ନିଳାଦ୍ରୀବିହାରରୁ ସର୍ବାଧିକ ୩୦୬ଜଣ, ନୟାପଲ୍ଲୀରୁ ୨୧୬, ୟୁନିଟ-୯ରୁ ୧୪୭, ଆଇଆରସି ଭିଲେଜ ଅଞ୍ଚଳରୁ ୧୬୦ ଓ ଜୟଦେବ ବିହାରରୁ ୭୭ଜଣ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି । ସେହିଭଳି ଭୁବନେଶ୍ବର ଉପକଣ୍ଠରୁ ମଧ୍ୟ ୫ଶହରୁ ଅଧିକ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି । ବର୍ଷାଦିନ ଥିବାରୁ ମଶାଧୂଆଁ ଛାଡିବା ସମ୍ଭବପର ହେଉନଥିଲେ ହେଁ ବିଏମସି ପକ୍ଷରୁ ନିୟମିତ ବୁସକଟିଂ ଓ ସାପ୍ତାହିକ ଦୁଇ ଦିନ ଡ୍ରାଏ ଡେ ପାଳନ ସହ ଲୋକଙ୍କ ମଧ୍ୟରେ ସଚେତନତା ସୃଷ୍ଟି ଜାରି ରହିଛି । ଗତବର୍ଷ ତୁଳନାରେ ଚଳିତ ବର୍ଷର ଡେଙ୍ଗୁ ରୋଗୀଙ୍କ ସଂଖ୍ୟା ଯଥେଷ୍ଟ କମ ରହିଛି । ବର୍ତ୍ତମାନ ଟେଷ୍ଟିଂ ପଜିଟିଭ ରେଟ ଶତକଡା ୬୦ପ୍ରତିଶତରୁ ହ୍ରାସ ପାଇ ୩୦ପ୍ରତିଶତକୁ ଆସିଛି । ଏଣୁ ଲୋକେ ଆତଙ୍କିତ ନହୋଇ ମଶା ବଂଶ ଲୋପ ଦିଗରେ ଯତ୍ନବାନ ହେଲେ ଡେଙ୍ଗୁକୁ ରୋକାଯାଇପାରିବ ବୋଲି ବିଏମସି ପକ୍ଷରୁ ପରାମର୍ଶ ଦିଆଯାଇଛି। ବର୍ଷା ଦିନ ପୂର୍ବରୁ ଡେଙ୍ଗୁ ସଚେତନତା ପାଇଁ ବିଏମ୍ସି ତରଫରୁ ବିଭିନ୍ନ ପ୍ରକାର କାର୍ଯ୍ୟକ୍ରମ କରାଯାଉ ଥିଲେ ମଧ୍ୟ ସବୁ ଏବେ ଫେଲ ମାରିଛି।
Bhubaneswar: 48 new dengue patients were detected from the capital
- Follow us |
|
|
|
ଭୁବନେଶ୍ୱର: ଚିନ୍ତା ବଢାଇଲାଣି ଡେଙ୍ଗୁ। ରାଜଧାନୀରୁ ପୁଣି ଚିହ୍ନଟ ହେଲେ ୪୮ନୁଆ ଡେଙ୍ଗୁ ରୋଗୀ। ଗତ ୨୪ଘଣ୍ଟାରେ ୧୭୩ଜଣଙ୍କ ନମୁନା ପରୀକ୍ଷା କରାଯାଇଥିବା ବେଳେ ୪୮ଟି ପଜିଟିଭ ଓ ୧୨୫ଟି ନେଗେଟିଭ ଥିବା ଜଣାପଡିଛି। ଆଜି ଚିହ୍ନଟ ହୋଇଥିବା ରୋଗୀଙ୍କୁ ମିଶାଇଲେ ରାଜଧଶନୀରେ ମୋଟ ଡେଙ୍ଗୁ ରୋଗୀ ସଂଖ୍ୟା ୨୦୫୯କୁ ବୃଦ୍ଧି ପାଇଛି। ଅଗଷ୍ଟ ମାସରେ ୭୬୩ଜଣ ଡେଙ୍ଗୁ ରୋଗୀ ଚିହ୍ନଟ ହୋଇଥିବା ବେଳେ ସେପ୍ଟେମ୍ବର ମାସରେ ବର୍ତ୍ତମାନ ସୁଦ୍ଧା ୧୦୦୩ଜଣ ଡେଙ୍ଗୁ ରୋଗୀ ଚିହ୍ନଟ ହୋଇସାରିଛନ୍ତି ।
ଅର୍ଗସ ବ୍ୟୁରୋ: ଏସିଆନ ଗେମ୍ସରେ ଭାରତର ମେଡାଲ ବର୍ଷା । ଏ ଯାଏଁ 5ଟି ପଦକ ହାସଲ । ମହିଳା 50 ମିଟର ରାଇଫଲ 3 ପୋଜିସନରେ ଭାରତକୁ ସ୍ବର୍ଣ୍ଣ ଏବଂ ବ୍ରୋଞ୍ଜ ପଦକ । ସ୍ବର୍ଣ୍ଣ ଜିତିଲେ ସିଫ୍ଟ କୌର ଶର୍ମା ଓ ବ୍ରୋଞ୍ଜ ଜିତିଲେ ଆସି ଚୋକ୍ସି । ଏହା ପୂର୍ବରୁ 25 ମିଟର ରାପିଡ଼ ଫାୟାର ପିସ୍ତଲ ସୁଟିଂରେ ସ୍ବର୍ଣ୍ଣ ଜିତିଛନ୍ତି ଭାରତୀୟ ମହିଳା ଟିମ ।
ମାନୁ ଭାକର, ଏଶା ସିଂ, ଆର. ସଙ୍ଗୱାନ ଜିତିଲେ ସ୍ବର୍ଣ୍ଣ । ଭାରତ ପାଇଁ ପଞ୍ଚମ ସ୍ବର୍ଣ୍ଣ ପଦକ ବିଜୟ । ସେପଟେ 50 ମିଟର ରାଇଫଲ 3 ପୋଜିସନ ମହିଳା ସୁଟିଂରେ ରୌପ୍ୟ ପଦକ ଜିତିଲା ଭାରତ । ଏହାକୁ ମିଶାଇ ଭାରତର ପଦକ ସଂଖ୍ୟା 19କୁ ବୃଦ୍ଧି ପାଇଛି ।
ଆହୁରି ପଢନ୍ତୁ ଖେଳ ଖବର...
ଅର୍ଗସ ବ୍ୟୁରୋ: ଜୀବନ ନେଇପାରେ ଡିଜେ ସାଉଣ୍ଡ । ଡିଜେ ସାଉଣ୍ଡ ଏତେ ସାଙ୍ଘାତିକ ହୋଇଥିଲା ଯେ, ୧୫ ଜଣ ଆହତ ହେବା ସହ ଜଣେ ଗୁରୁତର ହୋଇଛନ୍ତି । ଯାହାକୁ ନେଇ ଭସାଣୀରେ ଡିଜେକୁ ବିରୋଧ କରାଯିବା ସହ ଡିଜେ ମାଲିକ, ପୂଜା କମିଟି ନାଁରେ ଏତଲା । କେନ୍ଦ୍ରାପଡ଼ା ଜିଲ୍ଲା ଗରଦପୁର, ବ୍ରହ୍ମପୁର, ପୁରୁଷୋତ୍ତମପୂର, ମଳିକସାହି, ଘୋଡ଼ାଶାଳ, ବଜ୍ରବାଣ ପ୍ରମୁଖ ଅଞ୍ଚଳରୁ ଆସିଛି ଏଭଳି ଅଭିଯୋଗ ।
ଭସାଣୀରେ ଡିଜେ ସାଉଣ୍ଡ ଦ୍ଵାରା ୧୫ରୁ ଉର୍ଦ୍ଧ୍ଵ ଶିଶୁ, ବୃଦ୍ଧବୃଦ୍ଧା ଏବଂ ହୃଦରୋଗୀ ଗୁରୁତର ହୋଇଛନ୍ତି । ପାଟକୁରା ଥାନାରେ ମଧ୍ୟ ଅଭିଯୋଗ ହୋଇଛି । ପୁରୁଷୋତ୍ତମପୂରର ୫୫ ବର୍ଷୀୟ ପ୍ରମୋଦ କୁମାର କର ବେହୋସ ହୋଇ ତଳେ ପଡ଼ିଯାଇଥିଲେ । ଘରର ସଦସ୍ୟ ତୁରନ୍ତ ପାଟକୁରା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରକୁ ନେଇଥିଲେ । ପ୍ରମୋଦଙ୍କୁ ହାର୍ଟ ଆଟାକ ହୋଇଥିବା କହି ତୁରନ୍ତ ମେଡିସିନ, ଇଞ୍ଜେକ୍ସନ ଦେବା ସହ ଅକ୍ସିଜେନ ଦେଇଥିଲେ ।
ପ୍ରମୋଦ ଟିକେ ସୁସ୍ଥ ଅନୁଭବ କରିବାରୁ ତାଙ୍କୁ ୧୦୮ ଆମ୍ବୁଲାନ୍ସ ଯୋଗେ କଟକ ବଡ ମେଡିକାଲକୁ ପଠାଯାଇଛି । ସେହିଭଳି ବ୍ରହ୍ମପୁରର ପାର୍ଥସାରଥୀ ରାଉତଙ୍କ ନବଜାତ ପୁଅ ଗୁରୁତର ହୋଇପଡ଼ିଥିଲେ । ଏହାଛଡା ରମେଶ ସ୍ଵାଇଁ, ହେମ ସାହୁ, ଉଷା ରାଉତ, ଗୋପାଳ ଚନ୍ଦ୍ର ସାହୁଙ୍କ ପୁଅ ଡିଜେ ସାଉଣ୍ଡରେ ପ୍ରଭାବିତ ହୋଇ ପ୍ରାଥମିକ ଚିକିତ୍ସା ହୋଇ ଘରେ ଅଛନ୍ତି । ଏନେଇ ଗ୍ରାମବାସୀଙ୍କ ପକ୍ଷରୁ ଲିଖିତ ଅଭିଯୋଗ କରିବା ସହ କ୍ଷତି ହୋଇଥିବା ଲୋକଙ୍କୁ ପ୍ରଶାସନ ପକ୍ଷରୁ ସହାୟତା ଯୋଗାଇ ଦେବା ସହ ଆଗାମୀ ଦିନରେ ଡିଜେ ପାଇଁ କୌଣସି ପ୍ରକାରର ଅନୁମତି ନଦେବାକୁ ଦାବି ହୋଇଛି ।
ଆହୁରି ପଢନ୍ତୁ ଓଡିଶା ଖବର...
