ଘର
ଓଡ଼ିଶା
ମୃତ ଝିଅକୁ ଜୀବିତ କରିବାକୁ ମଶାଣିରେ ଚାଲିଛି ଝଡାଫୁଙ୍କା
ମୃତ ଝିଅକୁ ଜୀବିତ କରିବାକୁ ମଶାଣିରେ ଚାଲିଛି ଝଡାଫୁଙ୍କା
by Swayangprajna Mishra
ବାଲେଶ୍ବର : ଆଜିବି ରହିଛି ଅନ୍ଧବିଶ୍ବାସ । ମୃତ ଶରୀରକୁ ଜୀବିତ କରିବା ପାଇଁ ଝଡାଫୁଙ୍କାରେ ବିଶ୍ବାସ କରୁଛନ୍ତି ଲୋକେ । ଏପରି ଏକ ଘଟଣା ଦେଖିବାକୁ ମିଳିଛି ବାଲେଶ୍ବର ଜିଲ୍ଲା ବାଲିଆପାଳ ବ୍ଲକ ଗେଙ୍ଗୁଟିଆ ଗାଁରେ । ସୂଚନା ମୁତାବକ, ଏହି ଗାଁର ଜଣେ ବ୍ୟକ୍ତି ଶନିବାର ପରିବାର ସହିତ ଡଗରା ବରୁଣି ସ୍ନାନ କରିବାକୁ ଯାଇଥିଲେ , ସେଠାରୁ ଫେରିବା ପରେ ଅତ୍ୟଧିକ ଗରମ ଓ ଗୁଳୁଗୁଳି ଯୋଗୁଁ ତାଙ୍କର ୩ ବର୍ଷର ଝିଅ ଶ୍ବାସରୁଦ୍ଧ ହୋଇ ମୃତ୍ୟୁବରଣ କରିଥିଲା ।
ଅଧିକ ପଢନ୍ତୁ : ନାତିକୁ ମାରି ଲହୁଲୁହାଣ କରିଦେଲା ଅଜା
ଝିଅକୁ ବଞ୍ଚାଇବା ପାଇଁ ଏହି ବ୍ୟକ୍ତି ଜଣକ ସେହି ଅଞ୍ଚଳର ଜଣେ ଗୁଣିଆର ସାହାଯ୍ୟ ନେଇଥିଲେ । ଗୁଣିଆ ଜଣକ ଝଡାଫୁଙ୍କା କରିବା ସହ ଲୋକଙ୍କ ଅଜାଣତରେ ମଶାଣିରେ ପୂଜାର୍ଚ୍ଚନା କଲେ ଜୀବିତ ହୋଇପାରିବ ବୋଲି କହିଥିଲେ । ତେଣୁ ଦୁଇଦିନ ଧରି ମଶାଣିରେ ପୂଜାର୍ଚ୍ଚନା କରିବା ସହ ଝଡାଫୁଙ୍କା କରି ବଞ୍ଚାଇବା ପାଇଁ ଉଦ୍ୟମ କରୁଛନ୍ତି ଗୁଣିଆ । ଏହି ଘଟଣା ଏବେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି ।
