୃକ୍ତ ଅପରାଧିକୁ ସର୍ବାଧିକ ୭ ବର୍ଷ ଜେଲ ଦଣ୍ଡ ପ୍ରଦାନ କରିବାର ପ୍ରସ୍ତାବ ରଖାଯାଇଛି ।
ସାମାଜିକ ସ୍ଥିରତା ଆଉ ନିରୀହ ଝିଅଙ୍କ ଜୀବନ ରକ୍ଷା ପାଇଁ ଏପରି ଆଇନ୍ର ଆବଶ୍ୟକତା ଥିବାବେଳେ ଏବେ ଏହାକୁ ନେଇ ଜୋର୍ ଧରିଲାଣି ରାଜନୀତି । ଅଶୋକ ଗେହେଲଟଙ୍କ ଭଳି ତୁଷ୍ଟିକରଣ ରାଜୀନତି ଚଳେଇଥିବା କଂଗ୍ରେସର କିଛି ନେତା ଏହାକୁ ବିରୋଧ କରି ସାମ୍ପ୍ରଦାୟିକ ରଙ୍ଗ ଦେବା ଆରମ୍ଭ କରି ଦେଇଛନ୍ତି ।
