know-todays-update-news

ଆଜି କାର୍ଯ୍ୟକ୍ରମର ପ୍ରାରମ୍ଭରେ ଓଡ଼ିଆ ଭାଷା ପ୍ରତିଷ୍ଠାନ ଦ୍ୱାରା ପ୍ରକାଶିତ "ପ୍ରଶିକ୍ଷଣ ପୁସ୍ତିକା" ଶ୍ରୀ ଆଚାର୍ଯ୍ୟଙ୍କ ଦ୍ୱାରା ଉନ୍ମୋଚିତ କରାଯାଇଥିଲା। ନିଜର ଅଭିଭାଷଣରେ ଶ୍ରୀ ଆଚାର୍ଯ୍ୟ ସମସ୍ତ ପ୍ରଶିକ୍ଷାର୍ଥୀ ଓ ବିଶେଷଜ୍ଞମାନଙ୍କୁ ସାଧୁବାଦ ଜଣାଇବା ସହିତ ଓଡ଼ିଆ ଅସ୍ମିତା ପ୍ରତିଷ୍ଠାରେ ଓଡ଼ିଆ ଭାଷାର ଭୂମିକା ସମ୍ପର୍କରେ ଗୁରୁତ୍ୱାରୋପ କରିଥିଲେ। ଓଡ଼ିଆ ଭାଷାର ମୌଳିକତା ଏବଂ ଶାସ୍ତ୍ରୀୟତା ପାଇଁ ସେ ବୁଦ୍ଧିଜୀବୀ ଏବଂ ସାରସ୍ୱତ ସ୍ରଷ୍ଟାମାନଙ୍କୁ ସାଧୁବାଦ ଜଣାଇଥିଲେ। 

ପ୍ରଶିକ୍ଷଣ କାର୍ଯ୍ୟକ୍ରମ ସମ୍ପର୍କରେ ସୂଚନା ଦେଇ ସେ ସମସ୍ତ ଅଧିକାରୀ ମାନଙ୍କୁ କହିଥିଲେ ଯେ, ସରକାରୀ କାର୍ଯ୍ୟରେ ଅଧିକାରୀମାନେ ଯେପରି ସଠିକ୍ ଓ ନିର୍ଭୁଲ ଭାବେ ଓଡ଼ିଆ ଭାଷାକୁ ପ୍ରୟୋଗ କରିପାରିବେ ସେଥିପାଇଁ ଏହି ଶିବିରର ଆୟୋଜନ କରାଯାଇଛି। ତେଣୁ ସମସ୍ତ ଅଧିକାରୀମାନେ ଧ୍ୟାନ ସହକାରେ ପ୍ରଶିକ୍ଷଣ ନେବାପାଇଁ ସେ କହିଥିଲେ । ଓଡ଼ିଆ ଭାଷା ପ୍ରତିଷ୍ଠାନ ତରଫରୁ ଏହିଭଳି ଶିବିର ଆୟୋଜନ କରାଯିବା ଏକ ସ୍ୱାଗତଯୋଗ୍ୟ ପଦକ୍ଷେପ ବୋଲି ଶ୍ରୀ ଆଚାର୍ଯ୍ୟ ମତପ୍ରକଶ କରିଥିଲେ।

ଓଡ଼ିଆ ଭାଷା ପ୍ରତିଷ୍ଠାନ ତରଫରୁ ଡ଼. ଫଣୀନ୍ଦ୍ର ଭୂଷଣ ନନ୍ଦ ପ୍ରଶିକ୍ଷଣ କାର୍ଯ୍ୟକ୍ରମର ସବିଶେଷ ତଥ୍ୟ ପ୍ରଦାନ କରିବା ସହ କାର୍ଯ୍ୟକ୍ରମର ଶେଷ ଦିନରେ ପ୍ରଶିକ୍ଷାର୍ଥୀମାନଙ୍କୁ ଓଡ଼ିଆ ଭାଷା ପ୍ରତିଷ୍ଠାନ ତରଫରୁ ପ୍ରମାଣପତ୍ର ପ୍ରଦାନ କରାଯିବ ବୋଲି କହିଥିଲେ। 

ପ୍ରକାଶଯୋଗ୍ୟ ଯେ, ଦୁଇ ଦିନ ଧରି ଅନୁଷ୍ଠିତ ହେଉଥିବା ଏହି ପ୍ରଶିକ୍ଷଣ ଶିବିରରେ ଓଡ଼ିଆ ଶବ୍ଦ ଭଣ୍ଡାରର ବ୍ୟାବାହାରିକ ରୂପ, ପ୍ରଶାସନିକ ଶବ୍ଦ ଚୟନ, ଓଡ଼ିଆ ଭାଷାରେ ଆଦେଶନାମା, ଟିପ୍ପଣୀ ଓ ଚିଠା ଆଦିର ପ୍ରସ୍ତୁତି, କମ୍ପ୍ୟୁଟର ମାଧ୍ୟମରେ ଓଡ଼ିଆ ଭାଷାରେ ସରକାରୀ କାର୍ଯ୍ୟ ଆଦି ସମ୍ବନ୍ଧରେ ପ୍ରଶିକ୍ଷଣ ପ୍ରଦାନ କରାଯିବ। ଆଜି ପ୍ରଥମ ଦିନରେ ବିଶିଷ୍ଟ ଭାଷାବିତ୍‌ ଡ଼. କୈଳାସ ଚନ୍ଦ୍ର ଟିକାୟତରାୟ ଏବଂ  ଡ଼. ରମେଶ ଚନ୍ଦ୍ର ମଲ୍ଲିକ ଙ୍କ ଦ୍ୱାରା ପ୍ରଶିକ୍ଷଣ ପ୍ରଦାନ କରାଯାଇଥିଲା। ଆଗାମୀ ଦିନରେ ଓଡ଼ିଆ ଭାଷାରେ ସୁନାମ ଓ ଦକ୍ଷତା ହାସଲ କରିବା ବ୍ୟକ୍ତିବିଶେଷ ଏବଂ ଓଡ଼ିଆ ଭରଚୁଆଲ୍ ଏକାଡେମୀ ତରଫରୁ ମଧ୍ୟ ପ୍ରଶିକ୍ଷଣ ପ୍ରଦାନ କରାଯିବ ବୋଲି ସୂଚନା ମିଳିଛି।
 

ମାଇକ୍ ବାଲଟେଜଙ୍କୁ ଜାତୀୟ ସୁରକ୍ଷା ପରାମର୍ଶଦାତା ନିଯୁକ୍ତ କରିଛନ୍ତି ଆମେରିକାର ନବ ନିର୍ବାଚିତ ରାଷ୍ଟ୍ରପତି । ମାର୍କୋ ରୁବିଓ ଜଣେ ଭାରତୀୟ ସମର୍ଥକ ହୋଇଥିବାବେଳେ ଜଣେ ଚୀନ ବିରୋଧୀ ନେତା ହୋଇଥିବାରୁ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଛି ।  ଆମେରିକା ବିରୋଧୀଙ୍କ ପ୍ରତି ଆଲୋଚନାତ୍ମକ ଆଭିମୁଖ୍ୟ ରଖୁଥିବା ୫୩ ବର୍ଷୀୟ ମାର୍କୋ ରୁବିଓ ନିଜର ବିଦେଶୀ ନୀତି ପାଇଁ ବେଶ୍ ଚର୍ଚ୍ଚିତ । ମାର୍କୋଙ୍କ ସହ ଭାରତର ସଂପର୍କ କିନ୍ତୁ ବେଶ୍ ନିବିଡ । 

ରୁଷିଆ-ଭାରତ ସଂପର୍କକୁ ମଜଭୁତ୍ କରିବାରେ ମାର୍କୋ ବଡ ଭୂମିକା ନିଭାଇଥିଲେ । ସେ ଭାରତ-ପ୍ରଶାନ୍ତ ମହାସାଗରରେ ଏକ ଗୁରୁତ୍ୱପୂର୍ଣ୍ଣ ଅଂଶୀଦାର ଭାବରେ ଭାରତକୁ ପ୍ରତିଷ୍ଠା କରିବାରେ ସାହାର୍ଯ୍ୟ କରିଛନ୍ତି । ବିଗତ କିଛି ବର୍ଷ ମଧ୍ୟରେ ସେ ବିଶେଷ କରି ପ୍ରତିରକ୍ଷା ଏବଂ ବାଣିଜ୍ୟ କ୍ଷେତ୍ରରେ ଆମେରିକା-ଭାରତ ସଂପର୍କକୁ ଗଭୀର କରିବା ପାଇଁ ପ୍ରୋତ୍ସାହିତ କରିଛନ୍ତି ।

ସୁରୁଖୁରୁରେ ପୁରୀବାସୀ କିପରି ମହାପ୍ରସାଦ ପାଇପାରିବେ ସେନେଇ ସେବାୟତ ମାନଙ୍କ ସହ ଆଲୋଚନା କରାଯାଉଛି । ମର୍ଚ୍ଚିକୋଟ ଛକରୁ ହୋଇଥିବା ବ୍ୟାରିକେଡ଼ ଭିତରେ ଭକ୍ତଙ୍କ ପାଇଁ ସମସ୍ତ ଆନୁଷଙ୍ଗିକ ବ୍ୟବସ୍ଥା ହୋଇଛି। ପୋଲିସ ଓ ଜିଲ୍ଲା ପ୍ରଶାସନ ଅଧିକାରୀଙ୍କୁ ଧନ୍ୟବାଦ ଜଣାଇଲେ ମୁଖ୍ୟ ପ୍ରଶାସକ।