ଭୁବନେଶ୍ୱର: ରାଜ୍ୟରେ ଆଜି ଆଉ ୧୫୩୫ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ଏହାସହ ଓଡ଼ିଶାରେ କରୋନା ଆକ୍ରାନ୍ତଙ୍କ ସୁସ୍ଥ ସଂଖ୍ୟା ୪୫୩୧୪କୁ ବୃଦ୍ଧି ପାଇଛି । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ମିଳିଛି ।
ସୁସ୍ଥ ହୋଇଥିବା ଆକ୍ରାନ୍ତଙ୍କ ମଧ୍ୟରେ ଖୋର୍ଦ୍ଧାରୁ ୨୮୭, ସୁନ୍ଦରଗଡରୁ ୧୭୮, ଗଞ୍ଜାମରୁ ୧୫୬, କନ୍ଧମାଳରୁ ୧୦୫, ପୁରୀରୁ ୯୬, କଟକରୁ ୮୪, କୋରାପୁଟରୁ ୭୩, ବରଗଡରୁ ୭୦, ନୟାଗଡରୁ ୬୩, ମାଲକାନଗିରିରୁ ୫୮, ବାଲେଶ୍ୱରରୁ ୫୨ ଜଣ ରହିଛନ୍ତି ।
ସେହିପରି କଳାହାଣ୍ଡିରୁ ୪୭, ଭଦ୍ରକରୁ ୪୨, ଯାଜପୁରରୁ ୩୯, ଗଜପତିରୁ ୨୭, କେନ୍ଦ୍ରାପଡାରୁ ୨୦, ସମ୍ବଲପୁରରୁ ୨୦, ଝାରସୁଗୁଡାରୁ ୧୯, ମୟୂରଭଞ୍ଜରୁ ୧୭, କେଉଁଝରରୁ ୧୭, ଢେଙ୍କାନାଳରୁ ୧୫, ରାୟଗଡାରୁ ୧୪, ନବରଙ୍ଗପୁରରୁ ୧୩, ବଲାଙ୍ଗୀରରୁ ୭, ବୌଦ୍ଧରୁ ୭, ଜଗତସିଂପୁରରୁ ୬, ନୂଆପଡାରୁ ୨ ଓ ସୋନପୁରରୁ ଜଣେ ସୁସ୍ଥ ହୋଇଥିବା ଜଣାପଡ଼ିଛି ।
ଅର୍ଗସ ବ୍ୟୁରୋ : ରାସ୍ତା ପାର୍ଶ୍ୱ ଗଛରେ ପିଟିହେଲା ବାଇକ୍ । ଘଟଣା ସ୍ଥଳରେ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି । ମୃତକ ଜଣକ ହେଉଛନ୍ତି ପଡୋଶୀ ଝାରଖଣ୍ଡ ରାଜ୍ୟ ଟାଟା ନଗରର ସେକ୍ ଫିରୋଜ । ସୂଚନା ଅନୁସାରେ ଆଜି ଏକ ସୁପର ସ୍ପ୍ଲେଣ୍ଡର ବାଇକ ଯୋଗେ ରାଇରଙ୍ଗପୁରରୁ ଗମ୍ଭାରୀଆ ଯିବା ସମୟରେ ଗମ୍ଭାରୀଆ ବ୍ରିଜ ନିକଟରେ ଭାରସ୍ୟାମ ହରାଇ ଏକ ଗଛରେ ପିଟି ହୋଇଥିଲେ । ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା । ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟରେ ଶବ ବ୍ୟବଚ୍ଛେଦ କରାଯାଇଛି ।
ଅଧିକ ପଢନ୍ତୁ ଓଡ଼ିଶା ଖବର
ଭୁବନେଶ୍ୱର: ବିଜେପି ବିଧାୟକ ଦଳ ବୈଠକ । ବିରୋଧୀ ଦଳ ନେତା ଜୟ ନାରାୟଣ ମିଶ୍ରଙ୍କ ନେତୃତ୍ବରେ ଏହି ବୈଠକ ବସିଥିଲା ।
ଯେଉଁଥିରେ ରାଜ୍ୟ ବିଜେପି ସଭାପତି ମନମୋହନ ସାମଲଙ୍କ ସମେତ ସମସ୍ତ ବିଧାୟକ ବୈଠକରେ ଉପସ୍ଥିତ ଥିଲେ । ଚଳିତ ବିଧାନସଭା ମୌସୁମୀ ଅଧିବେଶନରେ ଦଳର ରଣନୀତି ନେଇ ଆଲୋଚନା ହୋଇଛି । କେଉଁ ସବୁ ପ୍ରସଙ୍ଗ ଗୁଡ଼ିକୁ ବିଜେପି ମୁଦ୍ଦା କରିବ ତା ଉପରେ ସଭାପତି ଦେଇଛନ୍ତି ଗୁରୁମନ୍ତ୍ର ।
ଅଧିକ ପଢନ୍ତୁ ଓଡିଶା ଖବର
ଅର୍ଗସ ବ୍ୟୁରୋ: ବଢ଼ୁଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କ୍ରେଜ। ଦେଶର ଜନତାଙ୍କର ପ୍ରଥମ ପସନ୍ଦ ହେଉଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ପ୍ରଧାନମନ୍ତ୍ରୀ ଗୋଟିଏ ଦିନରେ ୧୦ ଲକ୍ଷରୁ ଅଧିକ ଗ୍ରାହକ ସଂଗ୍ରହ କରି ଏକ ରେକର୍ଡ ସୃଷ୍ଟି କରିଛନ୍ତି । ହ୍ବାଟସଆପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରଧାନମନ୍ତ୍ରୀ ମୋଦି ହ୍ବାଟସଆପର ଲାଟେଷ୍ଟ ଫିଚର ହ୍ବାଟସଆପ୍ ଚ୍ୟାନେଲରେ ଯୋଡ଼ି ହୋଇଛନ୍ତି। ଯାହା ତାଙ୍କୁ ତାଙ୍କ ଅନୁଗାମୀମାନଙ୍କ ସହିତ ସିଧାସଳଖ ଯୋଗାଯୋଗ କରିବାକୁ ସାହାଯ୍ୟ କରିବ। ଏଥିରେ ପ୍ରଧାନମନ୍ତ୍ରୀ ଗୋଟିଏ ଦିନରେ ୧୦ ଲକ୍ଷରୁ ଅଧିକ ଗ୍ରାହକ ସଂଗ୍ରହ କରି ଏକ ରେକର୍ଡ ସୃଷ୍ଟି କରିଛନ୍ତି ।
ହ୍ବାଟସଆପ୍ ଚ୍ୟାନେଲରେ ପ୍ରଧାନମନ୍ତ୍ରୀ ମୋଦୀଙ୍କ ପ୍ରଥମ ପୋଷ୍ଟରେ ନବନିର୍ମିତ ସଂସଦ ଭବନରେ ଏକ ଚିତ୍ର ରହିଛି। ଯେଉଁଥିରେ ସ୍ୱାଗତ କ୍ୟାପସନ୍ ମଧ୍ୟ ରହିଛି। ନୂତନ ଘୋଷିତ ଏହି ଫିଚରରେ ଜନସାଧାରଣ ଏବଂ ବ୍ୟବସାୟୀଙ୍କ ପାଇଁ ସେମାନଙ୍କ ଦର୍ଶକଙ୍କ ନିକଟରେ ବାର୍ତ୍ତା ପ୍ରସାରଣ ପାଇଁ ଡିଜାଇନ୍ କରାଯାଇଛି। ପ୍ରଧାନମନ୍ତ୍ରୀଙ୍କ ପ୍ରଥମ ପୋଷ୍ଟ ଥିଲା, ‘ହ୍ୱାଟ୍ସଆପ୍ ସମୁଦାୟରେ ଯୋଗଦେଇ ଉତ୍ସାହିତ । ଆମର ଚାଲୁଥିବା ସଂଳାପର ଯାତ୍ରାରେ ଏହା ଆଉ ଏକ ପଦକ୍ଷେପ । ଚାଲ ଏଠାରେ ଯୋଗଦେବା । ଏହା ହେଉଛି ନୂଆ ସଂସଦ ଭବନରୁ ନିଆଯାଇଥିବା ଚିତ୍ର ।’ଫେସବୁକର ପ୍ୟାରେଣ୍ଟ୍ କମ୍ପାନୀ ମେଟା ସେପ୍ଟେମ୍ବର ୧୩ ରେ ୧୫୦ ରୁ ଅଧିକ ଦେଶରେ ହ୍ୱାଟ୍ସଆପ୍ ଚ୍ୟାନେଲ ସୁବିଧା ଲଞ୍ଚ କରିଥିଲା । ପ୍ରଧାନମନ୍ତ୍ରୀ ମୋଦୀ ୧୯ ସେପ୍ଟେମ୍ବରରେ ହ୍ୱାଟ୍ସଆପ୍ ଚ୍ୟାନେଲରେ ଯୋଗ ଦେଇଥିଲେ । ଏହା ପରେ ଗୋଟିଏ ଦିନ ମଧ୍ୟରେ ତାଙ୍କ ଗ୍ରାହକଙ୍କ ସଂଖ୍ୟା ୧୦ ଲକ୍ଷ ଅତିକ୍ରମ କରିସାରିଛି । ବର୍ତ୍ତମାନ ହ୍ୱାଟ୍ସଆପ୍ ଚ୍ୟାନେଲରେ ତାଙ୍କର ୧୪ ଲକ୍ଷ ଗ୍ରାହକ ଅଛନ୍ତି ।
ବୁଧବାର ହ୍ୱାଟ୍ସଆପ୍ ଭାରତରେ ଏହାର ଦେୟ ସେବାର ସମ୍ପ୍ରସାରଣ ଘୋଷଣା କରିଛି । ଏହା ବ୍ୟବସାୟୀମାନଙ୍କ ସହିତ କାରବାର କରୁଥିବା ଲୋକଙ୍କ ପାଇଁ ଦେୟ ଦେବା ସହଜ କରିବ । ଏହାସହ ପ୍ରଧାନମନ୍ତ୍ରୀଙ୍କର ଅନ୍ୟ ପ୍ଲାଟଫର୍ମ ‘ଏକ୍ସ’ରେ ୯ କୋଟିରୁ ଅଧିକ ଫଲୋର୍ସ ଅଛନ୍ତି । ଯେତେବେଳେ କି, ଫେସବୁକରେ ତାଙ୍କର ଅନୁଗାମୀଙ୍କ ସଂଖ୍ୟା ପ୍ରାୟ ୫ କୋଟି । ଇନଷ୍ଟାଗ୍ରାମରେ ୭ କୋଟିରୁ ଅଧିକ ଲୋକ ତାଙ୍କୁ ଫଲୋ କରୁଛନ୍ତି ।
ଅଧିକ ପଢ଼ନ୍ତୁ ଦେଶ ଖବର:
