କୁହାଯାଏ , ପରିଶ୍ରମର ମୂଲ୍ୟ ଡେରିରେ ହେଉ ପଛେ କିନ୍ତୁ ଉଚିତ ମିଳିଥାଏ । ଯଦି ଜଣେ ସଠିକ ପରିଶ୍ରମ ଅଧ୍ୟବସାୟ କରୁଛି, ତେବେ ତାର ମୂଲ୍ୟ ସେ ପାଇବା ହକଦାର । ଯାହାର ଏକ ପ୍ରକୃତ ଉଦାହରଣ ହେଉଛନ୍ତି କପିଲ ଶର୍ମା । ରିପୋର୍ଟ କହୁଛି, ଟିଭି ଶୋ ର ଅଭିନେତା ମାନଙ୍କ ମଧ୍ୟରୁ କପିଲ ହେଉଛନ୍ତି ସବୁଠାରୁ ଧନୀ ଅଭିନେତା । ୨୦୦୭ରେ "ଦ ଗ୍ରେଟ ଇଣ୍ଡିଆନ ଲାଫ୍ଟର ଚ୍ୟାଲେଞ୍ଜ"ରୁ ଆରମ୍ଭ କରିଥିଲେ ନିଜର କ୍ୟାରିଅର । ଏହି ସୋ ରେ ଜିତିବା ପରେ ତାଙ୍କର କ୍ୟାରିଅରରେ ଆସିଥିଲା ପରିବର୍ତ୍ତନ । ଏହାପରେ ୨୦୧୦ରେ କମେଡି ସର୍କସରେ ଭାଗ ନେଇଥିଲେ । ୨୦୧୩ରୁ ସେ ନିଜର "କମେଡି ନାଇଟସ୍ ୱିଥ୍ କପିଲ" ଲଞ୍ଚ କରିଥିଲେ । ୨୦୧୬ରେ "ଦ କପିଲ ଶର୍ମା ଶୋ" ଆରମ୍ଭ କରିଥିଲେ, ଯାହା ତାଙ୍କୁ ଖୁବ ସଫଳତା ଦେଇଥିଲା । ବଲିଉଡ ହଲିଉଡର ଅନେକ ସୁପରହିଟ ଗେଷ୍ଟ ଏହି ଶୋ କୁ ଆସିଛନ୍ତି ।
ବର୍ତ୍ତମାନ ସେ ନିଜର ପ୍ରତି ଶୋ ପିଛା ୫୦ ଲକ୍ଷ ଟଙ୍କା ନେଇଥାନ୍ତି । ରିପୋର୍ଟ ମୁତବକ ସେ ୩୦୦ କୋଟି ଟଙ୍କାର ମାଲିକ ଅଟନ୍ତି । ସେ ମୁମ୍ବାଇରେ ୧୫ କୋଟିର ଏକ ଆପାର୍ଟମେଣ୍ଟ ଏବଂ ଚଣ୍ଡିଗଡରେ ୨୫ କୋଟିର ଏକ ଆପାର୍ଟମେଣ୍ଟ କିଣିଛନ୍ତି। ଏଥିସହ ତାଙ୍କର ଲକ୍ସରୀ ଗାଡି ଯେମିତିକି ଭୋଲ୍ବୋ xc90, ମର୍ସେଡିଜ ବେଞ୍ଜ s350 , , ରେଞ୍ଜ ରୋଭର ଇଭାକ୍ୟୁ ଇତ୍ୟାଦି ବ୍ୟବହାର କରନ୍ତି । କପିଲଙ୍କ ଡିସି ଡିଜାଇନ ଭ୍ୟାନିଟି ଭ୍ୟାନର ମୂଲ୍ୟ ୫.୫ କୋଟି ଅଟେ । ତେବେ ବର୍ତ୍ତମାନ ନେଟଫ୍ଲିକ୍ସରେ ତାଙ୍କର ଏକ ନୂଆ କମେଡି ଶୋ ଆରମ୍ଭ ହେବାକୁ ଯାଉଛି । ଯେଉଁଥିରେ ସେ ସୁନିଲ ଗ୍ରୋଭରଙ୍କ ସହ ନଜର ଆସିବା ନେଇ ସୂଚନା ରହିଛି ।