The Union Minister will visit Talcher on December 3

ସକ୍ଷୀ କେନ୍ଦ୍ରର କର୍ମଚାରୀ ମାନେ ପୋଲିସ ସହାୟତା ନେଇ ଯୁବତୀଙ୍କୁ ଉଦ୍ଧାର କରିଥିଲେ। ଏନେଇ ଆଜି ସଦର ଥାନାରେ ଏକ ମାମଲା ରୁଜୁ ହୋଇଛି। ପୋଲିସ ଅଭିଯୋଗ ଅନୁଯାୟୀ ତଦନ୍ତ ଆରମ୍ଭ କରିଛି।ସୂଚନା ଅନୁସାରେ ଯୁବତୀ ଙ୍କ ବାପା ନିଜ ଶ୍ଵଶୁର ଘରେ ରହି ଆସୁଥିଲେ।ବାପା ମାନସିକ ବିକାର ଗ୍ରସ୍ତ ହୋଇଥିବା ବେଳେ ମା ଆରପାରିକୁ ଚାଲିଯାଇଛନ୍ତି। ଯୁବତୀଙ୍କ ଭାଇ ସାମାନ୍ୟ ମାନସିକ ବିକାର ଗ୍ରସ୍ତ ହୋଇଥିବା ବେଳେ ସେ ଏକ ଦୋକାନରେ କାମ କରୁଛନ୍ତି।ଯୁବତୀ ଜଣକ ଏକୁଟିଆ ରହିବାର ସୁଯୋଗ ନେଇ ନର ପିଶାଚ ମାନେ ଏଭଳି କାଣ୍ଡ କରିଥିବା ଜଣା ପଡ଼ିଛି।ସଦର ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।ସଦର ପୋଲିସ ଚାରି ଜଣଙ୍କୁ ଅଟକ ରଖି ପଚରା ଉଚରା କରୁଛି।ଅଭିଯୁକ୍ତ ମାନେ ଦୋଷ ସ୍ବୀକାର କରିଥିବା ସଦର ଥାନା ଅଧିକାରୀ ଦୀପକ ଲେଙ୍କା କହିଛନ୍ତି।
ଅଧିକ ପଢନ୍ତୁ ଓଡ଼ିଶା ଖବର 

୨୦୨୦ରେ ଉଭୟ ପରସ୍ପରଠାରୁ ଅଲଗା ହେବାକୁ ନିଷ୍ପତ୍ତି ନେଇଥିଲେ। ବର୍ତ୍ତମାନ ୪ ବର୍ଷର ଛାଡପତ୍ର ପରେ ବାଦଶାହ ପ୍ରଥମ ଥର ପାଇଁ ତାଙ୍କ ଛାଡପତ୍ର ବିଷୟରେ କହିଥିଲେ ଏବଂ କାହିଁକି ସେମାନଙ୍କ ସମ୍ପର୍କ ଭାଙ୍ଗିଗଲା ବୋଲି କହିଥିଲେ। ସେ ତାଙ୍କ ପୂର୍ବତନ ପତ୍ନୀ ଜସ୍ମିନ ମାସିହଙ୍କ ସହ ଥିବା ସମ୍ପର୍କକୁ ସୁଧାରିବାକୁ ଚେଷ୍ଟା କରିଥିଲେ, କିନ୍ତୁ ତାହା ହୋଇପାରିନଥିଲା। ବାଦଶାହ କହିଛନ୍ତି ଯେ, ତାଙ୍କର ପୁରୁଣା ସମ୍ପର୍କକୁ ନେଇ ସେ କୌଣସି ଅନୁତାପ କରନ୍ତି ନାହିଁ। ସେ କହିଥିଲେ ଏହି ସମ୍ପର୍କକୁ ବଞ୍ଚାଇବା ପାଇଁ ଆମେ ଦୁହେଁ ଚେଷ୍ଟା କରିଥିଲୁ। ଆମେ ଅଲଗା ହୋଇଗଲୁ କାରଣ ଏହି ସମ୍ପର୍କ ଆମ ପିଲାଙ୍କ ପାଇଁ ଠିକ୍‌ନଥିଲା। ପ୍ରେମ ଏବଂ ସମ୍ପର୍କ ବିଷୟରେ କଥାବାର୍ତ୍ତା କରୁଥିବାବେଳେ ବାଦଶାହ କରିଥିଲେ, ପ୍ରେମ ଏକ ସୁନ୍ଦର ଅନୁଭବ।

ତାଙ୍କ ଝିଅ ଜେସିଙ୍କ ବିଷୟରେ କଥାବାର୍ତ୍ତା କରୁଥିବାବେଳେ ବାଦଶାହ କହିଥିଲେ ଯେ ସେ ତାଙ୍କ ଝିଅକୁ ଭେଟିବାର ସୁଯୋଗ ପାଆନ୍ତି, କିନ୍ତୁ ତାଙ୍କ ଝିଅ ଲଣ୍ଡନରେ ରହୁଥିବାରୁ ସବୁବେଳେ ପ୍ରାୟତଃ ଯାଇପାରନ୍ତି ନାହିଁ। ଅନ୍ୟପଟେ ଗତ କିଛି ମାସ ହେବ ପୂର୍ବରୁ ତାଙ୍କ ନାମ ଅଭିନେତ୍ରୀ ମୃଣାଲ ଠାକୁରଙ୍କ ସହ ଜଡିତ ଥିଲା। କିଛି ସମୟ ପରେ ତାଙ୍କ ନାମ ପାକିସ୍ତାନୀ ଅଭିନେତ୍ରୀ ହାନିଆ ଆମିରଙ୍କ ସହ ମଧ୍ୟ ଜଡିତ ଥିଲା।

ଅଧିକ ପଢ଼ନ୍ତୁ ମନୋରଞ୍ଜନ ଖବର: 

ଆମେ ସମସ୍ତେ ଜାଣନ୍ତି, ୧୯୯୯ରେ କାର୍ଗିଲ ଯୁଦ୍ଧରେ ପାକିସ୍ତାନୀ ସେନାର ଅନେକ ଯବାନ ମରିଥିଲେ ବି କେବେ ମାନିନଥିଲା । ହେଲେ ଏବେ ନିଜର ସମ୍ପୃକ୍ତିକୁ ପ୍ରଥମଥର ପାଇଁ ସର୍ବସାଧାରଣରେ ସ୍ୱୀକାର କରିଛି । ରାୱଲପିଣ୍ଡିରେ ଦେଶର ପ୍ରତିରକ୍ଷା ଦିବସ ଅବସରରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେଇ ପାକିସ୍ତାନ ସେନା ମୁଖ୍ୟ ଜେନେରାଲ ଅସୀମ ମୁନିର କହିଛନ୍ତି ଯେ ୧୯୬୫, ୧୯୭୧ ଏବଂ କାର୍ଗିଲରେ ୧୯୯୯ରେ ହୋଇଥିବା ଯୁଦ୍ଧରେ ପାକ୍‌ ସେନାର ଅନେକ ଯବାନ ସହିଦ ହୋଇଥିଲେ । ୧୯୪୮, ୧୯୬୫, ୧୯୭୧ ହେଉ କିମ୍ବା ୧୯୯୯ କାର୍ଗିଲ ଯୁଦ୍ଧରେ ହଜାର ହଜାର ସୈନିକ ପାକିସ୍ତାନ ଓ ଇସଲାମ ପାଇଁ ପ୍ରାଣବଳି ଦେଇଛନ୍ତି ବୋଲି ସେନା ମୁଖ୍ୟଙ୍କ ବୟାନ ଏବେ ଚର୍ଚ୍ଚାରେ ରହିଛି ।

ଭାରତ ସହ ଯେବେଯେବେ ପାକିସ୍ତାନ ଯୁଦ୍ଧ କରିଛି ପ୍ରତିଥର ଧୂଳି ଚାଟିଛି । ଖାସ କରି କାର୍ଗିଲରେ ପାକିସ୍ତାନର ଅବସ୍ଥା ଯାହା ହୋଇଥିଲା ତାହା ପୁରା ବିଶ୍ଵ ଜାଣିଛି । ହେଲେ ବି ପାକ୍‌ କେବେ ବି ସ୍ଵୀକାର କରୁନଥିଲା । ଲଦାଖରେ ପାଖାପାଖି ୩ ମାସର ଲଢ଼େଇ ପରେ ଟାଇଗର ହିଲ୍ ସମେତ ଅନୁପ୍ରବେଶକାରୀଙ୍କ କବ୍‌ଜାରେ ଥିବା ଅନ୍ୟ ସ୍ଥାନଗୁଡ଼ିକୁ ଭାରତୀୟ ସୈନିକମାନେ ସଫଳତାର ସହ ନିଜ ନିୟନ୍ତ୍ରଣକୁ ନେଇଥିଲେ । କାର୍ଗିଲ ଯୁଦ୍ଧରେ ପାକିସ୍ତାନକୁ ଶୋଚନୀୟ ପରାଜୟର ସମ୍ମୁଖୀନ ହେବାକୁ ପଡ଼ିଥିଲା । ଆମେରିକାର ତତ୍କାଳୀନ ରାଷ୍ଟ୍ରପତି ବିଲ୍ କ୍ଲିଣ୍ଟନ୍ ମଧ୍ୟ ପାକିସ୍ତାନ ପ୍ରଧାନମନ୍ତ୍ରୀ ନୱାଜ ସରିଫଙ୍କୁ କାର୍ଗିଲ ସେକ୍ଟରରୁ ସେନା ପ୍ରତ୍ୟାହାର ପାଇଁ ନିର୍ଦ୍ଦେଶ ଦେବାକୁ କହିଥିଲେ ।  ପାକିସ୍ତାନୀ ଅନୁପ୍ରବେଶକାରୀଙ୍କ ସହ ଲଢ଼େଇ କରି ସମୁଦାୟ ୫୪୫ ଜଣ ଯବାନ ସହିଦ ହୋଇଥିଲେ । କାର୍ଗିଲରେ ନିହତ ହୋଇଥିବା ପାକ୍‌ ସୈନିକଙ୍କ ମୃତଦେହକୁ ଗ୍ରହଣ କରିବାକୁ ପାକିସ୍ତାନ ସେନା ମନା କରିଦେଇଥିଲା । ତେବେ ପାକିସ୍ତାନୀ ଅଧିକାରୀଙ୍କ ମୃତଦେହକୁ ପାକ୍‌ କର୍ତ୍ତୃପକ୍ଷ ଗୁପ୍ତରେ ଭାରତକୁ ମାଗିଥିଲେ ବୋଲି ଜଣାପଡିଛି । ମୋଟ୍‌ ଉପରେ ପାକିସ୍ତାନ ଏବେ ସତ ମାନିଥିବାରୁ ଚର୍ଚ୍ଚା ଜୋର ।