There are reports of rain again in the state from today.

କେନ୍ଦ୍ରୀୟ ବଙ୍ଗୋପସାଗର ଅଞ୍ଚଳକୁ ପ୍ରବେଶକଲା ଘୂର୍ଣ୍ଣିବଳୟ

by Banajyotshna Ray

There are reports of rain again in the state from today.

ଅର୍ଗସ ବ୍ୟୁରୋ: ଆଜିଠୁ ରାଜ୍ୟରେ ପୁଣି ବର୍ଷା ହେବାର ସୂଚନା ରହିଛି। କେନ୍ଦ୍ରୀୟ ବଙ୍ଗୋପସାଗର ଅଞ୍ଚଳକୁ ପ୍ରବେଶକଲା ଘୂର୍ଣ୍ଣିବଳୟ । ଆଜିଠୁ ରାଜ୍ୟର ବିଭିନ୍ନ ସ୍ଥାନରେ ବର୍ଷା ସମ୍ଭାବନା । ରାଜ୍ୟର କେତେକ ସ୍ଥାନରେ ଘଡ଼ଘଡ଼ି ବିଜୁଳି ସହ ହାଲୁକା ବର୍ଷା ହୋଇପାରେ। ମାତ୍ର ଘୂର୍ଣ୍ଣିବଳୟ ପ୍ରଭାବରେ ଅକ୍ଟୋବର ପହିଲାରୁ ପାଗରେ ପରିବର୍ତନ ଆସିବ। ଉପକୂଳ ଓଡ଼ିଶାରେ ବର୍ଷା ପରିମାଣ ବଢ଼ିବ।

ପ୍ରଥମେ କେନ୍ଦ୍ରାପଡ଼ା, ଜଗତ୍‌ସିଂହପୁର, ଭଦ୍ରକ, ବାଲେଶ୍ବର, ମୟୂରଭଞ୍ଜ ଜିଲ୍ଲାରେ ପ୍ରବଳ ବର୍ଷାର ସମ୍ଭାବନା ରହିଛି। ୨ ତାରିଖଠାରୁ ଉପକୂଳ ଜିଲ୍ଲାଗୁଡ଼ିକ ସମେତ ନୟାଗଡ଼, ଗଞ୍ଜାମ, ଗଜପତି, କେନ୍ଦୁଝର, ମୟୂରଭଞ୍ଜ, ଢେଙ୍କାନାଳ, କନ୍ଧମାଳ ଜିଲ୍ଲାର ଗୋଟିଏ ଦୁଇଟି ସ୍ଥାନରେ ପ୍ରବଳ ବର୍ଷା ହୋଇପାରେ। ପରବର୍ତୀ ସମୟରେ ବର୍ଷା ପରିମାଣ ବଢ଼ିବାରେ। ଆସନ୍ତା ୨୪ ଘଣ୍ଟା ମଧ୍ୟରେ ଗଜପତି, କୋରାପୁଟ ଓ କନ୍ଧମାଳ ଜିଲ୍ଲାର କିଛି ସ୍ଥାନରେ ପ୍ରବଳ ବର୍ଷା ହେବ।

ପାଣିପାଗ ଖବର ଆହୁରି ପଢ଼ନ୍ତୁ ।

ପୁଣି ସାମ୍ନାରେ ସ୍ବାସ୍ଥ୍ୟ ବ୍ୟବସ୍ଥାରେ ବିକଳ ଚିତ୍ର

by Swayangprajna Mishra

A pregnant woman gave birth while being hospitalized in Tempu

ଭଦ୍ରକ : ଆସିଲାନି ଆମ୍ବୁଲାନ୍ସ , ଟେମ୍ପୁ ରେ ଚିକିତ୍ସାଳୟ ନେବା ବେଳେ ପ୍ରସବ କଲେ ଗର୍ଭବତୀ ମହିଳା . ଏଭଳି ଏକ ଅଭାବନୀୟ ଘଟଣା ଘଟିଛି କଣ୍ଟାମାଲ ଅଞ୍ଚଳରେ. ସୂଚନା ମୁତାବାକ କଣ୍ଟାମାଲ ବ୍ଲକ ଖଲିଆପାଳି ଅଂଚଳର ଏହି ମହିଳାଙ୍କୁ ପ୍ରସବ ଯନ୍ତ୍ରଣା ହୋଇଥିଲା . ଫଳରେ ପରିବାର ଲୋକେ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ କିନ୍ତୁ ଆମ୍ବୁଲାନ୍ସ ଆସିନଥିଲା ଶେଷରେ ପରିବାର ଲୋକେ ଏକ ଟେମ୍ପୁ ସାହାଯ୍ୟରେ କଣ୍ଟାମାଲ ସ୍ବାସ୍ଥ୍ୟକେନ୍ଦ୍ରକୁ ଆଣୁଥିବା ସମୟ ରେ ଟେମ୍ପୁରେ ହିଁ ପ୍ରସବ ହୋଇଯାଇଥିଲା I

ଅଧିକ ପଢନ୍ତୁ : ୧ କି.ମି ଖଟିଆରେ ବୁହା ହେଲେ ଗର୍ଭବତୀ

ଏହି ଘଟଣାକୁ ନେଇ ସାଧାରଣରେ ତୀବ୍ର ଅସନ୍ତୋଷ ପ୍ରକାଶ ପାଇଛି I ଏପଟେ କଣ୍ଟାମାଲ ଅଂଚଳରେ ବିଭିନ୍ନ ସ୍ଥାନରୁ ସ୍ବାସ୍ଥ୍ୟ ବ୍ୟବସ୍ଥାର ବିକଳ ଚିତ୍ର ଦେଖିବାକୁ ମିଳିଛି. କେଉଁଠି ଖଟିଆରେ ରୋଗୀ ତ କେଉଁଠି ଟେମ୍ପୁରେ ରୋଗୀଙ୍କ ଚିକିତ୍ସା ଚାଲିଥିବା ଦେଖିବାକୁ ମିଳିଛି.

ଭେଣ୍ଟିଲେଟରରେ ଶାନ୍ତିଲତା ବାରିକ

by Smruti Parija

Vocalist Shantilata Barik is undergoing treatment at a private hospital after suffering from cancer

ଭୁବନେଶ୍ୱର: କ୍ୟାନ୍ସରରେ ପୀଡ଼ିତ ହୋଇ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି କଣ୍ଠଶିଳ୍ପୀ ଶାନ୍ତିଲତା ବାରିକ । ବର୍ତ୍ତମାନ ଭେଣ୍ଟିଲେଟରରେ ଅଛନ୍ତି । ଶାନ୍ତିଲତା ବାରିକ ଛୋଟରାୟ ଓଡ଼ିଆ ଭକ୍ତି ସଙ୍ଗୀତର ଜଣେ ଅତି ପରିଚିତ ଓ ଆପଣାର ନାଁ ।

ନିଜ କଣ୍ଠର ମିଠାପଣ ସହିତ ଅପୂର୍ବ ଭକ୍ତି ଭାବନା ଯୋଡ଼ି ସେ ଯେଉଁ ସଙ୍ଗୀତ ପରିବେଷଣ କରନ୍ତି, ତାହା ଶ୍ରୋତାଙ୍କ ଭିତରେ ଭକ୍ତି, ସମର୍ପଣ ଏବଂ ବିଭୁ ଚେତନା ସୃଷ୍ଟି କରେ ।
ସେ ଗାଇଥିବା ଭକ୍ତି ସଙ୍ଗୀତ ପ୍ରତି ଦେଶ ବିଦେଶରେ ଲୋକଙ୍କର ବେଶ୍ ଆଦର ରହିଛି । ତାଙ୍କ ଭଜନ ଓଡ଼ିଶାର କଳା, ସଂସ୍କୃତି ଏବଂ ଶ୍ରୀ ଜଗନ୍ନାଥଙ୍କ ସହ ଲୋକଙ୍କୁ ଯୋଡ଼ିବାରେ ସକ୍ଷମ ହୋଇପାରିଛି ।

ଆହୁରି ପଢନ୍ତୁ ଓଡିଶା ଖବର...

ଜୱାନ ଲୁକରେ ଭାଇରାଲ ପ୍ରଶଂସକଙ୍କ ଭିଡିଓ

by Swayangprajna Mishra

fan-recreate-shahrukh-khan-look-of-jawan

ଅର୍ଗସ ବ୍ୟୁରୋ : ଜୱାନର ନିଶା ଏବେ ସମସ୍ତଙ୍କୁ ଘାରିଛି. ଫିଲ୍ମରେ ଶାହାରୁଖଙ୍କ ଲୁକ ଠାରୁ ଆରମ୍ଭ କରି ତାଙ୍କ ଆକ୍ସନ ସିନ ପର୍ଯ୍ୟନ୍ତ ଦର୍ଶକ ଖୁବ ପସନ୍ଦ କରିଛନ୍ତି. ବକ୍ସଅଫିସରେ ଏହି ଫିଲ୍ମ ବ୍ଲକବଷ୍ଟର ହିଟ କରିଛି. ଯାହାର ସମୁଦାୟ ଆୟ ରହିଛି ପାଖାପାଖି ୯୦୭ କୋଟି.ଫିଲ୍ମର କ୍ରେଜିନେସ ଏବେ ସମସ୍ତଙ୍କ ଭିତରେ ଦେଖିବାକୁ ମିଳିଛି . ତେବେ ଏହି ଫିଲ୍ମରେ ଶାହାରୁଖଙ୍କ ଲୁକ ରିକ୍ରିଏଟ କରିଥିବା ଜଣେ ପ୍ରଶଂସକଙ୍କ ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି.

View this post on Instagram

A post shared by Ak arbaz 01 (@_ak_arbaz_01)

ସେ ଟ୍ରେନରେ ଚଢୁଥିବା ବେଳେ ଶାହାରୁଖଙ୍କ ଜୱାନ ଲୁକରେ ନଜର ଆସିଥଇଲେ. ଏବଂ ଟ୍ରେନ ଭିତରେ ମଧ୍ୟ ସେହି ଲୁକରେ ଶୋଇଥିବାର ନଜର ଆସିଥିଲେ. ତାଙ୍କ ମୁହଁ ଏବଂ ମୁଣ୍ଡ ବ୍ୟାଣ୍ଡେଜରେ ଗୁଡା ହୋଇଥିବା ଦେଖାଯାଇଥିଲା. ଯାହାକୁ ଦେଖି ସେଠାରେ ଥିବା ଅନ୍ୟ ଯାତ୍ରୀମାନେ ମଧ୍ୟ ଆଶ୍ଚର୍ଯ୍ୟ ହୋଇ ଥିଲେ. ତାଙ୍କର ଏହି ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି.

Download Argus News App

There are reports of rain again in the state from today.

Download Mobile App