ଘର
ଓଡ଼ିଶା
ଅଦିନିଆ ବର୍ଷା ନେଇଗଲା ପରିଶ୍ରମର ଫଳ
ଅଦିନିଆ ବର୍ଷା ନେଇଗଲା ପରିଶ୍ରମର ଫଳ
by Manini Pattanayak
ସୁବର୍ଣ୍ଣପୁର: ଅଦିନିଆ ବର୍ଷା ହେଲା କାଳ। ଧୋଇ ଗଲା ପରିଶ୍ରମର ଫଳ। ତରଭୁଜ ଚାଷ କରି ସ୍ବାବଲମ୍ବୀ ହେବାକୁ ଆଶା କରିଥିବା ଚାଷୀ ଏବେ ଚିନ୍ତାରେ । ଅଦିନିଆ ବର୍ଷାରେ ଲକ୍ଷାଧିକ ଟଙ୍କାର ତରଭୁଜ ଚାଷ ନଷ୍ଟ ହୋଇଥିବା ଅଭିଯୋଗ କରିଛନ୍ତି ଚାଷୀ । ବିଶେଷ କରି ସୁବର୍ଣ୍ଣପୁର ଜିଲ୍ଲାର ବୀରମହାରାଜପୁର ଉପଖଣ୍ଡର ବାଗବର୍ ପଞ୍ଚାୟତରେ ବ୍ୟାପକ ପରିମାଣର ଅର୍ଥକାରୀ ତରଭୁଜ ଚାଷ ହୋଇଥାଏ । ପ୍ରତିବର୍ଷ ବାହାର ରାଜ୍ୟରୁ ବେପାରୀ ଆସି ଉଚିତ ମୂଲ୍ୟରେ ତରଭୁଜ ନେଇ ବ୍ୟବସାୟ କରିଥାନ୍ତି ।
ତେବେ ଚଳିତ ବର୍ଷ ବାହାରୁ ଗାଡ଼ି ଆସି ନଥିବାବେଳେ ବର୍ତ୍ତମାନ ତରଭୁଜ ଅମଳ ସମୟ । ହେଲେ ଗତକାଲି ହୋଇଥିବା ଅଦିନିଆ ବର୍ଷା ଚାଷୀଙ୍କ ମେରୁଦଣ୍ଡ ଦୋହଲାଇ ଦେଇଛି । ଏକର ଏକର ତରଭୁଜ ଚାଷ ବର୍ଷା ଯୋଗୁଁ ନଷ୍ଟ ହୋଇଥିବା ଅଭିଯୋଗ ହୋଇଛି। ତରଭୁଜ ବିଲରେ ପାଣି ଜମି ତରଭୁଜ ସବୁ ନଷ୍ଟ ହେବାରେ ଲାଗିଛି । ପୁଣି ଦୁଇଦିନ ବର୍ଷା ହେବାକୁ ପାଣିପାଗ ବିଭାଗ ପୂର୍ବାନୁମାନ କରିଥିବାବେଳେ ଏବେ ଚାଷୀଙ୍କ ମନରେ ଭାଳେଣି ପଡିଛି । ଧାର କରଜ କରି ଦୁଇ ପଇସା ଆଶାରେ ଚାଷ କରିଥିବା ଚାଷୀଙ୍କୁ ଏବେ କ୍ଷତି ପୂରଣ ଦେବାକୁ ଦାବି କରିଛନ୍ତି ଚାଷୀ ।
ଅଧିକ ପଢନ୍ତୁ ଓଡ଼ିଶା ଖବର
