ଗୋଟିଏ ପରେ ଗୋଟିଏ ବିବାଦରେ ଛନ୍ଦି ହୋଇପଡୁଛି ରାଉରକେଲା ବନ ବିଭାଗ। ପ୍ରଥମେ କାଠ ମାଫିଆଙ୍କର ସହିତ ସାଲିସ କରିକି ମୂଲ୍ୟବାନ ଗଛ କାଟିକି ବିକବା । ପୁଣି ଜଙ୍ଗଲ ସୁରକ୍ଷା ନାଁରେ ଚାରା ରୋପଣରେ କୋଟି କୋଟି ଟଙ୍କା ଆତ୍ମସାତ କରିବା ଅଭିଯୋଗ। ତା ପରେ ପ୍ରମାଣ ନଷ୍ଟ ଲାଗି ଦୁର୍ବୁତ୍ତଙ୍କ ସାହାଯ୍ୟରେ ଜଙ୍ଗଲରେ ନିଆଁ ଲଗେଇ ଦେବା। ଏତକିରେ ତାଙ୍କ ମନ ବୁଝିଲା ନାହିଁ ଯେ ଦୁର୍ଗାପୁର ଲଣ୍ଡା ପାହାଡ଼ସ୍ଥ ପୋଖରୀ ଖୋଳା, ପଥର ବନ୍ଦ, ମାଟି ବନ୍ଧ, ବୃକ୍ଷ ରୋପଣ ନାଁରେ ପ୍ରାୟ 4 କୋଟି ଟଙ୍କାର ପ୍ରୋଜେକ୍ଟ ଦେଖେଇ କୋଟି କୋଟି ଟଙ୍କା ଲୁଟିଥିବାର ଅଭିଯୋଗ ହୋଇଛି ।
4 ବର୍ଷର ତଳେ ଦୁର୍ଗାପୁର ପାହାଡ଼ରେ ପ୍ରୋଜେକ୍ଟ ବାହାନାରେ ହଟିଲୁଟ ଲାଗି ରାଉରକେଲା ବନବିଭାଗର ବରିଷ୍ଠ ଅଧିକାରୀଙ୍କର ଅଫିସରେ ବନାହେଲା ବ୍ଲୁ ପ୍ରିଣ୍ଟ। ଲଣ୍ଡା ପାହାଡ଼ର ଗ୍ରୀନେରୀ କରିବା ସଙ୍ଗେ, ପାହାଡ଼ ଉପରେ ପଥର ବନ୍ଧ ନିର୍ମାଣହେବା, ପୋଖରୀ ଖୋଳିକି ବର୍ଷା ପାଣିକୁ ଭରି କରିକି ରଖି ରାଉରକେଲା ସହରର ଭୂତଳ ଜଳସ୍ଥର ବଢାହେବା କହିକି ସୁନ୍ଦରଗଡ଼ ଜିଲ୍ଲା ସ୍ବତନ୍ତ୍ର ପାଣ୍ଠିରୁ ପ୍ରୋଜେକ୍ଟ ଜରିଆରେ ଅଣାଗଲା କୋଟି କୋଟି ଟଙ୍କା। ଯାହାର ଖୁବ ପ୍ରଚାର ପ୍ରସାର କରେଇଥିଲେ ରାଉରକେଲା ବନବିଭାଗର ସେତେବେଳର ACF। ଆଶ୍ଚର୍ଯ୍ୟର କଥା ପ୍ରାୟ ବର୍ଷେ ତଳେ ସରିଥିବାର ପ୍ରୋଜେକ୍ଟର ନାଁ ଗନ୍ଧ ନାହିଁ ଦୁର୍ଗାପୁର ପାହାଡ଼ରେ ।
କୁଆଡେ ଗଲା ଦୁର୍ଗାପୁର ପାହାଡ଼ର 850 ଏକରରେ ହେଇଥିବାର 15ଟା ପୋଖରୀ, 100ଟା ପଥର ବନ୍ଧ, ଲଗେଇଥିବାର 15 ଲକ୍ଷ ଡେଙ୍ଗା ଗଛ, ଆଉ ଜଳ ସଂରକ୍ଷଣ ପ୍ରକଳ୍ପ ? ତେବେ ପ୍ରଶ୍ନ ଉଠୁଛି କୋଟି କୋଟି ଟଙ୍କାର ଦୁର୍ନୀତି ଅଭିଯୋଗ ପରେ ବି କାହିଁକି ଚୁପ୍ ଭିଜିଲାନ୍ସ ବିଭାଗ ? କାହିଁକି ଏପର୍ଯ୍ୟନ୍ତ ଦୁର୍ନୀତିର ଛାନଭିନ୍ କରାଯାଇ ନାହିଁ ?
