paddy buying scam; The loot of the farmers is 5 crore rupees per year

ଧାନ କିଣାବିକା ଘୋଟଲା : "ବର୍ଷକୁ ଚାଷୀଙ୍କର ଲୁଟ ହେଉଛି ୫୦୦ କୋଟି ଟଙ୍କା"

by Swayangprajna Mishra

paddy buying scam; The loot of the farmers is 5 crore rupees per year

ଅର୍ଗସ ବ୍ୟୁରୋ : ଧାନ କିଣାବିକାରେ ସବୁଠୁ ବଡ଼ ଘୋଟଲା ଓଡ଼ିଶାରେ ଚାଲିଛି । ବର୍ଷକୁ ପାଖାପାଖି 500 କୋଟି ଟଙ୍କା ଚାଷୀଙ୍କ ଅର୍ଥ ଲୁଟ ହେଉଛି । ମିଲର ଏବଂ ରାଜ୍ୟ ସରକାରଙ୍କ ମଧୂଚନ୍ଦ୍ରିକା କାରଣରେ ଲୁଟ ହେଉଛି ଚାଷୀଙ୍କ ଟଙ୍କା । ଆଗରୁ ଯେତେ ଚାଷୀ ଧାନ ବିକିବା ପାଇଁ ପଞ୍ଜୀକୃତ କରୁଥିଲେ ଆରଆଇ ଏବଂ ତହସିଲଦାର ରିପୋର୍ଟ ଦେଇ ଧାନ ବିକ୍ରି କରୁଥିଲେ । କିନ୍ତୁ ସଦ୍ୟ ପ୍ରକାଶିତ ସାଟେଲାଇଟ ସର୍ଭେ ରିପୋର୍ଟରୁ ଆସିଛି ସାଙ୍ଘାତିକ ତଥ୍ୟ । ଧରା ପଡ଼ିଛି ମିଲର ଏବଂ ସରକାରଙ୍କ କାରସାଦି । କଟକ ଜିଲ୍ଲାରେ 52 ହାଜର 445 ପ୍ଲେଟରେ ସାଟେଲାଇଟ ସର୍ଭେ ହୋଇଥିବା ବେଳେ ମାତ୍ର 3 ହାଜର 270 ପ୍ଲଟରେ ଧାନ ଚାଷ ହୋଇଥିବା ଜଣା ପଡ଼ିଛି । ଅର୍ଥାତ 49 ହାଜର 175 ପ୍ଲଟରେ ଧାନ ଚାଷ ହୋଇନାହିଁ । କିନ୍ତୁ ଧାନ ଚାଷ ନକରି ଏହି ପ୍ଲଟ ପାଇଁ ପଞ୍ଜୀକରଣ କରିଥିବା ଚାଷୀ ମାନେ ଟୋକନ ପାଇବେ ।

ଆଉ ସେହି ଟୋକନ ମିଲର କିଣି ନେଇଯିବ । ମିଲର ଏହି ଟୋକନ୍ ଜରିଆରେ ମଣ୍ଡି ଖୋଲିବା ଆଗରୁ ଚାଷୀଙ୍କ ଠାରୁ ମାତ୍ରା 1200 ରୁ 1300 ଟଙ୍କାରେ କିଣିଥିବା ଲକ୍ଷ ଲକ୍ଷ କୁଇଣ୍ଟାଲ ଧାନ ବିକ୍ରି କରିବେ । ଅସାଧୁ ଉପାୟରେ ଧାନ ଚାଷ କରିନଥିବା ପଞ୍ଜୀକୃତ ଚାଷ ଜମି ପାଇଁ ମିଳିଥିବା ଟୋକନ ଜରିଆରେ ମିଲର ମାନେ ଧାନକୁ କଳାରୁ ଧଳା କରିବେ । ଏବେ ବି ମିଲର ମାନେ ମଣ୍ଡିରୁ ଯେତିକି ଧାନ ଉଠାଇଛନ୍ତି, ଯଦି ଓଡ଼ିଶା ସରକାର ଠିକ୍ ଉପାୟରେ ତଦନ୍ତ କଲେ ତାଠୁ ଢେର ଅଧିକ ମିଲରେ ଗଚ୍ଛିତ ଥିବା ଧାନ ଧରାପଡ଼ିଯିବ । ରାଜ୍ୟ ସରକାର, ରାଜ୍ୟ ଖାଦ୍ୟ ଯୋଗାଣ ବିଭାଗର ଅଧିକାରୀ ଏବଂ ମିଲର ମାନଙ୍କ ମିଲି ଭଗତରେ ଓଡ଼ିଶାର ଚାଷୀଙ୍କୁ ଶୋଷଣ କରୁଛନ୍ତି । ଆଗକୁ ନିର୍ବାଚନ ଥିବାରୁ ଦଳୀୟ ପାଣ୍ଠି ସଂଗ୍ରହ କରିବା ପାଇଁ ମିଲର ମାନଙ୍କୁ ବ୍ଯବହାର କରୁଛି ବିଜେଡ଼ି ସରକାର ।

ଅଧିକ ପଢନ୍ତୁ ଓଡିଶା ଖବର

Download Argus News App

paddy buying scam; The loot of the farmers is 5 crore rupees per year

Download Mobile App