In Yoginaikguda village of Sindhei, people are struggling for drinking water

ପାଣି ନାହିଁ ଲୋକେ ହନ୍ତସନ୍ତ

by Manini Pattanayak

In Yoginaikguda village of Sindhei, people are struggling for drinking water

କୋରାପୁଟ: ସ୍ୱାଧୀନତାର 76 ବର୍ଷ ପରେ ମଧ୍ୟ ସିନ୍ଧେଇ ଯୋଗୀନାୟକଗୁଡା ଗ୍ରାମରେ ପାନୀୟଜଳ ପାଇଁ ଲୋକେ ଦୁର୍ବିସହ ଜୀବନ କାଟୁଛନ୍ତି, ଏହି ଗ୍ରାମରେ ସରକାରଙ୍କ ଅପାରୋଗତା ର ସମ୍ପୂର୍ଣ୍ଣ ଚିତ୍ର ବୋଖାଣିଲେ ଗ୍ରାମବାସୀ, ଆଉ ଆଗାମୀ ଦିନରେ ଯଦି ପାନୀୟ ଜଳର ସୁବିଧା ନହୁଏ ତେବେ ଭୋଟ ବର୍ଜନ କରିବେ ବୋଲି ଦେଲେ ଚେତାବନୀ ଦୁର୍ଗମର ଦୁସ୍ଥ ପାଣି ବ୍ୟବସ୍ଥା। ଯୋଜନା ହେଉଛି କିନ୍ତୁ ଏହାର ଲାଭ ପାଉନାହାନ୍ତି ଦୁର୍ଗମବାସୀ। କେବଳ ଯୋଜନା ବାହାନାରେ ହେଉଛି ସରକାରୀ ଅର୍ଥ ହରିଲୁଟ୍। ଏ ହେଉଛି ପଟ୍ଟାଙ୍ଗି ବ୍ଲକର ମାଳିପୁଟ ପଂଚାୟତ ଅନ୍ତର୍ଗତ ଉପାନ୍ତ ଅଞ୍ଚଳ ସିନ୍ଧେଇ ଯୋଗିନାୟକଗୁଡା । 200 ରୁ ଅଧିକ ପରିବାର ବସବାସ କରୁଥିବା ଗାଁରେ ଜନ ସଂଖ୍ୟା 2000ରୁ ଅଧିକ। ମାତ୍ର ପାନୀୟ ଜଳ ଯୋଗାଣ ଶୂନ। ଗାଁରେ ଦୁଇଟି ପୁରୁଣା କୂଅ ରହିଛି ସେଥିମଧ୍ୟରୁ ଗୋଟିଏ କୂଅର ପାଣି ବ୍ୟବହାର ଉପଯୋଗୀ ନୁହେଁ। ବାକି ଗୋଟିଏ କୂଅର ପାଣି ଭରସାରେ ଯୋଗିନାୟକଗୁଡାବାସୀ। ମାତ୍ର ଏହି କୂଅ ମଧ୍ୟ ଖରା ପାଇଁ ସୁଖି ଯାଉଥିବାରୁ ପାଣି ପାଇଁ ନାହିଁ ନଥିବା ହଇରାଣ ହେଉଛନ୍ତି ଅଞ୍ଚଳବାସୀ। ପାଣି ପାଇଁ ରାତିରାତି ଉଜାଗର ରହୁଛନ୍ତି।

ଝର ପଡିଲେ ପାଣି ସଂଗ୍ରହ କରୁଛନ୍ତି ଗ୍ରାମବାସୀ। ବସୁଧା ଯୋଜନାରେ ପାନୀୟ ଜଳ ଯୋଗାଇ ଦେବା ପାଇଁ କିଛି ବର୍ଷ ତଳେ କାମ ଆରମ୍ଭ ହୋଇଥିଲା। ମାତ୍ର କାମ ଅଧାରୁ ବନ୍ଦ ହୋଇଗଲା। ଫଳରେ ସଫଳ ହୋଇ ପାରିଲାନି ବସୁଧା। ଠିକାଦାର ଏବଂ ଯନ୍ତ୍ରୀଙ୍କ ମଧୁଚନ୍ଦ୍ରିକା ହେତୁ କାମ ଅଧପନ୍ତରିୟା ହୋଇ ପଡିରହିଥିବା ଅଭିଯୋଗ କରିଛନ୍ତି ଅଞ୍ଚଳବାସୀ। ମାତ୍ର ନା ଜିଲ୍ଲା ପ୍ରଶାସନ ଏଥିପ୍ରତି ଦୃଷ୍ଟି ଦେଲା ନା ବିଭାଗୀୟ କର୍ତ୍ତୁପକ୍ଷ। ଦୁର୍ଗମବାସୀଙ୍କୁ ବସୁଧା ଧୋକା। ପାଣି ନାଁରେ ମିଳୁଛି ଧୋକା। ତେବେ ପାଣି ସମସ୍ୟାର ସମାଧାନ ନହେଲେ ଅଞ୍ଚଳବାସୀ ଭୋଟ ବର୍ଜନ କରିବେ ବୋଲି ଚେତାବନୀ ଦେଇଛନ୍ତି।
ଅଧିକ ପଢନ୍ତୁ ଓଡ଼ିଶା ଖବର

କଂଗ୍ରେସକୁ ବଡ ଝଟକା, ଟିକେଟ ଫେରାଇଲେ ସାଂସଦ ସୁଚରିତା ମହାନ୍ତି

by Swayangprajna Mishra

MP Sucharita Mohanty returned congress ticket

ପୁରୀ : ଟିକେଟ୍ ଫେରାଇଲେ ସୁଚରିତା ମହାନ୍ତି । ପୁରୀ କଂଗ୍ରେସ ସାଂସଦ ପ୍ରାର୍ଥୀ ସୁଚରିତା ମହାନ୍ତି ଟିକେଟ ଫେରାଇଥିବା ସୂଚନା ରହିଛି । ଏଆଇସିସି ସାଧାରଣ ସମ୍ପାଦକ କେସି ବେଣୁଗୋପାଳଙ୍କୁ ପଠାଇଛନ୍ତି ଇ-ମେଲ । ଦଳ ଫଣ୍ଡିଂ ନ ଦେବାରୁ ଟିକେଟ୍ ଫେରାଇଥିବା AICCକୁ ଜଣାଛନ୍ତି । ବିନା ପାର୍ଟି ଫଣ୍ଡିଂରେ କ୍ୟାମ୍ପେନିଂ କରିବା ଏତେ ସହଜ ନୁହେଁ ବୋଲି ସେ କହିଛନ୍ତି ।

ଅଧିକ ପଢନ୍ତୁ ଓଡିଶା ଖବର

ଲୋକସଭା ଅଧୀନ ୭ ବିଧାନସଭା ଆସନରେ ଦୁର୍ବଳ ପ୍ରାର୍ଥୀ ଦିଆଯାଇଛି । ୪ ବିଧାନସଭା ଆସନ ପାଇଁ ପ୍ରାର୍ଥୀ ପରିବର୍ତ୍ତନ ପାଇଁ ଅନୁରୋଧ କରିଥିଲି ବୋଲି କହିଛନ୍ତି ସୁଚରିତା । ତେବେ ମେ ୨୫ରେ ତୃତୀୟ ପର୍ଯ୍ୟାୟରେ ହେବ ପୁରୀରେ ନିର୍ବାଚନ । ତୃତୀୟ ପର୍ଯ୍ୟାୟ ନାମାଙ୍କନର ଶେଷ ତାରିଖ ୬ ତାରିଖ ।

ଆଜି ଓଡିଶା ଆସୁଛନ୍ତି ବୈଦେଶିକ ମନ୍ତ୍ରୀ ଏସ, ଜୟଶଙ୍କର

by Swayangprajna Mishra

Foreign Minister S Jayashkar is coming to Odisha today

ଅର୍ଗସ ବ୍ୟୁରୋ : ଆଜି ଓଡିଶା ଆସୁଛନ୍ତି ବୈଦେଶିକ ମନ୍ତ୍ରୀ ଏସ, ଜୟଶଙ୍କର । ଭୁବନେଶ୍ବରରେ ପହଞ୍ଚି ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ । ଏଡିଟର୍ସ ମିଟ, ବୁଦ୍ଧିଜୀବୀ ସମ୍ମିଳନୀ ପର ସାମ୍ବାଦିକ ସମ୍ମିଳନୀ କରିବେ । ସେହିପରି ଆସନ୍ତାକାଲି ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଓଡିଶା ଆସୁଥିବା ସୂଚନା ରହିଛି । ଭୁବନେଶ୍ବରରେ ନଡ୍ଡାଙ୍କର ରହିଛି ଦଳୀୟ କାର୍ଯ୍ୟକ୍ରମ ।

ଅଧିକ ପଢନ୍ତୁ : ୫ରେ ପୁଣି ଓଡିଶା ଆସୁଛନ୍ତି ଜେପି ନଡ୍ଡା

ଆଗକୁ ନିର୍ବାଚନ ଥିବାବେଳେ କେନ୍ଦ୍ରୀୟ ନେତାଙ୍କ ତୋଫାନୀ ଓଡିଶା ଗସ୍ତ ଦେଖିବାକୁ ମିଳିଛି । ପ୍ରଥମେ ଅମିତ ଶାହ, ପରେ ଜେପି ନଡ୍ଡା , ପୁଣି ଏସ ଜୟଶଙ୍କର ଓ ପୁଣି ନଡ୍ଡା ଆସୁଥିବା ସୂଚନା ରହିଛି । ଓଡିଶାରେ ନିର୍ବାଚନର ରଣକ୍ଷେତ୍ରକୁ ପ୍ରସ୍ତୁତ କରିବା ପାଇଁ ରାଜ୍ୟରେ କେନ୍ଦ୍ରୀୟ ନେତାଙ୍କ ଆଗମନ ଓଡିଶାର ମାହୋଲକୁ ଆଙୁରି ସରଗରମ କରିଛି ।

୧୪ରେ ବାରାଣସୀ ଆସନରୁ ନାମାଙ୍କନ ଭରିବେ ପ୍ରଧାନମନ୍ତ୍ରୀ ମୋଦି

by Swayangprajna Mishra

Prime Minister Modi will file nomination from Varanasi seat on 14th

ଅର୍ଗସ ବ୍ୟୁରୋ : 14ରେ ବାରାଣସୀ ଆସନରୁ ନାମାଙ୍କନ ଭରିବେ ପ୍ରଧାନମନ୍ତ୍ରୀ । ଏହାପୂର୍ବରୁ ଆସନ୍ତା 13 ତାରିଖରେ ବିଶାଳ ରୋଡ ଶୋ କରି ଶକ୍ତି ପ୍ରଦର୍ଶନ କରିବେ ମୋଦି । ବାରାଣସୀରେ ଲୋକସଭା ଆସନରେ ଜୁନ 1ରେ ନିର୍ବାଚନ ହେବାକୁ ଯାଉଥିବାବେଳେ ତୃତୀୟ ଥର ପାଇଁ ପ୍ରଧାନମନ୍ତ୍ରୀ ମୋଦି ବାରାଣସୀରୁ ନାମାଙ୍କନ ଦାଖଲ କରିବାକୁ ଯାଉଛନ୍ତି ।