ଖୋର୍ଦ୍ଧା: ମଝି ଚିଲିକାରେ ଫସିଲା ଯାତ୍ରୀବାହୀ ଡଙ୍ଗା। ଖୋର୍ଦ୍ଧା ଜିଲ୍ଲା ବାଲୁଗାଁ ଚିଲିକା କୂଳରୁ ୬ ଜଣ ଯାତ୍ରୀଙ୍କୁ ନେଇ ମା' କାଳିଜାଇଙ୍କୁ ଦର୍ଶନ କରେଇବା ପାଇଁ ଯିବାବେଳେ ଡଙ୍ଗାଟି ମଝି ଚିଲିକା ର ଅକାତ କାତ ଜଳ ମଧ୍ୟରେ ଫସିରହିଛି। ଡଙ୍ଗାଟିରେ ୬ ଜଣ ଯାତ୍ରୀ ରହିଥିବା ସୂଚନା ମିଳିଛି। ଡଙ୍ଗା ମେସିନର ଯାନ୍ତ୍ରିକ ତ୍ରୁଟି ଯୋଗୁଁ ଡଙ୍ଗାଟି ମଝି ଚିଲିକା ରେ ଫସି ରହି ଥିବା ସୂଚନା। । ସକାଳ ୯ ଟା ସମୟରେ ଯାତ୍ରୀ ବାହି ଡଙ୍ଗାଟି ବାଲୁଗାଁ ଚିଲିକା କୂଳ ନିକଟରୁ ୬ ଜଣ ଯାତ୍ରୀଙ୍କୁ ନେଇ ଚିଲିକା ମଧ୍ୟରେ ଥିବା ମା କାଳିଜାଇ ଅଭିମୁଖେ ବାହାରିଥିଲେ। ।
କିଛି ବାଟ ଯିବା ପରେ ହଠାତ୍ ଡଙ୍ଗାଟିର ମେସିନ ଖରାପ ହୋଇଯାଇଥିଲା। ଫଳରେ ମଝି ଚିଲିକାରେ ଡଙ୍ଗାଟି ଅଟକି ରହିଛି। ଯାତ୍ରୀମାନେ ହନ୍ତସନ୍ତ ହେଉଥିବାବେଳେ ଘଟଣାସ୍ଥଳରେ ଉଦ୍ଧାର କାର୍ଯ୍ୟ ପାଇଁ ପ୍ରଶାସନିକ ଅଧିକାରୀ ମାନେ ପହଞ୍ଚି ନାହାନ୍ତି। ଫସି ରହିଥିବା ସମସ୍ତ ଯାତ୍ରୀ ଗଂଞ୍ଜମ ଜିଲ୍ଲାର ବୋଲି ଜଣା ପଡ଼ିଛି। ଯାତ୍ରୀ ମାନଙ୍କ ସୁରକ୍ଷା ଦୃଷ୍ଟିରୁ ଯେଉଁ ଲାଇଫି ଜ୍ୟାକେଟ ବ୍ୟବହାର କରିବା କଥା ତାହା କରାଯାଇ ନାହିଁ।ଡଙ୍ଗାଟି ବାଲୁଗାଁ ମା" କାଳିଜାଇ ମୋଟର ବୋଟ ଆସୋସିଏସନ ବୋଲି ଜଣା ପଡ଼ିଛି।
ଅଧିକ ପଢନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: ଦେବଗଡ଼ ବିଜେଡିରେ ସାମ୍ନାକୁ ଆସିଛି ବଡ଼ ବିଦ୍ରୋହ। ମୁହାଁମୁହିଁ ହୋଇଛନ୍ତି ରୋମାଞ୍ଚ ରଞ୍ଜନ ବିଶ୍ୱାଳ ଓ ଅରୁନ୍ଧତୀ ଦେବୀଙ୍କ ଗୋଷ୍ଠୀ। ଦେବଗଡ଼ ରାଣୀ ଅରୁନ୍ଧତୀ ଦେବୀଙ୍କ ଟିକେଟ କାଟି ରୋମାଞ୍ଚ ରଞ୍ଜନଙ୍କୁ ବିଜେଡି ଟିଟେକ୍ ଦିଆଯିବାକୁ ଉଦ୍ୟମ ଚାଲିଥିବା ନେଇ ଚର୍ଚ୍ଚା ଯୋର ଧରିଛି। ରାଣୀଙ୍କ ସମର୍ଥକ ବିରୋଧ ପ୍ରଦର୍ଶନ କରିବା ସହ ଦେବଗଡ ବିଜେଡି ସଭାପତି ଥିବା ରୋମାଞ୍ଚ ରଞ୍ଜନ ବିଶ୍ୱାଳ ସରକାରୀ କାମରେ ପିସି ନେଇ କାମ ବାଣ୍ଟିଥିବା ଭଳି ସାଂଘାତିକ ଅଭିଯୋଗ ଆଣିଛନ୍ତି। ଆଉ ବିଜେଡି ସାଙ୍ଗଠନିକ ସମ୍ପାଦକ ବବିଦାସଙ୍କୁ ଖୋଲା ଚେତାବନୀ ଦେଇଛନ୍ତି ଯଦି ରାଣୀଙ୍କ ଟିକେଟ୍ କଟାଯାଏ ତାହାଲେ ବିଜେଡିରୁ ସମୂହ ଇସ୍ତଫା ଦେବେ ।
ଏହା ପୂର୍ବରୁ ରୋମାଞ୍ଚ ରଞ୍ଜନଙ୍କ ସମର୍ଥକ ମାନେ ରାସ୍ତାକୁ ଓହ୍ଲାଇବା ସହ ଟିକେଟ୍ ପରିବର୍ତ୍ତନ କରିବାକୁ ଦାବି କରି ବିଜେଡି ନେତୃତ୍ବଙ୍କୁ ଚେତାବନୀ ଦେଇଥିଲେ । ଏହାସହ ସାଧାରଣ ଲୋକଙ୍କ ସହ ରାଣୀ ଅରୁନ୍ଧତୀଙ୍କ ଯୁକ୍ତିତର୍କ ଭିଡିଓ ଚର୍ଚ୍ଚାର ବିଷୟ ପାଲଟିଥିଲା । ଦେବଗଡ଼ର ଗୋଳିଆ ପରିସ୍ଥିତିକୁ ନେଇ ଅଠାକାଠିରେ ପଡ଼ିଯାଇଛନ୍ତି ବିଜେଡି ନେତୃତ୍ୱ । ଏଠି ପ୍ରଶ୍ନ ଉଠୁଛି, ମହିଳାଙ୍କୁ ସମ୍ମାନର କଥା କହୁଥିବା ନବୀନ ପଟ୍ଟନାୟକ, ରାସେଶ୍ୱରୀଙ୍କ ପରେ ଅରୁନ୍ଧତୀଙ୍କୁ ପକାଇବେ କି ବଳି ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ବିଧାନସଭା ପାଇଁ ଚତୁର୍ଥ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କଲା ବିଜେପି । ଆଉ ୮ ଆସନ ପାଇଁ ପ୍ରାର୍ଥୀ ତାଲିକା ଘୋଷଣା କରିଛି ପଦ୍ମଦଳ। ବିଜେଡି ଛାଡ଼ି ବିଜେପିରେ ମିଶିଥିବା ଅଭିନେତା ଅରିନ୍ଦମ ରାୟଙ୍କୁ ସାଲେପୁର ଟିକେଟ୍ ମିଳିଥିବା ବେଳେ ପ୍ରଶାନ୍ତ ଜଗଦ୍ଦେବଙ୍କୁ ଦଳ ଖୋର୍ଦ୍ଧାରୁ ପ୍ରାର୍ଥୀ କରିଛି। ସେହିପରି ବିଜେଡିରୁ ଟିକେଟ୍ କଟିବା ପରେ ନିରାଶ ହୋଇ ପଦ୍ମପୋଖରୀକୁ ଡେଇଁଥିବା ସୀମାରାଣୀ ନାଏକଙ୍କୁ ମଧ୍ୟ ହିନ୍ଦୋଳରୁ ଲଢ଼ିବା ପାଇଁ ସୁଯୋଗ ଦେଇଛି ବିଜେପି ।
ସେହିପରି ତେଲକୋଇରୁ ଫକୀର ମୋହନ ନାଏକ, ଚମ୍ପୁଆରୁ ମୂରଲୀ ମନୋହର ଶର୍ମା, ବସ୍ତାରୁ ରବୀନ୍ଦ୍ର ଅଣ୍ଡିଆ, ବାସୁଦେବପୁରରୁ ବାଣିକଲ୍ୟାଣ ମହାନ୍ତି ବିଜେପି ପ୍ରାର୍ଥୀ ଭାବେ ମୈଦାନକୁ ଓହ୍ଲାଇବେ । ବିଜେପି ଏଯାଏଁ ୧୪୦ଟି ଆସନରେ ପ୍ରାର୍ଥୀ ଘୋଷଣା କରି ସାରିଛି । ବାକି ବାରବାଟୀ, ଭଣ୍ଡାରୀପୋଖରୀ, ବରୀ, ଭୋଗରାଇ, ଘଷିପୁରା, ନୀଳଗିରି ଓ ବେଗୁନିଆ ପରି ୭ ଆସନ ପାଇଁ ଦଳ ଖୁବଶୀଘ୍ର ମଧ୍ୟ ପ୍ରାର୍ଥୀ ତାଲିକା ଘୋଷଣା କରିବ ବୋଲି ଆଶା କରାଯାଉଛି ।
ଅଧିକ ପଢ଼ନ୍ତୁ ନିର୍ବାଚନୀ ଖବର:
ଅର୍ଗସ ବ୍ୟୁରୋ: ନିର୍ବାଚନ ପୂର୍ବରୁ ଆକ୍ଟିଭ ମୋଡ଼ରେ କଂଗ୍ରେସ । ଆଜି ଓଡିଶା ଆସିବେ କଂଗ୍ରେସ ନେତା ରାହୁଲ ଗାନ୍ଧି । ଦିନ ୧୧ଟା ୩୦ରେ ଭୁବନେଶ୍ବର ବିମାନବନ୍ଦରରେ ପହଞ୍ଚିବେ । ଏହାପରେ ହେଲିକପ୍ଟରରେ ସତ୍ୟଭାମାପୁର ଯିବେ । ସେଠାରେ ମଧୁସୂଦନ ଦାସଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବେ । ଏହାପରେ ସାଲେପୁର ଯାଇ ଜନସଭାକୁ ସମ୍ବୋଧିତ କରିବେ । ନିର୍ବାଚନକୁ ଆଖି ଆଗରେ ରଖି କଂଗ୍ରେସ ତାର ମୁଦ୍ଦାକୁ ନେଇ ଭୋଟରଙ୍କ ପାଖରେ ପହଞ୍ଚୁଛି। କିଏ ଜିତିବ କିଏ ହାରିବ ତାହା ତ ସମୟ କହିବ, କିନ୍ତୁ କଂଗ୍ରେସ ବର୍ତ୍ତମାନ ଆକ୍ଟିଭ ମୋଡରେ ରହିଛି।
ଅଧିକ ପଢ଼ନ୍ତୁ ଦେଶ ଖବର:
