In Rayagada, bordering Andhra, a unique tradition is the offering of milk and eggs in Hunka.

ଅର୍ଗସ ବ୍ୟୁରୋ: ପଦ୍ମ ଧରିଲେ ସୁନନ୍ଦା । ଆଜି ବିଜେପି ରାଜ୍ୟ କାର୍ଯ୍ୟାଳୟରେ ସାମିଲ ହୋଇଛନ୍ତି ବରୀର ପୂର୍ବତନ ବିଧାୟିକା ସୁନନ୍ଦା ଦାସ ଏବଂ ସ୍ୱାମୀ ଦେବେନ୍ଦ୍ର ଦାସ । ରାଜ୍ୟ ସଭାପତି ମନମୋହନ ସାମଲଙ୍କ ଉପସ୍ଥିତିରେ ସାମିଲ ହେଲେ । ଗତ କିଛି ତଳେ ବିଜେଡି ନେତୃତ୍ବ ବିରୋଧରେ ଅଭିଯୋଗ ଆଣି ଦଳ ଛାଡିଥିଲେ ।

ଅର୍ଗସ ବ୍ୟୁରୋ:  ଆୟ ବହିର୍ଭୂତ ସମ୍ପତି ଠୁଳ ଅଭିଯୋଗରେ ଗିରଫ ହେଲେ। ଭିଜିଲାନ୍ସ ହାତରେ ବନ୍ଧା ହୋଇ ଜେଲ ଗଲେ। କିନ୍ତୁ ଏଯାଏଁ ବାବୁଙ୍କ ଚେୟାର ନିଶା ଛାଡିନି। ଏବେ ଜେଲରୁ ବେଲରେ ଆସି ପୁନର୍ବାର କେନ୍ଦୁଝର ସ୍ଥିତ ସରକାରୀ କାର୍ଯ୍ୟାଳୟରେ ଯୋଗ ଦେଇଛନ୍ତି କୋଟିପତି ବାବୁ।  ଗତ୨୩.୧୦.୨୦୨୪ରେ କୋଟିପତି ମୂଖ୍ୟଯନ୍ତ୍ରୀ ତଥା ବୈତରଣୀ ବେସିନ ମ୍ୟାନେଜର କୈଳାସ ଚନ୍ଦ୍ର ସାହୁଙ୍କୁ ବାନ୍ଧିଥିଲା ଭିଜିଲାନ୍ସ। ରାଜ୍ୟର ୧୦ଟି ସ୍ଥାନରେ ଚଢାଉ କରି ୨୮ଟି ଜାଗା , ୩ଟି ଫ୍ଲାଟ ଓ ଯାଜପୁରର କୋରେଇଠାରେ ଏକ ୩ ମହଲା କୋଠା ଠାବ ହୋଇଥିଲା । ଆୟ ଠାରୁ ୧୧୨ ଗୁଣ ଅଧିକ ସଂପତି ଠାବ କରିଥିଲା ଭିଜିଲାନ୍ସ। କିନ୍ତୁ ଏବେ ଜେଲରୁ ବେଲରେ ଆସି ପୁନର୍ବାର କେନ୍ଦୁଝର ସ୍ଥିତ ସରକାରୀ କାର୍ଯ୍ୟାଳୟରେ ଯୋଗ ଦେଇଛନ୍ତି କୋଟିପତି ବାବୁ ।

ଅର୍ଗସ ବ୍ୟୁରୋ:କମ୍ପୁଛି ଝାଡ଼ଖଣ୍ଡ ମଇଦାନ ଏଥର ଲଢେଇ ହେବ ଜୋରଦାର,INDI ମେଣ୍ଟ ସହ NDAର କଡ଼ା ଟକ୍କର। ଆଉ ଏହାରି ଭିତରେ ଝାଡ଼ଖଣ୍ଡରେ ମଧ୍ୟ ବୋହିଲାଣି ପରିବର୍ତ୍ତନର ହାୱା,ଯାହାକୁ ନେଇ ଟେନସନରେ କଂଗ୍ରେସ-ଜେଏମଏମ । ଖସିଯିବ ତ ହାତରୁ ବାଜି,କ୍ଷମତା ଛଡାଇ ନେବନି ତ ବିଜେପି ଘାରିଲାଣି INDI ମେଣ୍ଟକୁ ଡ଼ର। ପ୍ରଧାନମନ୍ତ୍ରୀଙ୍କ ଜନସଭା ପରେ ପଡ଼ୋଶୀ ରାଜ୍ୟରେ ନିର୍ବାଚନୀ ପରିବେଶ ସରଗରମ। ସୋମବାର ଝାଡ଼ଖଣ୍ଡ ବିଧାନସଭା ନିର୍ବାଚନ ମଇଦାନରେ ଉଷ୍ଣତା ଭରିଲେ ପ୍ରଧାନମନ୍ତ୍ରୀ। ମାରାଥନ୍ ରାଲି କରି ମୋଦି ବିଜେପି ପ୍ରାର୍ଥୀଙ୍କ ସପକ୍ଷରେ ପ୍ରଚାର କଲେ, ପରିବର୍ତ୍ତନ ପାଇଁ ଆହ୍ବାନ ଦେଲେ, ଆଉ ଏହା ପରେ ରାଜ୍ୟରେ ପ୍ରଚାର ଅଭିଯାନ ହୋଇଛି ଆହୁରି ଜୋରଦାର।  ଗୃହମନ୍ତ୍ରୀ ଅମିତ୍ ଶାହ, ପ୍ରଧାନମନ୍ତ୍ରୀ ମୋଦିଙ୍କ ପରେ ପରେ ଦୁଇ କେନ୍ଦ୍ରମନ୍ତ୍ରୀ ରାଜନାଥ ସିଂହ ଓ ଶିବରାଜ ସିଂଙ୍କ ସହ ବିଜେପିର ଫାୟାର ବ୍ରାଣ୍ଡ ନେତା ତଥା ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏମାନଙ୍କ ମାରାଥନ୍ ରାଲି ଓ ଗର୍ଜନରେ ଝାଡ଼ଖଣ୍ଡରେ କମ୍ପୁଛି ନିର୍ବାଚନୀ ମଇଦାନ। ଦୁଇ ପଡ଼ୋଶୀ ରାଜ୍ୟ ଛତିଶଗଡ଼, ଓଡ଼ିଶାରେ ନିକଟରେ ବିଜେପି ସରକାର ହୋଇଥିବାବେଳେ ଝାଡ଼ଖଣ୍ଡରେ ବି ପରିବର୍ତ୍ତନର ହାୱା ବହୁଛି। ତେବେ ସରକାରୀ ବିରୋଧୀ ହାୱାକୁ ଭୋଟରେ ରୂପାନ୍ତରିତ କରିପାରିବ ତ ବିଜେପି। ଦେଖିବାକୁ ଗଲେ ରାଜ୍ୟର ୧୪ ନିର୍ବାଚନ ମଣ୍ଡଳୀରେ ନିର୍ଣ୍ଣାୟକ ସାଜିବେ ଓଡ଼ିଆ ଭୋଟର। ଓଡିଆ ଓ ପଶ୍ଚିମବଙ୍ଗ ନିକଟବର୍ତ୍ତୀ ବହଡାଗୋଡା ବିଧାନସଭା କ୍ଷେତ୍ରରେ ଚାକୁଳିଆ, ଗୋଡ଼ାବନ୍ଦା ଓ ବହଡ଼ାଗୋଡ଼ା ୩ଟି ବ୍ଲକକୁ ନେଇ ଗଠିତ ବହଡ଼ାଗୋଡ଼ା ନିର୍ବାଚନମଣ୍ଡଳୀ । ଏ ଅଞ୍ଚଳରେ ଓଡ଼ିଆ ଭାଷାଭାଷୀଙ୍କ ସଂଖ୍ୟା ଅଧିକ। ନିର୍ବାଚନରେ ଏମାନଙ୍କ ଭୂମିକା ନିର୍ଣ୍ଣାୟକ। ତେଣୁ ଓଡ଼ିଆ ଭୋଟରଙ୍କ ଉପରେ ସବୁ ରାଜନୈତିକ ଦଳର ଆଖି। ଗତ ୫ ବର୍ଷରେ ଜେଏମଏମ୍ ଶାସନ ନେଇ ଲୋକଙ୍କ ମନରେ କ୍ଷୋଭ ରହିଛି। ସେପଟେ ଲୋକଙ୍କ ଭିତରେ ଥିବା ଅସନ୍ତୋଷକୁ ଭୋଟରେ ରୂପାନ୍ତରିତ କରିବାକୁ ପୂରା ବଳ ଲଗାଇଛି ବିଜେପି। ଦୁଇ ପଡ଼ୋଶୀ ରାଜ୍ୟ ଓଡିଶା ଓ ଛତିଶଗଡ଼ରେ ପଦ୍ମ ଦଳର ସରକାର ହେବା ପରେ ଏବେ ଝାଡ଼ଖଣ୍ଡକୁ ନେଇ ବଢ଼ିଛି ଉତ୍ସାହ।