It has been alleged that this robbery was committed in the Cuttack District Health Mission.

କରୋନା କାଳରେ କରାଯାଇଛି କୋଟି କୋଟି ଟଙ୍କାର ମହା ହରିଲୁଟ

by Jitendra Dash

It has been alleged that this robbery was committed in the Cuttack District Health Mission.

ଅର୍ଗସ ବ୍ୟୁରୋ : ବାଇକକୁ ଆମ୍ବୁଲାନ୍ସ ଦର୍ଶାଇ ଟଙ୍କା ହରିଲୁଟ । କରୋନା କାଳରେ କରାଯାଇଛି କୋଟି କୋଟି ଟଙ୍କାର ମହା ହରିଲୁଟ । କଟକ ଜିଲ୍ଲା ସ୍ବାସ୍ଥ୍ୟ ମିଶନରେ ଏହି ହରିଲୁଟ କରାଯାଇଥିବା ନେଇ ହୋଇଛି ଅଭିଯୋଗ । ଏକ ହୋଣ୍ଡା ଦୁଇ ଚକିଆ(OD05F2616) ଗାଡି ଓ ଟିଭିଏସ(OD05AJ3189) ଗାଡିକୁ ଚାରିଚକିଆ କହି ଲୁଟ ଅଭିଯୋଗ ହୋଇଛି । ଯାହାର ଖୋଳସା ହୋଇଛି ସୂଚନା ଅଧିକାର ଆଇନରୁ ମିଳିଥିବା ତଥ୍ୟ । ତେବେ କରୋନା ମହାମାରୀ ସମୟରେ ରୋଗୀଙ୍କୁ ଆମ୍ବୁଲାନ୍ସ ଯୋଗେ ବୁହା ଯାଉଥିବା ବେଳେ କିପରି ଭାବେ ଦୁଇ ଚକିଆ ଗାଡ଼ିକୁ ଆମ୍ବୁଲାନ୍ସ ଦର୍ଶାଇ ଟଙ୍କା ହରିଲୁଟ୍ କରାଯାଇଛି ।

ତାକୁ ନେଇ ପ୍ରଶ୍ନ କରିଛନ୍ତି ସୂଚନା ଅଧିକାର କର୍ମୀ । କେବଳ ଏହି ଦୁଇଟି ବାଇକ ନୁହେଁ, ଏକାଧିକ ବାଇକ ନମ୍ବର ଦେଇ ଆମ୍ବୁଲାନ୍ସ ନାଁରେ ରୋଗୀଙ୍କୁ ଡ଼ାକ୍ତରଖାନା ବୁହେଇଛନ୍ତି ବୋଲି ସୂଚନା ଅଧିକାର ଆଇନରୁ ମିଳିଥିବା ତଥ୍ୟରୁ ଜଣା ପଡ଼ିଛି । ମାସ ମାସ ଧରି ଏକାଧିକ ବାଇକ ଚାଳକ ଦୈନିକ ତେଲ କୁପନ ଓ ୧୫୦୦ ଲେଖାଁଏ ଟଙ୍କା ସ୍ବାସ୍ଥ୍ୟ ବିଭାଗ ଆକାଉଣ୍ଟରୁ ଉଠେଇ ନିଆଯାଇଛି । ପାଖାପାଖି ୮୦ ଟି ଗାଡ଼ି କରୋନା ରୋଗୀଙ୍କ ସେବାରେ ଲାଗିଥିଲା । ତେବେ ଏଥିରେ ସଂପୃକ୍ତ ଅସାଧୁ ସ୍ବାସ୍ଥ୍ୟ ମିଶନ ଅଧିକାରୀ ଓ କର୍ମଚାରୀଙ୍କ ବିରୋଧରେ କାହିଁକି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ ବୋଲି ପ୍ରଶ୍ନ କରିଛନ୍ତି ସୂଚନା ଅଧିକାର କର୍ମୀ ।

ଅପରାଧ ଖବର ଆହୁରି ପଢ଼ନ୍ତୁ ।