There is a tug-of-war between the ruling party and the opposition

ସେପଟେ ଧର୍ମଶାଳା ଭବନ ଓ ବଲେବଲେ ଢାବାରେ ଚାଲିଥିବା ଅନୈତିକ କାମ । ଏପରି ଅଭିଯୋଗ ଆଣି ବର୍ଷିଛନ୍ତି ସୂଚନା ଅଧିକାର କର୍ମୀ ସର୍ବେଶ୍ୱର ବେଉରା । ଆଉ ଏହି ଘଟଣାରେ ଧର୍ମଶାଳାର ପୂର୍ବତନ ବିଧାୟକ ପ୍ରଣବ ବଳବନ୍ତରାୟଙ୍କ ଭୂମିକାକୁ ନେଇ ସେ ପ୍ରଶ୍ନ ଉଠାଇଛନ୍ତି।  ଆଉ ଦସ୍ତାବିଜ ଥୋଇ ସିଧାସିଧା 30 ବର୍ଷ ଧରି ଧର୍ମଶାଳାରେ ଚାଲିଥିବା କେଳାଙ୍କାରୀର ସାମ୍ରାଜ୍ୟ ଉପରେ କରିଛନ୍ତି ହମଲା । ଆଉ ବିଧାୟକଙ୍କ ଖାସ୍ ଅନୁଗତକୁ ବଲେବଲେ ଢାବା ଦିଆଯାଇଥିବାର ସେ ଆଣିଛନ୍ତି ସଙ୍ଗୀନ ଅଭିଯୋଗ । ଆଉ ଏକ ଢାବାରେ ଏମଏଲଏ ଓ ଏମପି ଲ୍ୟାଡ ପଣ୍ଡ କେମିତି ଲାଗିଲା ବୋଲି ସେ ପ୍ରଶ୍ନ କରିଛନ୍ତି । ଆଉ ବିଜେଡିକୁ କରିଛନ୍ତି ନିଶାନା। 

ଗୋଟିଏ ପଟେ ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ସରକାରୀ ବାସଭବନରେ ରଙ୍ଗଶାଳା, ମଧୁଶାଳା, ଖଟିଆ ସେବା ପରି ଅଭିଯୋଗ ବିଜେପି ଆଣିଥିବା ବେଳେ ଏବେ ପୁଣି ବିବାଦକୁ ଆସିଛି ଧର୍ମଶାଳା ଭବନ । ଆଉ ଧର୍ମଶାଳା ଭବନରେ ଚାଲିଥିବା ଅନୈତିକ କାର୍ଯ୍ୟର କ୍ରାଇମବ୍ରାଞ୍ଚ ତଦନ୍ତ ପାଇଁ ସାଧାରଣରେ ଦାବି ହୋଇଛି। 

ଅଧିକ ପଢ଼ନ୍ତୁ ଓଡ଼ିଶା ଖବର 
 

ଗତବର୍ଷ ଫେବୃଆରୀ ମାସରେ ଭିସୁଟ ପୂର୍ବତନ ଛାତ୍ରୀ ଚିନ୍ମୟୀ ସାହୁଙ୍କର ବୁର୍ଲାରେ ହୋଇଥିଲା ସନ୍ଦେହଜନତ ମୃତ୍ୟୁ। ଘର ଲୋକ ଅଭିଯୋଗ କରିଥିଲେ ଚିନ୍ମୟୀଙ୍କୁ ହତ୍ୟା କରାଯାଇଛି । ବିବାଦ ଘେରକୁ ଆସିଥିଲେ ଚିନ୍ମୟୀଙ୍କ ବନ୍ଧୁ ପ୍ରିତିମାନ ଦେ। ପ୍ରିତିମାନଙ୍କ ବାପା ସେତେବେଳେ ଥିଲେ ଗୃହ ବିଭାଗରେ ? ସେତେବେଳେ ନବୀନ ସରକାର ଚାପିଦେଲେ। ଏବେ ନୂଆ ମୁଖ୍ୟମନ୍ତ୍ରୀଙ୍କୁ ଭେଟିଛନ୍ତି ଚିନ୍ମୟୀଙ୍କ ମା' । ମୁଖ୍ୟମନ୍ତ୍ରୀ ବି ଦେଇଛନ୍ତି ନ୍ୟାୟର ପ୍ରତିଶ୍ରୁତି। 

ରାଜ୍ୟର 50ରୁ ଅଧିକ ପିଡୀତ ପରିବାର ଏକାଠି ହୋଇ ଲଢୁଛନ୍ତି ନ୍ୟାୟର ଲଢେଇ । ପୂର୍ବ ନବୀନ ସରକାର ନ୍ୟାୟ ତ ଦେଲେନି ଓଲଟା ମିଛ କେସରେ ଫସାଇ ଜେଲ ପଠାଇଲେ। ନ୍ୟାୟ ଅପେକ୍ଷାରେ ପିହୁ, ପରୀ, ଉଲ୍ଲାସ, ଦିପ୍ତୀକାନ୍ତ ଓ ଅମୟତ ଦାସଙ୍କ ପରିବାର। ନ୍ୟାୟ ପାଇଁ ଲଡେଇ ପରିବାର ମୁଖ୍ୟମନ୍ତ୍ରୀଙ୍କୁ ଭେଟି ଜଣାଇଛନ୍ତି ତାଙ୍କ ଦୁଃଖ। 

ବହୁଚର୍ଚ୍ଚିତ ସନସାଇନ୍ ସ୍କୁଲ ପ୍ରିନସପାଲ୍ ମମିତା ମେହେରଙ୍କ ହତ୍ୟା ଏବେ ବି ସନ୍ଦେହ ଘେରରେ। ଅଭିଯୁକ୍ତ ଗୋବିନ୍ଦସାହୁର ମୃତ୍ୟୁ ରହସ୍ୟରୁ ହଟୁନି ପର୍ଦ୍ଦା । ବିଜେଡି ବିଧାୟକ ଦିବ୍ୟ ଶଙ୍କର ମିଶ୍ର ସନ୍ଦେହ ଘେରରେ। ପୁଣି ସିବିଆଇ ତଦନ୍ତ ଦାବି ଜୋର ଧରିଛି। 

ଅଧିକ ପଢ଼ନ୍ତୁ ଓଡ଼ିଶା ଖବର 

ରାଜ୍ୟରେ ଏବେ ପ୍ରାୟ 3 କୋଟି 26 ଲକ୍ଷ ହିତାଧିକାରୀ ରାସନ କାର୍ଡ ଜରିଆରେ ଚାଉଳ ପାଉଛନ୍ତି। ଏମାନଙ୍କ ମଧ୍ୟରେ ଅଛନ୍ତି ୫୦ ଲକ୍ଷ ଭୂତ ହିତାଧିକାରୀ। ଏ ନେଇ ଅର୍ଗସ୍ ବାରମ୍ବାର ଖବର ପ୍ରସାରଣ କରିଥିବାବେଳେ ଏବେ ରାଶନ ଆତ୍ମସାତ କରୁଥିବା ଲୋକଙ୍କୁ ସତର୍କ କରାଇ ଦେଇଛନ୍ତି ରାଜ୍ୟ ସରକାର। 2014 ରୁ 2021 ମଧ୍ୟରେ ରାଜ୍ୟର 6 ଲକ୍ଷ 86 ହଜାର 211 ଜାଲି ରାସନ କାର୍ଡ ହିତାଧିକାରୀଙ୍କୁ ବାଦ୍ ଦିଆଯାଇଥିଲା ।

ଏହାକୁ ଆଧାର କରି ହାଇକୋର୍ଟରେ ହୋଇଥିବା ଜନସ୍ବାର୍ଥ ମାମଲାରେ ବିଚାର ବେଳେ ଉଚ୍ଚ ନ୍ୟାୟାଳୟ ଖାଦ୍ୟ ସୁରକ୍ଷା ଯୋଜନାର ସୋସିଆଲ ଅଡିଟ କରିବାକୁ ନିର୍ଦ୍ଦେଶ ଦେଇଥିଲେ। ସାରା ରାଜ୍ୟରେ ବିଜେଡି ନେତାମାନେ ରାଶନକାର୍ଡ ହିତାଧିକାରୀ ଚୟନରେ ବହୁ ଚଞ୍ଚକତା କରିଥିଲେ। ଦଳୀୟ ଭିତ୍ତିରେ ମନଇଚ୍ଛା ହିତାଧିକାରୀ ଯୋଡ଼ିଥିବାବେଳେ ଯୋଗ୍ୟ ହିତାଧିକାରୀଙ୍କୁ ବାଦ୍ ଦେଇଥିଲେ। ଏବେ ଏମିତି କରିଥିବା ବ୍ୟକ୍ତିଙ୍କ ବିରୋଧରେ ହେବ କାର୍ଯ୍ୟାନୁଷ୍ଠାନ। 

ଏତିକି ନୁହେଁ ଦୁର୍ଗମ ଅଞ୍ଚଳ ବିଶେଷ କରି ରାସ୍ତା ନ ଥିବା ଗାଁ ଗୁଡ଼ିକରେ କେମିତି ସରକାରଙ୍କ ଦ୍ବାରା ଦିଆଯାଉଥିବା ମାଗଣା ରାଶନ ପହଞ୍ଚିବ ତା ଉପରେ ଗୁରୁତ୍ବ ଦେଉଛନ୍ତି ସରକାର। ମନ୍ତ୍ରୀ କହିଛନ୍ତି ଏ ନେଇ ଜିଲ୍ଲାପାଳମାନଙ୍କୁ ଏନେଇ ନିର୍ଦ୍ଦେଶ ଦିଆଯାଉଛି। ନୂଆ ଟିମ ଗଠନ ହେବ। ଖାଦ୍ୟ ନିରୀକ୍ଷକ ପଦବୀ ବି ପୂରଣ ହେବ। ଫଳରେ ମାସକୁ ଥରେ ଖାଦ୍ୟର ମାନ ଯାଞ୍ଚ କରାଯାଇପାରିବ। 

ଅଧିକ ପଢ଼ନ୍ତୁ ଓଡ଼ିଶା ଖବର