ଅର୍ଗସ ବ୍ୟୁରୋ : ବିବାଦ ଘେରରେ ବିଧାୟକ ବିଜୟ ଶଙ୍କର ଦାସ । ବିଧାୟକ ଓ ତାଙ୍କ ପ୍ରେମିକା ସୋମାଲିକାଙ୍କ ପ୍ରେମ ବିବାହ ମାମଲା ଏବେ ଥାନାରେ। ବିଧାୟକଙ୍କ ନାଁରେ ଏତଲା ଦେଇଛନ୍ତି ପ୍ରେମିକା ସୋମାଲିକା । ବିବାହ କରିବାକୁ କହି ସମୟ ଗଡାଉଥିବା ଅଭିଯୋଗ ଆଣିଛନ୍ତି ସୋମାଲିକା । ବିଜୟ ଶଙ୍କର ବିବାହ ପ୍ରତିଶ୍ରୁତି ଦେଇ ପ୍ରତାରଣା କରିଥିବା ସୋମାଲିକା ଅଭିଯୋଗ କରିଛନ୍ତି। ଏତଲାରେ ବିଧାୟକ ବିଜୟ ଦାସ ଏବଂ ତାଙ୍କ ସମ୍ପର୍କୀୟଙ୍କ ନାଁରେ ଧମକଚମକ ଦେଉଥିବା ଅଭିଯୋଗ କରିଛନ୍ତି ସୋମାଲିକା ।
ତିର୍ତ୍ତୋଲ ବିଧାୟକ ବିଜୟ ଶଙ୍କର ଦାସ ଓ ପ୍ରେମିକା ସୋମାଲିକା ପ୍ରେମ ବିବାହ ପାଇଁ ଗତ ମାସ 17 ତାରିଖରେ ଜଗତସିଂହପୁର ସବ ରେଜିଷ୍ଟର କାର୍ଯ୍ୟଳୟରେ ଆବେଦନ କରିଥିଲେ । ଆବେଦନ ତାରିଖ ଏକ ମାସ ପୁରିଯାଇଥିଲେ ବେଳେ ସୋମାଲିକା ବିବାହ କରିବା ପାଇଁ ସବ ରେଜିଷ୍ଟର କାର୍ଯ୍ୟଳୟରେ ପହଞ୍ଚିଥିଲେ। ହେଲେ ବିଧାୟକ ବିଜୟ ଶଙ୍କର ଦାସ ବିବାହ ପାଇଁ ଆସିନଥିଲେ। ଅପେକ୍ଷା କରି ନିରାଶ ହେବା ପରେ ସିଧା ଥାନାରେ ପହଞ୍ଚିଥିଲେ ସୋମାଲିକା। ସବୁଆଡୁ ନିରାଶ ହୋଇ ଆଇନର ଆଶ୍ରୟ ନେଇଛନ୍ତି ସୋମାଲିକା ।
