ଅଧିକ ପଢ଼ନ୍ତୁ ଜୀବନଶୈଳୀ ଖବର
ଅର୍ଗସ ବ୍ୟୁରୋ: ଶ୍ରାବଣ ମାସ ମହାଦେବଙ୍କ ମାସ ବୋଲି କୁହାଯାଏ। ୨୨ ତାରିଖରୁ ଶ୍ରାବଣ ମାସ ସୋମବାର ଆରମ୍ଭ ହୋଇଛି। ଏହି ମାସ ରକ୍ଷାବନ୍ଧନ ପର୍ଯ୍ୟନ୍ତ ଚାଲିବ। କିଛି ଲୋକ ଏହି ମାସରେ ବ୍ରତ ଏବଂ ଉପବାସ କରନ୍ତି। ବ୍ରତ ରଖିଲେ ଶରୀରରେ ବହୁ ଉପକାରିତା ମିଳିଥାଏ। ଏଥିରେ ଶରୀର ଡିଟକ୍ସ ହୋଇଥାଏ। ଉପବାସ କଲେ ଦୁର୍ବଳତା ଲାଗିଥାଏ। ଏହି ସମସ୍ୟା ଦୂର କରିବା ପାଇଁ ଡାଏଟରେ ସାମିଲ କରନ୍ତୁ ଏହିସବୁ ସାମଗ୍ରୀ।
-ଉପବାସ କରିବା ଦିନରେ ଖେଚେଡି ଏବଂ ରୁଟି ଖାଆନ୍ତୁ। ଏଥିରେ ଥିବା କାର୍ବ ଦୀର୍ଘ ସମୟ ପର୍ଯ୍ୟନ୍ତ ଶରୀରକୁ ସନ୍ତୁଳନ ରଖିବ।
-ଆଳୁକୁ ଫ୍ରାଇ କରି ଖାଇବାକୁ ବହୁତ ଭଲ ଲାଗିଥାଏ। ଏଥିରେ କ୍ୟାଲୋରୀ ଅଧିକ ଥାଏ। ସେଥିପାଇଁ ଏହା ଶରୀର ପ୍ରତି ହାନିକାରକ ହୋଇଥାଏ। ସେଥିପାଇଁ ସିଝା ଆଳୁ ଖାଇଲେ ଦେହ ପାଇଁ ଭଲ ହୋଇଥାଏ।
-ବଜାରରେ ମିଳୁଥିବା ବିଭିନ୍ନ ପ୍ରକାର ଫଳ ସେବନ କରିପାରିବେ। ଫ୍ରୁଟ୍ସରେ ଆପଣଙ୍କୁ ବହୁ ପରିମାଣର ଭିଟାମିନ ଏବଂ ମିନେରାଲସ ମିଳିଯିବ। ଆପଣଙ୍କୁ ଦିନସାରା ଏନର୍ଜେଟିକ ଫିଲ ହେବ।
-ଆପଣ ଭୋଜନରେ ଆଳୁ, କନ୍ଦମୂଳ ବି ଆଡ କରିପାରିବ। ଏହା ଆପଣଙ୍କୁ ବହୁତ ସମୟ ଏନର୍ଜଟିକ ରଖିବ।
-ପ୍ରୋଟିନ ଏବଂ ଡାଏରୀ ପ୍ରଡକ୍ଟ ଏହି ଉପବାସ ଦିନ ନିଅନ୍ତୁ ଆପଣଙ୍କୁ ବହୁତ ଲାଭ ମିଳିବ। କ୍ଷୀର, ଦହି, ଛେନା, ଛାସ ଏବଂ ପନିର ଖାଇଲେ ଆପଣଙ୍କୁ ବହୁତ ସମୟ ପର୍ଯ୍ୟନ୍ତ ଭୋକ ଲାଗିବନି। ଆପଣଙ୍କ ବ୍ରତ ନିଶ୍ଚିତ ସମ୍ପନ୍ନ ହେବ।
ଅଧିକ ପଢ଼ନ୍ତୁ ଜୀବନଶୈଳୀ ଖବର
ଭୁବନେଶ୍ୱର: ଗଣପର୍ବ ନୂଆଁଖାଇକୁ ନେଇ ଉତ୍ସବ ମୁଖର ସମଗ୍ର ପଶ୍ଚିମ ଓଡ଼ିଶା। ଇଷ୍ଟଦେବୀଙ୍କୁ ନବାନ୍ନ ଅର୍ପଣ ପରେ ନୁଆଁ ଖାଇବେ ଲୋକେ। କାଲି ସମ୍ବଲପୁରରେ ସିଏମ୍ କିଷାନ ଯୋଜନାର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ।
ମାଆ ସମଲେଶ୍ବରୀଙ୍କ ଦର୍ଶନ ସହ ନବାନ୍ନ ଗ୍ରହଣ କାର୍ଯ୍ୟକ୍ରମ॥ ସାଙ୍ଗରେ ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ॥ ମନ୍ତ୍ରୀ ସୂର୍ଯ୍ୟବଂଶୀ, ସୁରେଶ ପୂଜାରୀ, ରବି ନାଏକ ବି ହେବେ ସାମିଲ।
ଅଧିକ ପଢନ୍ତୁ ଓଡ଼ିଶା ଖବର
ଭୁବନେଶ୍ୱର: ତିନି ଦିନିଆ ଓଡ଼ିଶା ଗସ୍ତରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସନ୍ଧ୍ୟାରେ ଭୁବନେଶ୍ବରରେ ପହଞ୍ଚିଛନ୍ତି କେନ୍ଦ୍ରମନ୍ତ୍ରୀ। ଆଜି ଟ୍ରେନ୍ ଯୋଗେ ସମ୍ବଲପୁର ଗସ୍ତ କରିବେ।
ଆସନ୍ତାକାଲି ନୂଆଁଖାଇ ଅବସରରେ ମାଆ ସମଲେଶ୍ବରୀଙ୍କ ଦର୍ଶନ କରିବେ। ସମ୍ବଲପୁରରେ ଆୟୋଜିତ ବିଭିନ୍ନ ଭେଟଘାଟ୍ କାର୍ଯ୍ୟକ୍ରମରେ ସାମିଲ ହେବେ। ସିଏମ୍ କିଷାନ ଯୋଜନା ଶୁଭାରମ୍ଭ କାର୍ଯ୍ୟକ୍ରମରେ ଯୋଗ ଦେବେ।
ଅଧିକ ପଢନ୍ତୁ ଓଡ଼ିଶା ଖବର
ଭୁବନେଶ୍ୱର: ସୁଭଦ୍ରା, ଓଡ଼ିଶା ଇତିହାସରେ ଗୋଟିଏ ଯୋଜନାରେ ସର୍ବାଧିକ ମହିଳା ଲାଭାର୍ଥୀ । ସାରା ରାଜ୍ୟରେ ଉଛୁଳା ଉତ୍ସାହ । ସୁଭଦ୍ରା ରଥର ଉଦଘାଟନ କଲେ ମୁଖ୍ୟମନ୍ତ୍ରୀ, କହିଲେ- ସୁଭଦ୍ରା ଏକ ଯୋଜନା ନୁହେଁ, ଅସ୍ମିତା । ଫର୍ମ ପାଇଁ ଭିଡ଼ ନ କରିବାକୁ ଆହ୍ବାନ କଲେ ଉପମୁଖ୍ୟମନ୍ତ୍ରୀ । ରାଜ୍ୟ ରେ ଗଡିଲା ସୁଭଦ୍ରା ରଥ। ପଞ୍ଚାୟତ ରୁ ବ୍ଲକ ବୁଲିବ..ଲୋକ ଙ୍କୁ ସଚେତନ କରିବ.. ଭୁବନେଶ୍ବର ଲୋୟର ପି ଏମ ଜି ରେ ଆଜି ସୁଭଦ୍ରା ରଥ କୁ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝି ।
ସୁଭଦ୍ରା ଫର୍ମ କେଉଁଠି ମିଳିବ, ଏହାକୁ ମହିଳା ମାନେ କେମିତି ଆବେଦନ କରିବେ ଓ ଏହା ଏକ ନିଃଶୁଳ୍କ ପ୍ରକ୍ରିୟା ବୋଲି ରଥ ରେ ଲାଗିଥିବା ଏଲ ଇ ଡି ସ୍କ୍ରିନ ଜରିଆରେ ମହିଳା ଙ୍କୁ ସଚେତନ କରାଯିବ । ପ୍ରତି ବ୍ଲକ, ପଂଚାୟତ, ଗାଁ ଓ ସାହି ରେ ବୁଲିବ ଏହି ରଥ । ସୁଭଦ୍ରା ରଥ ଉଦଘାଟନ କରିବା ଅବସର ରେ ସୁଭଦ୍ରା ଏକ ଯୋଜନା ନୁହେଁ ଅସ୍ମିତା ର ପ୍ରତୀକ ବୋଲି କହିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଓଡ଼ିଶା ଇତିହାସର ସୁଭଦ୍ରା ଏମିତି ଗୋଟିଏ ଯୋଜନା ଯେଉଁଥିରେ ସବୁଠୁ ଅଧିକ ମହିଳା ଲାଭାର୍ଥୀ ହେବେ। ଆଉ ଏଥିପାଇଁ ଅନେକ ସ୍ଥାନରୁ ଆଜି ଗଡିଛି ସୁଭଦ୍ରା ରଥ । ମାଲକାନଗିରି, ନୟାଗଡ଼ ଜିଲ୍ଲା ରେ ସ୍ଥାନୀୟ ଜିଲ୍ଲାପାଳ ଆଜି ସୁଭଦ୍ରା ରଥ ର ଉଦଘାଟନ କରିଥିବା ବେଳେ ସୁବର୍ଣ୍ଣପୁର ରେ ମନ୍ତ୍ରୀ ମୁକେଶ ମହାଲିଙ୍ଗ ଓ ରାୟଗଡା ରେ ମନ୍ତ୍ରୀ ବିଭୁତି ଜେନା ସୁଭଦ୍ରା ରଥର ଶୁଭାରମ୍ଭ କରିଛନ୍ତି।
ସୁଭଦ୍ରା ଫର୍ମ ବଣ୍ଟନ ରେ ଅନିୟମିତତା ହୋଇଥିବା ଅଭିଯୋଗ ରେ ବାଲେଶ୍ୱର ବାଲିଆପାଳ ରେ ଜଣେ ଅଙ୍ଗନବାଡି ଦିଦି ଙ୍କ ଉପରେ ଆକ୍ସନ ନେଇ ଗୋଟିଏ ମାସ ର ଦରମା ବନ୍ଦ କରିଛି ଜିଲ୍ଲା ପ୍ରଶାସନ । ଏହାରି ଭିତରେ ଭୁବନେଶ୍ବର ମେୟର ସୁଭଦ୍ରା ଯୋଜନା ରେ ମହିଳା ଙ୍କ ଆତ୍ମ ନିର୍ଭର ଶୀଳତା ନେଇ ପ୍ରଶ୍ନ ଉଠାଇ ଥିବା ବେଳେ ବିଜେଡି କୁ କାଉଣ୍ଟର କରିବା ସହ ଫର୍ମ ପାଇଁ ଭିଡ ନଜମାଇବା ଲାଗି ପରାମର୍ଶ ଦେଇଛନ୍ତି ଉପମୁଖ୍ୟମନ୍ତ୍ରୀ। ସେପ୍ଟେମ୍ବର ୧୭ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡିଶା ଆସି ସୁଭଦ୍ରା ଯୋଜନା ର ଶୁଭାରମ୍ଭ କରିବେ ।
ଅଧିକ ପଢନ୍ତୁ ଓଡ଼ିଶା ଖବର