ମାଲକାନଗିରି: ଆଜିଠାରୁ ମାଓବାଦୀଙ୍କ ପି.ଏଲ୍.ଜି.ଏ. ସପ୍ତାହ। ଡିସେମ୍ବର ୨ ତାରିଖ ଠାରୁ ଡିସେମ୍ବର ୮ ତାରିଖ ପର୍ଯ୍ୟନ୍ତ ମାଓବାଦୀଙ୍କ ପି.ଏଲ୍.ଜି.ଏ. ସପ୍ତାହ ପାଳନ କରାଯାଉଛି । ପ୍ରତିବର୍ଷ ମାଓବାଦୀ ମାନେ ଏହି ସପ୍ତାହ ପାଳନ କରୁଥିବା ବେଳେ ଚଳିତ ବର୍ଷ ମଧ୍ୟ ମାଓବାଦୀ ମାନେ ଏହି ସପ୍ତାହ ପାଳନ ପାଇଁ ପୂର୍ବରୁ ବହୁ ଚିଠି ଜାରି କରିଛନ୍ତି ।
ଏହି ସପ୍ତାହରେ ହିଂସାକାଣ୍ଡ ଘଟିବାର ଆଶଙ୍କା ରହିଥିବାରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ବିଏସଏଫ୍, ଏସ୍.ଓ.ଜି. ଓ ଡିବିଏଫ ପକ୍ଷରୁ କୁମ୍ବିଂ ଅପରେସନ ଜୋରଦାର କରାଯାଇଛି। ଛତିଶଗଡ ଓଡିଶା ସୀମାନ୍ତବର୍ତୀ ଓ ଚିତ୍ରକୋଣ୍ଡା ବ୍ଲକର ସ୍ୱାଭିମାନ ଅଂଚଳରେ ଏହି ଦିବସରେ ମାଓବାଦୀଙ୍କ ସମ୍ଭାବ୍ୟ ହିଂସାକାଣ୍ଡକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି।
ଓଡିଶା ଖବର ଆହୁରି ପଢନ୍ତୁ
ଅର୍ଗସ ବ୍ୟୁରୋ: ସୂର୍ଯ୍ୟକୁ ଦେଖିଲା ଆଦିତ୍ୟ-ଏଲ୍ ୧। ଭାରତୀୟ ସୌରଯାନର ଦ୍ବିତୀୟ ଉପକରଣ ସକ୍ରିୟ କଲା ଇସ୍ରୋ। ଆଦିତ୍ୟ-ଏଲ୍୧ ସୌର ପବନରେ ଥିବା କଣିକାକୁ ଉପରେ ପରୀକ୍ଷା ନିରିକ୍ଷା ଆରମ୍ଭ କରିଛି। ଏଥିରେ ଥିବା ASPEX ପ୍ଲେଲୋଡ୍ରେ ସୋଲାର୍ ୱିଣ୍ଡ୍ ଆଇଅନ୍ ସ୍ପେକ୍ଟୋମିଟର୍ ଓ ସୁପ୍ରାଥର୍ମାଲ୍ ଆଣ୍ଡ୍ ଏନର୍ଜେଟିକ୍ ପାର୍ଟିକ୍ଲ ସ୍ପେକ୍ଟୋମିଟର୍ ସମେତ ସମସ୍ତ ଯନ୍ତ୍ରପାତି ନିର୍ବିଘ୍ନରେ କାର୍ଯ୍ୟ କରୁଛନ୍ତି ବୋଲି ଇସ୍ରୋ ସୂଚନା ଦେଇଛି । ନଭେମ୍ବର ୨ ତାରିଖରେ ସକ୍ରିୟ କରାଯାଇଥିବା ଏହି ଉପକରଣ ସୋଲାର୍ ୱିଣ୍ଡ୍ ଆଇଅନ୍ ବିଶେଷକରି ପ୍ରୋଟନ୍ ଓ ଆଲ୍ଫା କଣିକା ମାପିବା ଆରମ୍ଭ କରିଛି ।
୩୬୦ ଡିଗ୍ରି ଅଞ୍ଚଳ ଦେଖି ହେବା ଭଳି ସ୍ୱିସ୍ ରେ ଲାଗିଥିବା ଦୁଇଟି ସେନ୍ସର୍ ୟୁନିଟ୍ ସୌର ପବନ ବିଷୟରେ ପୁଙ୍ଖାନୁପୁଙ୍ଖ ତଥ୍ୟ ମଧ୍ୟ ଦେଉଛି।ସେପ୍ଟେମ୍ବର ୨ ତାରିଖରେ ଆନ୍ଧ୍ରପ୍ରଦେଶର ଶ୍ରୀହରିକୋଟା ଦ୍ବୀପସ୍ଥିତ ସତୀଶ ଧୱନ୍ ସ୍ପେସ୍ ସେଣ୍ଟର୍ରୁ ଭାରତର ପ୍ରଥମ ସୌର ଅଭିଯାନ ଆଦିତ୍ୟ-ଏଲ୍୧ ମହାକାଶକୁ ଉତ୍କ୍ଷେପଣ କରାଯାଇଥିଲା। ୧୨୫ରୁ ଊର୍ଦ୍ଧ୍ବ ଦିନ ପରେ ପୃଥିବୀ ଠାରୁ ୧.୫ ନିୟୁତ କିଲୋମିଟର୍ ଯାତ୍ରା କରିଥିବା ଏହି ମହାକାଶଯାନ ସୂର୍ଯ୍ୟର ନିକଟତମ ବୋଲି ବିବେଚନା କରାଯାଉଥିବା ଲାଙ୍ଗ୍ରାଗିଆନ୍ ପଏଣ୍ଟ୍ L1 ଚତୁଃପାର୍ଶ୍ବରେ ଥିବା ଗୋଟାଏ ଫାଙ୍କା କକ୍ଷପଥରେ ସ୍ଥାପନ ହେବ ବୋଲି ଆଶା କରାଯାଉଛି।
ଅଧିକ ପଢ଼ନ୍ତୁ ଦେଶ ଖବର:
ଅର୍ଗସ ବ୍ୟୁରୋ: ସମ୍ଭାବ୍ୟ ବାତ୍ୟା ‘ମିଚୌଙ୍ଗ୍’ କୁ ଦୃଷ୍ଟିରେ ରଖି ରେଳ ବିଭାଗର ପଦକ୍ଷେପ । ପୂର୍ବତଟ ଦେଇ ଯାଉଥିବା 54 ଟ୍ରେନ୍ ବାତିଲ କଲା ଇଷ୍ଟକୋଷ୍ଟ ରେଲୱେ । ପୂର୍ବତଟରୁ ବାହାରୁଥିବା 12 ଓ ପୂର୍ବତଟ ଦେଇ ଯାଉଥିବା 42 ଟ୍ରେନ୍ କୁ ବାତିଲ କରାଯାଇଛି । ପୁରୀ-ଚେନ୍ନାଇ, ଭୁବନେଶ୍ବର- ତିରୁପତି, ଭୁବନେଶ୍ବର- ବେଙ୍ଗାଳୁରୁ, ବିଶାଖାପାଟଣାରୁ ଚେନ୍ନାଇକୁ ଟ୍ରେନ୍ ବାତିଲ କରାଯାଇଛି । ଭୁବନେଶ୍ୱର, ପୁରୀ, ବିଶାଖାପାଟଣାକୁ ସଂଯୋଗ କରୁଥିବା 12 ଟ୍ରେନ୍ ମଧ୍ୟ ବାତିଲ କରିଛି ପୂର୍ବତଟ ରେଳପଥ ।
ଅଧିକ ପଢ଼ନ୍ତୁ ଦେଶ ଖବର:
ଅର୍ଗସ ବ୍ୟୁରୋ: ଆଜି 4 ରାଜ୍ୟରେ ନିର୍ବାଚନ ଫଳ ଘୋଷଣା ହେବାକୁ ଯାଉଥିବାବେଳେ ଆସନ୍ତାକାଲି ମିଜୋରାମ ବିଧାନସଭା ନିର୍ବାଚନ ରେଜଲ୍ଟ ପ୍ରକାଶ ପାଇବ । ପୂର୍ବରୁ ନିର୍ବାଚନ କମିଶନ ଡିସେମ୍ବର ୩ରେ ଅନ୍ୟ 4 ରାଜ୍ୟ ସହ ମିଜୋରାମ ଭୋଟ ଗଣତି ସହ ଫଳାଫଳ ପ୍ରକାଶ ପାଇବ ବୋଲି ଘୋଷଣା କରିଥିଲେ । କିନ୍ତୁ ଭୋଟ ଗଣତି ଦିନ ରବିବାର ହୋଇଥିବାରୁ ମିଜୋରାମ ଏନଜିଓ ସଂଯୋଜକ କମିଟି ଏହାର ବିରୋଧ କରିଥିଲା ।
ଆଜି ଖ୍ରୀଷ୍ଟିଆନ ସଂପ୍ରଦାୟର ଲୋକେ ଇଷ୍ଟର ପାଳନ କରୁଛନ୍ତି। ତେଣୁ ନିର୍ବାଚନ କମିସନ ମିଜୋରାମ ନିର୍ବାଚନ ଫଳ ଘୋଷଣା ତାରିଖ 3 ବଦଳରେ 4କୁ ଘୁଞ୍ଚାଇ ଦେଇଥିଲେ । ନଭେମ୍ବର ୭ରେ ମିଜୋରାମର ୪୦ ସିଟ୍ ପାଇଁ ଭୋଟ୍ ଶେଷ ହୋଇଥିଲା ।
ଅଧିକ ପଢ଼ନ୍ତୁ ଦେଶ ଖବର:
