ଅର୍ଗସ ବ୍ୟୁରୋ : ୧୯୭୧ ମସିହାରେ ଭାରତୀୟ ନୌସେନା ପାଇଁ ସେ ଥିଲା ହିରୋ । ମାତ୍ର ଏବେ ବଦଳିଛି ତା’ର ରୂପରେଖ । ତା’ର ଚେହେରା ବଦଳି ଏବେ ପାଲଟିଛି ଏକ ମ୍ୟୁଜିୟମ । ମ୍ୟୁଜିୟମ ପାଲଟି ନିଜର ଅତୀତ ଗୌରବ କହୁଛି ଆଉ ଦେଶବାସୀଙ୍କୁ ପୂର୍ବ ଗୌରବ କଥା ମନେ ପକେଇ ଦେଉଛି ।
ସେ ହେଉଛି ୧୯୭୧ ଭାରତ- ପାକିସ୍ଥାନ ଯୁଦ୍ଧରେ ପ୍ରମୁଖ ଭୂମିକା ଗ୍ରହଣ କରିଥିବା ଭାରତୀୟ ନୌସେନାର ବୁଡ଼ାଜାହାଜ ଆଇଏନଏସ- କୁର୍ସୁରା । ସେନାରୁ ସେବାନିବୃତ୍ତ ବା ଡିକମିଶନଡ୍ ହେବାପରେ ବିଶାଖାପାଟଣାରେ ରଖାଯାଇଛି ବୁଡ଼ାଜାହାଜ ବା ସବମେରାଇନକୁ । ତାକୁ ଏକ ମ୍ୟୂଜିୟମର ରୂପ ଦିଆଯାଇଛି ଯାହାକୁ ଦେଖିବାପାଇଁ ହଜାର ହଜାର ପର୍ଯ୍ୟଟକ ଆସୁଛନ୍ତି ।
ଭାରତ ଖବର ଆହୁରି ପଢନ୍ତୁ
ଝାରସୁଗୁଡା: ବାରମ୍ବାର ବିଦ୍ୟୁତ ଦର ବୃଦ୍ଧି ଓ ଅଘୋଷିତ ବିଦ୍ୟୁତ କାଟକୁ ନେଇ ଶେଷରେ ଝାରସୁଗୁଡା ସ୍ଥିତ ବିଦ୍ୟୁତ କାର୍ଯ୍ୟାଳୟ ଜିଲ୍ଲା ବିଜେପି ପକ୍ଷରୁ ଘେରାଉ କରି ଦାବିପତ୍ର ପ୍ରଦାନ କରାଯାଇଛି । ଟାଟା ପାୱାର ଓ ରାଜ୍ୟ ସରକାରଙ୍କ ବିଦ୍ୟୁତ ବିଭାଗ ପକ୍ଷରୁ କୁହାଯାଇଥିଲା ଯେ ପୂର୍ବ ଭଳି ବିଦ୍ୟୁତ କାଟ୍ ହେବ ନାହିଁ ।
ଟାଟା କମ୍ପାନୀ ନେବାପରେ ସମସ୍ତ ସୁବିଧା ମଧ୍ୟ ମିଳିପାରିବ । କିନ୍ତୁ ତାହା ଓଲଟା ଦେଖିବାକୁ ମିଳୁଛି ବୋଲି ବିଜେପି ପକ୍ଷରୁ କୁହାଯାଇଛି । ଏତତ ବ୍ୟତୀତ ସ୍ୱଳ୍ପ ବର୍ଷା କିମ୍ବା ପବନ ହୋଇଗଲେ ଦୀର୍ଘ ସମୟ ପର୍ଯ୍ୟନ୍ତ ବିଦ୍ୟୁତ ସରାବରାହ ବନ୍ଦ ରହୁଛି । ଏ ସବୁର କିପରି ଶୀଘ୍ର ସମାଧନ ହେବ ଏ ଉପରେ ଦୃଷ୍ଟି ଦେବାକୁ ଦାବିପତ୍ର ଦିଅଯାଇଛି । ବିଦ୍ୟୁତ୍ ବିଲ୍ ଆଦାୟ କରିବା ବାହାନାରେ ସାଧାରଣ ଉପଭୋକ୍ତାଙ୍କ ପ୍ରତି ଅତ୍ୟାଚାର କରୁଛି ଟାଟା ପାୱାର୍ ।
ଏଥିରେ ଝାରସୁଗୁଡା ବିଜେପି ପକ୍ଷରୁ ବିଜେପି ରାଜ୍ୟ ସମ୍ପାଦକ ଟଙ୍କଧର ତ୍ରିପାଠୀଙ୍କ ନେତୃତ୍ୱରେ ଅନ୍ୟ ବିଜେପି କର୍ମୀମାନେ ପ୍ରମୁଖ ଯୋଗଦାନ କରିଥିଲେ ଓ ଟାଟା ପାୱାର କାର୍ଯ୍ୟଳୟରେ ଦାବି ପତ୍ର ପ୍ରଦାନ କରିଥିଲେ ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ବନ୍ଧୁକ ଦେଖାଇ ଲୁଟିନେଲେ।ନୂଆପଡା ଜିଲ୍ଲା ଖଡ଼ିଆଳ ଥାନା ଖୁଦପେଜ ଗାଁରେ ସୁନ୍ଦରଶ୍ୟାମ ଶତପଥୀଙ୍କ ଘରେ ରାତ୍ରି ସାଢେ ନଅରେ ସଶସ୍ତ୍ର ଡକାୟତି । ମୁଖା ପିନ୍ଧା ସଶସ୍ତ୍ର ଡ଼କାୟତ ଘରେ ପଶି ପରିବାର ସଦସ୍ୟଙ୍କ ହାତଗୋଡ଼ ବାନ୍ଧି ଅତର୍କିତ ଆକ୍ରମଣ କରିଥିଲେ । ଘରର ଜଣେ ଶିଶୁ ମୁଣ୍ଡରେ ବନ୍ଧୁକ ରଖି ପରିବାର ଲୋକଙ୍କୁ ଭୟଭୀତ କରି ଘରରୁ ଲକ୍ଷାଧିକ ଟଙ୍କା ଓ ସୁନା ରୁପା ନେଇ ଯାଇଛନ୍ତି।
ଡକାୟତ ମାନେ ୩ଜଣଙ୍କୁ ବିଭିନ୍ନ ମାରଣାସ୍ତ୍ରରେ ଆକ୍ରମଣ କରି ଲହୁଲୁହାଣ କରି ଆଘାତ କରିଛନ୍ତି। ସୁନ୍ଦର ଶ୍ୟାମଙ୍କୁ ମୁଣ୍ଡ ପଛ ପଟେ ବନ୍ଧୁକରେ ଆଘାତ କରିଥିବା ବେଳେ ତାଙ୍କୁ ପ୍ରଥମେ ଖଡ଼ିଆଳ ହସ୍ପିଟାଲ ଓ ପରେ ନୂଆପଡା ହସ୍ପିଟାଲରେ ଭର୍ତ୍ତି କରାଯାଇଥିଲା। ବର୍ତ୍ତମାନ ତାଙ୍କୁ ବୁର୍ଲା ସ୍ଥାନାନ୍ତରିତ କରାଯାଇଥିବା ପରିବାର ଲୋକେ କହିଛନ୍ତି । ସୁନ୍ଦର ଙ୍କ ବାପା ଭରତଙ୍କ ମୁଣ୍ଡରେ ଆଘାତ କରିଛନ୍ତି ଓ ମାଆ ଜମ୍ବୁଙ୍କ ଗୋଡ଼ରେ ବାଡେଇଛନ୍ତି। ସଶସ୍ତ୍ର ଡ଼କାୟତ ମାନଙ୍କ ମଧ୍ୟରୁ କିଛି ଚିହ୍ନା ମୁହଁ ଥିବା ବେଳେ ଅନେକ ମୁଖା ପିନ୍ଧିଥିବା ପରିବାର ଲୋକେ କହିଛନ୍ତି । ଘଟଣା ପରେ ଖଡ଼ିଆଳ ପୋଲିସକୁ ଯୋଗାଯୋଗ କରିବାରୁ ପୋଲିସ ତୁରନ୍ତ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଥିବା ସୂଚନା ମିଳିଛି ।
ଅଧିକ ପଢ଼ନ୍ତୁ ଓଡିଶା ଖବର:
ଢେଙ୍କାନାଳ: ଢେଙ୍କାନାଳ ଜିଲ୍ଲା ହିନ୍ଦୋଳ ବ୍ଲକ୍ ଅନ୍ତର୍ଗତ ଗୋରିଲ ଗ୍ରାମର କାଜୁ ଜଙ୍ଗଲରେ ଦୁଇଦିନ ହେବ ଏକ ଦନ୍ତା ହାତୀଟି ଅସୁସ୍ଥ ଥିବାରୁ ହିନ୍ଦୋଳ ବନ ବିଭାଗ ଅସୁସ୍ଥ ହାତୀର ଯତ୍ନ ନେଉଥିବା ଜଣାପଡିଛି ।
ହାତୀ ଆସନ୍ତାକାଲି ସକାଳ ସମୟରେ ଗାଁ ପୋଖରୀରେ ଗାଧୋଇବା ବେଳେ ହାତୀଟି କୁଆଡେ ଯାଇପାରି ନଥିବା ହେତୁ, ଗ୍ରାମର ଲୋକମାନେ ବନବିଭାଗକୁ ଖବର ଦେଇଥିଲେ । ଏବଂ ବନ ବିଭାଗର କର୍ମଚାରୀମାନେ ଆସି ହାତୀଟିକୁ ପାଖ କାଜୁ ଜଙ୍ଗଲକୁ ନେଇ ତାର ଯତ୍ନ ନେଉଥିବା ଜଣାପଡିଛି ।
ଦିନକୁ ଦିନ ଜନବସତି ମୁହାଁ ହେଉଛନ୍ତି ହାତୀ । ହାତୀ ମୃତ୍ୟୁ ବଢୁଥିବାବେଳେ ଜଙ୍ଗଲୀ ଜନ୍ତୁଙ୍କ ସୁରକ୍ଷା ଏକ ପ୍ରକାର ଜରୁରୀ ହୋଇପଡିଛି । ଗତ 1 ତାରିଖରେ ଢ଼େଙ୍କାନାଳରେ ଏକ ହାତୀର ମୃତ୍ୟୁ ଘଟିଥିଲା । ସଦର ରେଞ୍ଜ ବୋରାପଦା ଖମାର ନିକଟରେ ଏକ ଆମ୍ବ ତୋଟାରେ ହାତୀର ମୃତ୍ୟୁ ହୋଇଥିଲା । ବିଦ୍ୟୁତ ତାର ସଂସ୍ପର୍ଷରେ ଆସି 15 ବର୍ଷର ହାତୀଟିର ମୃତ୍ୟୁ ହୋଇଥିଲା ।
ଆହୁରି ପଢନ୍ତୁ ଓଡିଶା ଖବର...
