ମୟୂରଭଞ୍ଜ: ବେଆଇନ ଭାବେ ଚାଲିଥିଲା ବାଲି ଉତ୍ତୋଳନ । ବିନା କୌଣସି ପରମିଟରେ ଚାଲିଛି ଦିନ ରାତି ବାଲି ଉତ୍ତୋଳନ । ଯାହା ଉପରେ ଆଜି ରୋକ୍ ଲଗାଇଛି ପ୍ରଶାସନ । ଆଜି ଉକ୍ତ ବାଲି ଖାଦାନ ଉପରେ ଜାରି ହୋଇଛି ୧୪୪ ଧାରା । ଉଦଳା ତହସିଲ ଅଧିନ ତେଲଦିହୁଡି ଠାରେ ପ୍ରବାହିତ ସୋନ ନଦୀର ତେଲଦିହୁଡି ଘାଟରେ ଚାଲିଥିଲା ବେଆଇନ ବାଲି ଖାଦାନ । ବିନା କୌଣସି ଅନୁମତିରେ ମାଫିଆମାନେ ସକ୍ରିୟ ହୋଇ ନଦୀରୁ ପ୍ରତିଦିନ ଶହ ଶହ ଟ୍ରିପ୍ ବାଲି ଚୋରି କରୁଥିଲେ ।
ଯାହାକୁ ନେଇ ଉଦଳା ତହସିଲଦାରଙ୍କ ନିକଟରେ ଅଭିଯୋଗ ହେବା ପରେ ଆଜି ଉକ୍ତ ବାଲିଘାଟରେ ୧୪୪ ଧାରା ଜାରି କରିଛି ତହସିଲ ପ୍ରଶାସନ । ତହସିଲଦାର ସତ୍ୟଜିତ୍ ମହାନ୍ତି ପୋଲିସ୍ ପ୍ରଶାସନ ଉପସ୍ଥିତିରେ ଉକ୍ତ ବାଲିଘାଟରେ ୧୪୪ ଧାରା ଜାରି କରିଥିଲେ । ଉକ୍ତ ବାଲିଘାଟର ସୀମା ନିର୍ଦ୍ଧାରଣ କରିବା ସହିତ ନାଲି ପତାକା ପୋତିଛି ତହସିଲ ପ୍ରଶାସନ । ତା ସହ ଏହି ବାଲିଘାଟ ସରକାରଙ୍କ ସମ୍ପତ୍ତି । ଏହାକୁ ଲୁଟ୍ କଲେ ଆଇନ ଅନୁସାରେ ଦଣ୍ଡିତ ହେବେ ବୋଲି ଫଳକ ମଧ୍ୟ ଲଗାଯାଇଛି । ଅଚାନକ ଭାବେ ତହସିଲଦାରଙ୍କ ଏପରି ଆକ୍ସନ ଦେଖି ମାଫିଆମାନେ ଏବେ ପୁରା ଛାନିଆ ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ତାତିରୁ ମିଳିଲା ସାମାନ୍ୟ ତ୍ରାହି। ଯାଜପୁର ଜିଲା ବିଂଝାରପୁରର ବିଭିନ୍ନ ଅଞ୍ଚଳରେ ଅପରାହ୍ନରେ କାଳବୈଶାଖି ଯୋଗୁଁ ବର୍ଷା ଓ କୂଆପଥର ମାଡ଼ ହୋଇଛି। ଝଡତୋଫାନ ଓ କୁଆପଥର ପ୍ରଭାବ ରେ ଲୋକଙ୍କ ଚାଳଛପର ଘର, ଦୋକାନଘର, ଆଜବେଷ୍ଟସ ଛପର ଘର ଆଦି ଭାଙ୍ଗି ଯାଇଛି । ସେହିପରି କେତେକ ସ୍ଥାନରେ ବଡ ବଡ ଗଛ ଓ ଇଲେକ୍ଟ୍ରିକ ଖୁଣ୍ଟ ମଧ୍ୟ ଭାଙ୍ଗିଯାଇଛି।
ଫଳରେ ଏହି ଅଞ୍ଚଳରେ ବ୍ୟାପକ କ୍ଷୟକ୍ଷତି ହୋଇଛି। ସୟଦପୁର, ବିଂଝାରପୁର, ଫତେପୁର, ଆଉଁରୀ, ମାଂଶଡା ଆଦି ଅଂଚଳରେ କାଳବୈଶାଖୀ ପ୍ରଭାବରେ ବ୍ୟାପକ କ୍ଷୟକ୍ଷତି ହୋଇଛି। ବିଦ୍ୟୁତ ଓ ଟେଲି ଯୋଗାଯୋଗ ବାଧା ପ୍ରାପ୍ତ ହୋଇଛି। କେତେକ ସ୍ଥାନରେ ଗମନାଗମନ ମଧ୍ୟ ବାଧାପ୍ରାପ୍ତ ହୋଇଛି। ବ୍ଲକ ପ୍ରଶାସନ ତଥା ରାଜସ୍ବ ବିଭାଗ ପକ୍ଷରୁ କ୍ଷୟକ୍ଷତି ଆକଳନ କରାଯାଇ ଆବଶ୍ୟକ ସରକାରୀ ସହାୟତା ଯୋଗାଇଦେବାକୁ ସାଧାରଣରେ ଦାବି ହେଉଛି।
ଅଧିକ ପଢ଼ନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: ସେୟାର ବଜାରରେ ଟଙ୍କା ନିବେଶ କରିବାକୁ ଚାହୁଁଛନ୍ତି କି। ଗୋଟେ ବର୍ଷ ଭିତରେ ୭୬୮ ପ୍ରତିଶତ ରିଟର୍ଣ୍ଣ। ଏଲଆଇସି ପୋର୍ଟକଲର ଏହି ୫ ପ୍ରକାରର ଷ୍ଟକ୍ସ କରିଛି ଦମଦାର ଲାଭ। ଭାରତୀୟ ଜୀବନ ବିମା ନିଗମ ଭାରତୀୟ ସେୟାର ବଜାରରେ ଏକ ବଡ ନିବେଷକ ଅଟେ । ଯେଉଁଥିରେ ୨୫୦ରୁ ଅଧିକ ଲିଷ୍ଟେଟ କମ୍ପାନୀରେ ନିବେଶ କରିଛି । ୨୯ ଏପ୍ରିଲ ୨୦୨୪ ପର୍ଯ୍ୟନ୍ତ ଏହାର ଇନଭେଷ୍ଟମେଣ୍ଟ ଭାଲ୍ୟୁ ୧୩ ଲକ୍ଷ କୋଟି ଟଙ୍କା ରହିଛି । ଏଲଆଇସି ନିକଟରେ କିଛି କମ୍ପାନୀରେ ସେୟାର ବଢ଼ାଇଛି।
ଏଲଆଇସି ରିଲାଏନ୍ସ ଇଣ୍ଡଷ୍ଟ୍ରିରେ ୬.୨୯ ପ୍ରତିଶତ, ଆଇଟିସିରେ ୧୫.୨୦ ପ୍ରତିଶତ, ଏସବିଆଇରେ ୮.୯୩ ପ୍ରତିଶତ, ଇନଫୋସିସରେ ୧୦.୪୧ ପ୍ରତିଶତ ଏବଂ ଏଚଡିଏଫସି ବ୍ୟାଙ୍କରେ ୫.୨୬ ପ୍ରତିଶତ ସେୟାର ବଣ୍ଟାଯାଇଛି। ଏହି ବଡ କମ୍ପାନୀ ବ୍ୟତିତ କିଛି ଛୋଟ ଛୋଟ କମ୍ପାନୀରେ ମଧ୍ୟ ଭାରତୀୟ ଜୀବନ ବିମା ନିଗମ ନିବେଶ କରିଛି । ଯାହା କମ୍ ସମୟ ମଧ୍ୟରେ ଖୁବ ଭଲ ରିଟର୍ଣ୍ଣ ଦେଇଛି।
Gokak Textiles ରେ ଏଲଆଇସିର ୪.୫୪ ପ୍ରତିଶତ ଭାଗ ରହିଛି ଏବଂ ଏଥିରେ ଗୋଟେ ବର୍ଷରେ ୭୬୮ ପ୍ରତିଶତର ରିଟର୍ଣ୍ଣ ଦେଇଛି। ବର୍ତ୍ତମାନ ଏହି ସେୟାର ୨୩୮.୪୫ ଟଙ୍କାରେ ପହଞ୍ଚିଛି। ହାଉସିଙ୍ଗ ଅର୍ବନ ଡେଭଲପମେଣ୍ଟ ଗୋଟେ ବର୍ଷ ମଧ୍ୟରେ ୩୬୬ ପ୍ରତିଶତର ରିଟର୍ଣ୍ଣ ଦେଇଛି। ବର୍ତ୍ତମାନ ଏହି ଷ୍ଟକ ୨୨୮.୬୫ ଟଙ୍କାରେ ପହଞ୍ଚିଲାଣି। ଏହାସହ ଏହି କମ୍ପାନୀ ଏଲଆଇସିର ୮.୯ ପ୍ରତିଶତର ସେୟାର ରହିଛି। ସେୟାର ବଜାରରେ ଯେକୌଣସି ପ୍ରକାରର ନିବେଶରେ ପ୍ରଥମେ ନିଜର ମାର୍କେଟ ଏକ୍ସପର୍ଟମାନଙ୍କର ଉପଦେଶ ଜରୁରୀ।
ଅଧିକ ପଢ଼ନ୍ତୁ ଦେଶ ଖବର:
ଅର୍ଗସ ବ୍ୟୁରୋ: ଡେଙ୍ଗୁ ରୋଗ ପାଇଁ ଏହା ହେଉଛି ରାମ ଵାଣ ହୋଇଥାଏ । ଡେଙ୍ଗୁ ମଶାରୁ ବହୁର କ୍ଷତିକାତକ ରୋଗ ହୋଇଥାଏ। ଡେଙ୍ଗୁ ରୋଗ ହେଵା ଦ୍ଵାରା ମଣିଷ ଶରୀରରେ ପଟଲେଟ୍ସର ସ୍ତର କମିଥାଏ । ତାହା କମିଯିବା ଦ୍ଵାରା ରକ୍ତ ସଂଚାଳନ ହେଵାର ଅନେକ ଅସୁଵଧାଵା ହୋଇଥାଏ ।
ତେଵେ ଆସନ୍ତୁ ଜାଣିଵା ସେଇ ସଵୁ ଫଳ ସଵୁ ବିଷୟରେ ଯାହା ଡେଙ୍ଗୁ ହେଲେ ଖାଇବା ଦ୍ଵାରା ଅନେକ ଫାଇଦା ମିଳିଥାଏ ।
କିଓ୍ବି:- ଡେଙ୍ଗୁ ରୋଗ ହେଲେ ଏହି ଫଳ ଖାଇଵା ଆଵଶ୍ୟକ । କିୱି ଖାଇଵା ଦ୍ଵରା ହଜମ ଶକ୍ତିକୁ ମଜୁବୁତ ହୋଇଥାଏ ତାହା ସହ ଶରୀରରେ ଜଲଦି ପେଟଲଟ୍ସ ସ୍ତରକୁ ଵଢାଇଥାଏ ।
ଡାଳିମ୍ଵ :- ଏହି ଫଳ ଖାଇଵା ଦ୍ଵାରା ଶରୀରରେ ଏଣ୍ଟିଅକସାଇଡ ସ୍ତର କମ ଥିଲେ ତାହା ପୂରଣ ହୋଇଥାଏ ।
କଦଳୀ:-କଦଳୀ ଖାଇଵା ଦ୍ଵାରା ଶରୀରରେ ଆଇରନ ମାତ୍ରା ଵଢିଥାଏ । ଏହା ଵଢିଵା ଦ୍ଵାରା ଡେଙ୍ଗୁ ରୁ ମିକ୍ତି ମିଳିଥାଏ ।
ପପେୟା :-ଡେଙ୍ଗୁ ରୋଗରେ ପପେୟା ଖାଇଵା ଦ୍ଵାରା ମଧ୍ୟ ଅନେକ ଲାଭ ମିଳିଥାଏ । ତାହା ସହ ଖାଲି ଫଳ ନୁହଁ ବରଂ ତା ପତ୍ର ମଧ୍ୟ ଦେହ ପାଇଁ ବହୁର ଭଲ ହୋଇଥାଏ
ଅଧିକ ପଢ଼ନ୍ତୁ ଜୀବନ ଶୈଳୀ ଖବର:
