ଘର
ଭାରତ
ଗୌରୀ ତାଙ୍କ ପିଲାଦିନର ସାଙ୍ଗ ଦ୍ରୌପଦୀ ମୁର୍ମୁଙ୍କୁ ଭେଟି ଭାରି ଖୁସି
ଗୌରୀ ତାଙ୍କ ପିଲାଦିନର ସାଙ୍ଗ ଦ୍ରୌପଦୀ ମୁର୍ମୁଙ୍କୁ ଭେଟି ଭାରି ଖୁସି
by Manini Pattanayak
ଖୋର୍ଦ୍ଧା: ସାଙ୍ଗକୁ ଭେଟିବାର ଦୀର୍ଘ ଦିନର ଆଶା ପୂରଣ ହେଲା । ପିଲା ଦିନର ସାଙ୍ଗ ଯିଏ ଏବେ ଭାରତର ସର୍ବୋଚ୍ଚ ପଦରେ ଅଛନ୍ତି, କିଭଳି ତାଙ୍କୁ ଭେଟିବେ । ତାକୁ ଚାହିଁ ବସିଥିଲେ ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ ଦୁର୍ଗାପୁର ଗ୍ରାମର ଗୌରୀ ମଲିକ । କୁଷ୍ଣ ସୁଦାମ ପରି ଦୁଇ ସାଙ୍ଗ ପାଠପଢା ସହ ନାଚଗୀତର ଅତୁଟ ସମ୍ପର୍କରେ ଅର୍ଗସ ନ୍ୟୁଜରେ ଆମେ ପୂ୍ର୍ବରୁ ଖବର ପ୍ରକାଶ କରିଥିଲୁ । ଆଉ ଶେଷରେ ଗତକାଲି ରବିବାର ଓଡ଼ିଶା ରାଜଭବନ ପରିସରରେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟିଛନ୍ତି ପିଲା ଦିନର ସାଙ୍ଗ ଗୌରୀ ମଲ୍ଲିକ ।
ବେଗୁନିଆ ବିଡ଼ିଓ ନିଜ ଗାଡ଼ିରେ ଗୌରୀଙ୍କ ସହ ତାଙ୍କ ପରିବାର ସଦସ୍ୟଙ୍କୁ ନେଇ ରାଜଭବନ ପରିସରରେ ଭେଟ କରାଇଛନ୍ତି । ରାଷ୍ଟ୍ରପତିଙ୍କୁ ଭେଟିବା ପରେ ଭାବବିହ୍ଵଳ ହୋଇପଡିଥିଲେ ଗୌରୀ । ପୁନର୍ବାର ମହାମହିମ ରାଷ୍ଟ୍ରପତି ତାଙ୍କୁ ଭେଟିବାକୁ ପ୍ରତିଶ୍ରୁତି ଦେଇଥିବା ଗୌରୀ କହିଛନ୍ତି । ସେହିପରି ଫେରିବାବେଳେ ଗୌରୀଙ୍କୁ ଜଗନ୍ନାଥ, ବଳଭଦ୍ର ଓ ମାଆ ସୁଭଦ୍ରାଙ୍କ ବନ୍ଧେଇ ହୋଇଥିବା ବଡ଼ ପଟ୍ଟଚିତ୍ର ସହ ଦାମୀ ଶାଢ଼ୀ ଉପହାର ଦେଇଥିବା ଗୌରୀ କହିଛନ୍ତି । ସେହିପରି ଏହି ଭେଟଘାଟ ପାଇଁ ଗଣମାଧ୍ୟମ ଓ ସ୍ଥାନୀୟ ପ୍ରଶାସନକୁ ଧନ୍ୟବାଦ ଦେଇଛନ୍ତି ଗୌରୀ ।
ଅଧିକ ପଢନ୍ତୁ ଓଡ଼ିଶା ଖବର
