ଅର୍ଗସ ବ୍ୟୁରୋ : କେନ୍ଦ୍ର କ୍ୟାବିନେଟରେ ବଡ଼ ନିଷ୍ପତ୍ତି । ଆଖୁ ଚାଷୀଙ୍କ ପାଇଁ ଆସନ୍ତା ଅକ୍ଟୋବର ୨୦୨୪ ରୁ ସେପ୍ଟେମ୍ବର ୩୦, ୨୦୨୫ ମଧ୍ୟରେ ଆଖୁର ମୂଲ୍ୟ ସ୍ଥିର କରିବାକୁ ନିଷ୍ପତ୍ତି ନିଆଯାଇଛି । ପୂର୍ବ ବର୍ଷ ତୁଳନାରେ ୨୦୨୪-୨୫ ବର୍ଷ ପାଇଁ କ୍ୱିଣ୍ଟାଲ ପିଛା ୩୪୦ ଟଙ୍କା ସ୍ଥିର କରିବାକୁ ନିଷ୍ପତ୍ତି ନିଆଯାଇଛି । ପୂର୍ବ ବର୍ଷ ଏହି ମୂଲ୍ୟ ୩୧୫ ଟଙ୍କା ରହିଥିଲା, ଯାହା ଚଳିତ ବର୍ଷ କ୍ୱିଣ୍ଟାଲ ପ୍ରତି ୩୪୦ ଟଙ୍କାକୁ ବୃଦ୍ଧି ପାଇଛି ।
ଅଧିକ ପଢନ୍ତୁ ଭାରତ ଖବର
ଅନ୍ୟପଟେ ମହିଳା ସୁରକ୍ଷା ଉପରେ ବଡ଼ ନିଷ୍ପତ୍ତି ନେଇଛନ୍ତି କେନ୍ଦ୍ର ସରକାର । କେନ୍ଦ୍ର କ୍ୟାବିନେଟ ୨୦୨୧-୨୨ରୁ ୨୦୨୫-୨୬ ମଧ୍ୟରେ ମହିଳାଙ୍କ ପାଇଁ ମୋଟ୍ ୧ ହଜାର ୧୭୯.୭୨ କୋଟି ଟଙ୍କା ମୂଲ୍ୟରେ 'ମହିଳାଙ୍କ ସୁରକ୍ଷା' ଉପରେ umbrela ଯୋଜନା କାର୍ଯ୍ୟକାରୀ କରିବା ପାଇଁ ଗୃହ ମନ୍ତ୍ରଣାଳୟର ପ୍ରସ୍ତାବକୁ ଅନୁମୋଦନ ଦିଆଯାଇଛି । ସେହିପରି ମୋଟ ପ୍ରକଳ୍ପର ଆକଳନରୁ 885.49 କୋଟି ଟଙ୍କା MHA ନିଜ ବଜେଟରୁ ପ୍ରଦାନ କରାଯିବ ଏବଂ ନିର୍ଭୟ ପାଣ୍ଠିରୁ କ୍ୟାବିନେଟ୍ 294.23 କୋଟି ଟଙ୍କା ପ୍ରଦାନ କରାଯିବ ।
ଭୁବନେଶ୍ବର : ଭୁବନେଶ୍ୱରରେ ଶେଷ ହେଲା ବିସର୍ଜନ। ବିଏମସିର ୫ ଟି ଅସ୍ଥାୟୀ ପୋଖରୀରେ ରାତି ତମାମ ବିସର୍ଜନ କରାଯାଇଛି। ୫ ଟି ଜାଗାରେ ୧୨୦ ରୁ ଉର୍ଦ୍ଧ୍ବ ମୂର୍ତ୍ତି ବିସର୍ଜନ ହୋଇଛି। ବିସର୍ଜନ ପରେ ଅସ୍ଥାୟୀ ପୋଖରୀରୁ ଫୁଲ , ପତ୍ର ,ପୂଜା ସାମଗ୍ରୀ ସହ ପାଳ ନଡାକୁ ପାଣିରୁ ଛାଣି ବାହାର କରାଯାଇ ଡମ୍ପିଂ ୱାର୍ଡ କୁ ନିଆଯିବ।
ଅଧିକ ପଢନ୍ତୁ : ଅସ୍ଥାୟୀ ଭସାଣୀ ପୋଖରୀ ପାଇଁ ଖର୍ଚ୍ଚ ହୋଇଛି ୨୦ରୁ ୨୧ ଲକ୍ଷ
ଅସ୍ଥାୟୀ ପୋଖରୀ ପାଣିକୁ ବିଏମସି ଓ ରାଜ୍ୟ ପ୍ରଦୂଷଣ ବୋର୍ଡ ଅନୁଧ୍ୟାନ କରିବେ। ଅସ୍ଥାୟୀ ପୋଖରୀର ପାଣିକୁ ଶୁଖିବା ଦିନେ ଦୁଇ ଦିନ ଛଡ଼ାଯିବ। ପାଣି ନ ଶୁଖିଲେ ସେସପୁଲ ଗାଡି ଦ୍ୱାରା ବାହାର କରାଯିବ। ନଦୀ ଜଳ ପ୍ରଦୂଷଣ ରୋକିବାକକୁ ପ୍ରଦୂଷଣ ନିୟନ୍ତ୍ରଣ ବୋର୍ଡ଼ ପକ୍ଷରୁ କରାଯାଇଥିବା ନୀତି ନିୟମ ଅନୁସାରେ ବିସର୍ଜନ କରାଯାଇଛି।
ଅର୍ଗସ ବ୍ୟୁରୋ : ଖଲିସ୍ତାନୀ ଆତଙ୍କବାଦୀ ନିଜ୍ଜର ହତ୍ୟାକୁ ନେଇ ପୁଣି ବଢ଼ିଲା ବିବାଦ । କାନାଡ଼ା ହାଇ କମିଶନରଙ୍କୁ ଭାରତ ବୈଦେଶିକ ମନ୍ତ୍ରଣାଳୟ ପକ୍ଷରୁ ରିପୋର୍ଟ ତଲବ । ଦିଲ୍ଲୀରେ ଅବସ୍ଥାପିତ 6 କାନାଡ଼ା କୁଟନୀତିଜ୍ଞ ବହିଷ୍କୃତ ।
ଅଧିକ ପଢନ୍ତୁ : ଗତବର୍ଷ ନିଜାର ହତ୍ୟା ପରେ ଭାରତ ଓ କାନାଡା ମଧ୍ୟରେ ବଢିଥିଲା ବିବାଦ
୧୯ ତାରିଖ ସୁଦ୍ଧା ଭାରତ ଛାଡ଼ିବାକୁ ନିର୍ଦ୍ଦେଶ । ହରଦୀପ ସିଂହ ନିଜ୍ଜର ମାମଲାରେ କାନାଡ଼ା ପିଏଙ୍କ ଭାରତ ବିରୋଧୀ ବୟାନକୁ ତୀବ୍ର ବିରୋଧ । ସ୍ପଷ୍ଟୀକରଣ ରଖିବାକୁ ବୈଦେଶିକ ମନ୍ତ୍ରଣାଳୟର ଦାବି ।
ଅର୍ଗସ ବ୍ୟୁରୋ : ଟ୍ରକ୍କୁ ଧକ୍କା ଦେଲା ବସ: ୬ ଆହତ । କଟକ ତେଲେଙ୍ଗାପେଣ୍ଠ ନିକଟରେ ଦୁର୍ଘଟଣା। ସମସ୍ତ ଆହତଙ୍କୁ SCBକୁ ସ୍ଥାନାନ୍ତର କରାଯାଇଛି । ଫୁଲବାଣୀରୁ କଟକ ଅଭିମୁଖେ ଯାଉଥିଲା ଘରୋଇ ବସ । ଡ୍ରାଇଭର୍ର ଆଖି ଲାଗିଯିବାରୁ ଦୁର୍ଘଟଣା ହୋଇଥିବା ଆଶଙ୍କା କରାଯାଉଛି । କଟକ ତେଲେଙ୍ଗାପେଣ୍ଠରେ ମର୍ମନ୍ତୁଦ ସଡ଼କ ଦୁର୍ଘଟଣା। ବସକୁ ପିଟିଲା ଟ୍ରକ୍। ଏହି ଦୁର୍ଘଟଣାରେ ବସ ଚାଳକ ଓ ହେଲ୍ପରଙ୍କୁ ମିଶାଇ ୬ ଜଣ ଗୁରୁତର ଆହତ ହୋଇଛନ୍ତି।
ଅଧିକ ପଢନ୍ତୁ : ଚଳନ୍ତା ବସ୍ରେ ଅଗ୍ନିକାଣ୍ଡ: ୨ ମୃତ
ଚିକିତ୍ସା ପାଇଁ ସେମାନଙ୍କୁ କଟକ ବଡ଼ ମେଡ଼ିକାଲ ପଠା ଯାଇଛି। ବସରେ ଥିବା ଅନ୍ୟ ଯାତ୍ରୀଙ୍କୁ ସୁରକ୍ଷିତ ଉଦ୍ଧାର କରାଯାଇଛି। ସ୍ଥାନୀୟ ବାସିନ୍ଦା, ଦମକଳ ବାହିନୀ ଓ ପୋଲିସର ମିଳିତ ଉଦ୍ୟମରେ ସମସ୍ତଙ୍କୁ ଉଦ୍ଧାର କରାଯାଇଛି। ବସ ଟି ଫୁଲବାଣୀରୁ କଟକ ଆସୁଥିବା ସମୟରେ ତେଲେଙ୍ଗାପେଣ୍ଠରେ ଏହି ଦୁର୍ଘଟଣାର ସମ୍ମୁଖୀନ ହୋଇଛି।
