ପୁରୀ: ଆଜି ବସିବ ଚଳିତବର୍ଷ ରଥଯାତ୍ରାର ପ୍ରଥମ ସମନ୍ବୟ ବୈଠକ । ମହାପ୍ରଭୁଙ୍କ ବିଶ୍ବପ୍ରସିଦ୍ଧ ଘୋଷଯାତ୍ରାକୁ ଶୃଙ୍ଖଳିତ କରିବା ପାଇଁ ପ୍ରଶାସନିକ ପ୍ରସ୍ତୁତି ଆରମ୍ଭ ହୋଇଛି । ପୁରୀ ପୌରସଦନରେ କେନ୍ଦ୍ରାଞ୍ଚଳ ରାଜସ୍ବ ଆୟୁକ୍ତଙ୍କ ଅଧ୍ୟକ୍ଷତାରେ ବସିବ ପ୍ରଥମ ରଥ ସମନ୍ବୟ କମିଟି ବୈଠକ । ବୈଠକରେ ବିଭିନ୍ନ ବିଭାଗୀୟ ଅଧିକାରୀମାନେ ସେମାନଙ୍କ ବିଭାଗର ଆକ୍ସନ ପ୍ଲାନ ରିପୋର୍ଟ ଦାଖଲ କରିବେ । ପୂର୍ବରୁ ଜିଲ୍ଲାପାଳଙ୍କ ଅଧ୍ୟକ୍ଷତାରେ ଦୁଇଦୁଇ ଥର ହୋଇଥିବା ପ୍ରସ୍ତୁତି ବୈଠକରେ ସବୁ ଅଧିକାରୀଙ୍କୁ ଡେଡ୍ ଲାଇନ ଦିଆଯାଇଥିଲା ।
ପ୍ରଶାସନିକ ସ୍ତରରେ ବୈଠକକୁ ନେଇ ପ୍ରସ୍ତୁତି ଆରମ୍ଭ ହୋଇଥିବା ବେଳେ ବାସ୍ତବିକ ବିଭାଗୀୟ ଅଧିକାରୀମାନେ ସେତେଟା ତତ୍ପରତା ଦେଖାଇନାହାନ୍ତି । ରାସ୍ତା ମରାମତି, ନାଳ ସଫା, ବିଦ୍ୟୁତ ଇତ୍ୟାଦିର ଅବ୍ୟବସ୍ଥା ଏବେବି ପରିଲକ୍ଷିତ ହେଉଛି । ତେଣୁ ଏସବୁ ଭିତରେ ଆଗକୁ ରଥଯାତ୍ରାରେ ଲକ୍ଷାଧିକ ଭକ୍ତଙ୍କ ଭିଡକୁ ଦୃଷ୍ଟିରେ ରଖି ବିଭାଗ ଗୁଡିକ କେତେ ସକ୍ରିୟ ଅଛନ୍ତି ତାହାର ଆକ୍ସନ ପ୍ଲାନ, ରିପୋର୍ଟ ଦାଖଲ ପରେ ସ୍ପଷ୍ଟ ହେବ ।
ସମନ୍ବୟ ବୈଠକରେ ଜିଲ୍ଲାପାଳ, ଏସପି, ଶ୍ରୀମନ୍ଦିର ପ୍ରଶାସନିକ ଅଧିକାରୀ, ସେବାୟତ, ବୁଦ୍ଧିଜୀବୀ ଏବଂ ଗଣମାଧ୍ୟମ ପ୍ରତିନିଧି ଉପସ୍ଥିତ ରହିବେ ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଗୁରୁବାର କହିଛି ଯେ ବିମୁଦ୍ରୀକରଣ ହୋଇଥିବା 2,000 ଟଙ୍କିଆ ନୋଟ୍ର 97.76 ପ୍ରତିଶତ ବ୍ୟାଙ୍କିଂ ସିଷ୍ଟମକୁ ଫେରିଛି। କେନ୍ଦ୍ରୀୟ ବ୍ୟାଙ୍କ କହିଛି ଯେ ବର୍ତ୍ତମାନ କେବଳ 7,961 କୋଟି ଟଙ୍କିଆ ନୋଟ ଜନସାଧାରଣଙ୍କ ପାଖରେ ଅଛି। ଆରବିଆଇ ବିବୃତ୍ତିରେ କହିଛି ଯେ 2023 ମସିହା ମେ' 19 ରେ 2000 ଟଙ୍କା ପ୍ରତ୍ୟାହାର କରିନେବାକୁ ଘୋଷଣା କରିଥିଲା। ଏହି ଦିନ ଶେଷ ସୁଦ୍ଧା ବଜାରରେ ଉପସ୍ଥିତ 2000 ଟଙ୍କିଆ ନୋଟର ମୂଲ୍ୟ ଥିଲା 3.56 ଲକ୍ଷ କୋଟି ଟଙ୍କା।
ବର୍ତ୍ତମାନ ଏପ୍ରିଲ୍ 30, 2024 ରେ କେବଳ 7,961 କୋଟି ଟଙ୍କା ମୂଲ୍ୟର ନୋଟ୍ ବଜାରରେ ଅଛି। ବ୍ୟାଙ୍କ କହିଛି ଯେ, 2,000 ଟଙ୍କା 97.76 ପ୍ରତିଶତ ଫେରସ୍ତ କରାଯାଇଛି। ତେବେ ଏବେ ଏହି ୨୦୦୦ଟଙ୍କିଆ ନୋଟ ବଜାରରେ ବୈଧ ଅଟେ। ଏବେବି ଏହା ବଜାରରେ ଉପଲବ୍ଧ ଅଛି।
ଲୋକମାନେ 2000 ଟଙ୍କା ନୋଟ୍ ଜମା କରିପାରିବେ କିମ୍ବା ଦେଶର 19 ଟି ଆରବିଆଇ କାର୍ଯ୍ୟାଳୟରେ ଅନ୍ୟ ନୋଟ ସହ ବଦଳ କରିପାରିବେ। ଲୋକମାନେ ଆରବିଆଇର ଯେ କୌଣସି କାର୍ଯ୍ୟାଳୟକୁ ଇଣ୍ଡିଆନ୍ ପୋଷ୍ଟ ମାଧ୍ୟମରେ 2000 ଟଙ୍କା ନୋଟ୍ ପଠାଇ ପାରିବେ ଏବଂ ସମାନ ପରିମାଣକୁ ସେମାନଙ୍କ ବ୍ୟାଙ୍କ ଆକାଉଣ୍ଟରେ ମଧ୍ୟ ଜମା କରିପାରିବେ। ନଭେମ୍ବର 2016 ରେ ଆରବିଆଇ 1000 ଏବଂ 500 ଟଙ୍କିଆ ନୋଟ୍ ବିମୁଦ୍ରୀକରଣ କରିବା ପରେ 2000 ଟଙ୍କିଆ ନୋଟ୍ ଜାରି କରାଯାଇଥିଲା।
ଅଧିକ ପଢ଼ନ୍ତୁ ବାଣିଜ୍ୟ ଖବର
ଅର୍ଗସ ବ୍ୟୁରୋ: ବଲିଉଡ ଷ୍ଟାର ସଲମାନ ଖାନ ଘର ବାହାରେ ହୋଇଥିବା ଗୁଳିକାଣ୍ଡ ମାମଲାକୁ ନେଇ ନୂଆ ନୂଆ ତଥ୍ୟ ସାମ୍ନାକୁ ଆସିଛି। ଜେଲରେ ଥାଇ ଆତ୍ମହତ୍ୟା କରିଥିବା ସୁଟର ଅଭିଯୁକ୍ତଙ୍କ ବିଷୟରେ ଏକ ନୂଆ ତଥ୍ୟ ଜଣାପଡ଼ିଛି। କ୍ରାଇମବ୍ରାଞ୍ଚର ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, ଆତ୍ମହତ୍ୟା କରିଥିବା ଅଭିଯୁକ୍ତଙ୍କ ଜୀବନ ବଞ୍ଚାଯାଇପାରିଥାନ୍ତା। କିନ୍ତୁ ଷ୍ଟାଫ କମ ଥିବାରୁ ଅଭିଯୁକ୍ତଙ୍କ ପ୍ରତି ଅବହେଳା ହୋଇଥିବାରୁ ଅଭିଯୁକ୍ତଙ୍କ ଜୀବନ ଚାଲିଯାଇଥିଲା। ୪୦ ମିନିଟରେ ହିଁ ସବୁ ଓଲଟପାଲଟ ହୋଇଯାଇଥିଲା। ତେବେ ଏହା ଜାଣିଶୁଣି କରାଯାଇଥିଲା କି କଣ। ସେନେଇ ଖୋଳତାଡ଼ ଜାରି ରଖିଥିଲା କ୍ରାଇମବ୍ରାଞ୍ଚ।
କ୍ରାଇମବ୍ରାଞ୍ଚ ତଥ୍ୟ ଅନୁଯାୟୀ ଅଭିଯୁକ୍ତ ଅନୁଜ ଥାପନ ପ୍ରଥମେ ଆତ୍ମହତ୍ୟା ଉଦ୍ୟମ କରିଥିଲେ। ଶୌଚାଳୟକୁ ନିଜେ ଯାଇଥିଲେ କିନ୍ତ ନିୟମ ଅଛି ଯେ, ଅଭିଯୁକ୍ତଙ୍କ ସାଥୀରେ ଜଣେ ପୋଲିସ ଗାର୍ଡ ନିହାତି ଯିବା ଦରକାର। ଅନୁଜ ଶୌଚାଳୟକୁ ଯାଇ ୪୦ ମିନିଟ ପର୍ଯ୍ୟନ୍ତ ହାଜତକୁ ଫେରି ନ ଥିଲେ। ଏହାମଧ୍ୟ କାହାକୁ ଖବର ନ ଥିଲା। ଯଦି ୪୦ ମିନିଟ ଭିତରେ ତାଙ୍କୁ ଯଦି ପୋଲିସ କର୍ମଚାରୀ ଖୋଜିଥାଆନ୍ତେ ହୁଏତ ତାଙ୍କ ଜୀବନ ଆଜି ବଞ୍ଚିପାରଥାନ୍ତା। ତେବେ ଜେଲରେ ଥିବା ସୁରକ୍ଷାକର୍ମଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କ୍ରାଇମବ୍ରାଞ୍ଚ ପକ୍ଷରୁ କୁହାଯାଇଛି।
ସୂଚନା ଥାଉକି, କିଛି ଦିନ ତଳେ ସଲମାନଙ୍କ ଘର ସମ୍ମୁଖରେ ଗୁଳିଗାଡ଼ ହୋଇଥିଲା। ଦୁଇ ଦୁର୍ବୃତ୍ତ ବାଇକରେ ଆସି ଗୁଳିମାଡ଼ କରି ଚାଲିଯାଇଥିଲେ। ଗୁଳିକାଣ୍ଡରେ ଦୁଇ ଦୁର୍ବୃତ୍ତଙ୍କୁ ଗିରଫ କରିଥିଲା ବାନ୍ଦ୍ରା ପୋଲିସ। ଏହାପରେ ସଲମାନଙ୍କ ଘରକୁ କଡ଼ାକଡ଼ି ସୁରକ୍ଷା ବନ୍ଦୋବସ୍ତ କରାଯାଇଥିଲା।
ଅଧିକ ପଢ଼ନ୍ତୁ ମନୋରଞ୍ଜନ ଖବର
