ଅର୍ଗସ ବ୍ୟୁରୋ: ପୁଣି କରୋନା ଭୟ । କେନ୍ଦ୍ର ସରକାର ଜାରି କଲେ ସତର୍କ ସୂଚନା । ସବୁ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳକୁ ଏ ନେଇ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ଚିଠି ଲେଖିଛନ୍ତି । କେରଳରେ ପୁଣି କୋଭିଡ୍ ସଂକ୍ରମଣ ବଢୁଥିବାରୁ ସତର୍କ ରହିବାକୁ ପରାମର୍ଶ ଦେଇଛନ୍ତି କେନ୍ଦ୍ର ସରକାର ।
କଡ ଲେଉଟିଲା କରୋନା, ଚାଲିଗଲା ୫ଜଣଙ୍କ ଜୀବନ
ନୂଆବର୍ଷରେ ସଂକ୍ରମଣ ବୃଦ୍ଧି ଆଶଙ୍କା ଥିବାରୁ ସତର୍କ କରାଯାଇଛି । ଜିଲ୍ଲାସ୍ତରରେ`ସାରି' ଓ `ଇଲି' ଲକ୍ଷଣ ପ୍ରତି ଦୃଷ୍ଟି ରଖିବାକୁ ପରାମର୍ଶ ଦିଆଯାଇଛି । ଜିଲ୍ଲାସ୍ତରରେ ବ୍ୟାପକ ଟେଷ୍ଟିଂ ବ୍ୟବସ୍ଥା କରିବା, RT-PCR ଟେଷ୍ଟିଂ ସହ ଜେନମ ସିକ୍ୟୁଏନ୍ସିଂ କରାଇବାକୁ କହିଛନ୍ତି କେନ୍ଦ୍ର ସରକାର ।
ନୂଆଦିଲ୍ଲୀ: ବିଭିନ୍ନ ଦେଶରେ ବିଭିନ୍ନ ପ୍ରଜାତିର ସାପ ଦେଖିବାକୁ ମିଳେ । ବିଷଧର ଏହି ସାପ ସବୁ ଦେଶ ବିଦେଶର ବିଭିନ୍ନ କୋଣ ଅନୁକୋଣରେ ରୁହନ୍ତି । ସେହିପରି ଭାରତରେ ମଧ୍ୟ ୩୫୦ରୁ ଅଧିକ ପ୍ରଜାତିର ସାପ ଦେଖିବାକୁ ମିଳେ । ଏହି ସବୁ ସାପଙ୍କ ମଧ୍ୟରୁ କେବଳ ୧୭ ପ୍ରତିଶତ ସାପ ବିଷଧର ହୋଇଥାନ୍ତି ।
ଭାରତରେ ମଧ୍ୟ ବିଭିନ୍ନ ପ୍ରାନ୍ତରରେ ସାପ ଦେଖିବାକୁ ମିଳୁଥିବା ବେଳେ ସର୍ବାଧିକ କେରଳ ରାଜ୍ୟରେ ଅଧିକ ଦେଖିବାକୁ ମିଳନ୍ତି । କିନ୍ତୁ ଏମିତି ବି ରାଜ୍ୟ ଅଛି ଯେଉଁଠି ସାପ ବିଲକୁଲ ଦେଖିବାକୁ ମିଳେ ନାହିଁ । ଭାରତର ଗୋଟିଏ ମାତ୍ର ସ୍ଥାନ ଲାକ୍ଷାଦ୍ୱୀପରେ ବିଲକୁଲ ସାପ ଦେଖିବାକୁ ମିଳିନ୍ତି ନାହିଁ । ଏହି ଅଞ୍ଚଳକୁ ସ୍ନେକ୍ ଫ୍ରୀ ରିଟ୍ରିଟ୍ ଭାବେ ମଧ୍ୟ ଘୋଷଣା କରାଯାଇଛି ।
ଅଧିକ ପଢନ୍ତୁ ଭାରତ ଖବର
ସମ୍ବଲପୁର: ହେଭିୱେଟଙ୍କ ନାମାଙ୍କନର ଦିନ । ସମ୍ବଲପୁରରୁ ଧର୍ମେନ୍ଦ୍ର ପ୍ରଧାନ, କଣ୍ଟାବାଞ୍ଜିରୁ ନବୀନ ପଟ୍ଟନାୟକ ପ୍ରାର୍ଥୀପତ୍ର ଦାଖଲ କରିଛନ୍ତି । ସମ୍ବଲପୁରରେ ଶୀତଳଷଷ୍ଠୀର ଭ୍ରମ ସୃଷ୍ଟି କଲା ଧର୍ମେନ୍ଦ୍ରଙ୍କ ବିଶାଳ ପଟୁଆର । ମା' ସମଲେଇଙ୍କ ଆଶୀର୍ବାଦ ନେଇ ସମ୍ବଲପୁରବାସୀଙ୍କ ଆଶା ପୂରଣ ଲାଗି ଧର୍ମେନ୍ଦ୍ରଙ୍କ ସଂକଳ୍ପ । କଣ୍ଟାବାଞ୍ଜିର ଦାଦନ ସମସ୍ୟା ଉଠାଇ ପୁଣି ଶ୍ବେତପତ୍ର ଦାବି କରିଛନ୍ତି କେନ୍ଦ୍ରମନ୍ତ୍ରୀ । ସମ୍ମୁଖ ଯୁଦ୍ଧ ପାଇଁ ପ୍ରସ୍ତୁତ ରଣକ୍ଷେତ୍ର...ନିର୍ବାଚନ ପାଇଁ ହେଭିୱେଟ ଭରିଲେ ନାମାଙ୍କନ । ବିରାଟ ଶୋଭାଯାତ୍ରାରେ ସହର ପରିକ୍ରମା କରି ସମ୍ବଲପୁର ଲୋକସଭା ଆସନ ପାଇଁ ଧର୍ମେନ୍ଦ୍ର ପ୍ରଧାନ ନାମାଙ୍କନ ଦାଖଲ କରିଥିବାବେଳେ ଦ୍ବିତୀୟ ନିର୍ବାଚନ କ୍ଷେତ୍ର ଭାବେ ବଲାଙ୍ଗୀରର କଣ୍ଟାବାଞ୍ଜି ବିଧାନସଭା ଆସନରୁ ନାମାଙ୍କନ ଦାଖଲ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଶୋଭାଯାତ୍ରାରେ ଟିଟଲାଗଡ଼ ଉପ-ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ମୁଖ୍ୟମନ୍ତ୍ରୀ ନାମାଙ୍କନ ପତ୍ର ଦାଖଲ କରିଛନ୍ତି।
ଏପଟେ ଦଳୀୟ ସମର୍ଥକ ଓ କର୍ମୀଙ୍କ ଗହଣରେ ଧର୍ମେନ୍ଦ୍ରଙ୍କ ଶୋଭାଯାତ୍ରା ସମ୍ବଲପୁରରେ ଅଦିନରେ ଶୀତଳଷଷ୍ଠୀ ଯାତ୍ରାର ଭ୍ରମ ସୃଷ୍ଟି କରିଥିଲା । ଶୋଭାଯାତ୍ରାରେ ସାମିଲ ହୋଇଥିଲେ ହଜାର ହଜାର ସମର୍ଥକ । ମା ସମଲେଇ ମନ୍ଦିରରେ ପୂଜାର୍ଚ୍ଚନା କରିବା ପରେ ଧର୍ମେନ୍ଦ୍ର ପ୍ରଧାନଙ୍କ ରାଲି ରାମଜୀମନ୍ଦିର, ବାଲିବନ୍ଧା, କୁଞ୍ଜେଲପଡା, ଝାଡୁଆପଡା,ନନ୍ଦପଡା, ଦଳେଇପଡା, ମ୍ୟୁନିସପାଲିଟି ଛକ ଦେଇ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଁଞ୍ଚିଥିଲା । ଏହାପରେ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଯାଇ 4ସେଟ୍ ର ନାମାଙ୍କନ ପତ୍ର ଦାଖଲ କରିଥିଲେ । ନାମାଙ୍କନପତ୍ର ଦାଖଲ ସମୟରେ ସମ୍ବଲପୁର ଲୋକସଭା ନିର୍ବାଚନ ମଣ୍ଡଳୀର ବିଜେପିର ସମସ୍ତ ବିଧାୟକ ପ୍ରାର୍ଥୀ, ରାଜ୍ୟ ବିଜେପିର ହେଭିୱେଟ ମାନେ ମଧ୍ୟ ଏଥିରେ ସାମିଲ ହୋଇଥିଲେ । ମା ସମଲେଇଙ୍କ ଆଶୀର୍ବାଦ ନେଇ ସମ୍ବଲପୁରବାସୀଙ୍କ ଆଶା, ଆକାଂକ୍ଷା ପୂରଣ କରିବାକୁ ସଂକଳ୍ପ ନେବା ସହ କଣ୍ଟାବାଞ୍ଜି ଉପରେ ନବୀନ ସରକାର ଶ୍ବେତପତ୍ର ଦେବାକୁ ଦାବି କରିଛନ୍ତି ଧର୍ମେନ୍ଦ୍ର । ଦାଦନ ପ୍ରସଙ୍ଗ ନେଇ ପୁଣି 24 ବର୍ଷର ସ୍ଥିର ସରକାରଙ୍କୁ କରିଛନ୍ତି ସଣ୍ଡୁଆସୀ ଆକ୍ରମଣ ।
ସେପଟେ ହେଭିୱେଟଙ୍କ ନାମାଙ୍କନ ପରେ ଉତ୍ସାହିତ ହୋଇଛନ୍ତି ସମର୍ଥକ । ସୁନ୍ଦରଗଡ଼ ଲୋକସଭା ଆସନ ପାଇଁ ବିଜେପି ପ୍ରାର୍ଥୀ ଜୁଏଲ ଓରାମ, ଭୁବନେଶ୍ବର ଆସନ ପାଇଁ ନାମାଙ୍କନ ଭରିଛନ୍ତି ଅପରାଜିତା ଷଡଙ୍ଗୀ । ସେହିପରି ସୁନ୍ଦରଗଡ଼ ସଦର, ତଳସରା ଓ ରାଜଗାଙ୍ଗପୁର ବିଧାନସଭା ଆସନ ପାଇଁ ବିଜେପି ପ୍ରାର୍ଥୀ କୁସୁମ ଟେଟେ, ଭବାନୀ ଭୋଇ ଓ ନରସିଂହ ମିଞ୍ଜ ବି ନାମାଙ୍କନ ଦାଖଲ କରିଛନ୍ତି । ନାମାଙ୍କନ କାର୍ଯ୍ୟକ୍ରମରେ ଉପସ୍ଥିତ ରହି କର୍ମକର୍ତ୍ତାଙ୍କୁ ଉତ୍ସାହିତ କରିଥିଲେ ଶ୍ରମ ନିୟୋଜନ ଓ ଜଙ୍ଗଲ ମନ୍ତ୍ରୀ ଭୂପେନ୍ଦ୍ର ଯାଦବ । ସେହିପରି ପୁରୀ ବିଜେଡି ଲୋକସଭା ପ୍ରାର୍ଥୀ ଅରୁପ ପଟ୍ଟନାୟକ ଆଜି ନାମାଙ୍କନ ପତ୍ର ଦାଖଲ କରିଛନ୍ତି। ପାଖେଇ ଆସୁଛି ନିର୍ବାଚନ । ସରଗରମ ହେଉଛି ମଇଦାନ । ବିଜେପି ସହ ବିଜେଡି ହେଭିୱେଟ ପ୍ରାର୍ଥୀପତ୍ର ଦାଖଲ କରି ଲୋଡିଛନ୍ତି ଜନତା ଜନାର୍ଦ୍ଦନଙ୍କ ଆଶୀର୍ବାଦ ।
ଅଧିକ ପଢନ୍ତୁ ଓଡ଼ିଶା ଖବର
ଭୁବନେଶ୍ୱର: ନବୀନ ଯାହା କୁହନ୍ତି କରନ୍ତିନି । ମା କହି ମହାନଦୀ ଓ ଇନ୍ଦ୍ରାବତୀକୁ ଧୋକ୍କା ଦେଲେ ମୁଖ୍ୟମନ୍ତ୍ରୀ । ପ୍ରତିଶ୍ରୁତିର 10 ବର୍ଷ ପରେ ବି ଇନ୍ଦ୍ରାବତୀ ଜଳସେଚନ ଲଲିପପ୍ । କୁଆଡେ ଗଲା ମହାନଦୀରେ 7 ବ୍ୟାରେଜ୍ ନିର୍ମାଣର ଘୋଷଣା ? । ଅଭ୍ୟାସଗତ ମିଛୁଆ ପାଲିଟିଛି ବିଜେଡି ସରକାର ।
କେସ୍ ନମ୍ବର-1
ଇନ୍ଦ୍ରାବତୀ ଜଳସେଚନ
2014, ନିର୍ବାଚନୀ ପ୍ରଚାର ବେଳେ ଇନ୍ଦ୍ରାବତୀକୁ ମା କହି ନବରଙ୍ଗପୁରବାସୀଙ୍କୁ ବଡ଼ ପ୍ରତିଶ୍ରୁତି ଦେଇଥିଲେ ମୁଖ୍ୟମନ୍ତ୍ରୀ ନବୀାନ ପଟ୍ଟନାୟକ । ଯୋଜନା ଥିଲା ଇନ୍ଦ୍ରାବତୀ ଜଳସେଚନ ପ୍ରକଳ୍ପ ମାଧ୍ୟମରେ 50 ହଜାର ହେକଟର ଚାଷ ଜମି ଜଳସେଚିତ ହେବ । ହେଲେ ମା କହି ଧୋକ୍କା ଦେଲେ ନବୀନ ସରକାର। 10 ବର୍ଷ ପରେ ଇଏ ହେଉଛି ଚିତ୍ର । ଜଳସେଚନ ପ୍ରକଳ୍ପ ଫେଲ୍, ଚାଷ ଜମିକୁ ଯାଉନାହିଁ ଇଦ୍ରାବତୀ ପାଣି, ନାହିଁ ନଥିବା ସମସ୍ୟା ଭୋଗୁଛନ୍ତି ନବରଙ୍ଗପୁରବାସୀ। ଖାଲି ସେତିକି ନୁହେଁ, ବିସ୍ଥାପିତଙ୍କୁ ବି ମିଳିନାହିଁ କ୍ଷତିପୂରଣ ।
କେସ୍ ନମ୍ବର-2
ମହାନଦୀ ବନ୍ଧ
ପୂର୍ବରୁ ମହାନଦୀକୁ ମା କହି ମଧ୍ୟ ଓଡ଼ିଶାବାସୀଙ୍କୁ ପ୍ରତାରିତ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। 2017ରେ ମହାନଦୀକୁ ନେଇ ଢେର ରାଜନିତୀ କରିଥିଲା ବିଜେଡି । ଛତିଶଗଡ଼ ବନ୍ଧ ବାନ୍ଧି ପାଣିକୁ ସଂରକ୍ଷଣ କରୁଥିବା ବେଳେ ଓଡ଼ିଶାରେ ପାଣି ଯାଇ ମିଶୁଛି ସମୁଦ୍ରରେ। 2018ରେ ସରକାର ଘୋଷଣା କଲେ ମହାନଦୀରେ ନିର୍ମାଣ ହେବ 7 ବ୍ୟାରେଜ। 6 ବର୍ଷ ପରେ ଫଳ ଶୂନ । ଶୁଖିଲା ପଡିଛି ମହାନଦୀ। ପାଣି ପାଇଁ ଚାରିଆଡେ ହାହାକାର ।...
କେସ୍ ନମ୍ବର-3
ଚାଷୀଙ୍କୁ ବୋନସ୍
ମା କହି ମହାନଦୀ ଓ ଇନ୍ଦ୍ରାବତୀକୁ ଧୋକ୍କା ଦେଇଦେଲେ ନବୀନ। ଖାଲି ମହାନଦୀ ଇନ୍ଦ୍ରାବତୀ ନୁହେଁ, ଚାଷୀଙ୍କୁ ବି ଠକିଦେଇଛନ୍ତି ନବୀନ। 2015 ସୋହେଲା ସମାବେଶରେ କ୍ବିଣ୍ଟାଲ ପିଛା ଚାଷୀଙ୍କୁ ଶହେ ଟଙ୍କା ବୋନସ୍ ଦେବେ ବୋଲି ଘୋଷଣା କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । 9 ବର୍ଷ ପରେ ଚାଷୀଙ୍କୁ ମିଳିଲା କେବଳ ପ୍ରତାରଣା।
ଅଧିକ ପଢନ୍ତୁ ଓଡ଼ିଶା ଖବର
