ସିଢି ଚଢିଲେ କଣ ହୁଏ ?
ନିଇତି ସିଢି ଚଢିଲେ ମାନସିକ ସ୍ୱାସ୍ଥ୍ୟ ଭଲ ରୁହେ । ସ୍ୱାସ୍ଥ୍ୟ ବିଶେଷଜ୍ଞ ମାନଙ୍କ ମତରେ ସିଢି ଚଢିବା ଦ୍ୱାରା କ୍ୟାଲୋରୀ ବର୍ନ ହୋଇଥାଏ । ତା ସହିତ ଶରୀରରେ ଅଧିକ ବ୍ଲଡ଼ ପମ୍ପ କରିଥାଏ ଓ ଚିନ୍ତା ମାନସିକ ଚାପ ଦୂରହୁଏ ।
ଓଜନ କମାଇବାରେ ସାହାଯ୍ୟ କରେ
ଯଦି ଆପଣ ସିଢି ଚଢ଼ିବାର ଅଭ୍ୟାସ କରୁଛନ୍ତି ତେବେ ଓଜନ ହ୍ରାସ କରିବାରେ ସାହାଯ୍ୟ କରିଥାଏ । ଶରୀରକୁ ଏକ ସୁନ୍ଦର ସେଫ୍ ଦେବାରେ ସାହାଯ୍ୟ କରେ । ପ୍ରତିଦିନ ସିଢିରେ ଚାଲିବା ଦ୍ୱାରା ଏକ ବାଲାନ୍ସ ମେନଣ୍ଟେନ ହୁଏ । ବାର୍ଦ୍ଧକ୍ୟରେ ପଡିଯିବାର ସମସ୍ୟା ଏତେ ଦେଖାଯାଏ ନାହିଁ । କିନ୍ତୁ ଆପଣ ସିଢିକୁ ସାଧାରଣ ଭାବରେ ଚାଲିବା ଆବଶ୍ୟକ , ଆପଣ ଏକ କାଳୀନ ଅଧିକ ଚାପ ନନେଇ କରନ୍ତୁନି । ବରଂ ଧିରେ ଧିରେ କରନ୍ତୁ ।
ବାଲାନ୍ସ ସହ ବଢେ ଷ୍ଟାମିନା
ଏହାଦ୍ୱାରା ଶରୀର ସନ୍ତୁଳନ ଓ ସହନଶକ୍ତିକୁ ଉନ୍ନତ କରିଥାଏ ।
ମାଂସପେଶୀ ଠିକ ରହିବା ସହ କୋଲେଷ୍ଟ୍ରଲ ଓ ହୃଦଘାତ ଠାରୁ ଦୂରେଇ ଥାଏ
ସିଢି ଚଢିବା ଦ୍ୱାରା ଆପଣଙ୍କ ମାଂସପେଶୀ ମଜବୁତ ହେବା ସହିତ ରକ୍ତରେ କୋଲେଷ୍ଟ୍ରଲ୍ ସ୍ତର ନିୟନ୍ତ୍ରିତ ହୁଏ ଏବଂ ମଧୁମେହ ରୋଗୀଙ୍କ ପାଇଁ ସିଢି ଚଢିବା ଗୋଟିଏ ଭଲ ଅଭ୍ୟାସ l ସିଢି ଚଢିବା ଅଭ୍ୟାସ ହୃଦ ଘାତ ଠାରୁ ଦୁରେଇ ରଖିବାରେ ସାହାଯ୍ୟ କରିଥାଏ l ହୃତପିଣ୍ଡ ଓ ଫୁସଫୁସ୍ ପାଇଁ ସିଢି ଚଢିବା ସବୁଠୁ ଉତ୍ତମ ବାୟାମ । ଏହାସହ ଲିପିଡ୍ ପ୍ରୋଫାଇଲ୍ ରେ ମଧ୍ୟ ସକରାତ୍ମକ ପ୍ରଭାବ ପକାଏ । ସୁସ୍ଥ ଲିପିଡ୍ ପ୍ରୋଫାଇଲ୍ ଦ୍ୱାରା ଗୁଡ୍ କୋଲେଷ୍ଟ୍ରଲ୍ ଲେଭଲ୍ ଅଧିକ ରହିଥାଏ ଓ ବ୍ୟାଡ୍ କୋଲେଷ୍ଟ୍ରଲ୍ ଲେଭଲ୍ ହ୍ରାସ ପାଇଥାଏ ।
ଟାଇପ-2 ଡାଇବେଟିସ୍ ରିସ୍କରୁ ମଧ୍ୟ ଏହା ଦୂରେଇ ରଖେ । ଶରୀରରେ ଗ୍ଲୁକୋଜ ମେଟାବୋଲିଜିମ୍ ଓ ଇନସୁଲିନ୍ ର ଉନ୍ନତ କରିବାରେ ଏହା ସାହାଯ୍ୟ କରେ । ଯଦି ଆପଣ ଅସୁସ୍ଥ ଅଛନ୍ତି ଏବଂ ଏହି ବ୍ୟାୟାମ କରିବାକୁ ଚାହୁଁଛନ୍ତି, ତେବେ ବ୍ୟାୟାମ କରିବା ପୂର୍ବରୁ ଥରୁଟିଏ ଡାକ୍ତରଙ୍କ ପରାମର୍ଶ ନେବା ଦରକାର ।