ଅର୍ଗସ ବ୍ୟୁରୋ: ରାଜ୍ୟରେ ମଦ ମାଫିଆଙ୍କ ଆଡ୍ଡାରେ ବଡ଼ ଆଇଟି ରେଡରୁ ଜବତ ବେଆଇନ ଗଚ୍ଛିତ ଟଙ୍କାର ଗଣତି ସରିଛି। ମୋଟ୍ 305 କୋଟି ଟଙ୍କା ଜବତ ହୋଇଥିବା ସୂଚନା ଦେଇଛନ୍ତି ଆୟକର ଅଧିକାରୀ। ଗଣତି ସରିଥିଲେ ବି ଏହା ରାଜ୍ୟରେ ଥିବା 24 ବର୍ଷର କ୍ଷମତାଧାରୀଙ୍କ ନୀତି ନୈତିକତା ଉପରେ ସୃଷ୍ଟି କରିଛି ଅନେକ ପ୍ରଶ୍ନବାଚୀ। ରାଜ୍ୟରେ ବିଜେଡି ସରକାର ଲୋକଙ୍କୁ କରିଛି ମଦୁଆ। ଲୋକେ ପଛେ ମରୁ ବ୍ୟକ୍ତିଗତ ସ୍ୱାର୍ଥରେ ନଆସୁ ଆଞ୍ଚ। ମଦରୁ ବଡ଼ ରାଜସ୍ୱ ଆସୁଛି ବୋଲି ତଥ୍ୟ କହୁଛି। ହେଲେ ଏହି ଅର୍ଥ ସମୁଦ୍ରକୁ ଶଙ୍ଖେ।
5 ଶହ କୋଟି ଟଙ୍କାରୁ ଉର୍ଦ୍ଧ୍ୱ ବେଆଇନ ଗଚ୍ଛିତ ମଦ ଟଙ୍କା ପ୍ରମାଣିତ କଲା ରାଜସ୍ୱକୁ ଯେତିକି ଆସେ ପକେଟକୁ ଅଧିକ ଯାଉଛି। ଦିଲ୍ଲୀରେ ଆପର ମଦ ଦୁର୍ନୀତି ଠାରୁ ବହୁ ଗୁଣା ବଡ଼ ଓଡ଼ିଶାରେ ସାହୁ ଆଣ୍ଡ୍ କୋ ମାର୍ଫତରେ ଚାଲିଥିଲା ମଦ ଦୁର୍ନୀତି। ଦୀର୍ଘ ଦଶନ୍ଧି ଧରି ଅକ୍ସନ ନକରି ଲାଇସେନ୍ସ ଧାରୀ ମାନଙ୍କୁ ଗଡ଼ାଇ ଚାଲିଛନ୍ତି, ବଦଳରେ ମୋଟା ଅଙ୍କର ଅର୍ଥ ନେଉଥିବାର ମିଳିଲା ବଡ଼ ପ୍ରମାଣ। 24 ବର୍ଷ ସରକାରର ନୀତି ପରିବାର ଭାଙ୍ଗି, ମହିଳା ବିଧବା ହେଉ, ଯବୁ ପିଢି ରୋଗାକ୍ରାନ୍ତ ହେଇ ତଳିତଳାନ୍ତ ହେଉ କିନ୍ତୁ ଆମ ପକେଟ୍ ଗହମ ହେଉ।
ଅଧିକ ପଢ଼ନ୍ତୁ ଓଡିଶା ଖବର:
ଭୁବନେଶ୍ୱର: ରାଜ୍ୟ ଗୃହ ବିଭାଗର ବଡ଼ ନିଷ୍ପତ୍ତି । ଏଣିକି ଆଉ ଡିଏସପି ରାଙ୍କ ଅଫିସରଙ୍କୁ ବଦଳି କି ନିଯୁକ୍ତି କରିପାରିବେନି ପୋଲିସ ଡିଜି । ରାଜ୍ୟ ଗୃହ ବିଭାଗ ପକ୍ଷରୁ ଏନେଇ ନିର୍ଦ୍ଦେଶନାମା ଜାରି ହୋଇଛି । ଗୃହ ବିଭାଗ ସଚିବଙ୍କ ନେତୃତ୍ବରେ ଏକ କମିଟି ଗଢ଼ାଯିବ । ସେହି କମିଟି ହିଁ ଡିଏସପି, ଏଏସପି, ଆସିଷ୍ଟାଣ୍ଡ କମାଣ୍ଡାଣ୍ଟ, ଡେପୁଟି କମାଣ୍ଡାଣ୍ଟଙ୍କର ବଦଳି ବା ନିଯୁକ୍ତି ନେଇ ନିଷ୍ପତ୍ତି ନେବ । ଗୃହ ବିଭାଗ ସଚିବଙ୍କ ବ୍ୟତୀତ ଡିଜିପି ଓ ଆଇଜି ପୋଲିସ ଏହି କମିଟିର ସଦସ୍ୟ ରହିବେ ।
ସେହିପରି ଗୃହ ବିଭାଗର ସ୍ବତନ୍ତ୍ର ସଚିବ, ଅତିରିକ୍ତ ସଚିବ କିମ୍ବା ଯୁଗ୍ମ ସଚିବ ମଧ୍ୟ ଏଥିରେ ସଦସ୍ୟ ରହିବେ । ପୂର୍ବରୁ ଡିଜିପିଙ୍କ ପାଖରେ ଥିବା ଏହି ବଡ଼ କ୍ଷମତାକୁ ଫେରାଇ ନିଆଯାଇଛି । ମୋହନ ସରକାର ଆସିବା ପରେ ପୋଲିସ ବିଭାଗରେ ହୋଇଥିବା ଏହି ବଡ଼ ନିଷ୍ପତ୍ତି ଏକଚାଟିଆ ବାବୁରାଜ ଖତମ କରିବା ଦିଗରେ ଏକ ବଡ଼ ପଦକ୍ଷେପ ବୋଲି କୁହାଯାଉଛି ।
ଅଧିକ ପଢନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: ନୂଆଦିଲ୍ଲୀରେ ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଆରମ୍ଭ ହେଲା ନିତି ଆୟୋଗ ଗଭର୍ଣ୍ଣିଂ କାଉନସିଲର ବୈଠକ । ଫୋକସରେ ୨୦୪୭ ସୁଦ୍ଧା ବିକଶିତ ଭାରତ । ବୈଠକରେ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ କେନ୍ଦ୍ର ଶାସିତ ଅଞ୍ଚଳର ରାଜ୍ୟପାଳ ଯୋଗଦେଇଛନ୍ତି । ପୁନର୍ଗଠିତ ନିତି ଆୟୋଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅଧ୍ୟକ୍ଷ ରହିଥିବା ବେଳେ ୪ ଜଣ ସ୍ଥାୟୀ ସଦସ୍ୟଙ୍କ ସହିତ ୧୫ ଜଣ କେନ୍ଦ୍ରମନ୍ତ୍ରୀଙ୍କୁ ସ୍ବତନ୍ତ୍ର ଆମନ୍ତ୍ରିତ ସଦସ୍ୟ ଭାବେ ସ୍ଥାନ ଦିଆଯାଇଛି । ଓଡ଼ିଶା ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ବୈଠକରେ ଉପସ୍ଥିତ ଅଛନ୍ତି । ସେପଟେ ମମତା, ହେମନ୍ତଙ୍କୁ ଛାଡ଼ି ସଂଘୀୟ ବ୍ୟବସ୍ଥାର ଉଲ୍ଲଙ୍ଘନ କରି ବୈଠକକୁ ବର୍ଜନ କରିଛନ୍ତି ବିଭିନ୍ନ ଅଣବିଜେପି ଶାସିତ ରାଜ୍ୟର ମୁଖ୍ୟମନ୍ତ୍ରୀ ।
ଅଧିକ ପଢ଼ନ୍ତୁ ଦେଶ ଖବର:
ମାଲକାନଗିରି: ମାଲକାନଗିରି ବାୟାପଡ଼ା ଘାଟିରେ ପୁଣି ଭୂସ୍ଖଳନ। ଯାତାୟତ ସମ୍ପୂର୍ଣ୍ଣ ଠପ୍ । ବିଚ୍ଛିନ୍ନ ହେଲା 18ଟି ଗାଁ । ଲଗାଣ ବର୍ଷା ଯୋଗୁଁ ମାଲକାନଗିରି ଜିଲ୍ଲାରେ ପୁଣି ଦୟନୀୟ ସ୍ଥିତି ।
କୋରୁକୋଣ୍ଡା ବ୍ଲକ ନାକାମାମୁଡ଼ି ପଞ୍ଚାୟତ ବାୟାପଡ଼ା ଘାଟିରେ ବଡ଼ ଧରଣର ଭୂସ୍ଖଳନ ହେବା ଯୋଗୁଁ ବାହ୍ୟ ଜଗତରୁ ବିଚ୍ଛିନ୍ନ ହୋଇଛନ୍ତି 18ଟି ଗାଁର ବାସିନ୍ଦା । ଘାଟିରେ ତୁମ୍ବା ପଦର ନିକଟରେ ଭୂସ୍ଖଳନ ହୋଇଥିବା ବେଳେ ଯାତାୟତ ପାଇଁ କାଠ ପୋଲ ନିର୍ମାଣ କରି ବିପଦସଂକୁଳ ଅବସ୍ଥାରେ ଯାତାୟତ କରୁଛନ୍ତି ଅଂଚଳ ବାସିନ୍ଦା ।
ଅଧିକ ପଢନ୍ତୁ ଓଡିଶା ଖବର
