କୁହାଯାଏ ଏହି ବ୍ରତ ପାଳନ ଦ୍ୱାରା ମନୁଷ୍ୟର ପାପ କ୍ଷୟ ହୁଏ । ଶ୍ରୀମନ୍ଦିରରେ ମା’ ଲକ୍ଷ୍ମୀ ଠାକୁରାଣୀ ଋଷି ପଞ୍ଚମୀ ବ୍ରତ ପାଳନ କରନ୍ତି । ପ୍ରଭୁଙ୍କ ସକାଳ ଧୂପ ଉତାରୁ ଶ୍ରୀଅଙ୍ଗରୁ ଆଜ୍ଞାମାଳ ପାଇ ମା’ଲକ୍ଷ୍ମୀ ଠାକୁରାଣୀ ପାଲିଙ୍କିରେ ଶ୍ରୀମନ୍ଦିରରୁ ବାହାରନ୍ତି । ଶ୍ରୀକ୍ଷେତ୍ରରେ ଚତୁରାଶ୍ରମରୁ ଗୋଟିଏ ମାର୍କଣ୍ଡେୟ ଆଶ୍ରମରେ ବିଜେ ହୁଅନ୍ତି ମା ମହାଲକ୍ଷ୍ମୀ । ମାର୍କଣ୍ଡେୟଙ୍କ ମନ୍ଦିର ପରିସରରେ ପହଞ୍ଚିଲା ପରେ ମହାଜନମାନେ ହାତରେ ଠାକୁରାଣୀ’ଙ୍କୁ ଗମ୍ଭୀରାରେ ବିଜେ କରାନ୍ତି । ସେଠାରେ ମାଜଣା ଓ ବନକଲାଗି ବଢ଼ିଥାଏ । ଏହାର ପରିସରରେ ସପ୍ତଋଷିଙ୍କୁ ଫଳ ଭୋଗ ଲାଗି ହେବା ପରେ। ପୁରାଣ ଶୁଣନ୍ତି ବଡ଼ ଦେଉଳ ସାଆନ୍ତାଣୀ। ଆଉ ତା ପରେ ପୂଜାପଣ୍ଡା ସାମନ୍ତଙ୍କୁ ଛଞ୍ଚା ଟେକି ଦିଅଁନ୍ତି ।
ଶୀତଳ ଭୋଗ ଅର୍ପଣ ପରେ ଲକ୍ଷ୍ମୀଠାକୁରାଣୀ ଅପରାହ୍ନ ସୁଦ୍ଧା ଶ୍ରୀମନ୍ଦିରକୁ ବାହୁଡ଼ି ଆସନ୍ତି । ପରେ ମହାପ୍ରଭୁଙ୍କ ଅନ୍ୟାନ୍ୟ ନୀତି ବଢେ।
