ଅର୍ଗସ ବ୍ୟୁରୋ : ୭୫ ବର୍ଷର ଲୋକସଭା ନିର୍ବାଚନ ଇତିହାସରେ ସର୍ବାଧିକ ପ୍ରଲୋଭନ ସାମଗ୍ରୀ ଜବତ କଲେ ନିର୍ବାଚନ ଆୟୁକ୍ତ । ଓଡ଼ିଶାରୁ ୧ କୋଟି ୪୭ ଲକ୍ଷରୁ ଅଧିକ ନଗଦ ଟଙ୍କା ଏବଂ ୧୬ କୋଟିରୁ ଅଧିକ ଟଙ୍କାର ମଦ ଜବତ। କଠୋର ଓ ନିରବଚ୍ଛିନ୍ନ କାର୍ଯ୍ୟାନୁଷ୍ଠାନ ଜାରି ରହିବ ବୋଲି କହିଲେ ନିର୍ବାଚନ ଆୟୁକ୍ତ।
ଅଧିକ ପଢନ୍ତୁ : କଟକ ଜୁଡ଼ିସିଆଲ ଏକାଡେମୀ ଛକରୁ ଜବତ ହେଲା ୯୬୦ ଲିଟର ଦେଶୀ ମଦ
୨୦୨୪ ସାଧାରଣ ନିର୍ବାଚନ ସମୟରେ ମତଦାତାଙ୍କୁ ପ୍ରଲୋଭନ ବିରୋଧରେ ନିର୍ବାଚନ ଆୟୁକ୍ତ ବ୍ୟାପକ କାର୍ଯ୍ୟାନୁଷ୍ଠାନ ଜାରି କରିଛନ୍ତି । ଅର୍ଥବଳ ଉପରେ ନିର୍ବାଚନ ଆୟୁକ୍ତଙ୍କ କଡ଼ା କାର୍ଯ୍ୟାନୁଷ୍ଠାନ ରହିଛି। ମାର୍ଚ୍ଚ ପହିଲାରୁ ଦୈନିକ ୧୦୦କୋଟି ଟଙ୍କା ଲେଖାଏଁ ଜବତ କରାଯାଇଥିବା ସୂଚନା ରହିଛି ।
ଅର୍ଗସ ବ୍ୟୁରୋ : ରାଜ୍ୟରେ ପ୍ରତି ୭ ଜଣରୁ ଜଣଙ୍କୁ ବ୍ରେନ୍ ଷ୍ଟ୍ରୋକ୍ ବିପଦ । ସର୍ଭେ ରିପୋର୍ଟରୁ ଏହି ଚମକପ୍ରଦ ତଥ୍ୟ ସାମ୍ନାକୁ ଆସିଛି । ମସ୍ତିଷ୍କାଘାତରେ ଓଡ଼ିଶା ଜାତୀୟ ହାର ଠାରୁ ମଧ୍ୟ ଆଗରେ ରହିଛି । ଜାତୀୟ ହାର ତୁଳନାରେ ଓଡ଼ିଶାରେ ବ୍ରେନ ଷ୍ଟ୍ରୋକ ହାର ଅଧିକ ଥିବା ଗବେଷଣାମୂଳକ ରିପୋର୍ଟ ପ୍ରକାଶ କରିଛି ପ୍ରସିଦ୍ଧ ପତ୍ରିକା ଦ ଲାନସେଟ୍ । ଦେଶରେ ଦୈନିକ ପ୍ରାୟ ଦୁଇ ହଜାର ମସ୍ତିଷ୍କାଘାତ ବିପଦକୁ ସାମ୍ନା କରୁଛନ୍ତି । ଭାରତରେ ମସ୍ତିଷ୍କାଘାତରେ ମୃତ୍ୟୁ ସଂଖ୍ୟା ମଧ୍ୟ ପ୍ରତିବର୍ଷ ବଢିବାରେ ଲାଗିଛି । ଏମ୍ସ ଭୁବନେଶ୍ୱର ନ୍ୟୁରୋଲୋଜି ବିଭାଗରେ ପ୍ରତି ମାସରେ ପାଞ୍ଚ ଶହରୁ ଅଧିକ ମସ୍ତିଷ୍କାଘାତ ରୋଗୀଙ୍କ ଚିକିତ୍ସା ପାଇଁ ଭର୍ତ୍ତି ହେଉଛନ୍ତି । ପୂର୍ବରୁ ମସ୍ତିଷ୍କାଘାତ କେବଳ ବୟସ୍କଙ୍କଠାରେ ଦେଖାଯାଉଥିଲା, କିନ୍ତୁ ବର୍ତ୍ତମାନ ଯୁବଗୋଷ୍ଠୀଙ୍କୁ ଏହି ରୋଗ ଅଧିକ ପ୍ରଭାବିତ କରୁଛି। ପରିବର୍ତ୍ତିତ ଜୀବନଶୈଳୀ, ଅନିୟମିତ ଖାଦ୍ୟପେୟ ଅଭ୍ୟାସ, ମାନସିକ ଚାପ ସ୍ତର ବୃଦ୍ଧି, ମଧୁମେହ, ଉଚ୍ଚ ରକ୍ତଚାପ ଭଳି ସମସ୍ୟା ବୃଦ୍ଧି ହେତୁ ଏପରି ସଙ୍କଟ ଉପୁଜିଥିବା ବିଶେଷଜ୍ଞମାନେ କହିଛନ୍ତି ।
ଅଧିକ ପଢନ୍ତୁ ଓଡିଶା ଖବର
ଏମ୍ସ ଭୁବନେଶ୍ୱର ନ୍ୟୁରୋଲୋଜି ବିଭାଗ ଦ୍ଵାରା ଆୟୋଜିତ ଇଣ୍ଡିଆନ୍ ଆସୋସିଏସନ୍ ଅଫ୍ ନ୍ୟୁରୋଲୋଜି କନଫରେନ୍ସରେ ଏସମ୍ପର୍କରେ ବ୍ୟାପକ ଆଲୋଚନା ହୋଇଥିଲା। କୋଡ୍ ଷ୍ଟ୍ରୋକ ଟୁ ଷ୍ଟ୍ରୋକ ଇଣ୍ଟରଭେନସନ୍” ଶୀର୍ଷକ ବିଷୟବସ୍ତୁକୁ ନେଇ ଆୟୋଜିତ ଏହି ସମ୍ମିଳନୀରେ ପ୍ରାରମ୍ଭିକ ଷ୍ଟ୍ରୋକ୍ ଚିହ୍ନଟ, ଚିକିତ୍ସା ଅଗ୍ରଗତି ଏବଂ ଷ୍ଟ୍ରୋକ୍ ପ୍ରତିରୋଧର ଗୁରୁତ୍ୱ ଉପରେ ଆଲୋଚନା ହୋଇଥିଲା । କାର୍ଯ୍ୟକ୍ରମରେ ଦେଶର ବିଭିନ୍ନ ସ୍ଥାନରୁ ବହୁ ବରିଷ୍ଠ ଓ ପ୍ରସିଦ୍ଧ ସ୍ନାୟୁବିଜ୍ଞାନୀମାନେ ଅଂଶଗ୍ରହଣ କରିଥିଲେ।
ଅର୍ଗସ ବ୍ୟୁରୋ : ଖୋଲିଲା ବିଜେଡି ସରକାରର କାଳିଆ କେଳେଙ୍କାରୀ। ଗତକାଲି ବିଧାନସଭାରେ ଉପସ୍ଥାପିତ ହୋଇଛି ସିଏଜି ରିପୋର୍ଟ । ଯେଉଁଥିରେ ବିଜେଡି ସରକାରଙ୍କ ବହୁ ପ୍ରଚାରିତ କାଳିଆ ଯୋଜନାର ଗୁମର ଖୋଲିଛି। ରାଜ୍ୟରେ 12 ଲକ୍ଷ 72 ହଜାର ଅଯୋଗ୍ୟ ହିତାଧିକାରୀଙ୍କୁ କାଳିଆ ଯୋଜନାରେ 782 କୋଟି ଟଙ୍କା ବଣ୍ଟାଯାଇଛି। ଏହି ଅଯୋଗ୍ୟ ହିତାଧିକାରୀଙ୍କର ବ୍ୟାଙ୍କ ଆକାଉଣ୍ଟରେ ନାମ ଏବଂ ଆଧାର କାର୍ଡରେ ନାଁ ଅଲଗା ଥିଲା। ସିଏଜି ରିପୋର୍ଟରେ କୁହାଯାଇଛି, କାଳିଆ ଯୋଜନା ପାଇଁ ବିଜେଡି ସରକାର ପ୍ରସ୍ତୁତ ନଥିଲେ। ୬ଟିରୁ ମାତ୍ର ୨ଟି କମ୍ପୋନେଣ୍ଟ ଲାଗୁ ହୋଇଥିଲା। ୪ଟି ଲାଗୁ ହୋଇନଥିଲା।
ଅଧିକ ପଢନ୍ତୁ : ବିଜେଡି ସରକାରର ବିଜୁଳି ମିଛକୁ ଧରାପକାଇଦେଲେ ନିଜ ବିଧାୟକ
୨୦୧୯ରୁ୨୧ ବର୍ଷରେ ୬୫.୬୪ ଲକ୍ଷ ହିତାଧିକାରୀଙ୍କୁ କାଳିଆ ଯୋଜନାର ଟଙ୍କା ଦିଆଯାଇଥିଲା। ଏମାନଙ୍କ ମଧ୍ୟରୁ ୪୧.୬୪ ଲକ୍ଷଙ୍କୁ ତିନି ଥର, ୮.୦୯ ଲକ୍ଷ ହିତାଧିକାରୀଙ୍କୁ ଦୁଇ ଥର ଏବଂ ୧୫ ଲକ୍ଷ ହିତାଧିକାରୀଙ୍କୁ କେବଳ ଥରେ କାଳିଆ କିସ୍ତି ଦିଆଯାଇଥିଲା। ଆବଶ୍ୟକ ତାଲିମ ଓ ଦକ୍ଷତା ବିକାଶ ନକରି ୧୪ଲକ୍ଷ 4 ହଜାର ଭୂମିହୀନ ଚାଷୀଙ୍କୁ ସମସ୍ତ କିସ୍ତି ଦିଆଯାଇଥିଲା।
