ନବରଙ୍ଗପୁର/କନ୍ଧମାଳ: ପୁଣି ଦାଦନ ଯନ୍ତ୍ରଣା । ଦାଦନ ଖଟିବାକୁ ଯାଇ ଚାଲିଯାଇଛି ଜୀବନ । ସେପଟେ ଅର୍ଥାଭାବରୁ ଘରକୁ ଫେରିପାରୁନି ମୃତଦେହ । କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଅଞ୍ଚଳର ଗୌତମ ଦିଗାଲ 6 ମାସ ତଳେ ଦାଦନ ଖଟିବାକୁ ରାଜସ୍ଥାନ ଯାଇଥିଲେ । 24 ତାରିଖ ରାତିରେ କମ୍ପାନୀ କାମ ସାରି ଘରକୁ ଫେରିଥିବାବେଳେ ଛାତିରେ ଯନ୍ତ୍ରଣା ଅନୁଭବ କରିଥିଲେ I ସାଥି କର୍ମଚାରୀ ଓ କମ୍ପାନୀ କର୍ତ୍ତୃପକ୍ଷଙ୍କ ସହଯୋଗରେ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ସେପଟେ ରୋଜଗାରିଆ ପୁଅକୁ ହରାଇ ଭାଙ୍ଗିପଡିଛନ୍ତି ପରିବାର ଲୋକେ । ପୁଅର ମୃତଦେହ ଫେରାଇ ଆଣିବାକୁ କନ୍ଧମାଳ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଛନ୍ତି ପରିବାର ।
ଅନ୍ୟପଟେ ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ଥାନାରେ ମଧ୍ୟ ଦାଦନ ଦୁଃଖ । ଦାଦନ ଖଟିବାକୁ ବାହାର ରାଜ୍ୟକୁ ଯାଇ ଶବ ହୋଇ ଫେରିଛନ୍ତି ପାଟଖଲିଆ ଗାଁର ଖିରସିନ୍ଧୁ ମାଝୀ । ସେ ତେଲେଙ୍ଗାନାର ଏକ ଇଟା ଭାଟିରେ କାମ କରୁଥିଲେ । ରେଳ ଲାଇନ୍ ରୁ ତେଲେଙ୍ଗାନା ରେଲୱେ ପୋଲିସ୍ ତାଙ୍କ ମୃତଦେହ ଉଦ୍ଧାର କରିଛି । ପରିବାର ଲୋକେ ହତ୍ୟା ଅଭିଯୋଗ ଆଣି ଚନ୍ଦାହାଣ୍ଡି ଥାନାରେ ଏତଲା ଦେଇଛନ୍ତି ।
ଆହୁରି ପଢନ୍ତୁ ଓଡିଶା ଖବର...
ଅଗର୍ସ ବ୍ୟୁରୋ: ଟ୍ରେନ ଲାଇନରେ କଟି ଯୁବକ ମୃତ । ଯୁବକ ଜଣକ ହେଲେ ସଦର ଥାନା ଅନ୍ତର୍ଗତ ଦେପୁର ଗ୍ରାମର ଟିକି ମଳିକ ଙ୍କ ପୁଅ ଜୟଦେବ ମଳିକ । ଆଜି ସକାଳୁ ଜୟଦେବ ଘରୁ ପଳେଇ ଆସିଥିବାରୁ, ତାଙ୍କ ବାପା ଖୋଜି ଖୋଜି ଆସିଥିଲେ । ପରେ ଟ୍ରେନ ଲାଇନ ନିକଟରେ ରେଲୱେ କର୍ମଚାରୀ ଙ୍କ ଠାରୁ ସୂଚନା ପାଇ ଶ୍ୟାମସୁନ୍ଦରପୁର ନିକଟସ୍ଥ ଗୋବରୀ କେନାଲ ବ୍ରିଜ -86 ନିକଟରେ ପୁଅର ମୃତ ଶରୀର କୁ ପାଇଥିଲେ ଟିକି ମଳିକ । ପାରିବାରିକ କଳହ ରୁ ଆତ୍ମହତ୍ୟା ସନ୍ଦେହ କରାଯାଇଛି । ଘଟଣା ସ୍ଥଳରେ ସଦର ଥାନା ପୋଲିସ ପହଞ୍ଚି ପ୍ରାଥମିକ ତଦନ୍ତ କରିବା ସହ ଶବ ବ୍ୟବଚ୍ଛେଦ ପାଇଁ ପଠାଇଛି ।
ଅଧିକ ପଢନ୍ତୁ ଓଡିଶା ଖବର...
ଅଗର୍ସ ବ୍ୟୁରୋ: ବାଣ ବ୍ୟବସାୟୀ ଗିରଫ । ୨ ବାଣ ବ୍ୟବସାୟୀଙ୍କୁ ଗିରଫ କରିଛି ବାଲୁଗାଁ ପୋଲିସ । ୫୦ ହଜାର ଟଙ୍କାର ବେଆଇନ ବାଣ ଜବତ ହୋଇଛି । ବାଲୁଗାଁ ମାର୍କେଟରେଜଣେ ହୋଟେଲ ବ୍ୟବସାୟୀ ଏବଂ ଜଣେ ଭେରାଇଟ୍ ଷ୍ଟୋର ବ୍ୟବସାୟୀ ବେଆଇନ ଭାବେ ବିପୁଳ ପରିମାଣର ବାଣ ଗଚ୍ଛିତ ରଖିଥିବା ସୂଚନା ପାଇ ଚଢାଉ ହୋଇଥିଲା । ଖୋର୍ଦ୍ଧା ଏସପିଙ୍କ ନିର୍ଦ୍ଦେଶରେ ବିଭିନ୍ନ ଥାନା ଅଞ୍ଚଳରେ ଧରପଗଡ କରାଯାଇଛି । ଗିରଫ ଦୁଇ ଜଣ ବାଲୁଗାଁ ଅଞ୍ଚଳର ହରପ୍ରସାଦ ତ୍ରିପାଠୀ ଓ ନରେନ୍ଦ୍ର ମହାରଣା।
ଅଧିକ ପଢନ୍ତୁ ଓଡିଶା ଖବର...
