ମୟୂରଭଞ୍ଜ: ଶିକ୍ଷା ବ୍ୟବସ୍ଥାର ବିକଳ ଚିତ୍ର । 15 ବର୍ଷ ହେଲାଣି ଗଛତଳେ ଚାଲିଛି ପାଠପଢା । ମନ୍ତ୍ରୀ ବାସନ୍ତୀ ହେମ୍ବ୍ରମଙ୍କ ନିଜ ନିର୍ବାଚନ ମଣ୍ଡଳୀରେ ଭୁଶୁଡିଛି ଶିକ୍ଷା ବ୍ୟବସ୍ଥା । ମୟୂରଭଞ୍ଜ ଜିଲ୍ଲା କରଞ୍ଜିଆ ବ୍ଲକ ଝଟିଆଳି ଗାଁରେ ଗଛ ମୂଳେ ଗଢ଼ା ହେଉଛି ଦେଶର ଭବିଷ୍ୟତ ।
2021ରେ ପ୍ରଶାସନ ତରଫରୁ ଅଙ୍ଗନବାଡି ଗୃହ ନିର୍ମାଣ ପାଇଁ 6ଲକ୍ଷ ଟଙ୍କା ଅନୁଦାନରେ ଆରମ୍ଭ ହୋଇଥିଲା ନୂତନ ଅଙ୍ଗନବାଡି କେନ୍ଦ୍ର । କିନ୍ତୁ 3ବର୍ଷ ପରେ ବି ଶେଷ ହେଉନି ଅଙ୍ଗନବାଡି଼ ନିର୍ମାଣ କାମ । ଗ୍ରାମବାସୀ ବାରମ୍ବାର ବିଡ଼ିଓଙ୍କୁ ଅଭିଯୋଗ କରିବା ପରେ ମଧ୍ୟ ଫଳ ଶୂନ । କିଛିଦିନ ପୂର୍ବରୁ ମନ୍ତ୍ରୀ ବାସନ୍ତୀ ହେମ୍ବ୍ରମ ଝଟିଆଳି ଗ୍ରାମକୁ ଯାଇ ସ୍କୁଲ ପରିଦର୍ଶନ କରିଥିଲେ । ଖୁବଶୀଘ୍ର କାମ ସରିବା ନେଇ ପ୍ରତିଶ୍ରୁତି ମଧ୍ୟ ଦେଇଥିଲେ । ମନ୍ତ୍ରୀଙ୍କ ପ୍ରତିଶ୍ରୁତି ପାଣିର ଗାର ପାଲଟିଛି । ଆଜି ବି ଅସୁରକ୍ଷିତ ଭାବେ ଗଛ ତଳେ ପାଠ ପଢୁଛନ୍ତି ଛାତ୍ରଛାତ୍ରୀ ।
ଅଧିକ ପଢନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: ଗୁଜୁରାଟ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମନ୍ତ୍ର । ଗତକାଲି ପ୍ରଧାନମନ୍ତ୍ରୀ ବିଜେପିର ରାଜ୍ୟ କାର୍ଯ୍ୟାଳୟ କମଳମ୍ ଯାଇ ଦଳର ବରିଷ୍ଠ ନେତାମାନଙ୍କ ସହ ଆଲୋଚନା କରିଥିଲେ । ନିର୍ବାଚନରେ ଦଳର ରଣନୀତି କଣ ରହିବ ସେ ନେଇ ମନ୍ତ୍ର ଦେଇଥିଲେ ପ୍ରଧାନମନ୍ତ୍ରୀ । ଆଜି ପ୍ରଧାନମନ୍ତ୍ରୀ ଗୁଜରାଟର ୪ଟି ନିର୍ବାଚନୀ ସଭାରେ ଉଦବୋଧନ ଦେବେ । ଦିନ ୧୧ଟାରେ ଆନନ୍ଦ, ଦିନ ୧ଟାରେ ସୁରେନ୍ଦ୍ରନଗର, ଦିନ ୩ଟା ୧୫ରେ ଜୁନାଗଡ ଓ ଅପରାହ୍ନ ୫ଟା ୧୫ରେ ଜାମନଗରରେ ପ୍ରଚାର କରିବେ ମୋଦି । ଗତକାଲି ପ୍ରଧାନମନ୍ତ୍ରୀ ବନସକଣ୍ଠା ଓ ସାବରକଣ୍ଠାରେ ପ୍ରଚାର କରିଥିଲେ । ଏଥର ବିଜେପିର ନାରା ରହିଛି ଅବ କି ବାର, ୪୦୦ ପାର୍ ।
ଅଧିକ ପଢ଼ନ୍ତୁ ଦେଶ ଖବର:
ଅର୍ଗସ ବ୍ୟୁରୋ: ତାତିରୁ ମିଳିଲା ସାମାନ୍ୟ ତ୍ରାହି । ମେଘୁଆ ପାଗ ସହ ବର୍ଷାରେ ଭିଜିଲା ଟ୍ବିନ ସିଟି । ଗତକାଲି ଅପରାହ୍ନରେ କିଛି ସମୟ ପାଇଁ କଟକ-ଭୁବନେଶ୍ବରରେ ଝିପିଝିପି ବର୍ଷା ହୋଇଥିଲା । ପ୍ରବଳ ଖରା ଗରମରୁ ସାମାନ୍ୟ ଆଶ୍ବସ୍ତି ଦେଇଛି ବର୍ଷା । ତେବେ ଆଜିଠାରୁ ରାଜ୍ୟରେ କମିପାରେ ତାତି । ଗୁରୁବାର ଉପକୂଳ ଓଡ଼ିଶା ପାଇଁ ହିଟ୍ଓ୍ବେଭ୍ ଆଲର୍ଟ ନାହିଁ । କିଛି ସ୍ଥାନ ପାଇଁ ୟେଲୋ ଏବଂ ଅରେଞ୍ଜ ଆଲର୍ଟ ଜାରି ହୋଇଛି । ହେଲେ ବର୍ଷା ପରେ ପୁଣି ଥରେ ତାତି ବଢ଼ିବାର ସମ୍ଭାବନା ରହିଛି।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ଜିଏସଟି ଆଦାୟରେ ରେକର୍ଡ । ଏପ୍ରିଲରେ ୨ ଲକ୍ଷ କୋଟିରୁ ଅଧିକ ଜିଏସଟି ଆଦାୟ ହୋଇଥିବା ଅର୍ଥ ମନ୍ତ୍ରାଳୟ ସ୍ପଷ୍ଟ କରିଛି । ଗତବର୍ଷ ଏପ୍ରିଲ ମାସ ତୁଳନାରେ ଚଳିତବର୍ଷ ୧୨.୪ ପ୍ରତିଶତ ଅଧିକ ଜିଏସ୍ଟି ଆଦାୟ ହୋଇଛି। ସରକାରୀ ରିପୋର୍ଟ ଅନୁସାରେ ପୂର୍ବ ସମସ୍ତ ଏପ୍ରିଲ ମାସଠାରୁ ଚଳିତ ଏପ୍ରିଲ ମାସରେ ସର୍ବାଧିକ ୨ଲକ୍ଷ ୧୦ ହଜାର କୋଟି ଟଙ୍କା ଜିଏସଟି ସଂଗ୍ରହ ହୋଇଛି। ରିଫଣ୍ଡ ପରେ ନେଟ୍ ରେଭିନ୍ୟୁ ୧.୯୨ ଲକ୍ଷ କୋଟି ଟଙ୍କା ରହିଛି । ରେକର୍ଡ ଜିଏସ୍ଟି ସଂଗ୍ରହ ନେଇ ଅର୍ଥମନ୍ତ୍ରୀ ନିର୍ମଳା ସୀତାରାମଣ ଖୁସି ପ୍ରକାଶ କରିଛନ୍ତି।
ଘରୋଇ କାରବାରରେ ୧୩.୪ ପ୍ରତିଶତ ଅଭିବୃଦ୍ଧି ପରେ ଦ୍ରବ୍ୟ ଏବଂ ସେବା ଟିକସ ସଂଗ୍ରହରେ ଏହି ବୃଦ୍ଧି ଦେଖିବାକୁ ମିଳିଛି ଏବଂ ଆମଦାନୀରେ ୮.୩ ପ୍ରତିଶତ ବୃଦ୍ଧି ଘଟିଛି। ୨୦୨୪ ଏପ୍ରିଲରେ ହୋଇଥିବା ମୋଟ ଜିଏସଟି ଆଦାୟ ମଧ୍ୟରୁ ସେଣ୍ଟ୍ରାଲ ଜିଏସଟି ବାବଦରେ ୪୩,୮୪୬ କୋଟି, ଷ୍ଟେଟ୍ ଜିଏସଟି ବାବଦରେ ୫୩,୫୩୮ କୋଟି, ଆଇଜିଏସଟି ୯୯,୬୨୩ କୋଟି ଓ ସେସ୍ ବାବଦରେ ୧୩,୨୬୦ କୋଟି ଟଙ୍କା ସଂଗ୍ରହ କରାଯାଇଛି।
ଅଧିକ ପଢ଼ନ୍ତୁ ଦେଶ ଖବର:
