ଘର
ଓଡ଼ିଶା
ଚେଇଁ ଶୋଇଥିବା ପ୍ରଶାସନକୁ ଆନ୍ଧ୍ର ସରକାରଙ୍କ ଖୋଲା ଚ୍ୟାଲେଞ୍ଜ୍
ଚେଇଁ ଶୋଇଥିବା ପ୍ରଶାସନକୁ ଆନ୍ଧ୍ର ସରକାରଙ୍କ ଖୋଲା ଚ୍ୟାଲେଞ୍ଜ୍
by Jitendra Dash
Odisha
| Wed, Feb 28 | 2:43 p.m.
ଅର୍ଗସ ବ୍ୟୁରୋ : ବିଜେଡିର ୨୪ ବର୍ଷ ଶାସନରେ ଅସୁରକ୍ଷିତ ହୋଇ ପଡିଛି ରାଜ୍ୟର ସୀମା, ଭାଷା ଓ ସଂସ୍କୃତି । ପୁଣି ଥରେ ଓଡ଼ିଶା ସୀମାରେ ପଶି ନିଜ ଅଧିକାର ସାବ୍ୟସ୍ତ କରିବାକୁ ଆନ୍ଧ୍ରର ଉଦ୍ୟମ । ଚେଇଁ ଶୋଇଥିବା ସରକାରକୁ ଏଥର ପୋଲିସର ଡର ଦେଖାଇ ଆନ୍ଧ୍ର ଖେଳିଛି ବଡ଼ ଚାଲ୍ । କୋରାପୁଟ ଜିଲ୍ଲାର ବିବାଦୀୟ କୋଟିୟାପୁଞ୍ଜର ନେରେଡି ୱାଲ୍ସା ସାପ୍ତାହିକ ହାଟରେ ଆନ୍ଧ୍ର ପୋଲିସ ଉପସ୍ଥିତିରେ ଏକ ସ୍ବାସ୍ଥ୍ୟ ଶିବିରର ଆୟୋଜନ କରିଛି ଆନ୍ଧ୍ର ସରକାର ।
ଆନ୍ଧ୍ର ପ୍ରଦେଶର ପାର୍ବତୀପୁରମ୍ ଜିଲ୍ଲା ଏସପି ବିକ୍ରାନ୍ତ ପାଟିଲଙ୍କ ସମେତ ଅନେକ ବରିଷ୍ଠ ପୋଲିସ ଅଧିକାରୀ ଉପସ୍ଥିତ ରହିଥିବା ଦେଖିବାକୁ ମିଳିଛି । କୋଟିଆ ପୁଞ୍ଜର ୫ ଗୋଟି ଗ୍ରାମ ବାସୀଙ୍କୁ ଡାକ୍ତରୀ ପରୀକ୍ଷା କରିଥିଲେ ଏବଂ ୩୦୦ ଲୋକଙ୍କୁ ଔଷଧ ବଣ୍ଟନ କରିଥିଲେ ।
ଅଧିକ ପଢନ୍ତୁ ଓଡ଼ିଶା ଖବର
ଏଠି ପ୍ରଶ୍ନ ବାରମ୍ବାର ଆନ୍ଧ୍ର ସୀମାରେ ପଶି ହୁକୁମାତି ଚଳାଇଥିବା ବେଳେ କାହିଁକି ଏ ଦିଗରେ ମୌନ ବ୍ରତ ଧାରଣ କରିଛି ବିଜେଡି ସରକାର । ଆନ୍ଧ୍ର ସୀମା ଜବରଦଖଲ କରି ଚାଲିଥିବା ବେଳେ ଆଉ କେବେ ଚେତିବେ ରାଜ୍ୟ ସରକାର । ସେପଟେ ଏହି ଘଟଣାକୁ ତୀବ୍ର ଅସନ୍ତୋଷ ଦେଖାଦେଇଛି ।
